ابمنجل حگ حصدنه البطل تحنه
و لا خلینه روس الاهل تحنه
الضدنه ابدم چفوفه اصبحت تحنه
ابیوم الویدونصگعه الضحی'
احمدالحی زیدان ناصری
ابشص عزخوفنه امنل راس تحنه
ابحرواچفوفنه ابدم نصرتحنه
چبح روس العلی الذل یوم تحنه
وکفوابهامه التعلی المجدلیه
رمضان العگیلی
یا الاه الکـــــون شــــافــــی یا رحیم
انته تدری الغیـــب یا حــــی یاقیوم
العلی ادعی ابقدرتک وکت اصلاة
ســــالم امنلمرض یا ربـــی یگوم
رمضان العگیلی
الربع بعض الربع خنجر بظهرای
طعنـــوا والخلل بیـــــن بظهرای
انجـــوم اللیـــــل راونی بظهرای
او سراب السانهم هل عم علیه
رمضان العگیلی
العنک ســــــولفولی ابنــــــــار وجو
دلیـــــــــلی اوضاگ بیه الفضا وجو
المشولک خذو روحی اومشو وجو
ابغیـــــرک فطر وگلبـــــــی الخطیه
اعیـــــونی امعصبه وابجبــــل جدمای
تگیـــــد و اشماته اتصیــــــح جدمای
ابصبخ خلفی اذیابه او وحل جدمای
ابلیــــل او مطرو امچتفیـــــــن ادیه
رمضان العگیلی
امنشم زیـــــجک وصد ینزاح ولمای
یلبشعـــــــــرک یفوی اروی والموی
من اتعتنی او تظمنی ابعطف ولمای
یلامـــــــــــس شفــــتـــــک دستلذبیه
رمضان العگیلی
ماحنــــت ظهر بلزیــج اهلــــنه ابســـــاعت اطلابه
رمضان العگیلی ایگول اسمــــــعک بیـــت اعتابه
هلی اعلی الیار حن النوگ حنو
من دم الخصـــیم اچفـــوف حنو
هلی مایوم ظهر ابضیـــــج حنو
هلی سیف الابد ما والف اگراب
یلخصم ذول اهلی والعباس سیف الماهوه اگرابه
من ینسل بالک تدناله
الابوذیه :رمضان العگیلی
الهوسه:حسین العگیلی
هلی اعلی الیار حن انــوگ حنو
و من دم الخصیم اسیـــوف حنو
هلی ما یوم ظهــر ابضیــج حنو
هلی سیف الابد ماوالف اگراب
رمضان العگیلی
انمــرت مهجــــتی تدری شمرهه
مـرهه البلخفه اجعـــوده شمرهه
بعد شخصک دیار اهلی شمرهه
ادهـــر لعدای واهلی اگطعــو بیه
رمضان العگیلی
هرش گلبی زمانی اسموم حطبی
التوه والحـزن من کل کتر حطبی
اخـــوی ابنار حقده شعل حطبی
چیــــــــمنی اودوه انیــــران بیه
رمضان العگیلی
هلی ابچف زود حمل اطاح گلو
وعدوهم لــو گـــرب بنـــار گلو
هـــلی ابلمع الهنادی الیــل گلو
هلی صــــولاتهم شمـــرت غنا
رمضان العگیلی
هلی ابریز وزبرجد چذب حاطو
وبگلـوب التضـــدهم حمم حاطو
هلی ابغیرا السلفـهم سور حاطو
وتصــــب عل عال قیمتهم عذاب
رمضان العگیلی
تولـــعـــت ابـهـــواک انا ولعشاب
واحس اجفاک بظلوعی ولعشاب
سقیم وجمر هجــرانک ولعشاب
ابدلیــــلی وخلفــــت تل نوح بیه
رمضان العگیلی
انحنه سیف اصبر عندی بسعدل
هجرو اشما هدم دهــری بسعدل
یغرکل لحظــه بفراگـــک بسعدل
ترس شربت یفت بسمـــوم حیه
رمضان العگیلی
هلی اباسم انبی ربهـــم وحلهم
کلام وکل العذب یروی وحلهم
هلی کلفیــــــن بلهـــده وحلهم
