محمد جاسم العموری

 

امفرفح وفکر بیـــک لیــلی اونهاری

 

اوحتی امناغط بل مای ماتطفه ناری

 

 

 

محمد جاسم العموری

 

عبدالخالق آلبو علی

 

الیوم من الخجل جف نهر الفرات

 

وثبت العبـــاس عالمـــای السخاء

 

الیوم تأسیـــس الاخـوه البالوجود

 

الیوم میـــلاد الکـــــرم وی الوفاء

 

 

عبدالخالق آلبوعلی

 

قاسم ابو میلاد النیسی

 

راعی الظعن ما مات حــــی بعده للیوم

 

اومن ینذچر طروا اتضل ترجف الگوم

 

 

قاسم ابو میلاد النیسی

 

 

قاسم النیسی

 

کلمن حلیم او ذکی ابعیـــــــن الصدگ حیدرا

 

والی ایتبنه العلـــــــم حی ینوصـــف حیدرا

 

عگله ابوساعت بحــــر والهل سبب حیدرا

 

اوصل لعنده ابعلا او کل الجــــــــهل جنبه

 

خلا ایتباهه المحــــب و الی یضــــد جنبه

 

من حیث واضح صبح درب التصح جنبه

 

واهوه طریق النجه البی ینــــوجد حیدرا

 

 

قاسم النیسی

 

علی عاید البدوی

 

صحت لک طاح حملی امنل متن للگاع

 

اغم ســــــــــویت روحک عود ماتسمع

 

ربک وده غیــــــرک شال حملی اویای

 

صح انته اگطعــــــت بس الله ما یگطع

 

 

علی العاید البدوی

 

سلمان الحمیداوی

 

گبل چان الیضیــفک ما یخونک یوم

 

اعتـــــــقدهم لو تکرمه ابمای خالی

 

او هســـــه الملح من کثر الینکرون

 

ترک اصله او هویته او صار حالی

 

 

 

سلمان الحمیداوی

 

ابو خلیل الشحیتاوی

 

چایک لذیذ اهوای وامعطــــــــر ابهیل

 

ایبشبش الدلال ویغــــــــــــــــازل الیل

 

چایک لذیذ اهوای او ریحت ورد بی

 

ایغازل الشفات وگلیــــــــــــبی یروی

 

 

 

ابو خلیل الشحیتاوی

 

ابو ماهر العتیقی

 

ولهانه روحی اهــوای منعدی شترید

 

اصحا او أنام ابطرواج یابسمت العید

 

 

 

شهد طعم العذوبه البیـــــــک یاعید

 

وخمن اجروح جرفک صعب یاعید

 

ما مستر وایذا هلیــــــــــــت یاعید

 

ابتســـــــم وفرح امر یوجب علیه

 

 

 

ابو ماهر العتقی

 

ابو خلیل الشحیتاوی

 

اهلن وسهلن بیـــــــــــک یا عید اهلنه

 

ابجیتک ینور العیــــــــــن یلتم شملنه

 

اهلن وسهلن بیک یا عیــــد الافراح

 

ابجیتک یعید الخیر کل همنه انزاح

 

 

 

ابو خلیل الشحیتاوی

 

قاسم النیسی

 

خلص رمضان عدنه او ما إجه العید

 

سألته اعلا السبــــــــب وابده اللیامه

 

گلی اشلون اجـــی او دلالی مجروح

 

عدا الحســـــــــرات شنطیها الیتامه

 

 

 

 

قاسم النیسی

 

مهدی عطشانی

 

نازل اهلال العیـــــــد ما شفته عالی

 

حاضن لگیته ابشوق جسر الهلالی

 

 

باجمل تهانی وشوق یا ولفی اخصک

 

وما عید انه العیــــد اله ویه شخصک

 

 

 

 

مهدی عطشانی

 

 

 

نسیم الناصری

 

هاک أرگبتی اذبح هاک الچفوف

 

عندک سیــــف لو أنطیک سچین

 

گطعنی وصــــل هاذ آنه مجنون

 

تذبحنی و أصیحن فدوه لحسین

 

 

 

نسیم الناصری

 

کلمات الدویرجاویه

 

 

من ضیــــم العلی شلت الحــــــزن عل راس

 

 او علاگت حـــــــــــــزن من امشی شایلهه

 

