نسیم نبگانی
لا تعذب قلب حبـــــــــــــــــــک یابلا
رحـــــــــــــــم یل کلک عذابی یا بلا
یابه لا تتلفظ اسمــــــــــــــــی یابلا
تحرق اشفافک حروفی الساعرات
نسیم نبگانی
نسیم النبگانی
رزه الزمتــــک لیهسه تبچی ادموع
اتبــــاوع عل طـریق وتنتظر رجعه
من حطیت چف ابچف یمین الموت
طاحت من البـــــــاب ابهیئت الدمعه
چنت شمعت یتامه اتضحک الهم لیل
چفن صارت الدمعه الموتت شمعه
یریدونی اعــوفک و اتبع الجهّال
اذا عفتک یحیدر گلبی شیقنعه
احطن قاف عقلی ابید عزرائیل
حتی اسمک یضل من راسی ماطلعه
کلمات المبدع نسیم النبگانی
نقدم احر التعازی و التسلیات الی جمیع المسلمین
فی انحاء العالم بمناسبت استشهاد
امیر المومنین علی ابن ابیطالب علیه السلام
نسیم النبگانی
لون تسئل لیش ذبحوا من قفاه
حسین و اتدور جواب او منتظر
آنه اگلک و اقنع ابــهاذ الدلیل
لان من مقفاه هم ینــعد صدر
نسیم النبگانی
دارمی دارمیات جدا جمیلا
سلامٌ علیکم و حیَّّ ألله جمیعَ ألشعراءِ ونتمنی إلمزیدَ مِن إلمشارکاتِ .
هلگد حلا حط بیک یامحله طاریک
لوتمشی انته اویاک هم مااخلیک
هلگد حلا حط بیـــک جلت قدرته
خلانی احب اثنین بس انته وانته
هلگد حلا حط بیــــــک رب السماوات
لو تلمس انته المات حی یرجع المات
هلگد حلا حط بیک رب العباده
من بوست الشفتین طالب اعاده
هلگد حلا حط بیک رب العطوفا
مستحیه متواریک حته المشوفا
من کلمات الشاعر نسیم النبگانی
هلگد حلا حط بیک رب الخلایق
خلانی انجیت ب اول دقایـــــق
رحیم المنهل
هلگد حلاحط بیک رب الجلاله
خله اتغزل بیک حتی الغزاله
قاسم ابومیلاد النیسی
هلگد حلا حط بیک رب البــــــریه
نزل گـــمر عل گاع باالناصـــریه
ابونسیم_الفلاحیه
هلگد حلا حط بیک ربی یا ستار
مگدر اعوفک یوم صدگنی محتار
من کلمات استاد الطرفی مدیر موقع ادبنا
هلگد حلا حط بیک ربک إشکره
دلّـیـني بإلعاداک صدگــني فگره
هلگد حــلا حــط بــیک رب إلنبین
بس شفتک إنجنیت إبخزرت العین
هلگد حــلا حـط بـیک رب إلقلم ونون
بس شافتک عینای صرت آنه مجنون
عادل خلف الساری
هلگد حلا حط بیک ربنه الخلقنه
لو کلهه مثلک هیچ چا ما تعبنه
هلگد حلا حط بیــــــک رب السماوات
لولحظه منی اتغیب اشعر لک الهات
ماجد الدسمی
هلگد حلا حط بیک یا شیخ الاوطان
تسگینه گهوه اسنین لاکن بالحزان
هلگد حلا حط بیک مایک حیاتی
کارون اسولف بیک حتی ابصلاتی
بدر النصاری - مدونه فلاحیتی
هلگد حلا حط بیــــــــــــــــــــــک یا بعد اهنه
یاحــــــــــــــــــــــــلو یتحداک انت احلی منه
هلگد حلا حــــــــــــط بیک خالی عله کیفک
نخـــــــلک یضل نیشان ومحـــــــلی صیفک
هلگد حلا حــــــــط بیـــــــک لاله وتلالی
عونه الیعیش احذاک جـــــــسر الهلالی