عزم ضـــرغام لوشــــد الوقا
رمضان العگیلی
علی سن الوکـــــت سیـــفه ولک سل
ابغیابک جسمی ضل ناحل ولک سل
الک خـــزن دمـــع عیـــنی ولک سل
بچیـــت او طـــاحت اعیــــــونی بدیه
رمضان العگیلی
یگلبی لا تـــلح ارجــــــوک عوفه البطمع خوان
وسمعک بیت العگیلی حچاعن البعض رمضان
یگلبی لا تـــلح ارجــــوک بس لح
علل خوته شجر عطشان بس لح
یرمی ما یلوح الخصـــم بس لح
جــــربتی وحــــرم المـــیه علیه
یرمی اوما یجــدر زین بلجربه السهم نیشان
طشر کل مای العبیته
الابوذیه:رمضان العگیلی
الهوسه:علی العموری
ابظهر تموز عل عــــدوان هدو
هلی وگبو ابنــــار الغضب هدو
علی العیله اعتــــقد مایوم هدو
هلی وکت المزامط گصوارگاب
رمضان العگیلی
قبلتـــــــها عنـــــدا صبــــــــاح فجاوبت
افطــــــــــرت یا هذا ونحنـــــــو صیامو
فقــــــلت لهـــــــــــا وجــــــهک الهلالو
وعندنا اصیامو فی مرئاالهلالی حرامو
الگلب من ریم لیه اگبلت هل هل
بستهه او بسمت وادمـــع هل هل
فطرت احساب گالت گلت هل هل
صبــــاح اهلال ویـــهچ فطر لیه
رمضان العگیلی
المحا جردم یفوحن موش بسما
علی التمحـــی ظلام الیـــل بسما
امس یمی اطروش الفضو بسما
او لحد الیوم عطره ایفــــوح لیه
رمضان العگیلی
کغصــــــن البــــــان یا خلــــــی میالک
او غزیز ادمــــع صــــــب یشگرمیالک
عذراً لـــــــون مکتــــــــوبــــی مایلک
اشمریدا کتب یمسحــــه ادمــــــــــع لیه
رمضان العگیلی
خله ایسل دم دمع عینــی خله ایسل
خله ایسل جسمی بلفـرگه خله ایسل
خله ایسل الجفه او هاجر خله ایسل
سیفــــه اوخل یگص بس یحس بیه
رمضان العگیلی
رضاب اشفاک یشگـر ما سکن بیک
واسف حبـی و ودادی ما سکن بیک
چنت وکت المــــوادع ما سکن بیک
ابرحیلک خذت یوز اچفــــوف ادیه
رمضان العگیلی
الالم سلّب امـــــــل روحــــــــی وکرهه
اودمعتـــــی ابمحنتی او عافت وکرهه
اباسی شگ فت حمس چبدی وکرهه
مهجتی اوصب صلیــــــل الـــویل بیه
رمضان العگیلی
اللفض کلمه اوما رفضهه ابشاربی اختی ادللی
عل موت الحمر یمشی ابیــــــوم صدهن مایلی
العنده موقف لوتحـــــــزم صوته بطگ یعتلی
لو طار لموت اقبض روحه
رمضان العگیلی
ربیتک دمع بمضیـــف عینی اسنین
اوعایش بنظر واتحرصک اجفونی
واذا هلت العیــــــن اقسم قســـم بلاه
اشلعهـــن بدی ما یلفـــــــــن اعیونی
رمضان العگیلی
صدیق الچنت ازامط بی واثق بی میـه بل میه
وکلته الملـــح بیــــدی اوعلی دلــــه الحرامیه
غشیم اوچنت اظنن بی تچه ایصیر ابعسرلیه
تچانی اوگلهم لموله
رمضان العگیلی
موزلمه الیجیه الغیض وکـت النیبــــه مایشتد
وابوکت الصلــــح یعنـد ابد مــن غیضه مایرتد
ارجل ینعرف بل اخلاق والخصمه ابنظر لوصد
یجدح باروت امنعیونه
رمضان العگیلی
