رساله من الاخ العزیز محسن ابو عباس مزرعه
من غصبن ســـکنت البید ودو
ولا طــــارش علیه الربع ودو
شفجه اگلوبهم حســـبت ودو
اثاری اگـــلوبهم سوده علیه
الحاج صباح مزرعه
ومضه شعر
ســــر ضعن الحـــــب ابلیــــل ماعن
ضعف شوفی وجمیع اعضای ماعن
الوجــه فلقة بـــــدر واعلیه موعین
شبه ریــــم الفلـــــــه وابعــــدعلیه
ومضه شعر
اسماعیل الضبی
قهرنی بیـــــوم جار الوکت صمتل
حبیـــب وصار همی الچان صمتل
اضربت عن الطعام و گلت صمتل
عمر لمن یــــــرد صــــــوته علیه
اسماعیل الضبی
رحیم ابو جساس المنهل
اتمثّل لل خلگ بهــــــــواک شوطای
ومثل شوط المفرده اعلیک شوطای
ابمص می شفتک یغـــزال شوطای
لعنــــد الغیـــــر وآنه ابخیـــــل لیه
ابصدودک زودت یهـــوای لوعای
ومثل لوع المفرده اعلیـک لوعای
حرت مرمر خلاف الزیــج لوعای
ضوه الهندس بیاضه و عم علیه
رحیم ابو جساس المنهل
المرحوم ملا فاضل السکرانی
عسریسری ابرکب شعری ولااحدی
وحس اگضــی ابظهرسبتی ولااحدی
ابات اتحلم ابمـــــــــــــوتی ولااحدی
الحلم ماهـــــــــــوحلم بل علـــم لیه
المرحوم ملافاضل السکرانی
عیسی الشرهانی
اون وما ابطـــــــــــــل الـون لمله
ودلیـــلی اعلی الوکت کثره لمله
لفانی بیـــت من اقـــــــــراه لمله
فاضل چن یهیــــــــــــج آلام بیه
عیسی الشرهانی
احمد جاسم الهلیچی
گص بت شـوگک القاســــی وجربت
اومنیتی من اهجرت وصلت وجربت
صــــرت عباس بمحبــــتک وجربت
حنــــانک مـــــــــایهه اتــــبده امندیه
احمد جاسم الهلیچی
زکی الساری
جدمی ما زلف یســـــری یدالهوم
رغم ما ضامری ابحـزنه یدالهوم
ابکتلتی اعتقد کل خوتی یدالهوم
وظن اعیــــال بیــــــتی ابتدو بیه
زکی الساری
ناصر الحجی یبر الزرگانی
اهلنا اشما یچـید الحمل گالو
ولا بل الســـــانهم بدات گالو
هلی امنل شاذریه اوزان گلو
هلی غیث الســــخاوا والرجا
ناصر الحجی یبر الزرگانی
احمد جاسم الهلیچی
ولا لیــــــــله ابهنه لیــــلی حیته
مکدر والاســـی ابـــدمعی حیته
نحت بجــــفاک والمیــــت حیته
صرت عیسی ائحیو اموات بیه
احمد جاسم الهلیچی
رحیم ابو جساس المنهل
الیسمونه ابصغیر اسماء لاچن
یعرفونه ابصهیــل الخیل لاچن
اقــارب اتخذت البعض لا چن
عقارب والذع بحشــــای میه
رحیم ابو جساس المنهل
عیسی الشرهانی
ال الهم بلگلـــب خاطــــر وسمحی
جفــــو یادنیه عطفیــــلی وسمحی
سهل سم صل اجــــرعنه وسمحی
وکاس افراگـــــــــهم یصعب علیه
عیسی الشـــــــرهانی
شیخ جمال الحزباوی
میـــــحان الحـــزن روحــــی حنلهه
ذکرت الوالده وگلبـــــــــــی حنلهه
اکوار الظیــــم ظهـر امـــی حنلهه
رمح بس غدت گوس امنل الاذیه
شیخ جمال الحزباوی
ملا صالح حسن الملا محمد
آوی من نارشوگی او ذاب شحمل
الحشـه واتگول احمل بعد شحمل
الی یومیـــــن ساه العین شحمل
لا مــــــامـــل قــــرو بـذنه علیه
ملا صالح حسن الملا محمد
ملا محمد المایود
وحق المنــل باری اعلیه یانص
شبل واعی اوفهیم اونبل یانص
تسئلنی الگلــــب نصین یانص
العنــدک زین والعندی ابا اذیه
ملا محمد المایود
جاسم الحمیداوی
لچمات اجـــروح اتزیــــــد وکتل
مسـه وختنگ بل عبـــرات وکتل
عله اشفافی ادمع یا محب وکتل
جفاک اهروش گلبـی اوعم علیه
جاسم الحمیداوی