هلگد حلا حـــــــط بیک ذللت الاعزاز
ما یعله عال اعلیک یا ارض الاهواز
صاحب کعبی - مدینة تبریز
ومضات جمیلات من کلمات نسیم النبگانی
حــــالف ما اعایــد لو تــمر اسنین
و بقه الدهر صایـم بس اضل انطر
لمن مــا یجینی العاشگته الروح
و یگلی ابرضاب اشفای گوم افطر
گالولی الخـــلگ باچریجیــــک العید
گلتــــهلم اعیـــــد لاکــــن ابشرطین
بوسه من الشفایف شرط الاول هاذ
و شبگ خصر ولفی و اقفل چفین
من کلمات الشاعر نسیم النبگانی
عیدکم مبارک و ایامکم سعیده
بــــــــعد یومین یسطــــــع نور الهلال
اویملی ابـــــــــلادنه العیـــــد ابفرحته
گلت خل اسبــــــــــگ آنه العید جدام
الحبیبی الحاب احط بسمه اعلاشفته
السلام علیک یا علی ابن موسی الرضا(ع)
اسجل هذه الشعار من جوار مرقد الامام علی ابن موسی الرضا(ع):
من تطب حضرت امامـــک ذاک ابن طیبه نفوس
اطلب الحاجـــــه ابسهوله و گلبک ابدا لا یحوس
هل دمع یم باب صحنه و گله یا شمس الشموس
جیت اطلب و انته الوفایه
نسیم النبگانی
اجیت ابلهفه حامل شوگ گاصد حضرت السلطان
شمس عالی اعلا الشموس و کافـــــــــل الغزلان
کریم و بل کرم نعمین یشبـــه جده عالی الشان
ماحس ابغربه الساکن بیته
رحیم ابوجساس المنهل
اعتنیت الحضرتـــــــــک یا کافل الغزلان
یا شمس الشموس اساکن اخریــــــسان
تجری ادموع عینی او گلبی الک ولهان
و الزارک یوصل لمراده
عادل خلف الساری
الخصم ویـای اله کل یوم مشهد
اولل حین ابحقوقی اعتقد مشهد
نخیته الی سکن بحــدود مشهد
امام الغربــــه بلچه ایحن علیه
سلمان ابو میثاق الحمیداوی
ومضه جمیله من نسیم النبگانی
طعم ریجک یقارن سلسبیل الله
و الحبک اکیداً تکثر اجروحا
مثل ازبد خدک و شفایف تین
ماشایف بشر یتریگ ابروحا
نسیم النبگانی
هوسه فی حق الامام علی (ع) من نسیم النبگانی
امهدله و تبچی العداله ابصوت تندب یاعلی
انته تهواک الولایه و ما احـب غیرک ولی
یاهو یقبل بل خلایق مسنــد الهزبر خلی
الواوی ایصبح مچمن بیه
نسیم النبگانی
دارمی جمیل من نسیم النبگانی
مکیاجک انته امنین یا احله انسان
تین و عسل و عناب و شویه رمان
نسیم ابوحازم النبگانی
مکیــــــاجک إنته إمنین یمنوّر إلکون
یوسف وخوته إبشوگ یمک یسجدون
مکیاجک إنته إمنین عطرک علی فاح
شهــد او مسچ بل زیج و الصدر تفاح
عادل خلف الساری
نسیم النبگانی
لما اشفافک دوا العلتی منعته
طبیبی ابیا سبب منی منــعته
جواد العقـــل هایملک منعته
یگلی ارخی رسن لاتعت بیه
عرفتک من نظرتـــــــک منتهاوی
العشگ و سرای عمری منتهاوی
الوکت لو من علیـــــــه منتهاوی
الگلب بس انته منتک عار لیه
اخبـــــــــرک ما صنع گلبی لمشفاک
فگد وعیـــــــه و یرد روحا لمشفاک
اعله بختک یا خشف مرا لمشفاک
دخل ارشف عسل شفتــــک بدیه