الصان ارضه ابزود عزمه اوراسه لذل ماهبط
کوسی اموصــف ابشطه الزوری ابــــدا مالبط
العنده غیره ابیوم صدهن عرجه لو بطگ نبط
بحماته الموت ایظم روحه
رمضان العگیلی
امگیده ابچفــــی القریحـــه اوچتفـت بال الچلم
اوعل ورگ صفنت اعیونی اودمعت عین القلم
صوت ثار ابطف خیالی اوچن شفت راعی العلم
عباس الشط کبر مایه
رمضان العگیلی
روحی انته اومایصــــح لجلک بدیل
اوجرحی انته اومرهم الهه اجروحی
اذامریم تنکــــــــر ابیـــــــوم المسیح
انجبـــــر انا واعوفـــــــــــــــن روحی
مثل اکریزه شفتک والوجـــــن تفاح
اوطعم مشمش اخدودک والنظر حبک
اومنگد ماترف شفتک تغازل بیک
السانک یمــدروحه اویلحس ابخدک
گلت انساک اریدن ما افکـــر بیک
اوگضیت الیـــــل افکربس اعفوک
لچن بس طرفجر وی صوت الاذن
سحل یابتنی روحی اترید اشوفک
رمضان العگیلی
بعد ماظــــل امــــل یا امــــــل یمراد
وتم حزنـه الوکت بحشــــای یمراد
علی یحسین خالی المهــــر یمراد
انکسرظلعی اوشطت لطف سبیه
رمضان العگیلی
الشجاعه امفصله تفصال من حیدر ورثهه الحید
او کل ما یصرخ العباس من صوته الرجال اتبید
یوم الهد علی الجیمان چن صگر ابحبار ایصید
کل عشره ابسیفه ایشگ بیهه
من صاح ابغضب عباس شتت کلهه ذیچ الگوم
زینب من تنخت بیـــــه وگالت مـای ارید الیوم
سیفه چن صگر یوعان گام اعلا الرجال ایحوم
من زینب گالت عطشانه
من صاح ابغضب عباس حتی الخیل سکتهه
گامت بعد ما تصهل یــــــوم الصــرخه سمعته
عضید احسین شاف اخته ابضمه اتفطرت شفتهه
شگ صدر الشاطی ابچفینه
من صاح ابغضب عبــــاس ضنو حیـــدر الی صاح
المیت یرجف اعلاالگاع والحی سوه سکته اوطاح
غرفه من خذه ابچفه الفرات ابغیــــرت الچف فاح
واتــــذکر عطشـــــان اعضیــــده
من صاح ابغضب عباس ماضل ابجسدهه انفوس
فرت کلهه من سیفه و الخیل اعلی خیل اتدوس
ضل یحصد ابسیفه احیودوشتت من جثثهه اروس
و الروس ابسیفه ایذریهه
من صاح ابغضب عباس منه ارتجت الکوفه
صاح آنه ابن داحی الباب ابوی افعاله معروفه
الما شایف علی ابخندق الیوم ابکربلا ایشوفه
عباس ابحیدر هدّاته
رمضان ابو حیدر العقیلی
هلی اعلی الیارحن انوگ حنو
ومن دم الخصیم اسیوف حنو
هلی مایوم ظهرابضیج حنو
هلی سیف الأبدماوالف اگراب
رمضان ابوکرار العگیلی
نــــــزفت ادمــــوعی قصیــــــده
ومطرت اشفافی قوافی وخضرالسانی وزن
انا و الیل وسکوته وکحلت اعیون القلم
وگلب ورگت دفتری الیحضن عصافیر اچلم
ومــــــن ذکرتــــــــــــــک
اگبال عینی اتخیلیتک مثل ورده
ورسم قلمی ابخصرذکرک گلب مصیوب ابسهم
وکحّلت عین القصیده ابحرف منّ احروف اسمک
وخاف اکمّل تنتحربیدی القصیده
وابگلب محراب اسمک تندفن خایف شهیده
لیله هندس والحمام
وکومت افکارومشاعر
وال احاسیس الهوتک سهراعدهه وماتنام