ابو سجاد سلامی
گلولی کلــــک حــــزن گلتلهم انتم شکو
گلولی رمحل الغــــــدر گلتلهم انتم شکو
گلولی ولفـــک یحـــب گلتلهم انتم شکو
گلــــولی مـــات الأمــــل گلتلهم ابیاسنه
گلولی عوف العشــــگ گلتلهم ابیاسنه
گلــولی دونه اشــــبگه گلتلهم ابیاسنه
گلولی یشکی المحب گلتلهم انتم شکو
لمع هجــرک واجو شمات شکو
رمح غدار حیـــن البیــک شکو
جزاک ابخیر گلی اشچان شکو
ابســـفرتک یـل مثیلک ماتهیه
غدر ولفی ابضلع ینهش وسحبای
ابضلع من مانفع جــری وسحبای
غیـــم الخلگ صبت می وسحبای
رشگ مطــرت الم واحـــزان الیه
ابو سجاد سلامی
اغلامعلی الحمیداوی
الیشن لیـــنه ابخیــــول اویاه شنه
ولــــــو حمـــل بعــــد بــــدار شنه
یحط انحط یشـــــیــــل اویاه شنه
سره نسری سکن نسکن سویه
اغلامعلی الحمیداوی
للشاعر المرحوم فاضل سلمان الصگوری
نحل جســــم الیــودکم دوم ماصاح
علیل وضل یصـــب الدمع ماصاح
عجب یوم الضعنکم سره ماصاح
فرد منکم ینشـــــف الدمــــع لیه
الشاعر المرحوم فاضل سلمان الصگوری
سید حسن الشریفی
یـــریحـة عنبــــر وشمام یا هیل
رحت واهلال شهر الضیم یاهل
اترکتنی چــن حمامه بید یاهل
ایتسـله اشما یهلس ریش بیه
سید حسن الشریفی
محمد جاسم العموری
امفرفح وفکر بیـــک لیــلی اونهاری
اوحتی امناغط بل مای ماتطفه ناری
محمد جاسم العموری
ابراهیم الدیراوی
نعیـماً یا قــــریر العیـــــن والطول
وعسه العشره تدوم اویاک وطول
لــــون بـــــیدک تطر الگلب وتطل
تشوف ارسوم من شخصک بجیه
ابراهیم الدیراوی
یوسف زبیدی
شهر صمصامه اخو زینب وظهره
ومن غیضه اختبص لیــله وظهره
اخیـــک گلبه ضل عنــدک وظهره
انحــــــنه حیـــن الگاک ابلا وعیه
یوسف زبیدی
المرحوم عاید البدوی
وحــــگ البضـعیـــنه ومن حماهه
ادنیه اعجــزت منهه ومن حماهه
گمت ما اعرف ریلهه من حماهه
اشتبشت ولخــــوی یــنکر خویه
المرحوم عاید البدوی
حجی رحمه اعبید الزرگانی
یدهری شوغدت خیلّک علی حیل
تـــرک ظلّت ولا خلّـــت علی حیل
تعال ابیا شـــرع گلّــی علی حیل
العذاب اوحشــمت گـــومک علی
حجی رحمه اعبید الزرگانی
جبار القنواتی
د ریض یا دهـــــر بهــدای موشل
تشلنی وعودی من الرمق موشل
گلت أهلی تضمد الجـــرح موشل
تلچمه إبجـــــهل ویخــــزن بأذیه
جبار القنواتی
ناصر الحجی یبر الزرگانی
هلی حلوین ول احله ضناهم
ارماح ولا عدو خیب ضناهم
هلی للیوم ما ذاهت ضناهم
ولا مــدلـــولهم نـــــاخ وتباء
ناصر الحجی یبر الزرگانی
ابو علوان الناصری
یگلبی العین تحتاجک لهدلیل
وبرهان الیقیــــن انته لهدلیل
لون ایحین وکت الهد لهدلیل
واخـــذ ثار کلمن ضحــه لیه
ابوعلوان الناصری
عبدالواحد الحداد الغبیشاوی
ابدما ســــکتت الدنیـــه سکتنه
ولا واحد گدر یوصـــل سکتنه
انچان اتشوفنه الهسه سکتنه
صبـــر عدنه وسیاستنه قویه
عبدالواحد الحداد الغبیشاوی
احمد جاسم الهلیچی
عهـــــد حبـــــک بــــدی لازال وشما
امنضیج اعلیک اقبله ابشوگ وشما
اشما تبعــــد علــــی تقتــــرب وشما
تجافی ایزود شـــوگ اجـــــفاک بیه
احمد جاسم الهلیچی
فواد یورانی
ابملعب افعال الصداقه البعض تمشی ابزغلطه
وماتحب ونســــت ربعهم بس تــــدور الطلطه
ابزیــــنه لاتتعب علیهم الک شیـــنه امخططه