اصیح ابصوت وی قلبی جدایل
عفتنی و لا تحـــــل یمی جدایل
کافی ارجوک ماریــــدن جدایل
لما اشفافک دوا العلتی الخفیه
من کلمات الشاعر الادیب نسیم النبگانی
اهازیج (هوسات) اهوازیه فی زفاف الاخ مسلم الشیخ داود الحمیداوی
هوسات بمناسبه زفاف الاخ مسلم ابن المرحوم شیخ داود الحمیداوی
فی مدینه ملاثانی فی یوم الخمیس ۲۸من نیسان عام ۲۰۱۱ المیلادی
یوم ۲۴ من جمادی الاول عام ۱۴۳۲ الهجری القمری
لچنی العسر و انجبریت احوفن مستحی اببختی
و تلثمت ابتوالی اللیــــل و طاللت بسلف طلتی
شفت شیله اعلی حایط ناس بس اتذکریت اختی
غطیت الشیله ابچفیتی
سید حکیم الشبری
لچنی العسر و انجبریت احوفن مستحی امنل ناس
طبیت اعلی بیت ایـــــــــواد بس اوداعت العباس
حسیت المـــــــایه اترید اتذب الشیله من الراس
صحتله اب بختچ خلیه
صاحت منهو هذا ابلیل دش بیتی ویحلفنی
سبحان الله مات اسنین ابنی و انت مثل ابنی
ردیت ابوجه عرگان یا یمـــــه العسر لچنی
خلانی اطفر های الطوفه
حسن ابوفلاح الزهیری
شمـــــه اهلچ ابیوم الضیج کلهم بلمعاره احیود
و داود ابعــــــــــــزم سلمان رد الملاثانی اردود
میت صگد صار اسنین بس محد یحس مفگود
السل خلف سل شاهدنا
میت صگد های اسنین داود و رحل منـــــــــهان
بس رده ابوگفته اردود لهله و من وگف سلمان
الـــدلال اتحزمت من طاح حیهم هوس الفنیان
بلملعب داود ابروحه
حسن ابوفلاح الزهیری
احفظ شرف عز اعضاک و اوگف ب اول السربه
و بالک زورک اتگصه ابمجالس لو شفت غربه
تدری اهل الاصول اتگول العنده ابخوته طربه
ایضل متاخر ما نهوا
عامرالسعداوی
علی یا دنیه صولی ابزود العبی اشلون ماردتی
و اسمعچ هات من ستار علتــــه اتشابه العلتی
صولی یا دنیــــا علیه و العبی
و گلبی ابنیران غدرچ و العبی
اظل افخر بل امــاجد و العبی
حیث لبسنهن خواتی الماجدات
اضل افخر لحد الموت ابعبایت ستر خدر اختی
لبسته و لاگت علهامه
رمضان العگیلی
تعال اتـــگرب الحضنی لاتبعـــــــد یبن عمی
و خل نتحد عل الکلفات یل دمک نفس دمی
لا تفگة شماته اترید فتنها اعلا الاهل یرمی
و اتضیع خوت ماضینه
حمید العیدانی
حـــاتم بل کرم معروف و ابدا ما یرید اشهود
لچن حاتم بـــــذل بل مال ما گالو بذله ازنود
بس ابکربلا العباس دگ حد الکرم و الجود
شال الشط لخته ابچفینه
الو تسمع اصایل خیل تسهل وسطه الحومه
حتما عل الظهر خیال عدهه اتزامط ابیومه
طبع خیل الاصایل هاذ بس الترهب اعلومه
تسهل بل ملعب جدامه
مد روحک جسر لعضاک و الهم خله مشتاگه
و ایضا خل حنینک کون یشبه حنت النــاگه
الصگرمهمایرید ایصیر لو ماعنده سبــاگه
حته الخطافه اتشل حاله
سیست لل خوه مرمر و حیطت حایط وفه
و عنزت گم گم مظیفی ابگهوه تنگط معرفه
شربت خطاری منها صاح ممنون و کفه
