چف افراگ خلاني يملخل
چبد والخل ترا ایسکن یم الخل
لسبني اگليبي المغيرب يوم الخيل
ابنواصي امطينه گبلن علیه
حسین السلامي
سرا ظعن الذي بيهم محنه
او أيادي اوداعهم غصبن محنه
القهر چا ضل ظهر بینه محنه
الضعن دب والسلف حودب مسیه
حسین السلامی
الي اردان الغدر دهري چفیته
اوکاس اللذه من فمي چفیته
آنه الخرت من الهامه چفیته
وآنه الهرول ورا المضعن خطیه
حسين السلامي
بياض النيه بين لونبلهام
الگلب هل مره اگطعه لونبلهم
بعدمرضا ابوصلهم لونبي لهم
ينزل من سمه السابع عليه
حسين السلامي
دنخ یل مضعن ابخلي دوانی
ثوانی مو لظه الفرگه دوانی
صعب يا يوم الموادع دوا ني
راعي او كون دافن توه خيه
حسين السلامي
امتیّم ابحبک یغاتی و عاشگ الاسمک علی
مو طمع ب الجنه احبک لو قضیه الاولی
مامش انسان ابصفاتک و انت الاکمل یا ولی
و الکامل کل واحد راده
⬛⬛⬛
ک رحیم ابوجساس الحمیداوی
هم یرجع زمان الچان تلتم الضحی' الشیاب
و الهاون یرن ایگوم خاطر یخبر الغیاب
ابمضیف ازبید عد منان گهوه و حاچی بیت اعتاب
حیر عگال ابتفسیره
🌴🌴🌴
هم یرجع زمان الچان تصهل بل سف عشمه
ویفزعلک گبل نخواک ما یحتای اخو اتحشمه
ملط یرگه اعلی ظهر الخیل و العایل یضل خشمه
یسحل عل گاع امدمینه
🌴🌴🌴
هم یرجع زمان الچان توجد بل ملح شاره
و مثل اهله البخت محشوم کلها اتلوذ بکتاره
چان الیار ما یحتار حتی ایزامط ابیاره
بس ما یستارث من یاره
🌴🌴🌴
هم یرجع زمان الچان منحط لل مضایف باب
نشری الیار گبل الدار و الحی کله یبگه احباب
طفل لو یبچی لیه اتصیر من الباب لل محراب
تفزع باولها و تالیها
🌴🌴🌴
هم یرجع زمان الچان چعب اهل الفهم یلچی
و الکل بس تصیر اعیون تسمع ما شخص یحچی
الو شی النریده ایصیر عین اهل الفتن تبچی
و احمود ایرد اعلی امضیفه
🌴🌴🌴🌴
هم يرجع زمان الچان توجد صدگ عدنه شیوخ
مثل ادعیر المولا شهید الخله خصمه ایدوخ
مو هسه حشه الأمجاد باموال اليتامه اتلوخ
و اتعزب ضلت عل ديره
🌴🌴🌴
هم یرجع زمان الچان سرک محد ایبوحه
یارک مثل اخوک ایصیر یشبگ روحک ابروحه
گبل عدنه المضایف دوم چانت کلها مفتوحه
و الموگد ما تهفت ناره
🌴🌴🌴🌴
هم یرجع زمان الچان لو حی گبرت ناره
یصح شاعر مثیل اغلام تطفه النار بشعاره
موقف ضل مثل لناس وعه الشعب بفكاره
شيخ العگال ایسمونه
🌴🌴🌴
هم یرجع زمان الچان توجد بل گلب رجه ؟
و اذا دمعه یتیم تطیح تصبح بل سلف ضجه
گبل صله الرحم ل ناس چانت تنوصف حجه
( و الیار عضید یسمونه )
🌴🌴🌴🌴
هم یرجع زمان الچان توجد بالسلف عونه
یفزعلک سلف هوسات وینه الزرع دلونه
خلص ضحویه لا اتلومون یهل الغیره ریگونه