بردانک حیه اتربیهه
الدهر هدم صــــرح مجـدی وخرباء
وکسر سبگ صگر عـزمی وخرباء
من البســــــمه الوکت عنی وخرباء
وترک ســمه ابچــــبدتی وفتک بیه
لاتتعب عله الدگمان وعـــدهم لا تحط شورک
اتعوفک لوطحت بضیج وماتحمل ثگل یورک
بالک لرعن اتمنه وتحط بســــلاحه شاجورک
من تلمع بیک اول چیله
فواد یورانی
عبدالله مطرودی
الغبـــر خله ابغبـــاریته بـــالک یخــــی لتگله
اخافن من تگله ایــزود ایزود الطین ابف بله
المو هاوی ابکرامه ایعیش لتظن عوذةالملا
تطلعله السید من راسه
عبدالله مطرودی
ابیات ابوذیه
حبیــــبی دائما عیـــنی ترابلاک
شحی والروح یمدلـــل ترابلاک
یواشی میل عن دربی ترابلاک
ابـــدمی ومنـــک ایریدون دیه
ملا محمد المایود
حبیــبی الروح بعدک راح املهه
اوبعد الراح ماظــــل راح املهه
خلهه اتروح راحت راح املهه
رده وشلـــی ابـــردتـــهه علیه
ملا محمود المایود
حــــل الـــدای بعد اعظای بعظای
بچیـت اوما بگه بلعیــــن بعظای
غزیت او فرهدت ونهبت بعظای
اعدای اشتفت عگب اعظای بیه
مالک الملا قاسم المایود
حبیــــبی الجـــفن من فرگاک یرماد
دمه وریـــت الوشـالک کون یرماد
شذرک علی اجروح الشوگ یرماد
ذرک بـــس یـــهـــــیــــج الألم بیه
ملا محمود المایود
یونس ابو حمد الصرخی
ابد ماچــنت اضـــنن منکراها
تکر چبدی اوتگلی منکراها
عــذابک علی خلی منکراها
صــدگ لولادلالک زاد الیه
ســوف اتشـــوف دلالی وستره
الحزن لایگله دشداشه وستره
اشوف العیــب بخوانی وستره
وانه ابلا عیب حطو عیب بیه
احشـــم بلــــمگابـــر ردت گوما
العـــدل محنـــی ولاتنشال گوما
انه الخاصم خصیمه لجل گوما
وانه الگومی اکتبو کصران بیه
انحلت ســلیت چــنی اگضیت عمران
ابجفاک اوعیب کوخ الشوگ عمران
ابضحــکة شامتی مرصــــاح عمران
وانه اضـــلوعی ابعد تنحســــب هیه
ابلیالی العسر والمأسه یربتل
ربع وتر کوبت گلبـــی یربتل
الخلگ محد الک گالو یربتل
تفت خـــاطر اگلـــهم الله لیه
الحوافر خیــل همک یخـــل تمساح
ابفوادی اوچن وحل بنیات تمساح
ابردنهه الئید گدما دمـــــع تمساح
ابجــــفاک انگضه فص العین بیه
یونس ابو حمد الصرخی
علی العاید البدوی
ابظلام الجــفه القاســـی مالمعنه
ابوصل والشوگ عســر مالمعنه
هواک اشکثر ماصخ ماله معنه
گضه ابلوعة جفاک الفتک بیه
علی العاید البدوی
عبد نواصری
اجیــتک معتنی ودمعی بدینی
یغاسی وریتک اتغرلی بدینی
بربی بمذهبی بشرعی بدینی
احبک لیش رحت وخنت بیه
عبد نواصری
هادی ضبی
یگلبــــی افرح مدام افراح تلفیک
ضمیت اعله الترح ولترح تلفیک
عگب ما هلــدهر بلقهــــر تلفیک
حل فیــک الاســـه ونارک سریه
جفیت وجفنی ثق الشوف بیراک
وبی دای الگلب ولهجـــر بیراک
ماهمن تــذبـــنی ابوســـط بیراک
لچـــن همـــی الشماته اتکظ ادیه
حبیبی ابتعد جسمی الروح یماک
یمن یجــــری حنان وطیب یماک
انا غصــــنی یخل ایعیــش یماک
اذا تجـــزر منیـــه اتحــــــوط بیه
هادی ضبی
یوسف زبیدی
من شافت الحره الخیل گامت عل خیم تفتر
عرفت لن اخوه احسین واگع بلشمس ولبر
لطمت زینب الخدین صاحت یا علی الاکبر
اگعد زینبکم یسروه
من شافت الحـــــره الخیـــل شبت بلمخیم نار
ترکض راحت العباس تشچیله الجره الصار
فز من شاف اخیته ابضیج وتنادیه یا مگوار
صیوان اختک گبرنار
