محمد جاسم الهلیچی
روحی امنل محبــه ونهیاری
عله اسمــره عذابی ونهیاری
چنت انهه عضیدی ونهیاری
منهه وهسه انه الینهون بیه
محمد جاسم الهلیچی
قاسم ابو میلاد النیسی
اشمحاول شلهه انا اجروحی متنشل
ابسبب من کل شــهم دهری متنشل
الگبل اعیــون اسودا علیه متنشل
علیه حتی الضبــــاع اتریـــد حیه
قاسم ابو میلاد النیسی
احمد جاسم الهلیچی
انگطع تی الگلب واخشه بعدتی
ابمحــــبتچ ینگطـــع یلی بعدتی
ابهـــواچ انگاد ما چانت بعدتی
مثل گیــــــد الاسیــــر ابلاوعیه
احمد جاسم الهلیچی
احمد مجید آلبوغبیش
صاحب کون لصاحب یشل کون
جرحه ومن وگع حمله یشیلکون
ظلو هم یظـــل شـــالو یشیلکون
وراهم ویـــن ما صـــــارت ثنیه
احمد مجید البوغبیش
عادل خالدی
العلیه ابغـــــدر لمع الدهـــر لیله
ابحذر دومه و امن مایصـح لیله
الگطا لو ینــــترک چانـــام لیله
وابــــد ماچــــن اذا حس ابمنیه
عادل خالدی
محمد جاسم الهلیچی
بلا ســــایه وذنب وکتــــی عدانی
غصب عتنی وحدر رمحه عدانی
الییرب من ســــکن یمـــی عدانی
صحه وسگم الیـــــــرب ذبه علیه
محمد جاسم الهلیچی
شنان عنافجه
تحفظ لا تخرب السگف ودار
چثیر اگحوم هذا الوکت ودار
الو تملک من الیاقوت ودار
تظل مطلوب وتدور الحذیه
شنان عنافجه
سرتیب باوی
تخیرلک صدیج اخیار عنک یشگف العصه
اذا تگصی العمام اویاک عندک بزلم حصه
او منتعله شبــر علگاع بالک تحگر انصه
کلمن بنصه ایحمدونه
سرتیب باوی
احمد مجید آلبوغبیش
گمت اکســـر الخاطــــر من بعدکم
وتألمنی المســــافه مـــــن بعد کم
أشکثروأشکد یصاحب من بعدکم
سنـــــه لو یـــوم واتحنـــــون لیه
احمد مجید البوغبیش
قاسم ابو میلاد النیسی
العاش کل عمره ابنفاهه او ما تجدم بل ضنک
لا تحسبه احزام ظهرک والحســب گبلک هلک
لاکن الربته حــــره ابصــــدته ایفــــــــر الفلک
وابحلگ الطوب ایذب روحه
قاسم ابو میلاد النیسی
علی العموری
احبــــاب الجفــوهم لیه یحنون
لو بس بل هجر ظهری یحنون
الشماته عید صار الهم یحنون
الچفوف وهوسه عدهم بلقضیه
علی العموری
رمضان العگیلی
ابظهر تموز عل عــــدوان هدو
هلی وگبو ابنــــار الغضب هدو
علی العیله اعتــــقد مایوم هدو
هلی وکت المزامط گصوارگاب
رمضان العگیلی
محسن الفرحانی
اشتظن اجروحی تبره لوبخوها
هلی والنـــار تطفــــه لوبخوها
الاخت تفـــخر ببنــها لوبخوها
الاخت صاحت اخوی الفخرلیه
کلمات الشاعر محسن الفرحانی
یاسر الشیخ کریم العنافجه
دمع ماضل بعد بلعیـــن وشلیت
علا رکبت ضعنها بلیـل وشلیت
لزمــت دروبهم اومیت وشلیت
علیهــــم لیــــــش ما ردو علیه
یاسر الشیخ کریم العنافجه
ابو سجاد سلامی
اشما عندچ علی من ظیم ضیفی
یدنیه احمل لئن اصبــــر ضیفی
اگص گلبــی واحط جدام ضیفی
اذا مـــرنی ابعســـر واقدم علیه
ابو سجاد سلامی
قاسم ابو میلاد النیسی
هلک لو عگلو بلکـــــون یفنون
العدا اومنفن علیــهم دوم یفنون
بهلک یا عقــــــول اتحیط یفنون
طفلهم لو حچه ایخرس الطواب
قاسم ابو میلاد النیسی
علی العموری