تحصد واتدوسه العوانه
🌴🌴🌴🌴
هم یرجع زمان الچان توجد بالسلف غیره
أبد ما تگرب الحرمان منه و بی نواطیره
لچن هسه اصبحت فرهود حیره املبسه ابحیره
حتی الناطور ایبوگونه
🌴🌴🌴
هم یرجع زمان الچان توجد بالسلف یوره
یحلون القضایه ابساع های القصه مذکوره
مره انطبر بلحی بیت حرگو سبعه من دوره
فزعوله ابساع و طفوها
🌴🌴🌴🌴
گعدو بالمضیف ، الصار گالو عیب عل دیره
سولف نوفی لو مطلوب، عندک لا تضل حیره
اذا بطلی الطبر ینهان نحط ابگصته الف جیره
و انجیبه امچتف للثایه
✒قاسم ابو ميلاد النيسي✒
إلأبــوذیــٰه ...♦️إلأهــوازیــٰه ...🚩
أگـِل روحـي یـٰروحي إلـعـِثـر سـمـحـأي
حـتــٰه إیضـُل إلـچ بـل عـرب سـمـحـأي
وڪت إلغیض أشـَرب إعدأي سـمـحـأي
ورِضـٰـأي إبـچـَـهـبـَـت إلخـَـیــر عـلـیــٰه
ڪـِلــمــأت ...🌹
إلـمرحوم طاهر حجي عبود إلـسلامـي
هلی چانت ترد اجیوش بلماو.
وخصمهم بلموازم دوم بلماو.
هلی منهه المنایه اتهاب بلماو.
اگول انه لهم تاریخ الاحراب.
یعقوب ابومازن المیاحی
احب اسکن ابصبخه وارض وعره.
ولایوره خویی الشین وعره.
اذا یلنثلگ ثوبی ابعوز وعره.
ولاالبس بشت من چف ردیه
یعقوب ابومازن المیاحی
انه و عگلی ابغرامه اسنین ضعنه.
حبیبی ابلب لهیب انار ضعنه.
انحلت من گف علیه و غاب ضعنه.
همت و اتچعچعت و انچفت بیه
یعقوب ابومازن المیاحی
اتمنالی اشظه وظیم ویر .
لزم بتی ابعداوت چلم ویر.
دوه گلبی هفت واردود ویر.
زنجر اثر خنجر غدربیه
یعقوب ابومازن المیاحی
ای یگلبی
روح دگ باب الولف لمن اجیک.
روحی ماتقبل شخص ماهوفقیر
هیبه کون امعدل و یملک ضمیر.
یدلی من گلبه هموم و یحچی ظیم.
اعیونه کون امغورجه اتسولفلی غیم.
ای یگلبی
انه اعرفه ای اعرفه
الخاین ابسید عشگنه ومن سمع چلمت عتاب .
جبل من گد مستحاته ابحرگت امعاتبنه ذاب.
ای یگلبی الامنیته اربات صبخه ومن یهل راضع سراب.
صح یشبه وجه انسان بس راضع ثدایه اذیاب .
البایع ذاته عل شیطان چفیته اعله راسه اغماش.
المارده حچی الماعون لوینزل علیه قرآن مایرجع.
الصافح چف سنین ابلیس للمعبود مایخشع.
یوسف بعده ارحمان یعرف سالفت یعگوب.
العزل شمس الله عن کنعان چان السبب صم اذنوب.
کون ایتوب عل الی صار حته ایعانق المحبوب.
اذن عایفنی ولفی اعلیش اذا مابیه ذره اعیوب.
خله ابراحته الما یرضه بیه ایعیش .
الموعاشگ ضمیر حسین مایرتاح برض اطف.
المایدرک وجود اگراب مایفهم حچی المرهف.
الینثر بیده الله اویاک مولامس دلیله احساس.
المو دارس عشگ مجنون عنده الشوگ دوخت راس.
ای یگلبی
روح دگ باب الولف لمن اجیک .
هیچ اوداعت الله اتصیر فتحت باب.