 احاچی الناس واضحک وانه کلی اهموم

 

 او ما اذکر ابــــــــــــــــد خشنت خاطرهه

 

کلمات الادیبه الدویرجاویه

 

عادل خالدی

 

ارد انشد العگــــال و اهل الحمیه

 

لیش ازرع الطیبات وحصد اذیه

 

 

 

عادل خالدی

 

ابو سجاد سلامی

 

نقل اصخور من قمم اجبالی

 

احب الیه من منــــت ارجالی

 

امام علی (ع)

 

صخر اجبال احب انگل وجربی

 

من القمــه ثواب اکسب وجربی

 

فوائدی ابنار اچیـــمنه وجربی

 

 ولا منــــت ازلـــم تحتاط بیه

 

 

 

ابو سجاد سلامی

 

ابو سجاد سلامی

 

اذا تنشــــد یخــلـــــی حالیفانی

 

ابجفاک المــوت ریته حالیفانی

 

تضل ولفی و احبــک حالیفانی

 

وابد منســــاک یل رحت امندیه

 

 

 

ابو سجاد سلامی

 

ابو خلیل الشحیتاوی

 

زیبگ ابچف سکران خلتنی دنیای

 

او کلما اگله اعلیش یتلاکــم اویای

 

 

 

ابو خلیل الشحیتاوی

 

ابو خلیل الشحیتاوی

 

امفرفح وفکــــر بیک لیـــلی اونهاری

 

اوحته امن اغط بل مای ماتطفه ناری

 

 

 

شگ گلبی عرض او طول اوگطعنی بیدک

 

ما اگلک اشســـــویت اولو مـــــوت اریدک

 

 

 

 

ابو خلیل الشحیتاوی

عادل خالدی

 

ان الفــــــراق قد احــــــرق احشائی

 

احــــــرق الله احشــــــــــاء الفراقی

 

الفراگ الی یحش بحشـــای بحشاه

 

ونگب گلبی ابقساوه ابسبب بحشاه

 

یریت الله یشــــب نیــــــران بحشاه

 

مثل ما هوه شب نیــــــــــــــران بیه

 

 

 

عادل خالدی

 

هادی البوغبیش

خایف تجیسک عیــن لاتطلع اهوای

کثرت عیون اعلیک من تگعد اویای

هادی البوغبیش

کثره العیـــون اعلیک کثره الشماته

وسمعهم ایگولون تکتــــــــل حلاته

ملا غلام رضاالبوغبیش

قاسم ابومیلاد نیسی

 

اجمل صباح العید عندی امنلاگیک

 

 

اوجنه عدن یندار گلبی امنحاچیک

 

 

 

 

قاسم ابو میلاد النیسی

ابوخلیل شحیطاط

 

کل لحظه افکر بیک وتریدک العین

 

مربیه عاد ابطیف یا ولفـــی یا زین

 

یا ولفی یل محبــــــوب عینک علیه

 

دلالــــی یبچی اعلیک صبح اومسیه

 

 

 

ابو خلیل شحیطاط

رمضان العگیلی

 

ربیتک دمع بمضیـــف عینی اسنین

 

اوعایش بنظر واتحرصک اجفونی

 

واذا هلت العیــــــن اقسم قســـم بلاه

 

اشلعهـــن بدی ما یلفـــــــــن اعیونی

 

 

 

 

رمضان العگیلی

ابوخلیل شحیطاط

 

افراگک سهم مسموم وبگلبی طگنی

 

او بعدک چلب مچلوب بل هیمه لزنی

 

اخدودک فرط رمــان ولگذلـــــه کاره

 

اتمنه امص اشفـــاک مص لجگاره

 

 

 

 

ابو خلیل شحیطاط

 

 

ابوخلیل شحیطاط

 

گلبی یحــوم اعلیـــک صبـــح اومسیه

 

فد لیله عاد ابطیــــــف اعطــــف علیه

 

اعطف علیه ابطیـــف خلینـــی اشوفک

 

انته الهـــوا ولمـــــای من گال اعوفک

 

اتمنه اصیرن طیر اوعشی اعله دربک

 

اوکل ماتمر یهــوای عل ســاگ احبک

 

 

 

 

 

ابو خلیل شحیطاط

ابوخلیل شحیطاط

 