عله الهجرونی انا احلفت بلاه
ما حن لچن دمعی الهــدم بلاه
اتــــم الیــــــل اجــــرن آه بلاه
ویطر الفجـــــر جا یبلی رزیه
علی العموری
قاسم ابو میلاد النیسی
احنا اهلچ یه های الگاع واهلچ بل حرب شطر
خلینه الخصیـــم ایگـــــوم لیــــل انهاره یتنطر
او یوم انعگلن الاقدام صدگینی ابعجــــل خطر
ایصرخ بل حد خلینا
قاسم ابو میلا النیسی
علی العموری
بقیت امســـح دمـــع بثنین یادای
یا جرح الاه---وده ایطیب یادای
عجب الحال عندی الجفن یادای
دمـــه واحبـــــابی ما همو علیه
علی العموری
مرتضی النیسی
یصاحب وین حچیک ذاک وعداک
الگلتلی ما تهمــنی اعدای وعداک
نسیـــــته ورافگــــت نمام وعداک
ابحچی الما خوذ خیره اگطعت بیه
مرتضی النیسی
علی العموری
گلـــــبی امنــــل الم فـــــدیوم ماهد
امنخوی الی صحتله ابضیج ماهد
نسه ایام الی عشــــنه ابفرد ماهد
نکــــرهه اربات امــی و خان بیه
علی العموری
عادل خالدی
عجب ویای نفســـه ابمکـر حالت
ویگلی ارجع الگعـده ویاک حالت
المجـــرب لو اجــربه اویای حلت
النــــدامه ولو یـــذم الشمــــت بیه
عادل خالدی
مرتضی النیسی
لون بیدی یصح أصـرخ یهلکون
الصاحب بــدر للصاحب یهلکون
المشو بلحیله وی خلهم یهلکون
وعلیهم عـــار دنیــــــــه وآخریه
مرتضی النیسی
عادل خالدی
ان لم امت یــــوم الــــــوداع تاسفاً
لا تحسبــــونی فی المـوده منصفاً
الگلب یهجــرنی کل ساعه ویاکم
و وجنی الشـوگ هم مثلی ویاکم
اذا ما مــــوت مو منصف ویاکم
ابلــــــحظات الوداع البـس اذیه
عادل خالدی
محسن ابو عباس مزرعه
چبح هاذه وکتــــنه منه طحنه
عنیــد او رادنه انط منه طحنه
الصبــر یحتار بینه منه طحنه
ابرحه اعضای من تلتم سویه
محسن ابو عباس مزرعه
رمضان العگیلی
قبلتـــــــها عنـــــدا صبــــــــاح فجاوبت
افطــــــــــرت یا هذا ونحنـــــــو صیامو
فقــــــلت لهـــــــــــا وجــــــهک الهلالو
وعندنا اصیامو فی مرئاالهلالی حرامو
الگلب من ریم لیه اگبلت هل هل
بستهه او بسمت وادمـــع هل هل
فطرت احساب گالت گلت هل هل
صبــــاح اهلال ویـــهچ فطر لیه
رمضان العگیلی
محسن ابو عباس مزرعه
هلی البلحی مضــــایفهم حیوها
او رجال المجد بل عزه حیوها
لیالی اشکثر لصــاحب حیوها
ابهنه وفراح گضــــوها سویه
محسن ابو عباس مزرعه
رساله من الاخ الغالی عقیل الزبیدی
هلــی حلوین مامن مره بیهم
اصبی العین مولح مره بیهم
یا شیــال نعــــشی مره بیهم
اخاف ایجیسنی منهم عتاب
الشاعر المرحوم منان شبیب الزبیدی
رساله من الاخ الغالی عقیل الزبیدی
اهنا یاطـــــارش الخلان بسروح
واتبـــع ربمـــت الودیان بسروح
بگه بسروح وانه بگیت بسروح
اضاضی فوگ صنــدوگ الحشی
الشاعر المرحوم منان الشبیب الزبیدی
محسن ابو عباس مزرعه
هلی ثوب الکرم لایگ علیهم
هلی ما نکــرو اولایت علیهم
هلی المهمــوم ما خلو علیهم
هلی شیعت علی داحی الباب
محسن ابو عباس مزرعه
رساله من الاخ الغالی عقیل الزبیدی
بهامت لیــــــل سارو وندبلهم