واعیالک ظلت طشار
من زینب یردون ثار
اگعد یاهیبه ونجینه
یوسف زبیدی
عادل الحمادی
علی یـــومی الوکت لاچن شر ایما
بحـــزن والما ترومه ایدی شریما
طعم بریاگی من هجرک شری ما
حله والمـــوت منـــه اهــون علیه
عادل الحمادی
قصیده للشاعر الاهوازی (المحمره)مجیده الخیاط
ذمنـــــــی إشما ردت بس آنه حاضر کون
عین بعیــــن حطنی وهــــــای إلک ذانی
مو أطلع تِـــرِد تفرش الغیـــــبه إسماط
وتِضِلْ تنهش لحـــــــم میّـــت إبچیزانی
گبل ساعه آنی یمک ضوگنی من العین
وجبتلک طیــــب گلبی إمقدمه بصوانی
وما ســــدیت باب وبــــــی گفل مغرور
إکــــــرامــــــاً الـــک طیـــــحت بیبانی
مو من بُعِـــد واحــــد تنظر الاشخاص
بـــدّل زاویـــــــه وانظـــر بُعِــــد ثانی
لایغرک حجم واتقیس عرض وطول
ولا ترکض وراء اللی صاح هاذ آنی
إصْبَی العین نگطه وشال کبر الکون
وما گال أنتـــــفخ ویــــوَرْمَن إجفانی
وإذا ردت إتعرفنی مـرنی یـــم البیت
لَتْعایــــن عَلَـــــــیْ عایــــن الجیرانی
مجید الخیاط
امین جاسم امیری
عتیـــت الوکـــت صـــدگ وعتبای
او ماهم واحــد الحچــیی وعتبای
ابلیالی الهم یریت اهلی وعتبای
وتشــوف اظیـــم وکـــدار العلیه
مارد شهگ طیر السعد منطار
اوترکلی الگلب یاهناس منطار
بیـــام العـســـر والعـــوز منطار
علـــی وگـــال واگفلـــــک تچیه
دنیـای ابحـــزن ترکتنی ویالت
علیـــه ولعبت ابحیــــله ویالت
احب ذاک الفرح یرجع ویالت
ابــــد ظیــــم اوکـــدر لایر بیه
ادنیـه ابلا رحـــم بچـــلای تلوای
اوبکتـــاب الصبـــر مافاد تلوای
اهموم الی صفت بحشای تلوای
حـــرگ منی الدلیــــل وعم علیه
امین جاسم امیری
ابو سجاد السلامی
حضن خرنوب الیــــویده مینگل
بیـــد البنـــفاهه ایـــفض مینگل
درس حچی الأهل لاکن مینگل
ابذن الیعـــرف ویحرف قضیه
زمانی اجروح خلفلی والیرب
عسر وافراگ والونه والیرب
لچن باقی امل عندی والیرب
الابــد مایـــبخل ابعطفه علیه
ابو سجاد السلامی
ابو ماهر العتیقی
انبسل حبلل الوصـــل مافاد لویای
علیک او صـــار نص الیل لویای
امس شیصیر من اعطشت لویای
تبخ نــــار العـــذاب اســــرت بیه
بعد مایرد لیـــل اصــبای ذابان
فجره امنل اتهیـل امعای ذابان
الیالی اشگد علی اهموم ذابان
احملت بس حیل ماضل بعدبیه
ابعمر اصبای اطشر ما الم لاء
افـــض ولام بیـــــــه ما الم لاء
الذی بحشای ساکن ما الم لاء
شـــــبح من الألم تکویـــن بیه
ابو ماهر العتیقی
الشاعر اغلامعلی الحمیداوی
یصـــاح المایهملــــــک لاتهمله
اوعله البد ذات دمعک لاتهمله
المــا یســـــتهم لحــــد لاتهمله
جــــدم لو صـــاح شبت ناربیه
الشاعر اغلامعلی الحمیداوی
فواد یورانی
مضیف الما تطبه ایواد اشنفع لو کثرن ادلاله
والما راکب ابعمره ابغیل عزّم یسبگ الخیاله
انا قلمی رقیـــق اهــــوای لاکن للبعض فاله
والیکره کون افگس عینه
فواد یورانی
فرید علاو الحزباوی
حبیبی الیطفه الک چانون ویهب
بحشـای وغده الینقذ یکع ویهب
ابرحیــلک شامتی لاگاک ویهب
ویه ونــار شــــالت غیـــض بیه
فرید علاو الحزباوی
فاضل السکرانی
شـــوگک بالقـلب یـــدعج تملک
عزیـــز ولا تظن روحــی تملک
ابعقلی وناظری ولفظی تملک
رســــم مایــنمحی الیوم المنیه