گبل چان العشــــــگ مثل الکحــــــــل للعین

 

ویستــــــــــــر الگلــــــب من یمــــــر طاریه

 

وهسه فتات اهل العشگ لبست ثیاب ارجال

 

وبن حـــــــی العشگ لابسلـــــــــــــه ترچیه

 

 

 

 

ابو خلیل شحیطاط

ابوخلیل شحیطاط

 

اتمنه اصیرن مــای وتجاره بهدای

 

واخذ عشربوسات من یشرب اهوای

 

من عمری عشر اسنین یسمر هویتک

 

اوشبت ابگلبــــی النــار من فارگیتک

 

 

 

 

 

ابوخلیل شحیطاط

رمضان العگیلی

روحی انته اومایصــــح لجلک بدیل

اوجرحی انته اومرهم الهه اجروحی

اذامریم تنکــــــــر ابیـــــــوم المسیح

انجبـــــر انا واعوفـــــــــــــــن روحی

مثل اکریزه شفتک والوجـــــن تفاح

اوطعم مشمش اخدودک والنظر حبک

اومنگد ماترف شفتک تغازل بیک

السانک یمــدروحه اویلحس ابخدک

گلت انساک اریدن ما افکـــر بیک

اوگضیت الیـــــل افکربس اعفوک

لچن بس طرفجر وی صوت الاذن

سحل یابتنی روحی اترید اشوفک

رمضان العگیلی

مجاهد العمرانی

 

محد فسرک یا حیــــــدر الکرار

غیرالله وعظمته ونعمته وجاهه

 

حین الشاف بسمک یستعدالدین

شال الدنیه کلهه وبیدک انطاهه

 

اکیــد اتصیر رابــع بلفظ مولای

انا ابرابع شطر حطیت معناهه

 

من بـــعد الاه وعظمت القرآن

اکید اتصیر رابع من بعد طاهه

 

 

 

 

مجاهد العمرانی

مصطفی کثیر && مهدی عطشانی

یحــــلـــو الطول یمعـــــدّل یمزیون

یمن بللیل وجـــــهک چن بدر تام

المست ایــدی حبیبی والعگل طار

اویلی اشلون لوبحـــضانی اتنام

تدری اشوکت انساک یاحلو العیون

لولیلا تسمــــع یوم عایفها مجنون

تدری اشوکت انساک واتفکر ابهای

لوسمچه تسمع یوم عاشت بلا مای

مصطفی کثیر

تدري اشوكت انساك هم تدري يمته


من تسمع العباس ماوفّه لختـــــــــه



تدري اشـــوكت انساك ونسه الاصالا


من تسمع العباس رافج خـــــــــــوالا


مهدی عطشانی

عاطفه النوری دارمی جدا جمیل

 

تدري اشوكت انساك ياسلوة الروح

 

من تسمع ابلا هيل گهوة هلي اتفوح

 

 

الادیبه عاطفه النوري

 

 

دارمی دارمیات جدا جدا جمیلات

 

رساله من الادیبه عاطفه النوری :

 

عايز واعز النـــــاس خطار اجاني

 شتسوي كون تصير انته بمجاني

 

کلمات الاستاد حبیب ابو عدنان مزرعه

 

 

 

فاجابه بعضٌ من الشعرا :

لو انــــــــــــه مثلک هچ وینی خطار

افرش اضلوعی ابلیل وعلگهن ابنار

 

نسیم النبگانی

 

 

 

منکظ ادیـــــــه العوز وچهبنی خطار


من گلبی اگص ونطیه وشویله عنار

 


عزیز ابوعبیر البریهی

 

 

 

مايهم حتي ابعوز تنــــــوري داوي

لو كلش اعلي النار يلگه الچلاوي

 

عبدالسلام الزرگانی

 

 

 

ابعوز و اعزالنـــــــــــــاس لو جانی خطار

افرشله رمش العین و ابــــــــــــگلبی الدار

 

افرشله رمش العیــــــــــن وبروحی اظمه

یشرب شراب احشای ومن چبدی اطعمه

 

خصمی العسریاصاح ماسکنـــــه بلبیت

لوجـــــانی اعزالناس من چبدی گصیت

 

من چبدی اگص لضیف  وبگلبی اسکنه

وماگله اجـــانی العوز وبعوزی امحنه

 

