الیالی امحارب امکارب یبنی
اخضع لل وکت غصبن یبنی
لاتـلـبـط حلـه صیدک یبنی
الهـور اگواش والـفـاله بدیه
ملاقاسم الملاحسن الملامحمدالمایودالخزرجی
ریاست هل وکت للبوم والباط
اوشاخ الچان حدر الکتر والباط
یبنی العب ابکیفک گوم والباط
رچیچ اوطاحت الفاله امن ادیه
جلیل شجیرات
مزن غیم الجفن بطف یخیما
تلوچ النـــار وشظــلت یخیما
صـحت عباس یلکافل یخیما
شفت زینب علا الهزل سبیه
جلیل شجیرات
چف هجـــــرک نصــــبلی ابرمح شلی
الگلـــــب واتخر دلـــــــت مانفع شلی
ارسلت خط حب الی اوهاجرت شلی
ابکتابک شم ثیــــابک عـــــــن علیه
جلیل شجیرات
خل نرگه اعلا ظهر العشم ونهیم
اوخل نســمع زئیر اسباع ونهیم
خل انشن بیــــوت الجبن ونهیم
لو نـــــربح واو نخســــر سویه
عض شفـــه ابعطـــف والتفت وشر
ابطرف عینه او علیه اسیوف وشر
خمل عگلی التهه امن الرای وشر
انفگـــــــد گـــدما عگد آهات بیه
جلیل شجیرات
الو زرعیـــت ماخضـــــــر میت لو
ابحســـبتی او ربعی بکتابی میتلو
رمانی اعضیدی وایصیح میت لو
اکثــــــــر بی رصـــــاص البندقیه
دون العبقــــــــــری اللباب تفتل
جیـــــــال الربع و الفتنات تفتل
بالک من حچــــــی العذال تفتل
حشه اوتقدی المصایب نعثریه
یـــروح امن التهیل ابترح ربعای
مدام القدر شن او ذبـــــل ربعای
درع البس واسالم بعض ربعای
بل امطالس واخاف الطعــن بیه
جلیل الشجیرات
شیب او شاب هزهه الطـــرب وانا
امچوچی ابهم دلیـــــلی الزاد وانا
عله الشــــد بعضـــن ما قبل وانا
ابسگم نسناس الوع اونشب بیه
الاهی البس اصلیـــلک وصومن
بکمن صفــــــو خلانی وصومن
امس من هاجر وعنی وصومن
من اتســــودن تضل عینه علیه
جلیل شجیرات
یغصــــن البان حلــــو الطــــول یغزال
مغــــــزل ودی الک بس شوگ یغزال
تحت حجبک ومیض الوجن یغزی ال
دجه او گلبــــی ابرجه اوصالک تهیه
جلیل شجیرات
علّ وگلبــــــی ناهی الناس شعلو
ابو شهم ما کفــو وابنـــــار شعلو
یخل تحت النگاب البــدر شع لو
الوجه واهلک سعو یخفون ضیه
جلیل شجیرات
خل غوجک عله الجیــمات ینزف
او خل جــرح الیضدک دوم ینزف
الشهم للحومه زفت عرس ینزف
او هلاهـــل عرسه صوت البندقیه
جلیل شجیرات
یضعن العلم لا تســـــــری وکتنه
الجهل نـــــزلنه لســـــافل وکتنه
صمأ بکمــــــأ اوعمیــــأ وکتنه
سلام الله اعله عصر الجاهلیه
جلیل شجیرات
الضبی من حب حنان الگلب درعا
گلتله او ثوبه من الزیـــــــج درعا
طلقت اســــهام ودّی اوجعل درعا
الغــــرور او خاب گوس الامل بیه
جلیل شجیرات
احسن ظامری للطیب منبــــــــع کرم لخوانی
وسمعک بیت العبیـــدی الجلیل اهوای اذانی
احســــــن ظامری لطیــــب منبع
وفتح باع احـــن لعضـــای منبع
خسرذاک ابرخیص السعر منبع
اخوته وغصـب یغزونه الضحی
خسر کلمن یبیع اعضا عذرن ینطــق السانی
یم مرته و سقطو چفیته
الابوذیه:جلیل شجیرات
الهوسه:علی العموری
النگب بیتی عضیـــدی الچان یوعا
ذلی الجدری طبخله اسنیـــن یوعا
اصیحـــــن گلت خفت السلف یوعا
او تشوف الناس اخوی اشعمل بیه
جلیل شجیرات
ها ولـــــفی علی مـــــــریت ماچن
شفتنی اوطیرک اعلا الوکرماچن
اسولفلک جفاک اشچان ما چان
انزرف یود البیابی اوهطل میه
جلیل شجیرات
دم یــــمطـــــــرسحـــــابه ابــــهدّته العبّاس
ثوب الغضب بیـــــــــــده اعله الثرا اتملخ
کل قطـــــــرت دماء اویـــــاه نبله اتطیح
وابــــــروس الـخـصیم انبــــــاله تتشچخ
فاض ابغیض بـطـف فیضت البــــرکان