وحتی ساعت بیتنه اصفنه خذتهه بطّلت ماتشتغل
وحتی باب الدّارصفّگ گطّع ازنودالگفل
واناواظلمه وشمعتی
وذکرک الکل لحظه یکسرضلع من خاطردمعتی
احتارقلمی وحاربعیونه الحبر
وانکسرواهس ادفترطاح بچفوف اصبر
وصارکل عمره خریف وحت مثل ورگ اشجر
وغیّم الیأس ابجفونی
وفوگ گاع اخدودی کت مثل المطر
وانت عایش وسط روحی
وصدری صایرلک سمه
واحساسی طیر
وشوفتک چن مای بارد
عذب چن مای الغدیر
مدری شعرک لیل یشبه للحریر
مدری من شعرک یمحبوبی اصنعوخام الحریر
مدری ویهک یاحبیبی چل گمر
مدری ماخذ من بیاضک لونه یاخلی الگمر
نظرتک تکتل یبواعیون اشهل
وتدری من تضحک سمانه ایعیداهلاله ویهل
وتدری من اشمس تطلع ومن یحل عینه النهار
من بخارارضاب شفتک تمطرادنیا
وشلیل الگاع کله ایدل خضار
اناوالیل ودمعتی وکومت افکار ودفاتر
وال احاسیس ومشاعر
واسکوت وقلمی وکل الخواطر
کلنه گمنه انحبک
ومن اثرحبک گمت احس ابروحی شاعر
رمضان ابوحیدر العگیلی
حمــــــر رمّان فـوگ الصدر کتّل
او طوله منی خمس
احواس کتّل
خزرنی و ابخــزرته انــوب کتّل
الجفن و العین و اصبیه سویه
کلمات رمضان ابوکرار العگیلی
گل الدمـــــــــع گل الشوف یادار
علی الگــالو ذهاب النفس یادار
اشمحله مجلس الخــــوان یادار
ابگهوا وفرح و المجبل ایهاب
کلمات المرحوم ملا اکویش العگیلی
صگرحل جنحانه من طب لطفوف
وخله جیش الــکفر یشبه للحبار
سوه گاع اطف لحـــــدعظالمین
من خزرته الگامت اتطشرشرار
چنه ملک الموت هدوبیده سیف
یذبح ایـــــــکبرواله ایصدرقرار
حــــمرصدرالگاع صارامندموم
ویمه بیـــدرخله من اروس صار
سیفه چن نافوره ینفخ بــــــدموم
وخله جو اطف لبس سترت غبار
شرگت الگاع ابکثرشرب ادماء
وشرب ابسیفه ازلم بــطگ مرار
گام یرجف خوف چف نهرالفرات
نوبه یصفرویهه نوبه ایدل حمار
اجیش فرمن یاله ابن حامی ادخیل
وبین ابـعکرت جبینه ال انکسار
هدابـــوفاضل اســــــد واعیونه موت
تشگف الیسره ویمینه ابطگهه نار
ضهضب وقیـــــم مطربطف عذاب
ولبس العـــدوان ذله وصایه عار
وایتبخــــــــترعزلم طب للفرات
وشال گلب المــــای حطه ابجربته
رکب غوجه وصاح وین ازلم وین
وانــولد هات القصیده ابصیحته
انا لیــــــــث البلحــــــرایب مایلی
وزینب الگالتـــــــــلی عدل مایلی
گوه اخلی اشط یــــــــــقدم مایلی
وبیدی اجیبه الزینب ام الماجدات
طلع من المای لاگتــــــــه اسیوف
وشبه ســـــــورازلم عشط حاطته
اذاچان ابمــــهده وایگطع الگمط
گلی یاسورالیحــــــــــــوط هیبته
واذاسبع الگنطره اتسمه ابصبی
یا اذیـــــــــــابه العطلته ابطلعته
شگ جداراجیش مهراوبیهه غار
وگام سیفه ایگص رگاب ابشفرته
الماکو راسه السیف طیرراسه اکید
والسلم عل راسه حــــــصل رادته
والی ماتـــت لاجرح لاگطع راس
ماتت ابجــدحت اعیونه وخزرته