واضل اتمرجح اویه الریح واحچیله الغزل بیه ریحت النواب
لا یگلبی
عشگی مات ومندفن دفنت یتیم
ک. یعقوب ابومازن المیاحی
الدهر محد عرف امه ولابه
او من الطیبات مایوجد ولابه
حمیه او عطف ما عنده ولابه
بسقط اهل المجد من غیر سیه
سید شریف عدنانی
حسافه العمر يگضی اویاک ویروح
اگلوب اتوسدت حسرات ویروح
ابجسد روحین چنت اویاک ویروح
وحدهه والهموم البیک بیه
سید شریف عدنانی
ابجبینک کل وکت هل فاء بسلک
عزیز انت و ترا هل روح بسلاک
انهجم بیت العریضی ابیوم بسلک
ارتاح اهوه و انا النیران بیه
سید شریف العدنانی الرحمه الله
🌴من مثلی علی یودات یرها
🌴ولو زادت علی دنیای یرها
🌴ایدک عن عصانه عاد یرها
🌴اخافنها علیک اتسیب حیه
ک: الراحل سید حمد السید موسی السید عبدالله الغرابی الحسینی
...............
ف اجابه الراحل سیدفرج السید هاشم السید عبدالله الغرابی الحسینی
..............
🌴من هندر وزن چذبک ویرها
🌴ونیران القضا ابگلبی ویرها
🌴متعمد عصاک انا ویرها
🌴عصاتک عصا عیب اتسیب حیه
الورشن ذانات گلبه ابساعت اصیاح الزلم
کتره من احساب گومک هذا ماهو امنل شهِم
خاوی ذاک السیفه باشط یشگف و ما ینثلم
و اشما تثگل هوس بیها
رحیم ابوجساس الحمیداوی
یدهری لیش کله اویای تلتل
اتهدم وذب علی ویعات تلتل
اجدمو ربعی ونه ضلیت تلتل
اضولع وتواچی اگطعن بییه
کاظم المهلهل التمیمی
حبل الخوه اِلِزمه وحیل یربه
الدنیا ابلایه فَی اعضاک یربه
حچی الزین مره اوصیک یربه
اذا مافاد رد شتم علیه
✍🏻...... *التمیمی*
حبیب الشیخ مذکوربراجعه
یصاحب گوم سلی الگلب بنای
ارکست لرکبه وسط الطین بنای
الخرایبهم چنت ب الضیج بنای
ابنفاها و گامو ایهدمون بیه
الشیخ ابوتمیم التمیمی🌹
وینه الیطلع الغارگ من الیم
اکابر و الجفن وشل من الیم
ابامل باچر یصیر احسن من الیم
العمر خلص سراب ابغیر میه
ترکی الامیری
صحت محد سمع صوتی ونبلای
ابمعاره وخلصت اسهامی ونبلای
ابل غیری ابحمل نهضت ونبلای
ملط لا سارت ولگطعت فیه
المرحوم معتوگابو قیس الزرگانی
*مختارات من دیوان الحاج زامل ابو فاخر*
أصوّت بالسَّلف محّد علیناب
و لا واحد نَهَض سَوه علیناب
ثجیل الحِمِل ما ینذَب علیناب
هَلَه مرابع تشیله امن الوطیَّه
______________
أصوّت بالسّلف مَحَد علی یار
العدو یومَن جِذَب سیفه علی یار
یخوتي ایصیر أذب حملي علی یار؟
یشیله او من یشیله ایمن علیّه؟
*زامل ابو فاخر العبوداوی*
علیهه الروح اعذبهه وسمهه
وسام امن الحسن ربک وسمهه
عطرها اشکثر متوالم وسمهه
عبیر وصح عبیر اتفوح هیه
الشاعر ترکی الامیری
تخربص غزل فکری وچود ینحل
وجسمی یوم اله عن یوم ینحل
ریته ینکسر سباگ ینحل
کسر سباگ ینحی وخان بیه
المرحوم شيخ جمال الحزباوي
خلص ویاک عتبی و بعد کفین
و عرفتک بلکلایف موش کفین
الخوه اترید ذاک النزع کفین
اعتذر و ایگول خاف اقصور بیه
رحیمابوجساس الحمیداوی
🌹🌹 تجل النشامه 🌹🌹
هله یل خضب اچفوفه من الحن
اشکثرشایل حدرضلعه من الحن
یتیــم النّوگ لاتکثـــر من الحن
تحِن واتزود اهمومی علیه...