عبدالله ابو سجاد سلامات

 

 

 

ما ارتبـک بل عوزمن یجبــــــــــل الضیف

اچلای الغموس اتصیروچفوفی اله رغیف

 

سید ابراهیم الغرابی

 

 

 

لو مرني أعز الناس او عایز معندي


إبسچین أگص إچلای وطبخ وغدي

 

عادل خلف الساری

 

 

 

وصونه هلنـــــــــه إعلوم وإتعلمينه


لوضيف اجانه ابيوم رزقه إبجبينه


 

حجی عارف الخمیسی

 

 

 

لوعايزاعلى العوز والهم مضيفى

حافى الجدم سلفين اتلگه ضيفى

 

رحیم المنهل

 

 

دارمیات === قاسم النیسی

 

من  وکتی  خان   اویای  و  اصبح  علیه

خـــــلانی  شفت  الظیم  حتی'  امن  ادیه

 

ما  صرت  دوده  ابصوف  مره  ابزمانی

او  حــــیرته  حتی'  ابلیس  ما  حیرانی

 

 

ما صرت  دوده  ابصوف لدنیا  مره

او کل الفلک و الکون بعیونی افره

 

تعتب  تلوم  الناس  ما تگدر  اتشوف

حبـــک سبه الدلال و ابگلبی مدیوف

 

چلمه  ابمثل  عگال کلش بهیجه

بس النذل  یا  ناس یغدر صدیجه

 

 قاسم ابو میلاد النیسی

حسین ابونواس الحیدری == دارمی جمیل

 

ارجـــع ولک ملیت کافی امنلغیاب

 

طر بلگلب موجود گد فتحت الباب

 

حسین ابو نواس الحیدری

 

ومضه = ومضات = قاسم ابو میلاد النیسی

 

أذا  گاعد  اگبـــــــــالی  او  تـــــهمل  العین 

او  بگت  من  دم  دمعتی  امخضبه  اتسیل

تظن  ما  موت  لجـــلک  میت  الف  قاط

 أذا  لا  سامـــــــــــح  الله  اتقــرر  اتشیل

 

أذا  ناس  التضدک  عنـــــــــــک  اتگول

 أرق  ملک الجــــــــمال  ابحسنک  انته

 أذن  حگه  الحبیب  ابوصفک  ایصیح

  شمس  بلیـــــــــل  لو  طلعت  وجنته

 قاسم  ابو میلاد  النیسی

ابوخلیل === دارمیات جمیلات

 

مالک شغل بل ناس مربیه اشوفک

انته الهوا یـــــهوای مابیه اعوفک

 

یسمر و حــگ عیناک انته حیاتی

ولوفارگتنی اسبوع تحضر مماتی

 

یاعینی لاتبچین عاد الاحبـــــــــــــــــــــه

حیث انه اموت اعلیه اوگلبی  اعلا گلبه

کلمات الشاعر ابو خلیل الشحیتاوی

توفیق النصاری

     "  ابليله هندس ين عليّه الريح  "

  الدنيّـــــــــــه تمطر

               العجــــــــــــد يصفر

                           والمرازيب العتيجه اتخر

  ابهل رعيــــــــــــد

                 وين يعرفني سعيــــــــــــد

                    الملتوي ابکتر الحبيبه ومستريح

        ابليله هندس يَن عليّه الريح

توفیق النصاری

ابوخلیل شحیتاوی

 

اخدوک  فرط رمان ولرگبه عنبر

 گلبی انجسم نصین منک یا لشگر

 

اجعودک  ذهب یهوای مثل السنابل

 اولحظک یساهی العین یرمش قنابل

 

وجناتک ذهب اومنها استحا الیاقوت

وشفافـــــــــک دبس وکثر بعد حمره

اومن نــــــــــــور خدک شعشع الیل

اوضل عاشگ ضواتک ماهوا الگمره

 

عبدالزهرا ابوخليل شحيتاوی

ومضه غزل == قاسم ابومیلاد النیسی

جمالک لا تظن موجود بنسان

و لا منه انوجد في عالم الحور

یجن کلمن یشوفک یفگد الراي

لأن عینک وسیعه  اتغرگ ابحور

قاسم ابو میلاد النیسی

ابوخلیل === دارمیات جمیلات

گاودنی خل انـــــــــروح یم البیادر

اونتعانغ انه اویاک بحله المشاعر

 