حافر مهرته ابصـــدر الارض یـرضخ
تتعثّــــر الخیـــــل اعلیــهه من ایصول
تبــــحث و المعـــــــاصم بقت تتفصخ
کلـــــهه الدنیـا وگفت والکفــر اصنام
سیفه ابحــــز رقبهم روس ضل ینفخ
ببیال الستـــار اخــتفت شمس الکون
ترجف بـرد گامت و الشــــهد نسّخ
و ابوجه السحاب انوشم بیت الهات
بشره الاخته وابناعوره ضل یچرخ
ارضــــعت در لبــــن زاچی من اهد
غیره و اسمچ دوه اوجرحی من اهد
صاح زینب ارد ابشــــــرچ من اهد
ابروس خصمچ اله اطم شط الفرات
من ضربات سیــــــــفه الریـــح ضل محتار
هامـــــــات العــــــواصف منــــــه تتفشــخ
ابنـــــگلت اجــــــدامه الگاع شگت زیـــج
و اتخر النجــــــــوم ابرعب من یصــــرخ
چن فلاح بـطف بیــــــــده ملک المـــــــوت
طربیسه منیّــــــه اوبــــــل کفـر یشـــــــدخ
حل وکت الحصاد او زاهب المحصـــــول
یحصد روس بیــــدر کل ربــع فـــــرسخ
حته انطـه زکاته الحصله امن الدیـــــــم
دفعت بــله الزینب و ابجثثــهم لـــــــــخ
او حط احسین کعبت مجــــد للاحــــرار
مش اخـــدود سیفـــــه البدّمه اتــــملطخ
کــــظ ایــــد الفـــــرات او ضیفـا بلجود
بـــــــرهان الاجیبـــــــه الراوی یتورخ
دگ رایت خـــــــدر زینب ابعین الگاع
شامـــــــخ خــــــــدر زینب للابد ماطخ
اومملحت الاسلام احسین و اهل احسین
دون احسیـــــــــن و اهله الدین یتمسّخ
کلمات جلیل شجیرات
ابصـــــوارمنه نجــــل الیل لوچل
شخص مابینه طخ بلکون لوچل
ابجدال الوید عدنه العیــد لوچل
رصاص اطباعنه اوبینه المنیه
دوم ابســــــهم فرگاتــــــک تشل لم
تروف القلبـــه بغیابــــــک تشل لم
الزمت رمح الهجر قصدک تشل ام
کفیت ابذیـــــــچ دچــــــــه الاولیه
اشـــــکی ابیـــــا الم ای جرح ایدا
الغبــــر هزبر الحومه الوکت ایدا
بـــــعدهی امنـــــــــگعه بزّاد ایدا
ابسفرتی اوصام اصوابه علیه
کلمات الشاعر جلیل الشجیرات
یناهی ایام هجــــــرک صعب فاتن
علیه ابـــــــهم لعنـد احشای فاتن
خشف بر و بصدودک سحرفاتن
سگم من عظم شحک حصل بیه
جلیل شجرات
یناهی ایام هجــــــــرک صعب مرات
علی واجـــرعت مـن اشظاک مرات
ضجت وانشـقت نشقت موت مرات
عدم شـــوفک غصب یدنه المنیه
علی العموری
تلومونی دمعتـــــــــــی من اهلهه
ابسبب روحی المئاسی من اهلهه
الحاجه اطلبــــهه گالو من اهلهه
تقدرک ماتحــــــــــگرک بلنطیه
جلیل شجرات
عفوعن المزاح ارجوک عفن
لچمته الجرح من ازعلت عفن
سمرصدت عیونک حین عفن
سباتی اصبح تلاطم حزن بیه
اجد شخص اللبیب ابسبب مالا
سن اببـــــاطل بـذل مابخل مالا
واذمــــه البـل کلایف ذچرمالا
اویریداویه الشهم ینعد سویه
جلیل شجیرات
تفت الــــــــــــروح من اتروح تلهب
غیری اوتضل نــــــار اجفاک تلهب
زحف جـــعدک وره الجدمین تلهب
الهوااوتحته النهار انکسف ضیه
کلمات المبدع جلیل شجرات
التابعت صنــف الصداقه اونسخه تطلب للوثاق
لازم أن تعرف شرطهه اوتوگف الضرب العناق
المالک اخلاص ابصحبتک شنهوجبرک لضیاق
موگدهه اعلیش اتلاویهه
ما اذم قصدی الرفـــــــــاگه لاکن اعلم هلدرس
یجد طمعی اببین ربـــعه ابصدره سرماینحرس
بلحشیم ابأذنه گطنه اومن تعزمه اعله الفرس
ابطگت المس یحظربیهه
الرایداتحقق ابنیتک روحه متریدالشرع
موخصال الذیب طبعه الزین هزبربطبع
بلعسروالعوز یمک بلفزع یصبـح درع
جدام اسهام الرمایه
جلیل شجرات
خل یلوت ابشــــوگ گلبک لیلته
یاجفن بجـــــــــــــفاک نایم لیلته
