سید حسن الشریفی
یـــریحـة عنبــــر وشمام یا هیل
رحت واهلال شهر الضیم یاهل
اترکتنی چــن حمامه بید یاهل
ایتسـله اشما یهلس ریش بیه
سید حسن الشریفی
سید حسن الشریفی
تنفس یا صــــــدر وشـتم هوا حسین
الحیاة وسر بقاء الحــــب هو حسین
الگلب گبل الخلق بالذر هوی حسین
وعاش اویاه روحـــــــی ونفس ریه
سید حسن الشریفی
سید حسن الشریفی
غده حــزن التجافی اعلیک ینتل
ابروحی وتل علیک الگلب ینتل
ایا اسمی اشوکت بشفـاک ینتل
واحسه من صــدق لایگ علیه
سید حسن الشریفی
نسمة غزل کلمات سید حسن الشریفی
نسمة غزل
بـــارع بالغزل و احساسی مــــرهف حیل
بس الخــــــاطرک عیــن الغــــــزل تسهر
یل شعــــرک بحـــر غـــرّگ لیال السود
واســـو طل الشعـــر یتــــامل المعبــــــر
وصل حد ضی جبینــک والفجر شع نور
وجـــهک چـــن شمس مــــن اگبلت نوّر
مشـه ابساحة اعیونــــــک لیل یتبع لیل
مـا بیــن الجــفن وارمـــوشک اتعثّــــر
یـل عینــک قصائــد طشت اعلا الروح
وآنـــه الخـــاطر اعیونک للبشر اشعر
یل شفتــــک معــادن لامـــــه الیاقوت
والـــرگبـــه سوالـــف لــو گلت تکثر
یل همسک شـــعر واســـوالفک انغام
ویل ریحــــــة انفاســـک تشبه العنبر
ویل کلک ملــــح بس مو ملح مذموم
مملــــوح الــــــوصف والشافک اتحیّر
ویل صدرک جبل بس طره نهر الشوگ
والشــــاف النــهر مـــن کیفــه یتمرمر
یل خصرک صدگ یشبه خصر کارون
اخاف اوصل اجروفک والشعر یسکر
ما اگـدر اوصفک وصفی یمک داخ
ولا عیــــن الشعـــــر یمک بعد تگدر
الک انثــر ازهیری و دارمی وموال
و ابوذیـــة غرامی و هاتی و المیمر
و اختــــار الیعجبک بین هل اوزان
بس کون ابوصالک احضه یل اسمر
کلمات الشاعر سید حسن الشریفی
هات جمیل سید حسن الشریفی
هات من حنظل زمانک مره هات
وهات من آهات لیـلک مره هات
هات یا هات المفـارگ مره هات
بلکت ابهاتــــک ترد الماضیات
هات من آهــــات صدرک ونه هات
حتی احس لوعه غرامک ونه هات
النّــــه للعشّــــاگ میمر و نه هات
والنّه بوذیه و عتاب امسطرات
هات هاتـــــک یلی هاتک چن نسیم
وهات غیـــرک لو یمرنی چن نسیم
چن امس باحلامی سارح چن نسیم
شخصک ابشعری انکتب یاترف هات
حبّــــک ابگلب الیــــــودّک ماله حد
وغیر شخصک گتلک امّن ماله حد
ما کفــر بلعشــــــگ گلبه ماله حد
بعده مومن بیک یا زین الصفات
انته تدری اشبیک تنشد جرحی وین
آنـــــه ما ونیـــت لاکن جرحی وین
اچفوفک ابثمّار عمری جرحی وین
وکسّرن عودی و عمود الذکریات
سید حسن الشریفی