نتگابل انه اویاک ونشیل ادینه

حتا الگمر یهوای یطلع علینه

 

لاگانی حلوالطول یمشی ابرهاوه

اوطرف الجعد شمام ینثر حلاوه

 

عبدالزهرا ابوخلیل الشحیتاوی

جلیل شجیرات

سگمنی القهر گد ما گمت احبــــک

امنـــازع ساعه من تـــــدنه المنیه

لچن من تجبل انته اویه الیشیعون

آنه البـــــــــل گبــــر و آخذ تحیه

جلیل شجیرات

نسیم النبگانی

لون تسئل لیش ذبحوا من قفاه

حسین و اتدور جواب او منتظر

آنه اگلک و اقنع ابــهاذ الدلیل

لان من مقفاه هم ینــعد صدر

نسیم النبگانی

علی عموری

صرت بفراگک اکســــــــر خـــــاطر اناس

حسیتــــــــک دوا اتهیـــــــــــد اجروحی

ما فاد الحچـــــــــــــی من احچی ویاک

وگمت ابچی اعله روحی اوهیدت روحی

علی عموری

ومضه مجاهد العمرانی

من گلتلی امــــــــــودع اب الله ارد اروح

ابگلبی اخدنی اویاک تدری اشگد صحت

او من رحــــت ما صبن ادموعی علیک

اعیـــــــونی کتت عل ارض لمن رحت

مجاهد العمرانی

صباح الخیر کلمات ماجده

صباح الخیر یا حبی

کلماتک کالشمس

تلبسنی ثیابا حریریة

وتضفر جدائلی...

 تغازلنی وتهدینی قبله وردیة

واحساسی ٬

مشاعر بستانی یقطفها قصیده.

کلمات ماجده

قاسم ابو میلاد النیسی ×× دارمیات

الیمشی ابطریق احسین معرفه ذاته

یحسب بنـــــات الناس کلهن خواته

دخن سما العبـــــــــاس گبر رعیده

اوقدم جثث فرسان چسوه العضیده

تدری ابصـــــدیق الزین شنهی صفاته

غیره او وفا اواحساس مشحونه ذاته

قاسم ابومیلاد النیسی

 

قاسم ابو میلاد النیسی ×× ومضه

اناحبــــــی اویـــــــاک یفتر بل دماء

یعنی دوم ایــــــــــــدور مامن منتها

طبعه مثل الدایره ابـوادی الحساب

امنیـن ماتنـــــظر تشــــــاهد مبتدا

 

ظنــــه ارجع بعد و اتعانق اویاک

و لا لجـــــلک اشلن حال النجوم

ثلاثه اعقــود مرت و انته ماجیت

و انه اگلیبی شبیه الفاگده ایحوم

 

قاسم ابومیلاد النیسی

دارمی دارمیات جدا جمیلا

سلامٌ علیکم و حیَّّ ألله جمیعَ ألشعراءِ ونتمنی إلمزیدَ مِن إلمشارکاتِ .

 

هلگد حلا حط بیک یامحله طاریک

لوتمشی انته اویاک هم مااخلیک

هلگد  حلا حط بیـــک جلت قدرته

خلانی احب اثنین بس انته وانته

 

هلگد حلا حط بیــــــک رب السماوات

لو تلمس انته المات حی یرجع المات

هلگد حلا حط بیک رب العباده

من بوست الشفتین طالب اعاده

هلگد حلا حط بیک رب العطوفا

مستحیه متواریک حته المشوفا

من کلمات الشاعر نسیم النبگانی

 

هلگد حلا حط بیک رب الخلایق

خلانی انجیت ب اول دقایـــــق

رحیم المنهل

 

هلگد حلاحط بیک رب الجلاله

خله اتغزل بیک حتی الغزاله

قاسم ابومیلاد النیسی

 

هلگد حلا حط بیک رب البــــــریه

نزل گـــمر عل گاع باالناصـــریه

ابونسیم_الفلاحیه

هلگد حلا حط بیک ربی یا ستار

 

مگدر اعوفک یوم صدگنی محتار

 

