عظیم ابوتوفیق البوخنفر

 

دمعی الســــــال احس انه یمرسال

 

علی اخدودی ونسیم المر یمرسال

 

دخیـــــلک روح خبـــرهم یمرسال

 

الهوا افادی احتـــرگ من کل نویه

 

 

یروحی الخیر دوم اهوی وریدی

 

وخــــل دم الامل یــملـــی وریدی

 

اذا من شط فهم یصــــبح وریدی

 

العســــر یوم الحشـــر مایمربیه

 

 

اصعدت زینب ترصـد منتلحسین

 

ابکثر لجـروح ضنت منتلحسین

 

آیه حسیــــن اخبرک منتلحسین

 

وعرف تاویله بس رب البریه

 

 

الگلب بی هم صبح یسری ولمبی

 

من المایـــوم درب الحـــق ولمبی

 

ایتطشــر شـــــمل اهــالینه ولمبی

 

ویجـــی النمام وایطشرا من ایدیه

 

 

عظیم ابوتوفیق البوخنفر

 

ملا عبدالساده المراقی

 

یختی الخیل من عندی ترادای

 

وعتـــبچ بلگلــــب اثر ترادای

 

اعذریـنی یبت حیـــدر ترادای

 

گطیع اونهضتی  تکلف علیه

 

 

ملا عبدالساده المراقی

 

شاکر ابو احمد الباوی

 

احیود الخلسـوا بحـــدهم حسافات

 

غــدرها الـدهر وافنــاها حسافات

 

ابجفاهم بل اسه عمری حسافات

 

ابعجــل واظهـر مشیب الطیم بیه

 

 

شاکر ابواحمد الباوی

 

سرتیب باوی

 

یگلبـــی الــی امس بنـــار ویاک

 

اجه ایجــــدد عهد شتگول ویاک

 

احذرک من عشرته ابتعد ویاک

 

امس ونــته اکتشـــف ذاته ردیه

 

 

سرتیب باوی

 

عباس السنجری الباوی

 

کل یوم الگلــب ملچـــوم من الربع چن بی دای

 

ومنهم ماشفت یودات بس شفت المرار اهوای

 

منـهم ماشفت راحـــات لا واحـــد طلـــع وفای

 

خاویته ابعز ما خاوانی

 

 

چم دای عله دای ایصیر بیه اهموم ما تنعد

 

اصبر والصبر لاوین گلولی اشکثر واشگد

 

گالولی الیســــر عواد لو بــاب الأمل ینسد

 

هم یرجع عود ایسلینی

 

 

عباس السنجری الباوی

 

میثم الساری

 

من رعـد عبـــاس بطف مـــوت نگطـــله السمه

 

وحارت الگوم ابفــزعته یشبه الحـــامی الحمه

 

امگطعه اچفوفه وسمعهه زینب اتصیح ضمه

 

شال الشط کله و رواها

 

 

معجــزه العباس ســـیفه و موقف البی مر عجیب

 

مارهم مـــرهم الطـــگــتــه امحیـــر اطب وطبیب

 

اعله العطش زینب نخته گلهه مای امنین اجیب

 

الشط برگبهم سدیته

 

 

میثم الساری

 

عادل الحمادی

 

اهنا یالجــرحی ذچرک بلسما کان

 

او سـموک ما تباطه بل سماک آن

 

اشوفک موش بالطف بالسما کان

 

گمــــر وامخیـــــم اعله الغاضریه

 

 

تاره آی اصرخ من اعداک وحتار

 

او دمـــــی ایفور یا عباس وحتار

 

افکر بالســـهم من یـــــاک وحتار

 

اشعجب ما شاف بعیــونک رقیه

 

 

شــــارچت الانس بالنــــوح وجان

 

او نشدت الرایحات اعلیک وجان

 

همت للتــل اصیـــح الخیــم وجان

 

تلاحگ یـــــالتخمــــد النـــار الیه

 

 

اهنا یـــاللـــی علی الفطـــره ودیناک

 

او بعت روحک لجل خوتک ودیناک

 

یـــعباس الگطـــع راســـک ودیناک

 

گــــــطـــع ســــباح شـــتلات الحمیه

 

 

تــهزل ثوب صبـــری اعلیک ونگاد

 

او علی من کل جبیــله عیــن ونگاد

 

اشلون انطگ یخویه ابسوط ونگاد

 

ابحبــــــل والنـــاس تتفــــرج علیه

 

 

شبیــه الزهره یاهی العد یابیت

 

