میثم الساری
الأخو ایغندب اذه اعضیده گبلا
هاذه الطبـــــــــع ما عدنه گبلا
اخوک و زورت افیـایک گبلا
خشمک ینضرب عیــنه هلیه
میثم الساری
سلمان الحمیداوی
گبل چان الیضیــفک ما یخونک یوم
اعتـــــــقدهم لو تکرمه ابمای خالی
او هســـــه الملح من کثر الینکرون
ترک اصله او هویته او صار حالی
سلمان الحمیداوی
زکی الساری
روحی ابیــــــر طاحت مایراها
اخوی او ســوا روحا مایراها
حسافه الی اتعبت له مایراها
طلع اصـعب امنل شامت الیه
ورد دربی الک چان اوچان درباک
حسچ ولشـــامت انه ادریت درباک
غشیـــم او امنت چنت اظن درباک
چبـــــح وفگی اوتنک شلتک بدیه
زکی الساری
قاسم النیسی
روحی ابظیم حبـــــــک شربکاهه
او ترد تسألنی روحک شربکاهه
بچت عیــــــنی او تبدل شربکاهه
ابغیابک واثگبن حســــــرات بیه
دمر و اســـئل علیش اتهل لشعرای
او علیمن هل خریف اقبل لشعرای
چنت زهوت ربیــــع انته لشعرای
جفیـــــت او جف خیال الشعر بیه
علی ظیــــــــم الأبد منشاف حده
من اعضیدی العلیه السف حده
او گفت وگفت جبــل بضیج حده
انگلب وسـفه ابنفاهه انهدم بیه
قاسم النیسی
سلمان الحمیداوی
یلعندک صبــــــــر زاید جبلهم
لان بیه الدهـــــر شاتل جبلهم
امگابل ظیم خلگ الله جبلهم
واما امنل قفه اویردف علیه
یلعندک صبـــــــــــــر زاید دودلی
او مثل ما ودلک راحــــــه دودلی
مریض اوگمت من عسری دودلی
من بیر الحـــــــــــزن وشرب اذیه
سلمان الحمیداوی
سلمان الحمیداوی
یلعندک صبــــــــر زاید جبلهم
لان بیه الدهـــــر شاتل جبلهم
امگابل ظیم خلگ الله جبلهم
واما امنل قفه اویردف علیه
یلعندک صبـــــــــــــر زاید دودلی
او مثل ما ودلک راحــــــه دودلی
مریض اوگمت من عسری دودلی
من بیر الحـــــــــــزن وشرب اذیه
سلمان الحمیداوی
عادل حمادی
بعد ما بیه حیـــــــل امطال وکتل
اسای البالگلب والصار وک تل
أما آن الاوان و حــــان وکت ال
وصل و تزیح ظیـــم جفاک الیه
اهنا یالچان یــــــــــــلهج دوم بسما
لسانی وگلبی چان یطیـــــــر بسما
کلشی آنه احسبتله حساب بس ما
حسبتک یـــــــوم تنطی اعدای بیه
عادل حمادی
حسین الحیدری
الچان الهم مـــــــوده ایفور یدرای
جفونی بعسر چن مصیوب یدرای
الما یدری صبح بلصـــــار یدرای
ملح زادی مســــخ والصوچ ادیه
حسین الحیدری
میثم الساری
البدر یمته یشـــگ غیمه ویهلی
فص العیــــن شح شوفه ویهلی
صدیجی الأکل من زادی ویهلی
شبع طشــــر سفرتی ونکت بیه
میثم الساری
احمد جاسم الهلیچی
گلبـــــــــــــی مایمل لویمل ملچا
منک یل غـــــرامک صار ملچا
ابشوگ الغیر دوفه وحیل ملچا
اذا مال اعله غیــــــرک لوم بیه
احمد جاسم الهلیچی
سرتیب الباوی
نخیته اللی یگل الکون فیکون
وندبت البلحـرب مرات فیکون
ردت حبهم علیه ایدوم فیکون
لجل شمس الهجر لا تمض بیه
سرتیب الباوی
الشاعر عبدالواحد حداد الغبیشاوی
الدهر خله جرح بس وین خله
ابدلیلی وسوه بل شریان خله
اشتسمونه الیکتله افراق خله
قتیــــل الشوق لوجته المنیه
عبدالواحد الغبیشاوی
رحیم عوده الساری
الدمع بجفاک جف لا تظن بلکت
وهمی ابعـــــــدد ماینقاس بلکت
نخیت البــاری بهل البیت بلکت
یرجعک والأمانی اتعـــــود الیه
رحیم عوده الساری
محمد لویمی
علی من اگبلت يا ريـــــــم بستل
تراب و چن لسانی انعاب بستل
أبد ما تاه منــــی العگل بس تل
وهتنی ابیـوم ساگک لمع ضیه
ینجم اسهیل شعرک لیـــــل من ین
فتل یکتل وظل بهـــــــواک من ین
ملامح صــــورتک عل بال من ین
ایفلت روحی ابجبین السطع ضیه
علیه ابحیــــــن صد الترف شلها
عنی وحــــــالی من التفت شلها