ملا فاضل السکرانی
عادل الحمادی
گطفنـــی الحـــــزن مایــهتم لگطفای
او رد ابمخیــط الحســــره لگط فای
حرگنی وشامتی اتعده لگه اطفای
او نبشـــنی خاف اثــر ما واج بیه
عادل الحمادی
سرتیب باوی
التواضـــع ما یــــذل البشـــر علا
وسمعنه احنه الثجیل اصیر علا
اجل نفســــی من المکــروه علا
غیــــبه امن الربع تنــــدمج بیه
سرتیب باوی
جاسم الهلیچی
الفرح من مات ابو العز مات وگفه
ســـبع والغیـــره چانت مات وگفه
مثل موتــــــــت النخله مات وگفه
ولا للــــذل رکـــع فــــوگ الوطیه
جاسم الهلیچی
ابیات ابوذیه
ضامی ابمای من شوگک دلیلی
یولفی وجـــدمک ابدربی دلیلی
جــــرح کتال بیصـــــبح دلیلی
ابثوانی اوداعتک تدنه المنیه
مصطفی الهلیچی
الهــوا نایح طفـــل مفطـوم نحبی
دلیلی وبوگ باگه الشوگ نحبی
راقبــــته ورغبته ابیـــوم نحبی
حبیــــبی وکبـــر وتکبــر علیه
حبیب ابو مکی العدگی
ریجی الضل ابهجر ناهی یمرلا
وگلبـــــی دوم یــــــتواگد یمرلا
بعد هل ساع ماریـــــده یمرلا
یــــــمرلا لایـــــمر لایــمر بیه
مهدی السکرانی
الجفن لاتضن علی الخلان درما
دمه در والحــزن یل علی درما
دار ابـــدار واتحــــــملت درما
من الشیـن الغبی المابی حمیه
عظیم البوخنفر ابوتوفیق
فرید علاو الحزباوی
یــــالمنی جــــرح گلبـــــی منادای
وصحت غیر الصده مارد منادای
انه کل الجـــــره اعلیــــه منادای
عفت کل الجــــــنی وربیت حیه
فرید علاو الحزباوی
حسن الامیری
ایاست والیاس بیه اندمج وسرأ
وحیــــده ابلاعیه ابگیـــت وسرأ
افه والله انسـبینه احسین وسرأ
بعد عیـنک بگینه اعله الوطیه
حسن الامیری
هادی ضبی
علی اتعن حبیـــــــبی ماعنعلیک
رحــــت وچلای بلهم ماعنعلیک
تدری اشکثر صبت ماعنعلیک
صــــبت وظــــلام احـــتاط بیه
هادی ضبی
عظیم ابوتوفیق البوخنفر
دمعی الســــــال احس انه یمرسال
علی اخدودی ونسیم المر یمرسال
دخیـــــلک روح خبـــرهم یمرسال
الهوا افادی احتـــرگ من کل نویه
یروحی الخیر دوم اهوی وریدی
وخــــل دم الامل یــملـــی وریدی
اذا من شط فهم یصــــبح وریدی
العســــر یوم الحشـــر مایمربیه
اصعدت زینب ترصـد منتلحسین
ابکثر لجـروح ضنت منتلحسین
آیه حسیــــن اخبرک منتلحسین
وعرف تاویله بس رب البریه
الگلب بی هم صبح یسری ولمبی
من المایـــوم درب الحـــق ولمبی
ایتطشــر شـــــمل اهــالینه ولمبی
ویجـــی النمام وایطشرا من ایدیه
عظیم ابوتوفیق البوخنفر
ملا عبدالساده المراقی
یختی الخیل من عندی ترادای
وعتـــبچ بلگلــــب اثر ترادای
اعذریـنی یبت حیـــدر ترادای
گطیع اونهضتی تکلف علیه
ملا عبدالساده المراقی
شاکر ابو احمد الباوی
احیود الخلسـوا بحـــدهم حسافات
غــدرها الـدهر وافنــاها حسافات
ابجفاهم بل اسه عمری حسافات
ابعجــل واظهـر مشیب الطیم بیه
شاکر ابواحمد الباوی
سرتیب باوی
یگلبـــی الــی امس بنـــار ویاک
اجه ایجــــدد عهد شتگول ویاک
احذرک من عشرته ابتعد ویاک
امس ونــته اکتشـــف ذاته ردیه
سرتیب باوی
عباس السنجری الباوی
کل یوم الگلــب ملچـــوم من الربع چن بی دای
ومنهم ماشفت یودات بس شفت المرار اهوای
منـهم ماشفت راحـــات لا واحـــد طلـــع وفای
خاویته ابعز ما خاوانی
چم دای عله دای ایصیر بیه اهموم ما تنعد
