علا الهم اشیصبــــــرنی مر الهم
علیه او من زغــر سنی مر الهم
مره الهم حزن عگبک مر الهم
عذاب او ظیم لیش اگطعت بیه
ابهم ربعی متــــت محـــد میتلی
او لسانی ابچلمت الغبره میتلی
اذا بل ظیــــج واخـوانی میتلی
ابنفاهه لو اجت شتفیــــــد لیه
علی شایع القطفانی
هلـــی بگحیطه والمامش یحیون
وحوالی الموگد اصبیحی یحیون
هلی مولل اسم یکبــــــر یحیون
هلی ایطــــوفون دایم عل حمیه
امحیبس الهلیچی
دلیــــــلی انیاب هجـــــــرانک لچن له
همـــــت والروح مارجـــــعت لچن له
اترکک هلــــــک یـــــردونی لچن له
الترک والموت الی اوراسک سویه
ملا قاسم المایود
بچـــــــلای الدهر رمحا شکلمه
طحــت ولمادرا ابعلتی شکلمه
شبه یاهل صرت لهله شکلمه
ابواچی او مادرو علته الخفیه
امین الزرگانی
غــــزانی ابطی ذهب جعده ومایه
وسگانی ابخل عنب ریجه ومایه
رمانی ابصدت اعیـــــونه ومایه
یداوینی ابجـــــــماله الفتک بیه
ابو خلیل الشحیتاوی
اریاگی الدهر من غــــدره مراهن
او علیه ابهم لیـــــــــالیه مراهن
بعد ما أمـــن ابعیـــــــنی مراهن
شفت عون الصبح فرعون الیه
قاسم النیسی
مماشی الدهــــــر یاذنی ویعمن
علیه أوراحن اعیــونی ویعمن
الویع من غیر راعیه ویع من
چذب کلمن یگول البیــک بیه
امحیبس الهلیچی
احبـــــابی من جفو عنی طرولی
دلیلی و طـــــیــ
لون طاریــــهم ابصدفه طرولی
احس ناربضلوعی اتشب سریه
خل الطش شمل خلـــــــه وشتما
لــــمّ یستـــــحـــــق لعنه وشتما
وشــــــاة اعلیک یاخلی وشتما
وشت متشت شملنه البی خویه
هم تــــــــدری الماجر الک شیرن
شرار وبل حشــــا نیــــران شیرن
اسمعت نغمات تحت الظلع شیرن
الگلــــب ولروح عزفنلک سویه
ماجد العنافجه
لانی اعله الهزل عــــــدله ولانی
میــــته وهمی ابمشــــیی ولانی
هضمــــنی المانظر ظلی ولانی
وانه ابسابع سمه ایحلفون بیه
شهگ طیری ابسمه الشمات علا
سبــــوگ وخله بیــــهم یخی علا
جـــــرح بیـــــه لچن ما گلت علا
تبیـــــن خلتی ویحچـــــــــون بیه
جعفر التمیمی
غده حــزن التجافی اعلیک ینتل
ابروحی وتل علیک الگلب ینتل
ایا اسمی اشوکت بشفـاک ینتل
واحسه من صــدق لایگ علیه
سید حسن الشریفی
ابـــــراسی اوجـــــاع ما تهداش بلچای
ازدادن من چــــویته اعلیـــــک بلچای
اعله وجهی انگاب احط ظلیت بلچای
العلی صــــد ما یــــــــوچد اغیار بیه
علی خف لو یبــــــل حمـــــــرین وریاح
یصــــاحب من عــــــذابک ذاک وریاح
غصبن خاوی اصبحت بجفاک وریاح
اشــــــد من گــــوم عـــــاد اتهب علیه
عادل الحمادی
تمتحن صبــــری ابغیابک هاذ مو خوش امتحان
سهسهت روحی او دستهه او الله بس المستعان
والله لو ترجع واشــــوفک گبـــــل لیفوت الاوان
موخاف افراگاک یفنینی
حسن الامیری
اهنا یــــل رحــــت عنی بسلامه
اجـرحتنی وگلبی ظلن بسلامه
سبحه اتگول صبـری بسلامه
ایتطشر من یمر ذچرک علیه
احمد جاسم الهلیچی
اریــــد اسکن وحط ابوسط بیدا
لأن گلبـــــــی الوکت بظیم بیدا
صدیقی الچنت احط الاید بیدا
نکر ملح الصــــداقه وخان بیه
عـــدنه همه المیله وایضاًعدنه ناس
المایله ابچــــفهم تصیـــــــــرامعدله