جروح البیه یصـعب علی شلها
عگب خلهه الترکهه ابلا خطیه
الیســــــــن سیفه ایتعد ولمسنه
ردی وعیب آنه الزمه ولمسنه
النصر والفجـــر ولبر ولمسنه
الزلم طوفان تـــــدخل کل ثنیه
محمد لويمى
عادل حمادی
شجـــــــــیه انغام ونتی یاهی اجرهه
علیک وروحی تهجــــــر یا هجرهه
عفتنی وعنوه شوگک یاهه جرهه
وراک وفـــــــــــــــر الولایات بیه
المصایب سایـــــرنی تگول ظل ما
یشت والچان ضاوی انگلب ظلما
بجفاک و ما بعد بالعیــــن ظل ما
البگه مای الوجه و یعـــــز علیه
عادل حمادی
عیسی الشرهانی
إبجفه إلخل خافگی یاصـــــاح ونما
بطّـل و لحــــــــــــــزن هل زاد ونما
یطــــــــارش روح گله ایعـود ونما
یعود اترجه تاخـــــــــــذنی المنیه
عیســـــــــــــی الشرهانی
رحیم المنهل
وحگ فرگاک ما ضل کل صبـــــــــــــر بلروح
ابنفس شایب عشت والضحــــــــــــکه منسیه
اون ونّ الثکاله الفاگــــــــــــــــــــــدات اولاد
واجر حســـــــــــــــــرت یتیمه المشت فصلیه
صفنتی ابطــــــــــول نوم اهل الکهف مرتین
بحیث آنه امنفــــــــــــــــــز اتراب احس بیه
حالی اعلیک حال ام وتهـــــــــــــز کاروک
فارق والگلب متــــــــــــــــــــــــروس حنیه
ابمحطت ریل هجرک صحت بیهه ابصوت
اصیاحی چان الک من بیــــــــــــت ابوذیه
وحگ من شید البــــــــــاری طفلهه
مسعــــره و مامش الروحی طفلهه
صـــــــرت مثل الذی باعت طفلهه
ابسعر مکسور حتی اتعیش اخیه
وحگ من شید البـــــاری عزلها
روحی امنل جسـد بعدک عزلها
صرت مثل الذی ناصب عزلها
ابســـبع اولاد وین ابن الحمیه
وحگ من شید البــاری یملها
بعدک علل جمر روحی یملها
یجری امنل قهــر دایم یملها
یمد ابظیم یجـــــــذر بل اذیه
وحگ من شید البــــاری شرفها
غمیجه اجــــروح دلالی شرفها
ترفّ العین یمدلـــــــــل شرفها
دخیل الله ابوصالک حن علیه
رحیم المنهل
ابو سجاد السلامی
شیب ابحبک دلیـــــــــــلی وصبر صایر له گوت
وما علیها اعلاج روحی لازم ابهجــــرک تموت
الحگ ارجوک الوداعی مجبل وضارب سکوت
ها اشوفک ها غمض عینی
عینی منگد ما بچتلک هدمت جـــــرف اجفن
وشیبت بأول صباها صــــارت ابلون الگطن
روحی مرمرها انتظارک ضلت اتون ابحزن
ما ترجع لیش وشتانی
گلی یلعایف ودادی هم تجی الحبـــــــــی وترد
لو ترید ابروحی اضحی وافرش ابدربک ورد
ضاعت الحســـــــــــبه امندیه ولا احسن بلبرد
وخدران الدم وسط عروگی
ابو سجاد السلامی
ایوب الخنفری
چنت أحسبک محب یسـمر عودالی
وچان ایعزفک لحن للحـب عودالی
لو رحــــــــــت ما گول ابداًعودالی
من تروح اتسلی روحی الذکریات
المرحوم ایوب الخنفری
نسیم نبگانی
لا تعذب قلب حبـــــــــــــــــــک یابلا
رحـــــــــــــــم یل کلک عذابی یا بلا
یابه لا تتلفظ اسمــــــــــــــــی یابلا
تحرق اشفافک حروفی الساعرات
نسیم نبگانی
سید حسن الشریفی
سره ظعن الأوده بلیــــــل مارد
علی وبچف غیابه الچبـد مارد
مهو ذنبـی الگلب فرگاه ماراد
راد امواصله وحط مرض بیه
من عگله انسلب بجفاک من حار
رایه وما یمیـــــــــیز برد من حر
حبیبی ابفرگتک گصیـــــت منحر
حیاتی وکل شبابی انــــــذبح بیه
سید حسن الشریفی
عباس عساکره
ابلسانی اچلم المعســـــــــره یرتلن
عسرمن چانن ابیســـــــری یرتلن
یرت موچه نقص بیــــــه یرت لن
شفت حتی الخرس یضحک علیه
عباس عساکره
عبود الحی سلطان
ظعاین عـز مجدنه ابوحل برکان
وحمم تهلی اشد من حمم برکان
اذا یمکن اشکن یـــــــوم برکان
الصلا شک ابرجوع المجد لیه
عبود الحی سلطان
حمزه ابو هیثم الحیدری
شجرة هم وســــط گلبی شتلهه
