یگلبــــی افرح مدام افراح تلفیک
ضمیت اعله الترح ولترح تلفیک
عگب ما هلــدهر بلقهــــر تلفیک
حل فیــک الاســـه ونارک سریه
جفیت وجفنی ثق الشوف بیراک
وبی دای الگلب ولهجـــر بیراک
ماهمن تــذبـــنی ابوســـط بیراک
لچـــن همـــی الشماته اتکظ ادیه
حبیبی ابتعد جسمی الروح یماک
یمن یجــــری حنان وطیب یماک
انا غصــــنی یخل ایعیــش یماک
اذا تجـــزر منیـــه اتحــــــوط بیه
هادی ضبی
اذا ثــــــــوب المحنه لابسنته
تظن غیــــرک احبن لابسنته
لون تجـــــرح دلیلی لابسنته
دوا اعیونک لون تصد علیه
هادی الضبی
غیرک منــــهو السمع لونته
دلیلی و بلحنان اترف لونته
تاخذهن یـــریم اسمع لونته
تروح اروح وعیونی سویه
وره ظعنک یخلی العین تمطر
دمه و بلگلب من ارحلت تمطر
العگل بجفاک ثق یا ریم تمطر
شهگ یرجع لمن ترجع علیه
هادی الضبی
لیال التـرح هلگد فرح ماحان
منی و الـــظهر للیوم ماحان
وکت اوداعهم یاریت ماحان
و لاشوف الظعن یبعدعلیه
هادی الضبی
اصیر اهدیب لو طاحت حمالاک
وحطن صدری اقبالک حمالاک
الحنان ابگلبی تنوره حمالاک
اذا تهجر سخب یطلع علیه
هادی الضبی
اناس اضعونهه امهونه و ناشات
و مثل ذیب الدهر صایر و ناشات
حرام الچان ادی وصلت و ناشات
عنبی التــــــحوی منه الاجنبیه
میة طیر النعه اعلینه و میة طر
البچه و آلام ال ابگلبی میة طر
عدل یا ناس میحس و میة طر
گبـــره و صاح غوث امندنیه
هادی الضبی
ابشوگ اعتنی العشرتهم حبانی
ولــو یضمون اصیرلهم حبانی
من جـــور الدهر محبی حبانی
هجــــر خلای من شحو علیه
خبر مامن من احبــــابی وسرنی
وبیده الـــــــوکت جفتنی وسرنی
سرظل مختـــفی ابگلبی وسرنی
ابحلگ شــــامت یرید العله بیه
هادی الضبی
انـــــادی و ما ترد لنــــدای یلما
تـــــجینی و هجـرک ادلال یلما
ورده انـا و اصیح اعلیک یلما
اذبــل لو یشـح و صلک علیه
انگطع حبل الصبر شیفید لحما
اذا گلبی اشمــــاته اتگوم لحما
اشتظن اترید الح اعلیک لحما
الـــــح سنین ظل مبــعد علیه
هادی الضبی