وصل یم الخیـــم من طراصفوف
گمرهاشـــــــــم والعقیله اتلگته
یاهله اب هـــزبرامیــــــــرالمومنین
گالت وشبـــــــــــــکت علیه وشمته
گلهه یختی اشماطلبتی اسهل یکون
ولویسلمن جسمی یمنه ویسرته
لواخــــلی انهر یزحف یم اریچ
لوادگن خیمتـــــــــــچ یم خیمتهرمضان ابوکرار العگیلی
قصیدة یمی ظل لا تبتعد
یـــــمی ظل لا تبتعــــد
گلبی ما یــــحمل افراگک یـــمی ظل لا تبتعد
لیل خلص عمری بنفــــاس اجــــگاره ومایرد
صبری گفــــه ویمشی بضعــــونک یلحبیب یود
گلبی ورگت شـــــوگ واچفوف الهجـــرتسردسرد
گلبی چن عصفورواصگورالبعدماترحم اعلیه من تهد
گلبی ورده وخــــــــــــایف ابچــــف الحزن هــم ینمـــرد
گلبی رگبت بلبل وسچین هجرک تگصی عمـــده و بی تحد
گلبی یــــاهل تایـــــه البــــــــــــابـــــک وصل حـــــل لا تسد
گلبــی صفصــــافه حــــزینه وضحــــکتــــک بــــــــاگت ورد
ومــــــره اذکر فتت باب الحـــوش طـــاح وسکته کضته العجد
یـــــمی ظل لا تبتعـــــدکافی من الفــرگه گلب الهجریا خلی جلد
والبعـــــد آ یــــــــل بعدچنـــــه ذیب وگـــــام یفــــرس بــچبـــــد
خلنی ابـــــــاوع عله امرایت خــــدک واروا من اشفافک الحلوه ورد
خلنــــــــی اصیحـــــن حیـــــل احبـــــــــک ما احــــب غیــــــرک ورد
خلــــنی اصفــــــــن صفنتــــــــــی اتخضـــــروردوانــــــت الــــــورد
کل عمرنه الفات خل انطبگ اصوره ونظمهن مانعد
وغلطه غلطیناهـه خــــل ندفنهه سکتـــــــــه ومانعد
وخل نگول الفات مات ومایردوخل نکتراحنه الحقد
وخلنی اودک من جــــدیـــــد وانت هم مــــــن جـده ود
یمی ظل لاتبتعدالعمــــر ریــــل اهمــــوم واسچه هرد
والعشــــــگ سلطان صـــــایــــــرو انــــا گلبی چن عبد
والعشگ انت العشگوالمشاعرکلهه یمک گاعده وتسجدسجد
یمی ظل لاتبتعــداموادعــــک شتویه چله وعمری ما یحمل برد
گلبی سفان اببحرحبــک واخافــــن تجـــــــــــزر و بـــــــــی ماتمد
یمــــی ظل لاتبتعدوالقصدشنهی القصد
اتعمدت عل حبک اناوظنتی واضح هل قصد
خل نکسراوهام حبنه وعل مئاسی ابچف عشگ عنترنهد
وخل نخلی اچفـــوف املنه ابرگبت اسیوف الحقد تبرد برد
وحـــل گفل حضنــــک وظمنی وخلنــی اغفـــــه اعلی ازند
یــــــــــمی ظل لا تبتـــعـــــــد
رمضان ابو حیدر العگیلی
انــــعــــصر ویـــــه الیـــــل
طاحت استــــارالخیـــانه ، انــــــعصر ویـــــــــه الیل بچفوف الصبح
ومطرت اچفوفک عزم وصدر صار الگوم کله وغیرتک صارت رمح
ونوخیت اسهام حربک دنگت فشلت بچت من شافت اعیون اجرح
وطلگت الغیـــــره ابعضیـــــدک خلفت بـیـــرالوفا
وشد مهرعزمه اویه چفه وگصص اچفوف اضما
وانـــت والغیره وعزمـــهه وهیبتک یــــم الخیم