اصبر والصبر لاوین گلولی اشکثر واشگد
گالولی الیســــر عواد لو بــاب الأمل ینسد
هم یرجع عود ایسلینی
عباس السنجری الباوی
میثم الساری
من رعـد عبـــاس بطف مـــوت نگطـــله السمه
وحارت الگوم ابفــزعته یشبه الحـــامی الحمه
امگطعه اچفوفه وسمعهه زینب اتصیح ضمه
شال الشط کله و رواها
معجــزه العباس ســـیفه و موقف البی مر عجیب
مارهم مـــرهم الطـــگــتــه امحیـــر اطب وطبیب
اعله العطش زینب نخته گلهه مای امنین اجیب
الشط برگبهم سدیته
میثم الساری
عادل الحمادی
اهنا یالجــرحی ذچرک بلسما کان
او سـموک ما تباطه بل سماک آن
اشوفک موش بالطف بالسما کان
گمــــر وامخیـــــم اعله الغاضریه
تاره آی اصرخ من اعداک وحتار
او دمـــــی ایفور یا عباس وحتار
افکر بالســـهم من یـــــاک وحتار
اشعجب ما شاف بعیــونک رقیه
شــــارچت الانس بالنــــوح وجان
او نشدت الرایحات اعلیک وجان
همت للتــل اصیـــح الخیــم وجان
تلاحگ یـــــالتخمــــد النـــار الیه
اهنا یـــاللـــی علی الفطـــره ودیناک
او بعت روحک لجل خوتک ودیناک
یـــعباس الگطـــع راســـک ودیناک
گــــــطـــع ســــباح شـــتلات الحمیه
تــهزل ثوب صبـــری اعلیک ونگاد
او علی من کل جبیــله عیــن ونگاد
اشلون انطگ یخویه ابسوط ونگاد
ابحبــــــل والنـــاس تتفــــرج علیه
شبیــه الزهره یاهی العد یابیت
یــزیـــنب مثلچ و حویچ یا بیت
شموخچ لاح هام الغیـــم یا بیت
علی وخیم علی اطراف الوطیه
عادل الحمادی
عبود الحی سلطان
بعـــد مــــا بیـــه اجــــدم ولحگلهم
واثاری انه المقصّــــــر ولحگلهم
یه طارش لو تصحلک ولحگلهم
ترا انا اخـــلافـــهم بس نفس بیه
عبود الحی سلطان
عباس عساکره
عله افراگ الاهل لیلی حیته
وطارش لـــولفه منهم حیته
ابوی حسین لو بیدی حیته
وگله اگعد خذو عمتی سبیه
اذا حیـــــدر بصفنه وصفنه لحسین
اخلی الکون یـــاخذ صفنه لحسین
خدمنه وعله الجنه صفنه لحسین
کرامه الکســـر ضلع امه الزچیه
عباس عساکره
ابو خلیل الشحیتاوی
رکب غوجه وحمل کالییث عالگوم
وجـــرعهم أساو کاســــات عالگوم
الطایح گـــــرفصه وطواه عالگوم
الامام احســـین ابن حـامی الحمیه
هدم عرش الطغات احسیـــــن وبدمه انحیا الاسلام
فات اعلی المنـــایه ابـــزود وحطــم زمرت الظلام
کفو اونعمین ابوسجاد شجاع اوبل حرب ضرغام
والعالم یشهد تاریخه
ابو خلیل الشحیتاوی
سید عقیل التفاخ
وگف وگفت ســـبع بلکون وجیوش الکفر طبهه
الزم عصـــــابت الخوه ابعـــزم ولهامه عصبهه
ضل یحلف بخوة احسین لشیل الکوفه وگلبهه
من اسمع زینب عطشانه
صـــــــدگ هـــدو گلبهه ابیــــوم ســـمع عطشانه
او خله الخیل تردم خیل من ضل یصهل احصانه
ثلث تنعام اخـــو زینب صـــاح ابصـــوت هاذانه
وبن امه الیوگف جدامی
سید عقیل التفاخ
محمد السلامی
احس چن طیر گلبی فر عله احسین
اوشبه برکان دمعــی فرعله احسین
کل غصــــــن الیفرع فرعله احسین
تصیــــر الصعبه یمه اســــهل قضیه
محمد السلامی
محمد نیسی
صنف ردینه نص الیـــــل کلمن رایح البیته
او طاح النظر عن شایب المتنگب ابچفیته
مشیناله او تگربنه بل مگــــلوب عوچیته
لازمه ومایدری ابروحه
گعدنه اوســـــولفینه اویاه اهناک اوطیح انگابه
گال الابن نص الیـــل طردنی اوســـد علی بابه
اشلون اطلبت منه المای قندب خرب اعصابه