قصتی قصت قیـــــس فاگد لیلته
ساعه هیچ اوساعه انازع للمات
مره اهیج ابسبب بـعدک مره تین
عنب من بستانک احوی مره تین
من تمر من باب بیتــــی مره تین
مره احیـــه و مره اوصل للمات
انته اجمل شعر عندی منغزل
حبل ودی ابشوگ حبک منغزل
طول نبعت سای حسنک منغزل
تملک ارموش او عیونک قاتلات
جلیل شجیرات
سگمنی القهر گد ما گمت احبــــک
امنـــازع ساعه من تـــــدنه المنیه
لچن من تجبل انته اویه الیشیعون
آنه البـــــــــل گبــــر و آخذ تحیه
جلیل شجیرات
اهنا یل رحلتوا ضعن ابلیل هنـــــــــدس یسر
انقید گلبی اباسه عدکم تسجــــــــــــــن یسر
من بعد عسر الفراق انتظر منـــــــــکم یسر
اتطیبون ضلع الوفـــی المن المصایب حنه
اتهنه ابقه ابفـــــــرح و الچفی اعجن حنه
ابیوم الی اشکی الالم موش الزمطتو حنه
الچفتین شط العشگ نرسم الشوگک یسر
الضعاین شدشـــــدن و ابلیل یسرن
مشن و الگلب بل محنـــــات یسرن
زمطتولی اعله شط العشگ یسرن
الک نـــــــــرسم و لاکن خنتوبیه
اتــــــــهل و انحل بین منجفونی
احبابی و دمه اتسافک منجفونی
وشــــــــل شیفید گلی منجفونی
البصر هلخصر شوفه او شح علیه
ذاه الـــــــــرای من عندی و ختلای
ابگنصی ما حصل صیدی و ختلای
بنت الجـــــــــار ناموسی و ختلای
وانه المجعول اخوهه البی حمیه
اجفونی ادمـــوم من العسر هدن
اجروحی امنل وکت ما یوم هدن
شفت خزلت غنـــم علذیب هدن
انعکس یا حیـــف قانون الدنیه
ابـــــگوته الما یقص لجلی شقصن
اله اسیــــوف ابردن چبدی شقصن
غصص حملنی وی دهری شقصن
النوایب قاطبه اتنـــــــاخت علیه
جلیل الشجیراوی
ابطفوف الخیــم مغضب من طلع باس
ایتراعد دمـه اببـــــارح من طلع باس
الحسین ابن الصمیـده من طلع باس
اچفـــــــوفه و قبل اعیـونه الشفیه
جلیل الشجیراوی
کقمه ابــــطیف راســـل شفته عباس
غضب عل خصم زینب شفته عباس
عله العلگمی او یبست شفته عباس
دنــــــگ لنــــهر ما ضــــــاگ میه
جلیل شجیرات
لامنی اطلعت شینـــــــــــات لابد
هم ینــــــصح زمانی اویای لابد
اسدغابه لـــذه امن الخوف لابد
ایتراجف و الحصینی ایرید حیه
جلیل شجیرات
روحـــی من سراب البـــعض یارت
البیابی من حـــزنهه ادمــــوم یارت
اللفظ و انتفض فمه ابچــــذب یارت
انلدق بلســــــــــانه من الرگط حیه
جلیل شجیرات
جــــواد الجــــود اچبشنه وعنبی
حـرت محد سعی ابحملی وعنبی
الحــــویته ثـمر بستانی وعنبی
اشحنت سلتی او خذوهه الاجنبیه
اتل الخــــــــصم عل حگی جرعته
ابعناده او عیب کاس الذل جرعته
الرجل مو بل حچی اتبین جرعته
تغربلهه الــــــــــزلم بل موزمیه
جلیل الشجیراوی
لــــــــولا اسمـــــع ابطــرواک یومن
علی شــــــوم الیـــــــال ابظیم یومن
ازعلت و ازعجت منی السبب یومن
الــــــــواشی او بابک اتغلگه علیه
جلیل شجیرات
المراجل مــو کبارت جثث لوسن
شهم یل ما یمره ابحــرب لوسن
یفوز ابحگه شخص الثار لوسن
ابرگاب الخصم سیفه ابعنجلیه
الیثـــــور ابعنجلیه او سیــــفه ینحـــد بــرگاب
یـــرگه العبیه اعله حگه اینوله من شد انگاب
خاتل اومارمش عینه صگر مایخطی اصواب
یا بومه اتمر خر اعلیهه
جلیل الشجیراوی
حــــمام الدوح من وچر و چنه
ونینه ایشــابه الــــونی و چنه
اهنا یـــل چنتو یحبابی و چنه
انفردنه اتگول ما چنه سویه
جلیل الشجیراوی
یبیــــر العطف لظامیــــن یلما
ابــــل ودک سبـــه ادلال یلما
بــخ نارک دوت بچلای یلما
طفت و ایچیم الحطاب بیه
جلیل شجرات