واگـــف وینـــخاک سیفک والک یــترجه اسهم
وابدمارف جفن عینــک واگف ابوادی الطفوف
تدری کلمـــا یحر داوا البــطل تسـکر بل الوف
وگفض اردان اصبـح حد الأذان
اتــــــــوضت اشمس ابجبینک
وکبرت خلفک ملائکت اجنان
وتدری اخرفرض عمرک والأجل بسرعه حان
انچفت دمعت یود عینک غرگت خدک سلام
وخضراحساسک ورد حریه بجناح الحمام
و سجــــدت الـــــگاع الـــــخــــــــــــــشـــوعـــــک
من عرگ گصتک وگع بحضانهه وحاضن دموعک
وخجل ویـــــه الکون کله و لبس لـــون امنل حمار
واستــــحت حتی اشمس من شافتــک لبست سمار
وعـــــزف طـــــورالـــــموت بدمــــوع اســـــــراب
وخــــطـــبت اسنــــون الهنادی عل منابـــیرارگاب
وضحکت اشفاف الأسنه وحضنت الأجساد چفین اتراب
وصبـــــح چــــن ناثــــوره سیفک بیدر الروس ابنویه
ولحــــگ ملـــک المــــوت یشگف گـــــــام سیفــــک
ولله چــان انگلبت الگاع ابحوافر صیلمک بیهم گلاب
وظـــل یتــــریـــــع مـــــوت سیــــفـــــک
ولله لوما وعد ربک چاعرفت اشلون منهم خذت حیفک
وانـــت ماشــــدیــــت عل صــــدرک درع وکت الحرب
ستــــرمن اسیــــــف فـــــوگ ادرع شــــــدیت الگلب
اشــــــگد وکیــــــحه اعیــــــــون خیـــــل البغضتک
اشلــــــون ماخجلت ونزعت شوفـــــهه ابچف ادمع
و اشــــــکثـــــرصلبــــه اسیوفهم تــــلمـــــــع لمع
واشــــــکثر گـــــلب ارمـــــاحــــهم شــــــالت حقد
نبــــتـــــت ابــــجــــربــــت دلیـــلک یـــــــوم شافتـــــک تــــگع
ویمـــــــــک الحسره بچت هدلت زیج الغوافی انشلت اجدام ارکن
وانکسرگلب العافیه وظهراضمیر ودمعی غرگ چف خیالی بجفن
ویــــــبس حتی القلم هـــــرشه وجف من اعیونه الحبر
ومـــــــات سلطان القصیـــــــده وشعری اختـل بلوزن
من کلمات الشاعر الادیب رمضان ابوحیدر العگیلی
الیله شوگی ایــــــــدور بیه ونبی
وگلب حزنی انکسر صارت ونبی
ادنیــــه ملیانه مئــــــاسی ونبی
ابجیته زاح اجبال ظلم اراسیات
رمضان ابوکرار العگیلی
من بــــاب اصدق ارد احـــــچی احچایــــات
و امسح فــــوگ خـــــدهه ابچفی دمعتـــهه
امی الگمـــر ماخـــذ منـــــهه لـون البــــی
و ســـــواد الیـــل نایم حــــدر شیلتــــــهه
گلب امی غمیـــــج ابغمــــگ بحــــــرانیل
وحمـــارالخجــل کله ابــــراس وجنتـــهه
یعنی امی بحــروالعفــــه عدهه اشطـوط
وعــرج گلب اسواحـــل شعـــرگذلتـــــهه
بیهه اشگد حزن من تحچی چن یعـگوب
وتبــــچی الیـــل کله ابصـــوت ونتــــهه
و اذا شافتـــنی مجبـــل تنـــزع الأحـزان
وعکس تنــگلب دمعــت شوگ عبرتهه
چن اسنــین مبـــعد عنهـــه مولحــظات
وتضـــل ترعش علی بصـــوت شفتـــهه
وگبل لایمهه اوصل واحب چفهه ابشوگ
اشوف ادمــوع عینی ارکضـــت باستهه