یــزیـــنب مثلچ و حویچ یا بیت

 

شموخچ لاح هام الغیـــم یا بیت

 

علی وخیم علی اطراف الوطیه

 

 

 

عادل الحمادی

 

عبود الحی سلطان

 

بعـــد مــــا بیـــه اجــــدم ولحگلهم

 

واثاری انه المقصّــــــر ولحگلهم

 

یه طارش لو تصحلک ولحگلهم

 

ترا انا اخـــلافـــهم بس نفس بیه

 

 

 

عبود الحی سلطان

 

عباس عساکره

 

عله افراگ الاهل لیلی حیته

 

وطارش لـــولفه منهم حیته

 

ابوی حسین لو بیدی حیته

 

وگله اگعد خذو عمتی سبیه

 

 

اذا حیـــــدر بصفنه وصفنه لحسین

 

اخلی الکون یـــاخذ صفنه لحسین

 

خدمنه وعله الجنه صفنه لحسین

 

کرامه الکســـر ضلع امه الزچیه

 

 

عباس عساکره

 

ابو خلیل الشحیتاوی

 

رکب غوجه وحمل کالییث عالگوم

 

وجـــرعهم أساو کاســــات عالگوم

 

الطایح گـــــرفصه وطواه عالگوم

 

الامام احســـین ابن حـامی الحمیه

 

 

هدم عرش الطغات احسیـــــن وبدمه انحیا الاسلام

 

فات اعلی المنـــایه ابـــزود وحطــم زمرت الظلام

 

کفو اونعمین ابوسجاد شجاع اوبل حرب ضرغام

 

والعالم یشهد تاریخه

 

 

ابو خلیل الشحیتاوی

 

سید عقیل التفاخ

 

وگف وگفت ســـبع بلکون وجیوش الکفر طبهه

 

الزم عصـــــابت الخوه ابعـــزم ولهامه عصبهه

 

ضل یحلف بخوة احسین لشیل الکوفه وگلبهه

 

من اسمع زینب عطشانه

 

 

صـــــــدگ هـــدو گلبهه ابیــــوم ســـمع عطشانه

 

او خله الخیل تردم خیل من ضل یصهل احصانه

 

ثلث تنعام اخـــو زینب صـــاح ابصـــوت هاذانه

 

وبن امه الیوگف جدامی

 

 

سید عقیل التفاخ

 

محمد السلامی

 

احس چن طیر گلبی فر عله احسین

 

اوشبه برکان دمعــی فرعله احسین

 

کل غصــــــن الیفرع فرعله احسین

 

تصیــــر الصعبه یمه اســــهل قضیه

 

 

محمد السلامی

 

محمد نیسی

 

صنف ردینه نص الیـــــل کلمن رایح البیته

 

او طاح النظر عن شایب المتنگب ابچفیته

 

مشیناله او تگربنه بل مگــــلوب عوچیته

 

لازمه ومایدری ابروحه

 

 

گعدنه اوســـــولفینه اویاه اهناک اوطیح انگابه

 

گال الابن نص الیـــل طردنی اوســـد علی بابه

 

اشلون اطلبت منه المای قندب خرب اعصابه

 

یاذایه اطلع لت اذینی

 

 

محمد نیسی

 

محمد نیسی

 

ایعاتب زمانه ابهای شایب من سدت هایه

 

گال الابو تــــــالی انوب ینعدیا خلگ ذایه

 

لون ادری تصیر اویای ولله مادرت مایه

 

میت عطشان ایدفنونی

 

 

 

محمد نیسی

 

مهدی عطشانی

 

ضربنی ابصوطه وکتی مانخیته

 

وعدوی اویــای یمشی مانخیته

 

اظن ناسی ابن حیـــدر مانخیته

 

کفلنی ابیوم ســـــار الظعن بیه

 

 

مهدی عطشانی

 

سید حسن الشریفی

 

تنفس یا صــــــدر وشـتم هوا حسین

 

الحیاة وسر بقاء الحــــب هو حسین

 

الگلب گبل الخلق بالذر هوی حسین

 

وعاش اویاه روحـــــــی ونفس ریه

 

 

سید حسن الشریفی

 

جعفر تمیمی

 

الم جــرحی شبیهک هاج یلمای

 

شحطلک من دواوتر تاح یلمای

 

اکرهک لو ذکرت حسین یلمای

 

ابسبب بخلک مشت زینب سبیه

 

 

جعفر التمیمی

 

سید رضا القارونی

 

یگاع الطف الچ لــوعه ولچمات

 