دهـــری وگال خل تلهه شتلهه
ذیبت هرد وتدوور شات الهه
لگتــــنی وعوت والتمن علیه
حمزه ابو هیثم الحیدری
عادل الصخراوی
اسف شح مالگت روحــــی ولمها
اعتقد والهلســــــــبب زاید ولمها
تطش حفنت صبــــــر بیه ولمها
اشملمها الظیم طشرها من ادیه
اشیفید اللوم بل مجفیـــن شبچای
و یشط الربع زر و فلس شبچای
قدو یوم الصــحتهم علی شبچای
بس محـــــــــد شبچ راحه بإدیه
یغث صحوک دگیگ الحیف بستل
تفت و تصــــد رواسی الیاه بستل
بکثر ما گاطع آنه الیـــاس بستل
الحراثی البگت و اتدلیــــک بیه
اذا ماتـــــدری اسئل منعدانه
الهزم یاهو الاجانب منعدانه
واذا راید جـــوابک منعدانه
عربی و افتخــــر بالیعربیه
عادل الصخروای
محمد لویمی
نذرت اهلال وصلک يخل لوهل
أقبل اتراب جدمــک علی لوهل
سبب مجـفاک آنه الچنت لوهل
عواذل صفگت وگطــــــعت بيه
من عبـــــــر رويک عليه وشلهاک
عنی شنهی الدار وجهک وشلهاک
ردت اگلک عندی دمعـــه وشلهاک
گبــــــــــل لا ياخذهه روی الأمنيات
محمدلويمی
ابو خلیل الشحیتاوی
چایک لذیذ اهوای وامعطــــــــر ابهیل
ایبشبش الدلال ویغــــــــــــــــازل الیل
چایک لذیذ اهوای او ریحت ورد بی
ایغازل الشفات وگلیــــــــــــبی یروی
ابو خلیل الشحیتاوی
ابو ماهر العتیقی
ولهانه روحی اهــوای منعدی شترید
اصحا او أنام ابطرواج یابسمت العید
شهد طعم العذوبه البیـــــــک یاعید
وخمن اجروح جرفک صعب یاعید
ما مستر وایذا هلیــــــــــــت یاعید
ابتســـــــم وفرح امر یوجب علیه
ابو ماهر العتقی
ابو خلیل الشحیتاوی
اهلن وسهلن بیـــــــــــک یا عید اهلنه
ابجیتک ینور العیــــــــــن یلتم شملنه
اهلن وسهلن بیک یا عیــــد الافراح
ابجیتک یعید الخیر کل همنه انزاح
ابو خلیل الشحیتاوی
قاسم النیسی
خلص رمضان عدنه او ما إجه العید
سألته اعلا السبــــــــب وابده اللیامه
گلی اشلون اجـــی او دلالی مجروح
عدا الحســـــــــرات شنطیها الیتامه
قاسم النیسی
احمد جاسم الهلیچی
ابذچرک مـــــدمعی الشمات هلو
وعلیه اتراب گبـــــر الأمل هلو
ما إسئل اهلال العیــــــــــد هلو
بعدهو اهلأل وصلک عید لیه
احمد جاسم الهلیچی
مهدی عطشانی
نازل اهلال العیـــــــد ما شفته عالی
حاضن لگیته ابشوق جسر الهلالی
باجمل تهانی وشوق یا ولفی اخصک
وما عید انه العیــــد اله ویه شخصک
مهدی عطشانی
ابو خلیل الشحیتاوی
ایتمایل چنه قصــــــــن البان ولفای
او خطف عگلی وبعد ماعاد ولفای
نثر جعـــــده اومله الودیان ولفای
او قیامه ابخــــــــزرته گامت علیه
اکتلتنی الچــــــن نبت شمام خلهه
اونواظـرهه انتشر بعضای خلهه
الشفایف من رحیق الیاس خلهه
او حواجبهه صوارم حــرب هیه
گلبک لیش یشهـــــــل سوده نیته
وعجـــب بس الخلیلک سودنیته
ولک عگلی ابجمالک سودنیته
وقرامک صقّــــط الطارق علیه
حبیـــبی اشفق من العرنوس ورقه
او ورد عوده نما من اچلای ورقه
لهج بسما الگلـــــب بشواق ورقه
علیه او ناظـــــــــــره گوطر علیه
حبیـــــــبی جیت انا غیلک ولعباک
لأن گلبـــــی ابشغف یدعج ولعباک
ابروح الروح احـــــرزنک ولعباک
واصیرن کرسی الک وجلس علیه
ابو خلیل الشحیتاوی
ابو ماهر العتیقی
اتخسه الکلفه تصل حدنه وتدنه
او خیــــل العشم ما هزت وتدنه
ایذا بیض الوغا انســلت وتدنه
ظیاقم هلی ابســــــاحت المنیه
ابو ماهر العتیقی
ابو سجاد السلامی
اسرع یا جــــــدم واترک یواشی
واهتم بل فـــــــزع بلون یواشی
المهم یرتاح محبـــوبی یواشی
عله صدری وابوسه بکل نویه
علیه یمعـــــــــــود من اتعود بسلام
تسرنی وتلگه گلبی اشواگ بسلام
الک مشتاگ وابدی اویاک بسلام