عنــــد امی المحبه ابـــگد ملــک قارون
و لا بلکون عفــــــه اتنـــوش عفتـــهه
امی اجنـــــه لاکــن بتـــــواضع دوم
وعین انــــاس حوله وغلـــط شافتـــهه
مو مرئـــا امی ما یشبــــهه کل انســـان
وحتی الیـــــل یتغـــطـــه ابعبــــایتـــهه
من گصتــــهه ماخـــذ نوره نجـــم الیــل
وحتی الغیــــم ماخــــذ لــون شیبتــــهه
امی اشـــــگد حنینه ابـــگد صبـر ایوب
ولوافـــدی العمرمــا جـــازی طیبتـــهه
ابحظن امی الغـــوافی اتبات سهرانات
و صرت شاعرابگد ما ایدی لمســـتهه
و بیت امـــن شعــــر دایـــــم اردد بیه
حــلوه اچلمــه لاکن مظن سمعتــــهه
غزل حبــــچ بانی عنـــدی منبات
وجنس خـدچ حالی طعمه منبات
عندی کل لیله اعلی زندچ منبات
اعدال عشرت عمرویه الحوریات
وچنت یـــاهل و اریـــدن علبــــچی حیــه
ومن ابچی ابحظنـــهه اتلفنی حتی ارتاح
وتگلی البیـــــک یبنی امنلمــــرض بیه
وتلولیــــلی و تــــدگ علراس بلچفیـن
وتــــفدی الگلب نوبـه وتفــــدی اریـــه
عین امی قصیــــده و ارمــــش مــــوال
ومحــــبس ذهب فمهه وخدهه ابوذیـــه
ولون غربلتــــو کل نسوان هاذ الکون
ما تلـــگون مثل امی العربیـــــــــــــه
من کلمات الشاعر المبدع رمضان ابو حیدر العگیلی
علیـــــک احشای گدالهم بهندای
و ذبحنی افراگک الیکتل بهندای
اصیح ابصوت ماتسمع بهندای
رجه وبحه وونین و مهضمیه
چنت ورده و انا ال ویــــاک کلما
و علی وسفه تدیرک غیض کلما
صرت مدمن علیــک انوب کلما
تصیح التفت حسبــــــالی علیه
الو مجروح اجی ابعینی و داوی
جرحک و احترگ لجلک وداوی
داوک کل وکت رابــــــح وداوی
ابخساره وبس انا الطگات بیه
تهودل و الزرار انفتـــــــــگ شی بان
انثنـــه وشعرات راسی اسود شی بان
تخوصر شبر خصره احشای شی بان
ابنـــــار ابحین عینـــــــه اشرت لیه
انگطع من سم جفه الخلان بتل
دلیــــل و گلبی صار الحزن بتل
ابلضه افراگ الاحبـه انوب بتل
الالم چانون احس مشتعل بیه
اصبــر جف المــــــدامع دمــــه کتان
علی الی روض ریجــــه ابطعم کتان
علیک ابصوت صحت ارجوک کتان
الهجــــر مر لا تشب النــــــــار بیه
من کلمات الشاعر الادیب رمضان العگیلی
علی ادروب الجفوا عینای ربان
وسوالفهم مرض بحشای ربان
صفت روحی سفینه ابغیر ربان
ویخور الروی ضل ابکیفه بیه
من کلمات الشاعر الادیب رمضان العگیلی
هوسات بمناسبه زفاف الاخ مسلم ابن المرحوم شیخ داود الحمیداوی
فی مدینه ملاثانی فی یوم الخمیس ۲۸من نیسان عام ۲۰۱۱ المیلادی
یوم ۲۴ من جمادی الاول عام ۱۴۳۲ الهجری القمری
لچنی العسر و انجبریت احوفن مستحی اببختی
و تلثمت ابتوالی اللیــــل و طاللت بسلف طلتی
شفت شیله اعلی حایط ناس بس اتذکریت اختی
غطیت الشیله ابچفیتی
سید حکیم الشبری
لچنی العسر و انجبریت احوفن مستحی امنل ناس