جرح یدّن عله ابن امّی ولچمات

 

صـحت علخیل ما بسّچ ولچمات

 

یخیل حسین هاذه اعلی الوطیه

 

 

سید رضا القارونی

 

جلیل شجیرات

 

مزن غیم الجفن بطف یخیما

 

تلوچ النـــار وشظــلت یخیما

 

صـحت عباس یلکافل یخیما

 

شفت زینب علا الهزل سبیه

 

 

جلیل شجیرات

 

ابو ماهر العتیقی

 

تـلح وادری ابملحـــتک من تلحسین

 

او یلسن ارجای مهلن من تلحسین

 

صفنــــله الکـــون کله من تلحسین

 

وهوا عرش الســـمه وخر علوطیه

 

 

ابو ماهر العتیقی

 

حاجی سیف الباوی

 

مصایب عن جمیـع امصاب کفین

 

او وینه الغســل ولحسیـــن کفین

 

الــــه چـــفیـــن للعبــــاس کفین

 

عسه من دونهن مگطوعه ادیه

 

 

حاجی سیف الباوی

 

ابو سجاد السلامی

 

وگف بشط ینادی منتعباس

 

الترد الگوم عنی منتعباس

 

ماکو صوت أیس منتعباس

 

بیرق عزهله احسین اشفیه

 

 

ابو سجاد السلامی

 

عبدالخالق آلبو علی

 

الیوم من الخجل جف نهر الفرات

 

وثبت العبـــاس عالمـــای السخاء

 

الیوم تأسیـــس الاخـوه البالوجود

 

الیوم میـــلاد الکـــــرم وی الوفاء

 

 

عبدالخالق آلبوعلی

 

عزیز محسن الکنانی

 

وحـــق الخــــــالق القهــــــار بلطف

 

مـــــدارس سیــــــد الثـــــوار بلطف

 

الیــثور اعله الظلم مونهض بلطاف

 

عله الکعبـــــه وعله الجـــنه سویه

 

 

عزیزمحسن الکنانی

 

احمد جاسم الهلیچی

 

واحــــد گــــل للاخـــر فرسلحسین

 

سیفه وشوف صهلت فرسلحسین

 

الله ارســـــل محـــمد فرسلحسین

 

شهیــــد العــــــز یظل بلغاضریه

 

 

احمد جاسم الهلیچی

 

سید رضا القارونی

 

الدهر مصحف مصابی ونتلالی

 

برضیعی وکض دلیلی ونتلالی

 

رباب آنه أرد ألولـــی ونتلالی

 

بلچـــــی یـــنام لا یـرفس بدیّه

 

 

سید رضا القارونی

 

حسین السلامی

 

گصا دهری اب آسه اوشینه علیمال

 

واحس ثوب الصبـــر خـویه علیمال

 

عگب عیــــناک گمت ارکب علیمال

 

الهــــــزل والنـــاس تتفـــــرج علیه

 

 

حسین السلامی

 

علی المطوری

 

شــط الملحـمه اگلبـــــها ورایه

 

الچ مـای ارد اوصـــلنه ورایه

 

اترکت چفوفی یا زینب ورایه

 

بس یــــرویچ نهــــر العلگمیه

 

 

علی المطوری

 

رحیم ابو جساس المنهل

 

انت ابـــــو الاحـــرار عشگی وانت عشــــق العاشقین

 

وانت یــــــا عــــــــون القضیـــــه وانت یا نعم المعین

 

اهلی صاحت کلهه بسمک یا حسین یاحسین یاحسین

 

اسمک ضل منهج کل حر یمشی اعلیه

 

 

رحیم المنهل

 

عبدالعظیم الربیعی

 

فنه جیوش الحرب عزمک وساده

 

اوفضلک طوگ العـــــــالم وساده

 

الارض تصـــبح لعد خدک وساده

 

غریــــبه یا غــــریــــب الغاضریه

 

 

عبدالعظیم الربیعی

 

قاسم ابو میلاد النیسی

 

راعی الظعن ما مات حــــی بعده للیوم

 

اومن ینذچر طروا اتضل ترجف الگوم

 

 

قاسم ابو میلاد النیسی

 

 

علی عاید البدوی

 

یوم العاشر ابعاشور من طاح الحسین وحید

 

الو قصـــده الطم ونوح چا ما یستحق تمجید

 

قصــــده ایعلم الأجیــــال للعز تحط اید ابئیده

 

هیهات امنذل ولعیله

 

 

علی عاید البدوی

 