والختام ایصیر احبــــــــک للمنیه
ابو سجاد السلامی
حسین الحیدری
منلحب جــزع گلبی ابیوم عنیت
اعنانک یل علی کل ساع عنیت
لون مثلی ابتوالی الیــــل عنیت
الأسه چان ارجعت ندمـان الیه
حسین الحیدری
قاسم النیسی
هلی الصیت ابسخه الدیـــــوان علو
او خصمهم یشهـــــــد التاریخ علو
هلــــــــی اشروع الأبد ما یوم علو
اشرعو واعگولهم تمحی السراب
اشتظن ما اسئل انا اعلیــــــــــک یلما
اسئلت عنی او دلیـــــلی اجفاک یلما
إجیتک مستعر بهــــــــــــــواک یلما
اشجر الک ما تجی او تشبگ علیه
إثگبت حسره ابدلیلی اعلیک ولها
دوی الخله الطیــــــور اتنول ولها
عگبک بیــــش اسلی الروح ولها
بچیــــت اوهل شبابی اعلا الوطیه
لو علا الحگ یبگه دایـــــم منهجاک
تعله بل عــــــــــز وایترذل منهجاک
گص یمیــنک لو تره الذل منهجاک
او حب یسار الشبت اعلا الراسیات
قاسم النیسی
ابیات ابوذیه
لیــــلی ابحب هوه غیرک محیته
ورفضته البلعشگ یانی محیته
شوفی اعلیـــک یاناهی محیته
خفت للغیــــر گلبی ایگود بیه
احمد جاسم الهلیچی
لیــــــــلی ابحب هوا ولفی قضیته
حکم السهر لعیـــــــــونی قضیته
صحت یهل الهوا حبـــی قضیته
مثل بنت الملک واتحـب رعیه
بشیر الصرخی
لیـــــلی ابحب اسم وجدک ودیته
وگلبــــی امتیم الرسمک ودیته
بلال الشـــــوگ من اذن ودیته
فرض اهواک لن واجب علیه
کاظم یبر الهلیچی
لیـــــلی ابحب نظر عینک نهیته
ودلیلی امســـودن العالم نهیته
الراد ایـذم بعض فعلک نهیته
لان بس طیـب شفتک یا شفته
رحیم المنهل
لیـــــلی ابسد دفو حضنک عدیته
ابألم مـــوت الگلب گلبی عدیته
چنت ولفه اسبـب شنهو عدیته
اظن منه اعجزت واگطعت بیه
ابو سجاد السلامی
لیــــــــلی ابحب هوا ناهی حیته
ابحزن والمیت من ونی حیته
المشیب الراسی من بین حیته
ابجفاه وسر هـواه انفضح بیه
حسین الحیدری
ابیات ابوذیه
کنجم اسهیل ضاوی ابلیـــل وجها
خزرنی او کل حیـاتی ابنار وجها
یخل اگصد حبیـــب الروح وجها
الهجـــــر خله الفجر مظلم علیه
بشیر الصرخی
سطع بسمای چنه البـــدر وجهه
ومله الاکون بل اضیـــاء وجهه
اگصده یا رسول الشوگ وجهه
او گله الفجـــر منک اخذ ضیه
کاظم یبر الهلیچی
سلمان الحمیداوی
الدنیه عطشت مــوت ویامک سراب
الف هنیــــــــــالک یمن بلعز تعیش
گبــــــــل مادامت والک هم ماتدوم
صیر بیها اکحیل طم عین الکدیش
المصایب تقرن روحی ولاکن
گلبــی وفرح ما شوفن ولاکن
نحیل اوحیــــد ومحیر ولاکن
هزبــــر والهظم ما گرب لیه
عدهم صرت واتر عرعت عدای
عدهم یل گلـــــــــت خلان عدای
عدهم فــرح عندی اترح عدای
تچمل والقهـــــــــر مجبل علیه
سلمان الحمیداوی
میثم الساری
اجـــــــــروحی الفارگتهن گبل عمیان
ونینی من صعــــــد عل عگل عمیان
خرس محبوبی ضاع ابسلف عمیان
اشیــــــــــــــدلیه الدرب وایعود الیه
میثم الساری
حسین الحیدری
وحگ من گال آنه البحمای کافل
زینب بس ذبحنی الشــوگ کافل
بعد یدعــــج علی من طال کافل
عمر وسنیــــــــــنی تمن بلاذیه
الاله امحبه ابدلیــلی وسکن یوفل
حشه اترکنی ابیسـر همزین یوفل
عسـر جانی اختزیت وعیب یوفل
وعد ویای اشــــــوف امحال طیه
دجه الدامس یغـــر وجهک طلسما
وصعب ما ینفـــــتح گلبک طلسما
اشمرید اگرب هـواک انته طلسما
اگدرک یلی غــــــــــدرک بان الیه
حسین الحیدری
اوداعه البریهی
شت ضعن الاهل یا صــاح شتوین
اون وتلوم بیه الخلــــــگ شتوین
انه امفارگ حبیب الروح شتوین
ومضه ثالث شته ومـــــامر علیه
الشاعر اوداعه البریهی
ابو خلیل الشحیتاوی
طـــولک خیزران او عسل شفتاک