وادور بل محــــاری واندبلهم
ارید ارکب ذلــــولی واندبلهم
واحرم عن صمیمی والزهاب
الشاعر المرحوم منان شبیب الزبیدی
رساله من الاخ الغالی عقیل الزبیدی
اغراب البین هل ینقط حوالی
مشو و ادیارهم ضلت حوالی
وین اشــبولت الچانت حوالی
انام ابضـــرهم عالی الضحی
الشاعر المرحوم منان الشبیب الزبیدی
رساله من الاخ الغالی علی البوغبیش
ودادک مـــاشفت راحــــه بحيره
جـــلبني بزينتـــه و ذبني بحيره
محبتــک من بــــعد بانت بحيره
گصدت امواجها وطلعت سراب
عادل السکراني
رحیم المنهل
خوت الما تفید ابضیـــــج خلهه
اونکث کل العهود اویای خلهه
خلهه اتفیـــــدک الویاک خلهه
خیرک خله الک شــرک علیه
رحیم المنهل
ملا فاضل السکرانی
ما نصفوک لک ساموک ملاک
یبو شامه الصرت للنفس ملاک
تظن چی عذبتنــی الگلب ملاک
لا ولله و عذابــــک عـــذب لیه
ملا فاضل السکرانی
هیثم مجید الحزباوی
ابکوابس لیل هجــــرک یخل قصریت
وعسی سیفک ابلب احشای قصریت
لو لا ســـــــــامح الله ویاک قصریت
دعف مو هیچ تگطــــــــــع ولک بیه
هیثم مجید الحزباوی
احمد جاسم الهلیچی
الواشی من خبر هجـــرک بشربی
اغص بکلی وگمت اشرگ بشربی
شوفی امنل بچـــــــی گفه بشربی
اعله دربک من تریــــد اتعود لیه
احمد جاسم الهلیچی
هیثم مجید الحزباوی
سکونی ابحر شمس تموز ولفی
الک یلعانقتنی و صـــــرت ولفی
یلدعج دست گلبی ورحت ولفی
هواک ولیش لیش اگطعت بیه
هیثم مجید الحزباوی
مهدی عطشانی
الصاحب دوم لصـــاحب یخل کون
جســر روحه ولا ابطبعاً یخل کون
صحیبک لو ملک غیره یخل کون
تشورا و لا تهــــــم ابکــــل قضیه
مهدی عطشانی من مدینه الحمیدیه
عادل خالدی
ولو بلگلــــب من عندک ورمشاک
اضل طول العمر امشی ورمشاک
اسیوفک یخل تشلیــــنی ورمشاک
علی یــــــرمی ودنــــــــانی للمنیه
عادل خالدی
شیخ یار الله المحمد العنافجه
ابدار اعدای الــــی چــــانون یاجد
الأسطره ایروح ماله ارسـوم یاجد
غوجـــــی کل وکت بل أرض یاجد
و عله العداون بس ایــــــرید حیه
شیخ یار الله المحمد العنافجه
قاسم ابو میلاد النیسی
فرق بین الزلـــم مــوجود و الکل تعـــــرف القایه
البعض منهم بحــــــر مغتاض یرهب لو طفح مایه
او بعض منهم خصال البیه ما یثبت عله احچایه
کل ما یرمش یخلف رایه
قاسم ابو میلاد النیسی
عیسی الشرهانی
سگانی الدهر من مئســـــات یوده
وخذه الچان الگلــــب یاناس یوده
الشایع بلعـــــرب یا حیـــــف یوده
راح و ضــــــــــل ابوالنفس الدنیه
عیســـــــــی الشرهانی
عادل خلف الساری
إلصاحب دوم عل صاحب یسلکون
او دمع من دم یهــل لجله یسلکون
إلعوا ذل ما تفـــــــــــرقهم یسلکون
طریق إلخــــوه لحــــــــــدود إلمنیه
عادل خلف الساری
حسن سجیرات
تچیـــه اعظای صــارولـــی لگومای
ونه الکل عمری اظل خادم لگومای
سراب الگیض من عطشـو لگومای
گومـــــی اکبـــــر بخت بیــــهم تهیه
حسن سجیرات
الحاج صباح مزرعه
یروحی اچم کسر بیـدچ لحمتی
او من یور الزمن بردت لحمتی
الی مــاعــــان بلشـــــده لحمتی
