سرتیب الباوی
نخیته اللی یگل الکون فیکون
وندبت البلحـرب مرات فیکون
ردت حبهم علیه ایدوم فیکون
لجل شمس الهجر لا تمض بیه
سرتیب الباوی
رساله من الاخ العزیز عبدالحسین الباوی
بچیت ابــــحوریشگرمندمعلک
ونزف گلبی ابغیابک مندمعلک
روح ابـلا حسـافه ومندمعلک
تـعـثرک شارتی واتعـود الـیه
دمـــــع تمساح دمعک منتهلهه
ونـــــت قمة الخیانه منتهلهه
یزی اتزامـط یخایـب منتهلهه
ترید ابن الکــفو وسداد فیه
عبدالحسین الباوی
رساله من الاخ العزیز الدکتور مهند الطایی
بیرغ شرف
الحشمه للتقی الشامخ
ابحکمه وزهد عنوانه
ایفزع لوحشمیته ابضیج
لوطبیت دیوانه
یابیرغ شرف یالماطوتک ریح
یاهیبة مضیفه وصوت فنجانه
من وگفت علی الکرار
من فکرالذبیح العله بنیانه
من نهج الشهید الثار
یاحادی الرکب یالصرت سفانه
خجل والرکض وی العار
رغبته یحرق التوحید بالسانه
وک مات الجهل واحنه ابحصاد الخیر
غیمک مو وکت نگاط نیسانه
اذا وکته گصیر وتاه
کلمن بدل العنبور بدنانه
وجرعنه الوکت بالجاهلیه اهموم
وفرقنه الجهل من سادت اعوانه
ولمتنه الرساله وخاوت البلدان
لجل الدین نصعد عالمنایه ابوجه عدوانه
وصگرنه التاه چفه اسنین
رفض ذل الملوک وعاد لخوانهالشاعرعبدالحسین الباوی
مقطوعه فی حق الامام علی (ع)
مقطوعه فی حق الامام علی (ع) استجابتأ لطب الدکتور الغزی علی
نشرها فی دیوان ملاثانی. اسال الله ان یمد فی عمره کما اتمنا ان تنال
رضاکم
ذهب صافی
علی ما تنوصف والیوصفک چــــــــــــــذاب
علـــــــــــــی نفس الرسول اتوصفت والباب
علی بحــــــر الکرامه المایعــــــرف احدود
علی یعنی الشجـــــــــاعه ومرجله وخنیاب
امنین ابدی ابعلی بالـــــــــکعبه مولد چان
وابیت الــــــــــرسول وحضنه شب وشاب
بعل بنت الـــرسول ووالــــــــــد السبطین
وقالـــــع باب خیبـــــــــــر ماتهزه اطناب
بچای ابصلاته وبالحــــــــــــرب ضحاک
وبالصد یکرحیــــــــــدر ما هوه ولاغاب
مرحب جنــــــدله وبارز عمربــــــن ود
واتعله اعلــــــه صدره الماعلته ارگاب
ذهب صافی یحیــــــدرخصک الرحمن
وباقی الناس کلهه انخلقت امن اتراب
الشاعرعبدالحسین الباوی
عبدالحسین باوی
من خــــــده ولفی اتمکنت بستانی
ومنه ازدهر وردی وعمر بستانی
اعلیــــــــه احشم یاترف بستانی
من الشفایف بوسه راید یشــگر
من کلمات الشاعر عبدالحسین الباوی
عبدالحسین الصیاحی الباوی
الهانک عالوجه لطمه وکرخه
وهدم ساس بنیــــــانه وکرخه
ابد کارون مایقبــــــــل وکرخه
نعیش ابذل یهالینه الابیـــــــه
هلی اسوار الوطن علو بناها
ودم اعله الارض سالت بناها
اعدانه اشحسبت عمی بناها
نعوف اوطانه ونصبح رعیه
من کلمات الشاعر الادیب عبدالحسین الصیاحی الباوی
عبدالحسین الصیاحی
جودی صافی وطیب ینضح منهلی
وماعزت یوم وتخـــــاخت منهلی
انا شلت الطیب والعز منــــــهلی
وعلمیت الدنیــــــه معناة الابـات
كرت الــــعده ومايومهم كاروني
ومافاد بحبــال الحــــقد كاروني
لحلف ابعزة كرخـــتي وكاروني
لمطر عليــــهم نار يوم المحشر
الشاعر عبدالحسین الصیاحی الباوی
