حسین حیدری
سگه اریاگی ابجفـــاک المر شحلهه
یناهی العیــــن می دمـــــعی شحلهه
قضیتی اویاک ما تنــــــحل شحلهه
اعجدتهه ابیوم شخصک گطع بیه
حسین حیدری
یاسر الشیخ کریم العنافجه
التحـــــچی الحگ یخی گو طرت مامن
ولا ویــــــه فلیــــــح الگیــــــــت مأمن
العجب طگنی اعلا واوی الزور مأمن
ویگـــــول اســــــــــــباع شوگلت علیه
یاسر الشیخ کریم العنافجه
ابو ماهر العتقی
صحیـــب الیاه متلــــگی یهاوین
مشه و مثله اباسه یاهو یهاوین
یصوت الامل ما سمعک یهاوین
هلی ابنقـــــمات صوت رد علیه
ابو ماهر العتقی
عزیز ابو عبیر البریهی
بنه امحمد نـــــــــــــزل لهــــل الدواوین
بناه ابســـــــاعد الغیــــــره وسفه العین
او شرب کـــاس الالم من ایــد الجروح
وزعـــــل شــــــریان دمــــه او شرایین
وکبر عمــــــرالیالـــــی وذیــــب الهموم
ذبـــــح شاة الصبــــــــر من غیر سچین
لچــــــــــــن زوم الـــــوکت ما یوم وطّاه
ونهت من جـــور قهـــــر الّاحگه اسنین
یذر ملــــح اعله جــــرحه و گام علحیل
یروحـــــی امـــن الألم بالــــــــچ تلویین
علّــــــــگ عـــــزته ابریشة جنـــــح باز
وتباها امن الرعیـــع الهــــــاوی الشین
ورفض طبـــــع الردی او ما یوم خاواه
وصحب طبع العفیــــــــــف الحاوی زین
وکسر قفل الضنک بچفـــــــوف من طین
ویــــــــود ناس التـــــذکره ابناس طیبین
وقســــم برض الطهاره الحاضنه الطیب
لضع جـــــدمی اعله درب اهـل المیامین
ومشه وعرگ الینگط غیــــــض وعتاب
مشه اولا صــــاحــــب ایشــــایل ولیعین
خنگ عبـــــــــرة دمعــــة ابهـــــدوةالیل
ومسحها ابطارف اچفـــــوف المساچین
و دفن ظیـــــم الیظکه ابخنـــــــدق الیل
یخاف امن الشمــــــــس لتعـــــلم العین
شـــعل تنور صــــــدره ابوگــــــــدةالآه
او یطفیـــــــها ابدمـــــع عین المحبین
ویعنها ابلارسن و الصــــــــوط خیال
مهرته المن النخاها الّــــــا تحسرین
ومیزاب الدمــــع شگ گـــاع الخدود
وزرع نشوة حـزن من کل شبه طین
وســـــــقط حظ الیبـــــدل یوز حذاف
بدل عز الطیور الصــــــــــگر شاهین
عزیز ابو عبیر البریهی
حسین الحیدری
یناب الوکت من کل کتـر عضبای
لئن ماسلم من اعضــای عضبای
جفوعنی ابعسری وچان عضبای
الهم نـــــازع اگـــرابه ابکل ثنیه
حسین الحیدری
رمضان العگیلی
امنشم زیـــــجک وصد ینزاح ولمای
یلبشعـــــــــرک یفوی اروی والموی
من اتعتنی او تظمنی ابعطف ولمای
یلامـــــــــــس شفــــتـــــک دستلذبیه
رمضان العگیلی
یاسر الشیخ کریم العنافجه
المضــــــایف والشیـوخ اکثرت عدنه
اوبل ماتم فرحنـــــــــه وصار عدنه
العلیه تحسب شریف السلف عدنه
اشمالا اویا لیــهل یــــرکض سویه
یاسر الشیخ کریم العنافجه
احمد جاسم الهلیچی
عگب عیــــــنک یناهی منیسلینی
اشغلت بالی وغرامک منیسلینی
ولله الواشی عنـــــک منیسلینی
الدنیه اتضیـــــــج بیه امنل اذیه
احمد جاسم الهلیچی
سالم الساری
وحگ المنکســـــر بلطف ضلعله
عله المخلوگ اخو زینب ضلعله
نزع چفین ابو الغیره ضل اعله
العقیله الهـــدمت سور ال امیه
سالم الساری
ملا فاضل السکرانی
شهگ با شگ شبابی وگع منطار
ابتعذیب المشیـــب الچبــــد منطار
بگه امنــــــلعمــــر یا خلان منطار
فجر و اتنــــطر اطــــروش المنیه
ملا فاضل السکرانی
رحیم المنهل
الیعیــل اعلا الوطن یاصاح یندام
اعلا خشمه والیرشا ابمای یندام
الیخون الاهل باول ضیــج یندام
اویضل مطروح حمله ابلا تچیه
رحیم المنهل