عدنه ناس العایشه وما الهه صیت
وعدنه بگبـــــــــور وتحل المشکله
سید عقیل التفاخ
فرق بیـــــــن الزلم موجـــــود و الکل تعرف القایه
البعض منهم بحـــــر مغتاض یرهب لو طفح مایه
او بعض منهم خصال البیه ما یثبت عله احچایه
کل ما یرمش یخلف رایه
قاسم النیسی
اتبچبچ عین شوگی اعلیـک موعن
علی ذچـــــــرک غدت شلال موعن
چتف صلیت فرض الصبح موعن
عقیده الگلـــــب خفت ایطیـــر بیه
علی العاید البدوی
الأحبها ابکل وفا گلبــــــی وفاها
او طاح ابضی ورد خدهه وفاها
اصیــله او شاتت العشمه وفاها
نشد بسمی ابصراحه اولهج بیه
حبیـــــــــبی اترف من القندور وحله
او عمره ماوصل عشــــــرین وحله
دلع زیجه ابلیــــــــال السود وحله
اشرقن شمسین منه وسطع ضیه
ابو خلیل الشحیتاوی
اهلـــــــــی المو حلـــــو بزور حلو
اودرب الماحتل بسیــــــــوف حلو
هلی ابیـــــوم المنایه الموت حلو
اشبکت بسیوفهه احتوف المنیه
هلی بلکون بیــــرقهم منشر
اویحمون ادخل عدهم منشر
جدم بلخیل المحورب منشر
علیهم فـــــوگهم یلحربچیه
الشاعر اغلامعلی الحمیداوی
فتگ الی یفتــــــــــگه البیـــــن منشل
ابجهل وبچف رخی المطروح منشال
عسه لاشوف ظهر المجــــــد منشال
ابرمح اهل الخــــــــزی وهل الردیه
حمد العموری
البخت من البعض یاحیف رح ما
یـــــعاود والرِحْم ما رحم رِحْ ما
اذا تبقا اعلا های الحـال رحمه
الشرف شایب نحیل ابلا تچیه
رحیم المنهل ابو جساس
دلیلی ابحور من العســـــر بی بی
بچیت ومن جفونی الحزن بی بی
علی هدو واخوی ایصیح بی بی
اویه خصمی وکثــر الفلگات بیه
عبدالله محمد مزرعه
ثگـــــل همــــــی جبل بی صعب هدمای
وبعت لجــــل الرفاگه ابرخص هدمای
دویت الحگ یصاحب صحت هدمای
اجـــــه ابدلت نفط یـــــــرکض علیه
یابر الامیری
حملی الطــــــــــــاح گلــــــی یاعداله
او طعس همک یگلبــــــــی یاعداله
تگلی اتصـــــح عدالــــــــه یاعداله
اذا حته الگمر تخشا اتشوف ضیه
الوکت قید اجـــــدامی او عگل بدای
اوطعن گلبی اودعانی اغرگت بدای
علی اسره ابـــــــذلوله اوصل بدای
عبــــــالی ایعیــــــن اقــــرم ناربیه
امبورح ما اشوف اشتای یومر
او علیه گام کلمن چــــود یومر
الفــــواد امن العنا یاناس یومر
ولاخل الگصــــدنی اوحن علیه
الوکت خله سناســـــــل قید بدای
اوعلا حالی ایتمزهد صبح بدای
اشتاگیــت الرفاگه اورحت بدای
عشــــر اتفاگ چـــــالوهن علیه
ابو خلیل الشحیتاوی
شعب الما یحس وایــــــــزید علما
یضل محنی الظهر منکوس علما
بس الشد عـــــزم لل مجـــد علما
یضل یمشی او یطــر نار السریه
الجهـــــل نفس الیهل و الطفل لامو
جـــــاهل لن چثیــــــره اطفال لامو
علم اشچــــم چبیـــــر الناس لامو
اعلا فعله او چلمته الصارت أذیه
قاسم النیسی
صبح رمز الکرم والجـــــود عدنه
اولحدود المعــــــــالی ابعلم عدنه
اذا مانحیی ابثقـافه ارسوم عدنه
اکیــــــد اتروح من عدنه الحمیه
عرب والجـــــود والتاریخ عدنه
نشامه اوبس علا الطیبات عدنه
تعال اوزور حینه اوشوف عدنه
واشرب کاس گهــــــوتنه الابیه
ابو خلیل الشحیتاوی
من حلیـــــت علدنیـــــه حلویای
الحـزن و العسل مامره حلویای