امنموتن عود ینصبلـــــی عزیه
الحاج صباح مزرعه
قاسم ابو میلاد النیسی
نفسک عل کـــرم یا صــــاح مرهه
او دواوین التحیی الضیـــف مرهه
هلک واجب علیک اتضوگ مرهه
اوتشـــــد الحیــــل بیها ابکل قضیه
قاسم ابو میلاد النیسی
حسن سجیرات
سگم علگی ویع گلبـــــی ویکلای
عفت نومی اترکت شربی ویکلای
تصـــــد لناس یا ولفـــــی ویکلای
دصد شوف الهجــــر شب نار بیه
حسن سجیرات
قیس ابن الملوح
داویــــت لیــــلی بلیلــــــی وحبها
کما یتداوا شارب الخمر بالخمری
لقد فضلت لیلی علی الناس مثلما
علی ألف شهر فضلت لیلة القدری
قیس ابن الملوح
عبدالقادر مقدم
امسایر خل هواک ویای موتل
علیه اتلال هم فــــرگاک موتل
یمن راویتنی بجفـــــاک موتل
ذبح قیـــس ابعـــذاب العامریه
عبدالقادر مقدم
قاسم ابو میلاد النیسی
طفل حینه اعلا صدر الموت شفته امطشر اچعابه
اوصوله ایهدشبه صــــــاروخ حتی الملعب ایهابه
مو عجبه امن ابن هل دار وحده ایصـــــدله دبابه
هزت کاروکه ام عصابه
قاسم ابو میلاد النیسی
رحیم المنهل
موکل الرجـــال ارجال بیـــهه بــس جسماًذکر
وبیهه ابساعت البنـــــدارکوسی ابوسع البحر
بیهه امنل صریچ ایخاف وبیهه بلملعب سطر
فلش چم طوب ابمگواره
رحیم المنهل
قاسم ابو میلاد النیسی
بچو شماتی من سمعو بخلای
اغدرونی او عیدو کلهم بخلای
إبظنک یاما فزعت الهم بخلای
ترهو و الضنـــــــک ذبو علیه
قاسم ابو میلاد النیسی
اغلامعلی الحمیداوی@رحیم المنهل
سره ضعن الاحبهــــم حیف منی اومر تعده ابساع
وصدع راس الگلب منگال شیبت شعرهای الگاع
سره ضعن الاحبه او علی مرمر
وصدع راس الگلب لو چان مرمر
نهل حیلی او ضجت والریج مرمر
حیـــــــن اوداع اســـــود الموزمیه
احس گلبی انجســم نصیـــن یوم الوادعیت اسباع
صــــعبــــه انفــــارگ و الله احیـــــــــود الملزومه
الابوذیه:الشاعر الکبیر اغلامعلی الحمیداوی
الهوسه:الشاعر رحیم المنهل
رحیم المنهل
هلا یل گاصـــد اتواســی هلاوین
ابجفاهم ما بطـــل ونـــی هلاوین
شفت خصمی نشد ربعی هلاوین
یطگ یضیـــج لـــو ایــــده رخیه
اطگ بضیج طگت الاســـد بزور
وحگی ما اریده ابعطــــــف بزور
کفو نعمیــــن لبن شهــــــــم بزور
فتگ خله وبعث فـــــــــوگه تحیه
رحیم المنهل
ناصر یبر الزرگانی
أسف بعض الرفاگه ابضیج ماهم
کفو وأیضا سراب ابصبــخ ماهم
الو دهــــری دعانی ارمیم ماهم
تچیتی الله وعمــامی اسدود فیه
ناصریبر الزرگانی
رحیم المنهل
بعد شیفیـــد مای المغـــــل وانکت
دمه وامسح غبار الدغش وانکت
ذاک الخان ثدی الرضـــع وانکت
تظن ایفیــــد لو ینصــــــــح خویه
رحیم المنهل
مهدی عطشانی
کأن شوقی فلا ظن شوق لیلاک
وابد لتظـــــن شبه لیلای لیلاک
یقیس انته لون اغیــــوم لیلاک
انا لیـــــــل و نهاری اغیوم لیه
مهدی عطشانی
ملا فاضل السکرانی
الهوی بجمر الجوی لگلبی تری مل
ومن صب الــــدمع جفنـــی تری مل
ناهــی ال چانت عیونــــی ترا ما ال
لذی حجـــــــــب سنا وجهـــــه علیه
ملا فاضل السکرانی