یوسف زبیدی

 

ابکثر ذکرک لســــانی انعاب ویتل

 

ویـــرتل بس ودادک صـــبح ویتل

 

اشکبرهه اعتقدو یا هلناس ویتل

 

الگلب حیــــن العلیه یــبعد خویه

 

 

ابصــــده ثارن الچیـــــلات لازم

 

علی واشبگهن ولا امیــل لازم

 

بعد کل هذا شفت ابطیف لازم

 

خد خلی وبوسه اعله الشفیه

 

 

یوسف زبیدی

 

 

احمد جاسم الهلیچی

 

المئاسی گمت ازورنهـــه وطفهه

 

ابأذه ومحـــد خمد ناری وطفهه

 

مصــایب کربلا وزینب وطفهه

 

سدن بلحب علی من خنت بیه

 

 

احمد جاسم الهلیچی

 

اوداعه البریهی

 

خلص گوتی وبگالی الصبـــــــر چالای

 

وطحت من فوگ حدده اب بطن چالای

 

لون ونی یصیـــــر ابمیـــــــــت چالای

 

طـــر لحـــده ونهض وانتغــــــــــر لیه

 

 

اوداعه البریهی

 

 

علی شایع اغطفانی

 

العنـــــده اخوان یــــــوم الفزع مالام

 

و ماحشم غــــــرب للضیــــــج مالم

 

اشمداوی الگلب یغدی اردود مالم

 

منــــل عایف عمـــامه وگطــع فیه

 

 

علی شایع اغطفانی

 

عیسی الشرهانی

 

جفانی و راح إلدعــج مایه بالی

 

أنشغل ویضـــاً ابحـالی مایبالی

 

لیـش الــــــــــــی أبیله مایبالی

 

السعاده وبوکاحه أبعــــــدعلیه

 

 

عیســـــــــــی الشرهانی

 

عادل شمسی الحمادی

 

حبیبی اعلیک لوب النوگ لاب ال

 

گلب وبراســـــی لا ظل فکر لا بال

 

چتف صلیــــت مو مفترض لا بال

 

خفت گلبی من اذچـــرک یهج بیه

 

 

عادل شمسی حمادی

 

علی عاید البدوی

 

اتبچبچ عین شــوگی اعلیک موعن

 

علی ذچـــــرک غدت شلال مو عین

 

چتف  صلیت فرض الصبح موعن

 

عقیــــده الگلب خفت ایطیـــــر بیه

 

 

علی عاید البدوی

 

یوسف الگاطعی

 

النـــوایب هـــدمن حیــلی ولاچن

 

دلیلی و مانگص عـزمی ولاچن

 

صدیقی عضیدی سمیته ولاچن

 

طلعت غلطــان بیــــه بلا وعیه

 

 

الضعـــاین ســـــرن بیــــه وآلمنی

 

وصــدیجی البی ازامط ولی منی

 

عضیدی حزام ظهری ولی منی

 

نکر ملح الاخــــوه وخــــان بیه

 

 

یوسف الگاطعی

 

احمد جاسم الهلیچی

 

إدینک صــــافحن غیــــر إید وندای

 

فهن والگلـــــب ون إعلیک وندای

 

صده صوتی ارتفع بجفاک وندای

 

خمش گلب اصــــخر ونصدع لیه

 

 

احمد جاسم الهلیچی

 

یوسف زبیدی

 

مرهم ما یفیـــــد الجــــرح وشل

 

وگلبــــــی من الالم مایوم وشل

 

عله الگوطر ظعنهم فجر وشل

 

وخلانی ابألــــــــم حــــد المنیه

 

 

رمح قدرک یصاحب خله بیه

 

الم وابگلبی احســن خله بیه

 

اشمگل دلالی حـــبه خله بیه

 

یهد و یعارض ویزعل علیه

 

 

یوسف زبیدی

 

ناصر الفرطوسی

 

یمن بجـــــفاک مــــا یـــــنفع فرک راح

 

عزیز او ناضری ابهجـرک فرک راح

 

یاواشی الـــــــذی عنـــــی فرک راح

 

اوتر کلــــی اتــــراح عـــراح امندیه

 

 

ناصر الفرطوسی

 

جمیل ابو خلیل الحمیداوی

 

یعارف جـــس نبـــــض گلبــــی شبیه

 

اجرعت سم هجــر محبـــــوبی شبیه

 

اعتقــــد کــــل حیــــل مــا بیه شبیه

 

الشبابی و گمت احودب عل وطیه

 