تدهـور حالی من حالی حلویای
امن ادیه صــــار کل الصار بیه
میثم الساری
تگلی ابطـــــل نــــــزلهم طل شطلما
اشوفن والدمــــع حافـــــــر شطلما
ابوجنتی او ضعن النودهم شطلما
خذانی او من صــــحت مارد علیه
اسماعیل الضبی
عارا تسلح اســـلاحک علل خل
یخل وابگلب الیضدنه علل خل
دخل ابـــزود نتخیــــل عللخیل
ونقیر اعله الذی قازی الثنیه
الشاعرالمرحوم ستار سیاحی
یمهره اعله الهضم ولضیم یولی
الوکت گام أبرجــــال الوید یولی
البیهم زامطـــت من طحت یولی
ابحوافـــــــــر خیلهم داسو علیه
ترف تهــــواک روحــــی مردنهه
غبت وسیوف هجـــرک مردنهه
گمــــــت مامیــــزایدی مردنهه
اگص عود الردن گصیت ادیه
الشاعر سید عقیل التفاخ
انگطع یهـــــوای من البعد بتل
دلیــــل وگمت اجر النفس بتل
اما یدریک حالی احساب بتل
امیر اتروح عگبک کل سبیه
رحیم المنهل ابو جساس
تعال نجــــدد البیـــعه وخنس
تمر والگمـر شاهدنا وخنس
نضد الخان میــثاقه وخنس
بدواهی الدهــر ماله قابلیه
اسماعیل الضبی
اشما عایــن ابشط حظی مرامای
سراب وما حصـــل منه مرامای
اذا ماللهدف توصــــــل مرامای
أرامی ألمـــن بعد واشبــع أذیه
ابراهیم ابوعزیز البریهی
ابزود و عـــزم عل باطل هدینه
وعل ذل لا تظـــن لحظه هدینه
ابسهوله العزه ما جتنه هدینه
الهه ارواح یــــــوم الموزمیه
من صغــــــــری الهظم والذل مبیته
وشخص المــــوفی ابیـــــتی مبیته
النشمــــی لو ســـقانی السم مبیته
السبب لن چی جسور وبیه حمیه
لیـــــــال العســــر صالن وردمنه
وسگینه احنه ابصبرنه وردمنه
ردی انعـــرفه خصمنه وردمنه
الـــف مـــــره الاله صایر تچیه
الشاعرالمرحوم ستار سیاحی
لحگ گلبـــــی بودادک یوم طبا
مرض حیر طبیــبی وعجز طبا
هلک صاحو علیه وطحت طبا
تفشکل سبــــگی وما طار بیه
اسماعیل الضبی
خل خلگک وسیـــــع ایکون بالک تزعل ابشده
وابسـوح العتـــب والغیــــــــظ خلّک درب لرده
خل بحرک قمیج اهوای اب بطنک جزّر المدّه
السریابه السر بالک تفضح بیه
رحیم المنهل ابوجساس
بدیه اشکثـــــــــر للصحبان ظلیت
ولا یوم ابطریج العــــــــدل ظلیت
وحیــــد امجـــابل الحیطان ظلیت
الهوه نعمه او علی من یمرعلیه
عادل حمادی
الگلب من شالو احبابه ملیته
قهـــــــر وبنار فرگاهم ملیته
ذچـــرهم لاتظن لحظه ملیته
شطر گضیـــت ویاهم سویه
حجی رحمه الزرگانی
اذم الربـــــــع لـــــــــو رادو یگولون
یصـــــــاحب لیش مالک بل وطن دار
اخاف احچی او بعضهم مایصدگون
وطنه ابهاذ کبـــــــــره او گاعد ایجار
حبیب مزرعه
کلمن حلیم او ذکی ابعیـــــــن الصدگ حیدرا
والی ایتبنه العلـــــــم حی ینوصـــف حیدرا
عگله ابوساعت بحــــر والهل سبب حیدرا
اوصل لعنده ابعلا او کل الجــــــــهل جنبه
خلا ایتباهه المحــــب و الی یضــــد جنبه
من حیث واضح صبح درب التصح جنبه
واهوه طریق النجه البی ینــــوجد حیدرا
قاسم النیسی
الصـــوله ایعّد اعلا الموت ینگاد
وغا یا حیـــف چفّه ابظلم ینگاد
حسافه اشلون حید الزلم ینگاد
ابحبل مشبوگ بید السر سریه
رحیم المنهل ابو جساس
جـــــفاک اســـــموم غذانی یراهوای
اومن هجـــرک صبح گلبی یراهوای