و ابهای اتعنز عنوانی
مرمر سیس الوجدان و حایط لل شرف علّی
و عزت نفس کل مصباح لازم عندک اتخلّی
هوس لو شفت عیال عمــــر الباقی ایولّی
و الموت ابعز اتعناله
قاسم ابو میلاد النیسی
الوفی و صاحب عقل یا خوی لهو الدهر ما یلهیه
ابسبب میمرجمیل اهوای قاسم نیسی الک حاچیه
کلمن ذکی ابلهو الدهر مایلهه
ویعدل یخی لهل الشرف مایلهه
ابوکت العطش یصبح عذب مایلهه
او وکت الحرب یسگی الخصم دم احمر
هذا اللی یریح البال و تگدر حارص اتخلیه
و اتامنه البیت او مفتاحه
نسیم النبگانی
وارجو التسامح من جمیع الشعرا الذی کانووساهمو فی هذا الفرح و ما
حصلت علی جمیع اشعارهم و هوساتهم الجمیلات
رحیم المنهل - دیوان ملاثانی
ومضه جمیله من کلمات الشاعر نسیم النبگانی
لوشفت سهـــــــــران لیـــلی و ما انام
لاتظن ولهــــــــــان یا خایـــــن علیک
بیک واید باوعت مــــــامن وفــــــــاء
اجفون عینی اتزاعلن کله من ادیــــک
من کلمات الشاعر الادیب نسیم النبگانی
موال & ابوذيه من کلمات نسیم النبگانی
یا من عفتنی و رحت ب لله احلفک عــــــود
بغیابک آنه انحلت صرت اعله جرفک عود
تسگینی مای الهنـــه چنت آنه احسب عود
لیش ابعجل یا ترف سهم القـــــــــدر مناک
صاب الدلیــــــل او تمن و آنه اقبلت مناک
ضیعت درب السعــــــــــد منهانه لومناک
او چذب الگلک بعد اسله ابتتن لوعــــود
چذب منگال اسلـــــــه ابتتن لوعود
ابغیاب الفارگانی اوخــــــان لوعود
اذا صرت اعله جرفه ایباس لوعود
سگــــــانی ارتاح مامش های هیه
من کلمات الشاعر الادیب نسیــــــــــم النبگانی
ومضه جمیله
کثرما باتن ادیه ابین ادیــــک
اتبدلن بصمات ادیه ابصمتک
دیربالک لاتلامس چف غریب
حتی لوعمیان اوجد لمستـک
من کلمات الشاعر الادیب نسیم النبگانی
ومضه حسینی من کلمات نسیم النبگانی
لو شفت للیوم مواج الفــــــرات
موامر عادی و حگ طاها النبی
آنه اخبرک ماسبب هذا الصراع
صولت العباس حطت خوفه بی
من کلمات الشاعر نسیم النبگانی
هوسه من کلمات نسیم انبگانی
کرمت خلی ابولیمه و گتله ناگص بس ملح
گال ماعندی التریده کافی بسک لا تلح
و المصیبه اهنا یعالم گتله طیبلی الجرح
رش ملحه ابجرحی و گال آنی
نسیم النبگانی
نسیم النبگانی مدینه ملاثانی
خذه درعی الوکت بضیج وشر
علی سیفه و کثر بلواه و شر
هدف ثابت صرت لعدای وشر
علی وهنه نبال اردف بیه
نسیم النبگانی
نسيم النبگاني
اون وداي ون اوياي ونداي
سمعته وماتردلي وزادونداي
چنت ورده ابربيع العمر ونداي
وفه لاچن خريفك عم عليه
نسيم النبگاني - مدينه ملاثاني
نسيم النبگاني
العسرحشم علي گومه و حطباي
ومحطا اصبحت لهموما و حطباي
شته و قيم الحزن يمطر و حطباي
ثگب دفه الغرب و رماد ليه
نسيم النبگاني مدينه ملاثاني