 

جمیل ابو خلیل الحمیداوی

 

ابو خلیل الشحیتاوی

 

ابشغف ریــــــــت انتعانق ونتشاقه

 

او صـــدودک شق دلیلی ونتشاقه

 

قـــــــرامه انته او کیانه ونتشاقه

 

او رضاب اشفاک بخه ابنبع میه

 

 

ابو خلیل الشحیتاوی

 

جلیل شجیرات

 

چف هجـــــرک نصــــبلی ابرمح شلی

 

الگلـــــب واتخر دلـــــــت مانفع شلی

 

ارسلت خط حب الی اوهاجرت شلی

 

ابکتابک شم ثیــــابک عـــــــن علیه

 

 

جلیل شجیرات

 

ابو سجاد السلامی

 

ابگلــــــــــــــب محــــراب بیـــــتک یا الاهی

 

اچفوف شـایل وادری خالی ماتـــــرد چفی

 

اریـــــــد ایثــــور ســـالم علی الموات من

 

فراش المــــــــرض والألــــم یشـــــــــفی

 

 

ابو سجاد السلامی

 

رمضان العگیلی

 

یا الاه الکـــــون شــــافــــی یا رحیم

 

انته تدری الغیـــب یا حــــی یاقیوم

 

العلی ادعی ابقدرتک وکت اصلاة

 

ســــالم امنلمرض یا ربـــی یگوم

 

 

رمضان العگیلی

 

میثم الساری

 

من مر الضعن ریجـــی ویامر

 

وتمرمر گلبی من خلی ویامر

 

عبدی وضل علی ینهه ویامر

 

وابسوگ العبیـــد ایسوم بیه

 

 

میثم الساری

 

ابو سجاد السلامی

 

ابولف قاســــــــی الوکت محنه محنه

 

صخـــر گلبـــــــــه فلا یملک محنه

 

حمـــــر چفیـــــنی التظنهن محنه

 

دمه اعیونی النضح ما بین ادیه

 

 

ابو سجاد السلامی

 

ابو خلیل الشحیتاوی

 

غیــــر العــلم یا صـــــاحبی ماردنه

 

او درب الجهل طبعن وابد ماردنه

 

صـــح الشغب من کل کتر ماردنه

 

لاکن نشک عیــــــنه ابقلم وبدفتر

 

 

درب الجهل یا صاحبی بسمنه

 

ابحب العلم طول العمر بسمنه

 

ماطحنه ابد لجل العلم بسمنه

 

اونهوه القلم ولمدرسه ولدفتر

 

 

ابــــــــــــدرب العلـــــم یا صــــاحبی طبلینه

 

او نــــدری العلــــم حتـــــــمن یخی طبلینه

 

انچـــــانک تحــــب وکت الفجــــــر طبلینه

 

تلگه الدلال امخدره او کلهه اتفاوح عنبر

 

 

اچــــلم القبـــــی من عــــــادتی منجلهه

 

او عینی اهملت لجــــل الوفی منجلهه

 

ایگص الصخر روحی صبح منجلهه

 

او تهوه الذی دوم ابحیــــــاته امشکر

 

 

یصــــاحب چــلن اجـــــدامی من المت

 

او ولا وصفه انفعت روحی من المت

 

احبـــابی الگوطرو اصعب من المت

 

هجـــــرهم ولوصـــــــل یکلف علیه

 

 

ابو خلیل الشحیتاوی

 

قاسم ابو میلاد النیسی

 

یهل حســــــــــرات ما مره هملمای

 

جفنی ابغیـــــبتک واصبح هملمای

 

تعال او شوف من نوحی هملمای

 

عرفنــی او شیـــــــبت تهلات بیه

 

 

حبیـــبی ابیا شرع یا دیـــــن تفتل

 

هجــــــر واتضل عسم ویای تفتل

 

ما تدری ابچلمت اجـــــفاک تفتل

 

حشا او گبل العشا اتشب نار بیه

 

 

قاسم ابو میلاد النیسی

 

میثم الساری

 

اذا ســالوک وین اهواک شترید

 

عفتـنی وترد هسه اترید شترید

 

نسیـــتک لا ترد لو ترد شترید

 

تـــــرد المـــن بعـــد لا ترد لیه

 

 

میثم الساری

 

عزیز البریهی

 

یا ناعم الکفیـــــــــــــن والعـــــود ولخد

 

یا وجـــــــه الصــــبوح ایــــامی امحلی

 

یا بحـــــر الغلا یلبیـــــک جــزر او مد

 