ابوجـــــودک چـــان دلالی یراهوای
اهجرتنی او عسعس الطارق علیه
بعد مابیه اجــــــد الســــیر ولمات
ابسبب روحی من العیلات ولمات
یحگلی لو هویـــــت النار ولمات
لأن ثعلب غـــــزانی اورک علیه
کلام اهــــــل المحـــــنه یاندامه
او کلام اهـــــل الرزیه یاندامه
اشکثر یعجب حجابچ یاندامه
ابو قاراهلچ عنــــزتی البریه
ابو خلیل الشحیتاوی
بعد من لهب شمس الغـــــدر مامن
ذره او یصبح الی امن النار مامن
شسولف والســـهم بحشای مامن
عدو لاچن اخـــــــــوی العمل بیه
عادل حمادی
چان امجنـــــزر امنل آه وبطرج الفـــکر تعبان
او مستنی عمر وایرید یصحه ابشوفت الخلان
تم و استلم و المریود گلبی او ریّح الوجدان
بجدام الحب داس اهمومه
کلمات بشیر الصرخی
نسمة غزل
بـــارع بالغزل و احساسی مــــرهف حیل
بس الخــــــاطرک عیــن الغــــــزل تسهر
یل شعــــرک بحـــر غـــرّگ لیال السود
واســـو طل الشعـــر یتــــامل المعبــــــر
وصل حد ضی جبینــک والفجر شع نور
وجـــهک چـــن شمس مــــن اگبلت نوّر
مشـه ابساحة اعیونــــــک لیل یتبع لیل
مـا بیــن الجــفن وارمـــوشک اتعثّــــر
یـل عینــک قصائــد طشت اعلا الروح
وآنـــه الخـــاطر اعیونک للبشر اشعر
یل شفتــــک معــادن لامـــــه الیاقوت
والـــرگبـــه سوالـــف لــو گلت تکثر
یل همسک شـــعر واســـوالفک انغام
ویل ریحــــــة انفاســـک تشبه العنبر
ویل کلک ملــــح بس مو ملح مذموم
مملــــوح الــــــوصف والشافک اتحیّر
ویل صدرک جبل بس طره نهر الشوگ
والشــــاف النــهر مـــن کیفــه یتمرمر
یل خصرک صدگ یشبه خصر کارون
اخاف اوصل اجروفک والشعر یسکر
ما اگـدر اوصفک وصفی یمک داخ
ولا عیــــن الشعـــــر یمک بعد تگدر
الک انثــر ازهیری و دارمی وموال
و ابوذیـــة غرامی و هاتی و المیمر
و اختــــار الیعجبک بین هل اوزان
بس کون ابوصالک احضه یل اسمر
کلمات الشاعر سید حسن الشریفی
وحگ من فگــــدت اخوتها وناعت
الناس اهمومها امســــایر وناعت
چنت اوصف دوا الغیری وناعت
هسه آنه سقیـــــــــــم اشلون بیه
اسکندر الحجی مبادر میاحی
ششد روحـــــــی وضمد والفرسها
البگت مابیــــــن اجلها والفرسها
فحط غوجی ومنیـــتی والفرسها
اوصلتنی وعن غریب اتنول بیه
عبدالسلام الزرگانی
صحت لک طاح حملی امنل متن للگاع
اغم ســــــــــویت روحک عود ماتسمع
ربک وده غیــــــرک شال حملی اویای
صح انته اگطعــــــت بس الله ما یگطع
علی العاید البدوی
هات من حنظل زمانک مره هات
وهات من آهات لیـلک مره هات
هات یا هات المفـارگ مره هات
بلکت ابهاتــــک ترد الماضیات
هات من آهــــات صدرک ونه هات
حتی احس لوعه غرامک ونه هات
النّــــه للعشّــــاگ میمر و نه هات
والنّه بوذیه و عتاب امسطرات
هات هاتـــــک یلی هاتک چن نسیم
وهات غیـــرک لو یمرنی چن نسیم
چن امس باحلامی سارح چن نسیم
شخصک ابشعری انکتب یاترف هات
حبّــــک ابگلب الیــــــودّک ماله حد
وغیر شخصک گتلک امّن ماله حد
ما کفــر بلعشــــــگ گلبه ماله حد
بعده مومن بیک یا زین الصفات
انته تدری اشبیک تنشد جرحی وین
آنـــــه ما ونیـــت لاکن جرحی وین