او تشبه لی الغزال اهوای شفتاک
اسرنی هـــــــــواک او بعد شفتاک
او بیاضک حط مســاعر قیس بیه
ابو خلیل شحیتاوی
ابو سجاد سلامات
الک عیـــــن وگلب وضلوع فدوه
مشن یـــوم الشلت وسکنت فدوه
خلل صاب العگل بجفـــاک فدوه
ابرشف شفتک یخل بس ایتهیه
طفت نار الأمل بیــــــــــه ونارک
دوت ساعه الگلتلی افتر ونارک
حیــــــــلک جبل ما یهتز ونارک
هوه شوگک جـــرح مطبوع بیه
احیــــر ابملگتک واسکر وضعفاک
ونظر عینک سبب علتی وضعفاک
اذا تقبل تحـــــــل باعک وضعفاک
علشفتک جــــــــــــنان اتصیر الیه
ابو سجاد سلامات
قاسم النیسی
صدیجی او خلی او جاری وخیلای
عزیز او ســـــاکن ابگلبی وخیلای
الجفــــــن غیم علا افراگه وخیلای
دمع یصرخ یصیــــــح ارجع علیه
أول ما یضل عگبـــــــــک وتالی
ابجفاک الشیـــب هل بین وتالی
درس النوح انا امخلصه وتالی
صابر والصبـــــــــر ساتر علیه
قاسم النیسی
رساله من الاخ الغالی عقیل الزبیدی
اونن ما یــــــــــــون الدلم بلزور
وخوالی یا شبول العصت بلزور
عمامی الیاخــــذون الثار بلزور
وهلـــــــــی بذول ردادت جواب
الشاعر منان الشبیب الزبیدی
قاسم النیسی
غیرة العباس غیــــــــــــــره البیها یرتاح الضمیر
او خوته ویه احسین خوه البیها عگل الکل یحیر
ضحه روحه الشان دینه او ناده یا ربـــــی الکبیر
طلّاب الحگ لبّی ابصوته
الخوه عد عباس تکمل و اهوه لیــــث الگنطره
الحید ابو الغیره المجیـــده الگبته دوم امعطره
ناده خویه احسین خویه ابیوم طاح اعلا الثره
حیتله الجنه او حیاهه
من سمع صوت العقیله اتصیــح چا وین اخوتی
وین صارم چف عضیــــدی الچان سایج ناگتی
طفح غیضه ابو الغیره او گلها یختی اوداعتی
حی لو میت بس تنخینی
قاسم ابو میلاد النیسی
ابو خلیل الشحیتاوی
حمد ماهفت ضـــــل وضاح بدره
حمد گمگم یحیی الضیـــف بدره
حمد فضه وذهب معیـــون بدره
حمد هزبر کرامه اوزود خنیاب
حمد مرهم اجــــروحی اوطاح عدای
حمد بس ابثــــــــــوانی الزود عدای
حمد منبع کرامه او مجـــــــد عدای
حمد نبراس المعالی او قیم سحاب
حمد ما غمضن اعیـــــــونه اونام لیله
حمد بدره ابلیالی المجــــــــــــــد لیله
حمد فارس اصیـــــــــل او وخو لیله
حمد بصدور الاعادی اطللق انشاب
ابو خلیل الشحیتاوی
ابو ماهر العتقی
یخیل اهلی ابثنایه اعــــــــدای یولی
لأن خصمی ویـــــــکتی اتفق یولی
اندبت خلی وفـــزع وعضای یولی
اوفگدتک بین گومی او غدت عیه
ابوماهر العتقی
حسین الحیدری
لها شمرات چـــــن ریمه منیفت
الظهر والچبــــد مالومه منیفت
ابهوا سلمه العمر مندم منیفت
ابنوا سلمه العمر یکــلف علیه
ما تهتهم عـــــــــــرفتک لوعانی
ابغـــــرامک یل مرامک لوعانی
ابجفاک اغمضت ماظن لوعانی
الذت النوم لیــــــــــل المر علیه
حسین الحیدری
ابو خلیل الشحیتاوی
حمد نشمی ویحیی ابشـوگ عاده
حمد مجـــــده ابعبیط الگلب عاده
حمد عنده الکـــــرم ولجود عاده
حمد فاحت گهوته الکل الاطیاب
حمد وحمود بل عالـــی همتهم
حمد وحمود ما چلــــت همتهم
حمد وحمود اذا هـامو همتهم
عـــــــزم طوفان ماهابو منیه
حمد وحمود ما خلفـــــو وعدهم
الکرم ولجــــود قایتهم وعدهم
الفشگ ولدان سلوتهم وعدهم
اولهم نبـــراس ما ینگط ضیه
حمد وحمود رف عــالی لواهم
حمد وحمود ماغاشــــم لواهم
حمد وحمود یا صاحب لواهم
یمس حدهم یـــراونه العذاب
حمد وحمود ماتــــــــــوشل دلتهم
ابسبب شمس الظفر عالی دلتهم
حمد وحمود مازالـــــــــــو دلتهم
اتضاعف خیــر لی العدهم حمیه
حمد وحمود علکفـــــــات شبو
حمد وحمود صوارم حین شبو
حمد وحمود چــــن برکان شبو