المرحوم دهر العبید الفرحانی
الشّکاره منطقة کوت عبدالله
الیالی امحارب امکارب یبنی
اخضع لل وکت غصبن یبنی
لاتـلـبـط حلـه صیدک یبنی
الهـور اگواش والـفـاله بدیه
ملاقاسم الملاحسن الملامحمدالمایودالخزرجی
ریاست هل وکت للبوم والباط
اوشاخ الچان حدر الکتر والباط
یبنی العب ابکیفک گوم والباط
رچیچ اوطاحت الفاله امن ادیه
جلیل شجیرات
حمد عاش ابطرگ بشته وعنده
بلعزه اختصاص...
و عدم شيخ الذلة و أصدر عل
عسر حکم القصاص...
بات ليلة ابلا متاع و من گعد
یاب الرصاص...
بزمور البرنو فک ریجه...
الشاعر جاسم الهلیچی
الـ یندعی ناطور واعی ویحس بـ انزول الـنده..
اشلون یم راسه اتّدابچ ضلّت اخیول الـعده..
بلـ طبگ ماظل اخبرک الـخصم خبزک فرهده..
�ما ضلّت بس الـحنّایه�
الـ شاعر سرتیپ الـ باوی
قصیدة (كون انكسّر التابوت)
بدينه نموت
من يوم التعلمنه حچي البسكوت
همس نتهامس اويالناس
بس لا يسمع الطاغوت
بدينه نموت
من يوم الغزانه الخوف
ومْن الخوف گامت بالگلب تتگطع انّه بتوت
من گمنه الغريب انحسبه راعي البيت
وبكيفه شوكت ما راد گام یفوت
واچماله صبح مبخوت
هوّه بن العزيزة وهوّه راعي الكوت
واحنه اولاد هاي الگاع نرکض ما نِحَصْلِ الگوت
والماکو اعلی بيبان الصرايف عالگصب منحوت
بدینه نموت
من یوم الحقیقه انبلعت وسيطر عليها الحوت
والباطل تسيطر سيطرة جالوت
كون انغيّر التفكير
كون اعلى الصواب نسير
وابْدرب الكرامه نفوت
ما نقبل مذلّه ولو نريد انعيش
كون انكسّر التابوت
***
إسماعيل الضبي
عام ١٣٧٧ش
انبهک من صدیقک زین رکز تعرف اطباعه
اوبالک تمن ابچذاب سمعته ابیت لوداعه
ربع الچذب بالک تمن الهم
دنان اوعیب تحصل تمن الهم
ثلاث امنل خصایل تمن الهم
الفتن ولچذب واطباع الردیه
لتحسب یخی بل ذیج يجیک امصرفن اضراعه
مو كل رجال ايگول انه
هادی غزلاوی
تحیاتی وسلامی الی الزمیل المحترم الاستاذ الادیب رحیم المنهل واتمنه لهو حیات کریمه واهدی لهو ابیات من الابوذیه فی طریقة الشجن.
اشما ینزل من ارحمان شکره.
اوخل حچی الصبر مامون شکره.
اخبرک یخویه الوجن شکره.
الدمع من شحو اعزازی علیه.
دمعی فزر الوجنات بکره.
اودلیلی ماتخیطه اثنعش بکره.
یگولولی علیک احساب بکره.
ونا احسابی اکتمل گبل المنیه
ابوخلیل شحیتات
جزیل الشکر و الامتنان الی استاذی الکریم ابوخلیل الشحیتاوی 
یقر زلفک سحر هاروت فتله.
وظن میت الف مشتاق فتله.
ذهب فمک نبی داود فتله.
صفن وحتار منه ابکل شجیه
کلمات ابوخلیل شحیتات
ارحمی امتیمچ یاریم وردی.
اوحته افرح وعیش ابحلم وردی.
ترانی ذبل بجفاچ وردی.
اونحل جسمی وثگب برکان بیه
ابوخلیل شحیتات .
تحیه طیبه واشواق حاره مع برکات یوم الجمعه اهدیها الی زمیلی وشقیقی العزیز الاستاذ المهذب ولادیب رحیم المنهل واتمنه لهو حیات کریمه