سرتیب الباوی
الأمس بیهم نبط غیره یحنون
اجبنو وبچف حرامیهم یحنون
تعال اوشــــوف ثایتکم یحنون
الغرب بیهه العبتلک طوطحیه
سرتیب الباوی
ملا فاضل السکرانی
تبچی ابشیلت احبابـی لهل ول
عوا ذل فرحت ابنوحی لهل ول
الدمــع جدامهـــم ریته لهل ول
اهل یاریـــتــــــهـــم ما بچولیه
ملا فاضل السکرانی
عادل الحمادی
شگلک یالعــدیته او صاربی داک
دلیلی الچف غیابک رمح بی داک
مثل موسی ابمحیئک کون بیداک
عصی تطر سیل دمع اجفاک لیه
عادل الحمادی
ابو سجاد سلامی
سکر داخ اوگــع بلـــــگاع ولفی
ابلیــل الما یــوالف شمـس ولفی
قبلت امشی وروح اچتاف ولفی
نعش بس لا اشوفه ایخون بیه
ابو سجاد سلامی
احمد جاسم الهلیچی
ما اطبـــــــع ابــــد للــــذل ولحنی
ولو بس للحــــزن عزفی ولحنی
العسر خصنی وعلی جدر ولحنی
ابسهـم چف حرمله وچتف ادیه
احمد جاسم الهلیچی
عادل خالدی
ارد انشد العگــــال و اهل الحمیه
لیش ازرع الطیبات وحصد اذیه
عادل خالدی
سعید دغاغله
المشه ابکیفه هلک یا روح شفتی
و علی گدما صحـــــت لبنت شفتی
اذا ما تنـــســمـــع فتــــوای شفتی
اذا افتــــی الیحبـــــنــــی ایلوم بیه
سعید دغاغله
شیخ یار الله المحمد العنافجه
ویه اسبـــاع ونســـــــوره کربنا
او صعدنا راس کل عیطه کربنا
دمــــه طـــربیسنا ومرمر کربنا
وحصــــدنا روس یوم الموزمیه
شیخ یار الله المحمد العنافجه
ابو سجاد سلامی
اضل بشوگ اسولف یمدانی
واثر طیبت محنتــک یمدانی
اخون اشلون اخونن یمدانی
اذا خنتک دنیتی اتخون بیه
ابو سجاد سلامی
شیخ یار الله المحمد العنافجه
جدرهم ما گلـب مایـــه ولافار
اوعدوی ماقده امنیدی ولافار
اخبرک لا بقه ایریذی ولافار
لطشت ایحورهن کلهن بدیه
شیخ یارالله المحمدالعنافجه
ابو سجاد سلامی
انا مامد ایدی طبعاً للحفر عگله او وگع
بیها ادری لو امدها راسی بذله انصگع
ما یحمدونه التذلذل بس یحمدون ارگع
شگ هدمه وما مد اچفوفه
ابو سجاد سلامی
قاسم ابو میلاد النیسی
هلی ابیا جانب الگعدو لهم دار
الصدر وابقمه العـــــزه لهم دار
هلی ابسوح المجد دایم لهم دار
الزعامه اوکلهم اشیوخ القضیه
قاسم ابو میلاد النیسی
ملا فاضل السکرانی
المطرب باب نادی الطـرب حله
ولبس من خز سرور الربع حله
خمر رشف السمــر للسمر حلی
و زهت بالبیض گعدتنا الزهیه
ملا فاضل السکرانی
جاسم سلامی
اسنون الظیــم عضنـی ولاچن
وابکلام اعدای ماهمـن ولاچن
اگولن للقضیـــه الحگ ولاچن
تذمنی اهل القضیه ابکل قضیه
جاسم سلامی
فاضل الموات الحمیداوی
وحک زینب او دمعتـه وتلها
عگبکم ماسلت روحی وتلها
امعادل سهم فرگاکـــم وتلها
تحن وتون علا البعدو علیه
فاضل الموات الحمیداوی
رحیم المنهل
حرت واشلون اسلی الگلب یولای
ابجفاهم و ابجمیـع احشای یولای
حـــــرام الوسـن مرالعیـــن یولای
لیت للنـــــــوم عگب اهل الحمیه
رحیم المنهل
رمضان العگیلی
المحا جردم یفوحن موش بسما
علی التمحـــی ظلام الیـــل بسما
امس یمی اطروش الفضو بسما
او لحد الیوم عطره ایفــــوح لیه
رمضان العگیلی