علی الطاغیــــــن ولبیهم ردیه
ابو خلیل الشحیتاوی
حجی عارف الخمیسی
من گلت ارید أمدح علی حسیـــــــــت زعلت الولی
ومن گتـــــــــــــله أنت الأولی گلالی کض السانک
گتله أسولف بلصدگ واحچی ابخصالک یا محگ
ما أخـــــــــرج الواقع أبد لازیـــــــــد شی ابشانک
گلی مثل موتة فلان ابهوســـــــــــه سویتوله شان
وهوســــــاتک انگلبن حطب گبره اشتعل نیرانک
وصعدتو شانه للحسب بسمه تمــــــدحون ابچذب
وانت اللی صادق تندعی لیش افگـــدت وجدانک
گتله یحیـــــــــــــــدر تختلف انت ابن عم و ولف
وانت نمــــــــــوذج للشعب ضرب المثل ایمانک
ولو أرد أخم کل الزمــــن ما الگه مثلک مؤتمن
ولو ردت اعدک بلشعر مقصــود أعد احسانک
گلی اشبعت منک قهر چم لیـــــل گضیت ابسهر
وتتمثل ابصیـــــتی ولک لو مثلی چان احزانک
چاراحه ما ضلت الک حتی اشــــردومنک هلک
ولا عاشرت های الخلگ بس تلتهی ابا شجانک
ابخلف المنصـــه امن أوگفت آیه وروایه سولفت
وابحی علی خیـــــــر العمل خالی صبح میدانک
الچذاب للبـــــــــاری عدو وانت اللی بلچذبه کفو
یا مستغابیت وگمت تاکل لحــــــــــــــــم خوانک
تلطم علی احسین ابعزاءوتنسی دراسه کربلاء
ویالیتنا ویالیتنا إمعلگهه طــــــــــرف السانک
تدری اشکثرصابه سهم واشلون یافوخه انجسم
وتدری ابو قایع کربلا وتنعی وتجــــــر بالحانک
وما تدری بی لیش انذبح واعلیـــمن ابدمه سبح
ولاتدری چم رکعه الذی صلی ابشهر رمضانک
العباس گلک چم طلی اتخلیهن امفطــــــــح الی
حتی یحمـــــدونک چذوب وایشیع اسم دیوانک
وما تدری بلفقرا أباساء تتغده ما عــدهه عشاء
العنوان یمک مو بعیــــــــــد امجاور ابحیطانک
ولو ماتنفقه اللی محب البــــــــر أبد ما ینکسب
ولوتچوی گصتک لا تظن روضه وجنان امکانک
وإعله الظلم لو سلهمت عیــــــن الحقیقه وسلمت
شیطان ذاتا بلنفس مشبوگ اشــــــــوف السانک
شیطان لله اشگد عبــــــد بس للبشر مارد سجد
وذاک اللی میصـــلی بعد بیض وجه شیطانک
مارید فضه لو ذهب خلو ضـــریحی من خشب
لو شوفن ابلایه عشا نامو ولـــــــــد جیرانک
مارید شیعه بس اسم لاریـــــــد اسلام الرسم
لو کون مســـــــلم واقعی لو رد لأبو سفیانک
حجی عارف الخمیسی
اجمل ابیات من کبار الشعرا فی حق امیر المومنین
اقســــــــــــــــــم ابظعن الطفوف او کافله
ذاک المقطـــــــــــــــــــوع عل شط کافله
کافی حب حیـــــــــــــــدر الگلبی کافله
غیره ما اندب ابیـــــــــــوم الموزمات
اعلن حبی الحیـــــــــــــــــــدر وشیعه
او طویته اعله الگلب طویت وشیعه
الگالو رافضــــــــــــــی انتم وشیعه
مثل حیـــــــــــــــدر ولا عدهم تهیه
فاضل الموات الحمیداوی
الذی ابزوده المزید ایفیض خیبر
فقیـــر العاف داره او سکن خیبر
انهار ابجـــــف علی ونداح خیبر
او بی شاهد إذن بـــــاری البریه
ابو ماهر العتقی
روایة نصر بلحــــــــــــومه رواها
وسیف الـــــــموت عدوانه رواها
علی الهامات من عطشت رواها
ابجـــــرعه امن الطبر بلموزمیه
محمود باوی
مشینه ابنهج یفــــــرح بی علینه
علی ویاک محـــــــــد بی علینه
ابکرم والجـود جبتل بی علینه
ابد منعــــوف دین ابن الزچیه
ماجد یابر حمد الحمیداوی
فرع ادین ابوالحسنیـــــــــــــــن وصله
ومن ابیوت الفقــــــــر ما گطع وصله
هو الی سجـــــــــــــــــــد للآه وصله
وچسه المحتاج ابو چفوف السخیه
احمد جاسم الهلیچی
اذا ضکنی الوکت ضیگت خلگ العوز
ماطیحـــــــــــــن و اکابر عیب یثنینی
آنه ابگلبی علـی عایش عمر سلطان
لو اعوزن ذهب من گبته یطیـــــــنی
سالم الساری