انا غیـــــرک ولیفا یا محـــــــــب ملی

 

انا صــــبری هلک بمفارگک والصد

 

یدنیا امن الفــــرح منتبتســـــم تملی

 

اثنی علی ربـــــی ابصحبتک وحمد

 

کنت ولحین اصیح امن الجفا ویلی

 

نار البل حشـــــا تســـــعر ولا تبرد

 

من طول البعد یا ولفــــــی او خلی

 

تیــــهت الدرب من فرگتــــک ارمد

 

یا زیـــــن الملاح یلـــــــکنت ضلی

 

یا ریم یا فایق الحســــــــــن والحد

 

ابحیاة الما تکون ابصحبتک شلی

 

 

عزیز البریهی

 

 

بسم الله الرحمن الرحیم

 

 

 

نطلب من الله العزیز الحکیم بشفاء العاجل الی الشاعر

 الادیب علی الموات الحمیداوی ویٌمنٌ علیه بصحة

 والعافیه عاجلً عاجلً

 

آمین یا رب العالمین

قاسم ابو میلاد النیسی

 

حبیـــبی اخبار هجــرانک لمنجن

 

سبنی او دوهنن عگلــی لمنجن

 

علیه الیـــــل بغیــــابک لمنجن

 

انهتت وانجوم خرت بین ادیه

 

 

الســـکر بهــواک مو غیــــری بلانی

 

الطحت مرمی او عطر جیدک بلانی

 

الیجـــری ابــ-داخلی امبیــــن بلانی

 

کهیئت میـــت وامشــی اعلا الوطیه

 

 

قاسم ابو میلاد النیسی

 

الشاعر المرحوم ستار ابو سرورالسیاحی@ابو سجاد السلامی

 

ثوب صبــــر من انحاک لحیـــــود المجد تگدار

 

وکتمت سر عرب هلگاع فازت من نطق ستار

 

الی ثــــــوب الصبــــر بیـــــدی حکیته

 

وکتــــمـــت الســــر فلا مـــره حکیته

 

الوطـن مو رسم رسمیــــــته حکیته

 

عله صدری وگلبی حشم جیبه الیه

 

حب الوطن مو بلســـان احــرص ترسم التذکار

 

عله گلبک وارفع حیطانه

 

 

الهوسه:ابو سجاد السلامی

الابوذیه: المرحوم ستار ابو سرور السیاحی

 

الشاعر اسماعیل الضبی

 

ابـــــوح اســــرار گلبـــــی منه ضمها

 

وتلــــوی الروح گامـــــت منهضمها

 

حرت مدری اطخ للذل منهض ام ها

 

علی الزینیــن اصیـــــــح ابهل قضیه

 

 

الشاعر اسماعیل الضبی

 

 

رحیم ابو جساس المنهل

 

صریخ اجنون وسط العگل بیدای

 

لان گلبی ابوسیـــع الکون بیدای

 

اذا تحصــل عمامی اردود بیدای

 

اهدبیـــــــهم وازامط عل قضیه

 

 

الشاعر المهندس رحیم ابو جساس

 

میثم الساری

 

وحگ الی ابعصـــاته النیـــل جسما

 

علی مر وطحــــت من شفت جسما

 

تعال وجیس نبض الگلب جس ما

 

یــــدگ نتاگ مـــــن المـــــر علیه

 

 

میثم الساری

 

الشاعر ابو خلیل الشحیتاوی

 

الیحبـــنی حیــــل احبــــنه وریده

ابمای العیـن اضل اسگی وریده

وحگ الی انذبح بل طف وریده

امـــوتن لوبعد ســــــــاعه علیه

 

 

اتلول اهمـــوم حط وکتی علی الحای

 

اوخله اهل المکر جارت علی الحای

 

المیــــت شو گفع فرسه علی الحای

 

واهالی الحــــی رقود اعلی الوطیه

 

 

ابــــروحی الکتـــــاب اعتقـــــــد خلیته

 

حبیـــــته وابـــــدن لاتظـــــــــن خلیته

 

من کثر القــــراء چـــــن اظن خلیته

 

او صار ابکیانی اوبلعیون المصدر

 

 

روحــــی اصبحـــــت من الشغب بردانه

 

اوبشتی اعثـــــــرت یاو سفتی بردانه

 

الیوم اصبحت بارض الصبخ یردانه

 

او ذبلان عــــودی ولدلیــــــل امفطر

 

 

الشاعر ابو خلیل الشحیتاوی