یاذایه اطلع لت اذینی
محمد نیسی
محمد نیسی
ایعاتب زمانه ابهای شایب من سدت هایه
گال الابو تــــــالی انوب ینعدیا خلگ ذایه
لون ادری تصیر اویای ولله مادرت مایه
میت عطشان ایدفنونی
محمد نیسی
مهدی عطشانی
ضربنی ابصوطه وکتی مانخیته
وعدوی اویــای یمشی مانخیته
اظن ناسی ابن حیـــدر مانخیته
کفلنی ابیوم ســـــار الظعن بیه
مهدی عطشانی
سید حسن الشریفی
تنفس یا صــــــدر وشـتم هوا حسین
الحیاة وسر بقاء الحــــب هو حسین
الگلب گبل الخلق بالذر هوی حسین
وعاش اویاه روحـــــــی ونفس ریه
سید حسن الشریفی
جعفر تمیمی
الم جــرحی شبیهک هاج یلمای
شحطلک من دواوتر تاح یلمای
اکرهک لو ذکرت حسین یلمای
ابسبب بخلک مشت زینب سبیه
جعفر التمیمی
سید رضا القارونی
یگاع الطف الچ لــوعه ولچمات
جرح یدّن عله ابن امّی ولچمات
صـحت علخیل ما بسّچ ولچمات
یخیل حسین هاذه اعلی الوطیه
سید رضا القارونی
جلیل شجیرات
مزن غیم الجفن بطف یخیما
تلوچ النـــار وشظــلت یخیما
صـحت عباس یلکافل یخیما
شفت زینب علا الهزل سبیه
جلیل شجیرات
ابو ماهر العتیقی
تـلح وادری ابملحـــتک من تلحسین
او یلسن ارجای مهلن من تلحسین
صفنــــله الکـــون کله من تلحسین
وهوا عرش الســـمه وخر علوطیه
ابو ماهر العتیقی
حاجی سیف الباوی
مصایب عن جمیـع امصاب کفین
او وینه الغســل ولحسیـــن کفین
الــــه چـــفیـــن للعبــــاس کفین
عسه من دونهن مگطوعه ادیه
حاجی سیف الباوی
ابو سجاد السلامی
وگف بشط ینادی منتعباس
الترد الگوم عنی منتعباس
ماکو صوت أیس منتعباس
بیرق عزهله احسین اشفیه
ابو سجاد السلامی
عبدالخالق آلبو علی
الیوم من الخجل جف نهر الفرات
وثبت العبـــاس عالمـــای السخاء
الیوم تأسیـــس الاخـوه البالوجود
الیوم میـــلاد الکـــــرم وی الوفاء
عبدالخالق آلبوعلی
عزیز محسن الکنانی
وحـــق الخــــــالق القهــــــار بلطف
مـــــدارس سیــــــد الثـــــوار بلطف
الیــثور اعله الظلم مونهض بلطاف
عله الکعبـــــه وعله الجـــنه سویه
عزیزمحسن الکنانی
احمد جاسم الهلیچی
واحــــد گــــل للاخـــر فرسلحسین
سیفه وشوف صهلت فرسلحسین
الله ارســـــل محـــمد فرسلحسین
شهیــــد العــــــز یظل بلغاضریه
احمد جاسم الهلیچی
سید رضا القارونی
الدهر مصحف مصابی ونتلالی
برضیعی وکض دلیلی ونتلالی
رباب آنه أرد ألولـــی ونتلالی
بلچـــــی یـــنام لا یـرفس بدیّه
سید رضا القارونی
حسین السلامی
گصا دهری اب آسه اوشینه علیمال
واحس ثوب الصبـــر خـویه علیمال
عگب عیــــناک گمت ارکب علیمال
الهــــــزل والنـــاس تتفـــــرج علیه
حسین السلامی
علی المطوری
شــط الملحـمه اگلبـــــها ورایه
الچ مـای ارد اوصـــلنه ورایه
اترکت چفوفی یا زینب ورایه
بس یــــرویچ نهــــر العلگمیه
علی المطوری
رحیم ابو جساس المنهل
انت ابـــــو الاحـــرار عشگی وانت عشــــق العاشقین
وانت یــــــا عــــــــون القضیـــــه وانت یا نعم المعین
اهلی صاحت کلهه بسمک یا حسین یاحسین یاحسین
اسمک ضل منهج کل حر یمشی اعلیه
رحیم المنهل
عبدالعظیم الربیعی
فنه جیوش الحرب عزمک وساده
اوفضلک طوگ العـــــــالم وساده
الارض تصـــبح لعد خدک وساده
غریــــبه یا غــــریــــب الغاضریه
عبدالعظیم الربیعی
قاسم ابو میلاد النیسی