طبیت اعلی بیت ایـــــــــواد بس اوداعت العباس
حسیت المـــــــایه اترید اتذب الشیله من الراس
صحتله اب بختچ خلیه
صاحت منهو هذا ابلیل دش بیتی ویحلفنی
سبحان الله مات اسنین ابنی و انت مثل ابنی
ردیت ابوجه عرگان یا یمـــــه العسر لچنی
خلانی اطفر های الطوفه
حسن ابوفلاح الزهیری
شمـــــه اهلچ ابیوم الضیج کلهم بلمعاره احیود
و داود ابعــــــــــــزم سلمان رد الملاثانی اردود
میت صگد صار اسنین بس محد یحس مفگود
السل خلف سل شاهدنا
میت صگد های اسنین داود و رحل منـــــــــهان
بس رده ابوگفته اردود لهله و من وگف سلمان
الـــدلال اتحزمت من طاح حیهم هوس الفنیان
بلملعب داود ابروحه
حسن ابوفلاح الزهیری
احفظ شرف عز اعضاک و اوگف ب اول السربه
و بالک زورک اتگصه ابمجالس لو شفت غربه
تدری اهل الاصول اتگول العنده ابخوته طربه
ایضل متاخر ما نهوا
عامرالسعداوی
علی یا دنیه صولی ابزود العبی اشلون ماردتی
و اسمعچ هات من ستار علتــــه اتشابه العلتی
صولی یا دنیــــا علیه و العبی
و گلبی ابنیران غدرچ و العبی
اظل افخر بل امــاجد و العبی
حیث لبسنهن خواتی الماجدات
اضل افخر لحد الموت ابعبایت ستر خدر اختی
لبسته و لاگت علهامه
رمضان العگیلی
تعال اتـــگرب الحضنی لاتبعـــــــد یبن عمی
و خل نتحد عل الکلفات یل دمک نفس دمی
لا تفگة شماته اترید فتنها اعلا الاهل یرمی
و اتضیع خوت ماضینه
حمید العیدانی
حـــاتم بل کرم معروف و ابدا ما یرید اشهود
لچن حاتم بـــــذل بل مال ما گالو بذله ازنود
بس ابکربلا العباس دگ حد الکرم و الجود
شال الشط لخته ابچفینه
الو تسمع اصایل خیل تسهل وسطه الحومه
حتما عل الظهر خیال عدهه اتزامط ابیومه
طبع خیل الاصایل هاذ بس الترهب اعلومه
تسهل بل ملعب جدامه
مد روحک جسر لعضاک و الهم خله مشتاگه
و ایضا خل حنینک کون یشبه حنت النــاگه
الصگرمهمایرید ایصیر لو ماعنده سبــاگه
حته الخطافه اتشل حاله
سیست لل خوه مرمر و حیطت حایط وفه
و عنزت گم گم مظیفی ابگهوه تنگط معرفه
شربت خطاری منها صاح ممنون و کفه
و ابهای اتعنز عنوانی
مرمر سیس الوجدان و حایط لل شرف علّی
و عزت نفس کل مصباح لازم عندک اتخلّی
هوس لو شفت عیال عمــــر الباقی ایولّی
و الموت ابعز اتعناله
قاسم ابو میلاد النیسی
الوفی و صاحب عقل یا خوی لهو الدهر ما یلهیه
ابسبب میمرجمیل اهوای قاسم نیسی الک حاچیه
کلمن ذکی ابلهو الدهر مایلهه
ویعدل یخی لهل الشرف مایلهه
ابوکت العطش یصبح عذب مایلهه
او وکت الحرب یسگی الخصم دم احمر
هذا اللی یریح البال و تگدر حارص اتخلیه
و اتامنه البیت او مفتاحه
نسیم النبگانی
وارجو التسامح من جمیع الشعرا الذی کانووساهمو فی هذا الفرح و ما
حصلت علی جمیع اشعارهم و هوساتهم الجمیلات
رحیم المنهل - دیوان ملاثانی
