آنه زینــــــــب ذیچ البوادی الطفـــوف
حطو استار الخیــــم لجلی السیــــوف
آنه زینـــــــب و الحچی ایجر الحچی
امنل زغز ربانی وکتی اعله البـــچی
جــــدی فگدیته العلیه چنت انتــچی
ذاکه جدی الهــــادی ابوگلب ارئوف
آنه زینب بت علــــی اواسمع تمام
المنطبرمن ایده بیده اول امـــــــام
صمت وجه الوالد ابشهر الصیــام
الچانت الدنیه ابکبرها اعلیه قطوف
آنه زینب و امی الـــــزهره البتـــول
الکسرو ابچفهم ضلـــــع منه النذول
عجزتاریــــــخ الخیانه الهه اشیگول
ابکل سطر شفت الخجل یزحف زحوف
آنــــه زینـــــــب شرداگلک عن حسن
ذاک اخوی الچبــــده شاهدته ابصحن
شرد اگلک عمری بــــــالام و محـــن
یوم عن یوم انگضه اوشلحگ اروف
آنــــه زینـــــــب جفنی عل هم انشبح
امنلطم ونوح جسمی ابــــدم سبـــــح
یوم شفت احسین بسیــــف انذبـــــح
ریت اعمــــه اولابعد انظر وشــــوف
آنـــــه زینـــــــــب شـــرداگلک عـــــدهر
لحظــــه احــــلف عنــــدی تمت بشهـــــر
یوم عبـــــاس الکفلنی ابدمه سابح علنهر
هدف صایر لسهام اومنه مگطوعه الچفوف
آنــــــه زینـــــــــب بعد اگلک علجـــــــره
بیده اخوی او طفــــــله صابــــو منحـــره
مثـــــلی یاهـــی اهموم شافــــت یامــــره
ابحـــــور همی الیوم فاضت علجــــــروف
آنــــــــه زینـــــــب من شفت ذاک الجمع
من جفونی ابســــــــاع طلگت الدمــــــع
مثل شمعه و تـــــدری حــالات الشمــــع
ایشـــــع ضـــواهه او ینتشــر من ازروف
آنـــــــــه زینب ویه زین العابــــــــــدین
نـــــکسینه ارگاب گــــــوم الظالمیـــــن
بینه تفخر خلهــــــــه کل المسلمیــــــن
رقـــــم کلهای السدت لینه الظــــــروف
آنــــــــــــه زینــــــــــب منکم اطلب رادتی
ینرسم اسم الحسین ابکل گلب من شیعتی
تنجبــــر یا شیعــــــه بیکـــــم دمعتــــــی
و ابقــــه آنـــــه ام الخـــــــدر بین الالوف
من کلمات الاستاد الشاعر جاسم ابن اغلامعلی الحمیداوی(ابوقاسم)