الگلب مســــدود یرماحی شعب چان
ابگلبی وبلچـــــــبد نبتن شعب چان
حکومه اسلامنه وحیدر شعب چان
وحکومه ابلا شعـــــب متحل قضیه
میثم الساری
عله فیای اشرف غدار منطر
خله ابسیفه هام ادین منطر
بعد للیال قدر العرش منطر
لئن بیهن قتل حامی الحمیه
ابو سجاد سلامات
اغرصت ودا بضمیر احشای منبات
علی اومن بیــت الک بلعگل منبات
ابوله بت شوگه یکثــر الک منبات
ابدلیــــــــــــلی او یحدچن فقار بیه
رمضان العگیلی
إلمخوف الزمر وابظیــــج ماچان
الهزمهم شیــــعو بل کون ماچان
کسر چفه الدهر واهجمو ماچان
ابلفته اجیــــــــوش تتمنه المنیه
قاسم النیسی
اسمعت صرخت یتایم ضجت ابلیل
تصیح الله واکبــــــــــر مات ابونه
ابونه احنه الیمس ابروس الیتام
تخضب بل دمه ومتغیـــــرا لونه
مهدی حیاوی
ابعزم غیر الصمیده اجموع منجال
وعن وجه الرسول اهمــوم منجال
علی ابیــوم القیامه ایکون منجال
موالی ونار متمســـــــــــــه واذیه
سید ابراهیم الغرابی
علی روض الزهه ابگلبی وریده
امامی الأفتخر بســــــــمه وریده
المسلم لوروه ابحبــــــــه وریده
یضل ابخیـــــــــــر دنیا وآخریه
ابدلیلی انزرع حبک علی ونبت
هیل اومن عبیــــــر الورد ونبت
ابحگک تشهد الاجیـــــال ونبت
بسمک یاعلـــــی حامی الحمیه
ابو خلیل الشحیتاوی
أصــــــوطن بإلگلب دایم وحس بی
إلک یا حیـــدر او ینبض وحس بی
عدل او صوت بی أسمع وحس بی
شفیعی بإلحشر حـــــــــامی الحمیه
عادل خلف الساری
یمن بلبـــــــر نموذج الک برکان
علی اوسمک رکن معدود برکان
المجـــــد ونته اثر عجهل برکان
انهیت او جــــــوده ونقذتل بریه
ناصر ابو ماجد فرطوسی
اشوف الدونی یصعد من علینه
گبل چنه النحمــــــده من علینه
احنه الکـــــــرم بینه من علینه
اهل غیره او کرم وایضاًحمیه
بشیر کامل زرگانی
علی خلص عمره صابر علجروح
علی بلشـــــــــــدات مایلبس درع
علی مامات ابأثر طبـــرت حسام
علی مات ابیوم کسرو له الضلع
نسیم الناصری
یناعی لا تبطل انــــــــــوح کرار
عله البسیـف روس الگوم کرار
من ابن ملجم یخـــر شلون کرار
عجبه الچــــان ایکر کل ال میه
علی المطوری
روایت حگ عله الباطل رواها
ابسیفه الگاع لو عطشت رواها
علی انیوم الظهر صدگ رواها
کلمن طاوعت بیـــــت ال اومیه
بشیر الصرخی
علی صوتک یشیل الراس منذل
الوغه وتکرم عزیز الگوم منذل
علی اشحــدهه تفر اعداک منذل
فقارک یل وقـــارک سطع ضیه
علی صــوتک الثوب العار هزل
زل درب المجــد و اعدلت هزل
علی صوتک ابخیبر ذاک هزل
الارض وأتمایلت من کل نویه
علی العاید البدوی
اعضای امن اندبک تگوا متنحل
او محال المشکله الحیدر متنحل
اذا حسّن عجـدت العندی متنحل
اصیـحن یا علی او تسهل علیه
ترکی الامیری
علی المن یم علــــومک دوم یردون
النوابغ والتضـــــدک غصب یردون
المثلک بمس حاجه الخلگ یردون
لأن بـــــــــــــــدر العداله إندثر ضیه
داخل صالح الهلیچی
علی عاش إبتواضـــــــع یمفقاره
وعجز یوصف لســــانی یمفقاره
علی أبسوح إلمنــــــایه یمفقاره
اغرگت بی روس گوم الجاهلیه
سعید الکاظم الهلیچی
علی بسیفک ارکان الجهل ولات
ابزجـــر والهبل ما ظل اسم ولات
عن دربک محال انحـــرف ولات
عمـــــر وانته اهواک انطبع بیه
حسین ابو نواس حیدری
قاسم النیسی
صدیجی او خلی او جاری وخیلای
عزیــــــز او ساکن ابگلبی وخیلای
الجفـــــــن غیم علا افراگه وخیلای
دمع یصرخ یصیـــــــح ارجع علیه
قاسم ابو میلاد النیسی
ابو ماهر العتقی
یخیـــــل اهلی ابثنایه اعدای یولی
لأن خصـــــمی ویکتی اتفق یولی
اندبت خلی وفـزع وعضای یولی
اوفگدتک بین گومی اوغدت عیه