راعی الظعن ما مات حــــی بعده للیوم
اومن ینذچر طروا اتضل ترجف الگوم
قاسم ابو میلاد النیسی
علی عاید البدوی
یوم العاشر ابعاشور من طاح الحسین وحید
الو قصـــده الطم ونوح چا ما یستحق تمجید
قصــــده ایعلم الأجیــــال للعز تحط اید ابئیده
هیهات امنذل ولعیله
علی عاید البدوی
یوسف زبیدی
ابکثر ذکرک لســــانی انعاب ویتل
ویـــرتل بس ودادک صـــبح ویتل
اشکبرهه اعتقدو یا هلناس ویتل
الگلب حیــــن العلیه یــبعد خویه
ابصــــده ثارن الچیـــــلات لازم
علی واشبگهن ولا امیــل لازم
بعد کل هذا شفت ابطیف لازم
خد خلی وبوسه اعله الشفیه
یوسف زبیدی
احمد جاسم الهلیچی
المئاسی گمت ازورنهـــه وطفهه
ابأذه ومحـــد خمد ناری وطفهه
مصــایب کربلا وزینب وطفهه
سدن بلحب علی من خنت بیه
احمد جاسم الهلیچی
اوداعه البریهی
خلص گوتی وبگالی الصبـــــــر چالای
وطحت من فوگ حدده اب بطن چالای
لون ونی یصیـــــر ابمیـــــــــت چالای
طـــر لحـــده ونهض وانتغــــــــــر لیه
اوداعه البریهی
علی شایع اغطفانی
العنـــــده اخوان یــــــوم الفزع مالام
و ماحشم غــــــرب للضیــــــج مالم
اشمداوی الگلب یغدی اردود مالم
منــــل عایف عمـــامه وگطــع فیه
علی شایع اغطفانی
عیسی الشرهانی
جفانی و راح إلدعــج مایه بالی
أنشغل ویضـــاً ابحـالی مایبالی
لیـش الــــــــــــی أبیله مایبالی
السعاده وبوکاحه أبعــــــدعلیه
عیســـــــــــی الشرهانی
عادل شمسی الحمادی
حبیبی اعلیک لوب النوگ لاب ال
گلب وبراســـــی لا ظل فکر لا بال
چتف صلیــــت مو مفترض لا بال
خفت گلبی من اذچـــرک یهج بیه
عادل شمسی حمادی
علی عاید البدوی
اتبچبچ عین شــوگی اعلیک موعن
علی ذچـــــرک غدت شلال مو عین
چتف صلیت فرض الصبح موعن
عقیــــده الگلب خفت ایطیـــــر بیه
علی عاید البدوی
یوسف الگاطعی
النـــوایب هـــدمن حیــلی ولاچن
دلیلی و مانگص عـزمی ولاچن
صدیقی عضیدی سمیته ولاچن
طلعت غلطــان بیــــه بلا وعیه
الضعـــاین ســـــرن بیــــه وآلمنی
وصــدیجی البی ازامط ولی منی
عضیدی حزام ظهری ولی منی
نکر ملح الاخــــوه وخــــان بیه
یوسف الگاطعی
احمد جاسم الهلیچی
إدینک صــــافحن غیــــر إید وندای
فهن والگلـــــب ون إعلیک وندای
صده صوتی ارتفع بجفاک وندای
خمش گلب اصــــخر ونصدع لیه
احمد جاسم الهلیچی
یوسف زبیدی
مرهم ما یفیـــــد الجــــرح وشل
وگلبــــــی من الالم مایوم وشل
عله الگوطر ظعنهم فجر وشل
وخلانی ابألــــــــم حــــد المنیه
رمح قدرک یصاحب خله بیه
الم وابگلبی احســن خله بیه
اشمگل دلالی حـــبه خله بیه
یهد و یعارض ویزعل علیه
یوسف زبیدی
ناصر الفرطوسی
یمن بجـــــفاک مــــا یـــــنفع فرک راح
عزیز او ناضری ابهجـرک فرک راح
یاواشی الـــــــذی عنـــــی فرک راح
اوتر کلــــی اتــــراح عـــراح امندیه
ناصر الفرطوسی
جمیل ابو خلیل الحمیداوی
یعارف جـــس نبـــــض گلبــــی شبیه
اجرعت سم هجــر محبـــــوبی شبیه
اعتقــــد کــــل حیــــل مــا بیه شبیه
الشبابی و گمت احودب عل وطیه
جمیل ابو خلیل الحمیداوی
ابو خلیل الشحیتاوی
ابشغف ریــــــــت انتعانق ونتشاقه
او صـــدودک شق دلیلی ونتشاقه
قـــــــرامه انته او کیانه ونتشاقه
او رضاب اشفاک بخه ابنبع میه
ابو خلیل الشحیتاوی