اچفوفک ابثمّار عمری جرحی وین
وکسّرن عودی و عمود الذکریات
سید حسن الشریفی
الگلب عندک یا حبیـــــــبی عاده الی
البچـی صبح عگب عینک عاده الی
ابزمن حبـــک چان وصلک عادالی
اهجـــــرتنی اوجفت اویاک الحیات
ابو خلیل الشحیتاوی
نمت وکت اصبه وبشیب داری
یجینی وتهــدم امن اظیم داری
یهل تسمع شبابک زین داری
ابحنــان وعفه وانواع الحمیه
یمن بسمه اسـحاب اهطلت بسما
ویمن تلگه اشفه من اتعید بسما
یمــــن منه الرزق واروح بسما
یمن ویعیـــــــل مره اعله البریه
هنیال الذی بصـــــــــــد هلویا
وهنیال البچـــــه اولفه هلویا
هنیال الوین مایجـــدم هلویا
میت هله صاحو خوش جیه
ابو سجاد السلامی
گد طولک جرح یل رحت حلای
جفاک وگلبی ابطـــرواک حلای
الچنت حلهم وچانو عود حلای
اسبگتهم بلمشیــــب وبچو لیه
احمد جاسم الهلیچی
الرجــــــــل من الاشرار ابتعد چفه
وبدی مای الوفه اعله الربع چفه
اذا یخله ابــــــــــــــد موعیب چفه
المهم متروسه عینه ونفسه ابیه
اغازل ذکریاتک والدمــــــــــع سکران
یطوطح فوگ خدی الیـــــال یگضیهه
الورد من شم قمیصک صـــــاح یالله
شسمهه الریحه های امنین شاریهه
میثم الساری
اتعبت روحی اوتعبت اویای یارای
اوتم دمعـــــی علا الوجنات یارای
انا ابیا شور ارید استــــدل یارای
حایـــــــــر کل درب ماشوف الیه
حجی صباح مزرعه
العلی عنو عجیـــــبه اشلون ماعن
علیهم والجـــــــــدم بل سیر ماعن
عگبهم هم دریت احشـــای ماعن
صرت عود ابصبخ بس نفس بیه
الاحن اعلیه عجیبه اشلون ماحن
علیه اوحان گربه اویــــای ماحن
سمعته ایگول ظهرک علی ماحن
وانا القــــــــــوس ایتمثل گام بیه
سلمان الحمیداوی
الراحه ما مرت علیه او ما ضگت طعم الهنه
او من اهد ساعه العفتنی الیوم یتعده ابسنه
روحه محروگه اعلا مودک بل ماسی امردنه
واغیابک مصخلی ایامی
والله مسحوگ اعلا فچی او مغضب او انگط شرار
کل وکت رافض محبتـی او طاگها ابعرض الجدار
مختنگ یابه ابعبرتی او محتصر فرد احتصار
واغیابک فشخلی ارکانی
گلبی تنقر بل مئاسی او منهن اتکفه او شبع
نفخت الیاهل تخضنی او میت آنه امنل ویع
مرکب آمالی ابحرهم رکس من عندی اونگع
مبحر و اتفشکل بلرویه
گلبی تنقر بل مئاسی او منــهن اتکفه او شچه
بسی بسی من الخیانه اتوسد اضلوعی اوبچه
حضی ترمــــــــاق النوایب مانگد یوم او لچه
وامعوسم بختی او مو بیدی
کلمات حسن الامیری
ابجفاک الشامت ابعطفه علیمن
قهرنی او خله حصراتی علیمن
یگلی اشبیــــک متعذب علیمن
ضحک سنه او شعل نیران بیه
الدویرجاویه
ابأرض وعره وفيـــافی ماشبلکم
و عگب عرگ الکرامه ماشبلکم
الرضع ذرع الخيـــانه ماشبلکم
شبلکم حيــــــد ميــخون الثنيه
يدنيـــه ابکل کتـــر بيـــه خليتی
سهم و النوب عل عگلی خليتی
ابفعلچ هــاذ يا وکحـــــه خليتى
الظهر والماهوگدهه ايعيل بيه
يدنيـــــه ازمـــاطچ اعليــــه عديتى
وجسمی ابکل مرض مهلک عديتی
اسمــــی ابقائمـــة ظلمـــچ عديتی
و قصــدچ للمشيب ابـــگه ابأذيه
محمد السلامی
چنــــت کل عیـــد یلغالی تمرنه
او علی الطیبات والزینه تمرنه
نحس بلریـــــج کلحنظل تمرنه
او حلاوة عیدنه ابهجرک شریّه
الشاعر محمد حزباوی ابوعمار