دلیـــلی شوگ محبوبی ویا باء
جحیم اوتل اخذ عگلی ویا باء
آه امنــــــــل هوا یا به ویا باء
انوا آه انوا احتــــــوف المنیه
ابو ماهر العتقی
حسین الحیدری
شســولفلک یگلبی اترید منیا
الم احچی وصالک صار منیا
خبر هجـرک ابتالی الیل منیا
الی وداعت هلی جتنی المنیه
حسین الحیدری
ابو خلیل الشحیتاوی
روحی یا نبع طـــــــــــــــولک طربها
او دلیــــــــلی والنبی حسنک طربها
محبتک لل بــــــــــدر عگلی طربها
اورجوعه ابحین شخصک یرد لیه
ابو خلیل الشحیتاوی
ابو خلیل الشحیتاوی
هلــــــــی ابجاه النبی شامخ بناهم
اوقیر اسبــــــــاع ما صادو بناهم
هلی العــــــــایل ملو جوفه بناهم
هلی ابیوم الوقا متهاب الاطواب
کض درب العلـــــــــــم یا صاح وقره
اوخل شخصک یزود ابعـــــزم وقره
الجهل ضاعف ابجوفه اسموم وقره
اونول الغانمه او جیــــــــــب الثریه
ابو خلیل الشحیتاوی
قاسم النیسی
ألو إسمک تریده ایصیــــــــر خالد وابمعالی ایشیع
لازم من تطــــــــــب دیوان تشری امنل زلم واتبیع
واسعی ابچف طفل تنگاد لل حگ والچلمته اتطیع
و الباطل گص یوز اچفوفه
میدان الیــــــــــزل لو گام یطحن و اهدست عل گاع
عــــــــــــــــزمک ینگلب برکان و العایل یرد ابساع
مو مسرح تره الهوسات زوره او تلگه بیها اسباع
والطوب الها ایدنگ راسه
قاسم ابو میلاد النیسی
قاسم النیسی
خصال التنحمد بل نـــــــاس عدنه
او کلام الحگ لحــد الموت عدنه
عید الجــــــــــلله الرحمان عدنه
او بسم عید العـرب سجل هویه
اخوتی الچنت بل طـــگ صارملهم
او بلی رجـــــه الاملکه صارملهم
ابوسط شماتی اطیحن صارملهم
طحت لا ما طحت والطعــــن بیه
قاسم ابو میلاد النیسی
قاسم النیسی
من یوم افگهت لل حین هوست حدنه عشمه اتغور
او من ســـــــــــابق مثل مظروب میدان الیزل تنور
دگت ریلک اعلا الگاع تشــــــــبه ردحت الشاجور
من یطحن رباط الهوسه
قاسم ابو میلاد النیسی
احمد جاسم الهلیچی
من طیشک یناهی اعجـزت ویریت
وگلبی امن اتهیــــل اعلیک ویریت
ابحبل حبـــک نتلت اشکثر ویریت
شبر ما مال بیک اشــــــــــوگ لیه
احمد جاسم الهلیچی
حسن امیری
دونک ما سفهت البال دایــــــــــم منشده بالی
عایش باتعس الایام رایــــد شخصک اگبالی
ضایج خلگی والعباس دمعتی ابعینی اتلالی
وغیابک فگسلی اعیونی
حسن امیری
محمد لویمی
علی من اگبلـــــــت يا ريـــــــــم بستل
تراب و چن لســــــــــانی انعاب بستل
أبد ما تاه منـــــــــی العگــــل بس تل
وهتنی ابیوم ســـــــــــاگک لمع ضیه
ینجم اسهیل شعرک لیـــــــل من ین
فتل یکتل وظل بهـــــــــواک من ین
ملامح صورتک عـــــل بال من ین
ایفلت روحی ابجبین السطع ضیه
علیه ابحیــــــن صد الترف شلها
عنــــــی وحالی من التفت شلها
جـروح البیه یصعب علی شلها
عگب خلهه الترکهه ابلا خطیه
الیسن سیـــــــــفه ایتعد ولمسنه
ردی وعیــب آنه الزمه ولمسنه
النصر والفجـــــر ولبر ولمسنه
الزلم طوفان تدخــــــل کل ثنیه
محمد لویمی
حسن امیری
صخمن وجهی الیـــــــالی اودچچن گلبی ابرمح
ظلما عشت آنه ابغیابک ما شفت گصت اصبح
امشـــــــــی ویاک ابنگابا و انت ویای ابگبح
اومن غدرک ملخت افادی
حسن امیری
ابو خلیل الشحیتاوی
بـــــوادی الشـــــــــوگ اخوضنها وطرها
علی الســــــــاکن نبض گلبــــــــی وطرها
اچلای ابسیـــــــــف اگصــــــــنها وطرها
ابسبب ما شـوف خـــــــدهه الیشع ضیه
هتف بیک الگلب هلســــــاع وطرواک
او محال ایغیـــــب عن البال وطرواک
یضل صوتک یناقی العگل وطرواک
ابخیـــــــــالی ایطوف یل ذاتک وفیه
ابوخلیل الشحیتاوی