من کلمات استاد الطرفی مدیر موقع ادبنا

هلگد حلا حط بیک ربک إشکره

دلّـیـني بإلعاداک صدگــني فگره

هلگد حــلا حــط بــیک رب إلنبین

بس شفتک إنجنیت إبخزرت العین

 هلگد حــلا حـط بـیک رب إلقلم ونون

بس شافتک عینای صرت آنه مجنون

عادل خلف الساری

هلگد حلا حط بیک ربنه الخلقنه

لو کلهه مثلک هیچ چا ما تعبنه

هلگد حلا حط بیــــــک رب السماوات

لولحظه منی اتغیب اشعر لک الهات

ماجد الدسمی

هلگد حلا حط بیک یا شیخ الاوطان

تسگینه گهوه اسنین لاکن بالحزان

هلگد حلا حط بیک  مایک حیاتی

کارون اسولف بیک حتی ابصلاتی

 

بدر النصاری - مدونه فلاحیتی

هلگد حلا حط بیــــــــــــــــــــــک یا بعد اهنه
یاحــــــــــــــــــــــــلو یتحداک انت احلی منه

 

هلگد حلا حــــــــــــط بیک خالی عله کیفک
نخـــــــلک یضل نیشان ومحـــــــلی صیفک

 

هلگد حلا حــــــــط بیـــــــک لاله وتلالی
عونه الیعیش احذاک جـــــــسر الهلالی

 

هلگد حلا حـــــــط بیک ذللت الاعزاز
ما یعله عال اعلیک یا ارض الاهواز

صاحب کعبی - مدینة تبریز

 

دارمیات جمیلات - حسین حیدری

جای ابصلافت عین اتگلی رایح

تلگه الگلب ویاک بس آنه طایح

 

موبیدی اهلی اتریـــــــد تبعدنی عنک

وتدری الجرا و الصار مو منی منک

  

چم مــــــــرا الک ودیت اهلی و عمامی

رفضوا هلک فد نوب شوگی و غرامی

  

مو انتــــــــه ما خلیت عدهم کراما

شفت الیحب مستور حبا و غراما

  

هیچ آنه طبعی اشلون قابل اعدله

طبـــــع البدن یهوای محد یبدله

  

ارجوک لو ما بیک ضمنی ابسکوتک

و اتعاطف ویلنــاس حته اعله موتک

  

اشـــــــــگد تعب تعبیت ویامن ایفید

کله انکرت والدور بس انته الوحید

  

آنه امنموتن عیب انکر هوا اهوای

النخله کلهه اتموت لو تفگد المای

  

منو علیه النــــــــــاس ماهمنی منهم

بس من علی منیت صرت انته کلهم

  

اشگد حسن ربی انطاک یمکن نسانه

ولو تطلع انتـــه انسان اعظم خیانه

  

من کلمات حسین ابو نواس حیدری

 

ومضات - ابوعبیرالبریهی

یبعفور المحــــــــــاسن شوصف البیک

اشما وصفــــــــــک کان لامانی حاچی

الگمر واخته الشمس من باوعن لیک

انــــــزلن صارن بذاناتـــــک تراچی

 

یغطــــــــریف الحــــسن یلکلک ابداع

یــــحــــوریت بحـــــــر والوجنــه لاله

شفت کلشی ابحیاتی او ماشفت هیچ

ابوسط حنیــــورک المــــای ایتلاله

عزیز ابوعبیر البریهی

نسیم الناصری ××× دارمی

حبله ابشهرهه الروح ما بیه تنسه

یلمجفی عنهه اشلون بیک اتنسه

کلمات نسیم الناصری

ومضه جمیله من کلمات الاستاد قاسم النیسی

گبل چان المضیف ایحیی بل ضیف

او من کثـــــر الکرم ما راید الباب

لچن یا حـــــــیف صبح کلا بیبان

طبعها امغفلا او ما عدهه میذاب

قاسم ابو میلاد النیسی

ومضات جمیله من کلمات عزیز ابو عبیر البریهی

من هجـرک یخل چن دمعی شلال

و تغیـر لونا دمعی او صار اسود

کحــــل ظنیت لاچن ما طلع هیچ

اثاری العین الک ذابت علی الخد

احس حبــــک بحـــر و بجــرفه میناء

و حــــس روحی سفینه اوگلبی مرسا

حچت عینی او یعینک و غرمت بیک

او عمت عینـــه الیگول العین خرسا

احــس گلبی اصلف بــــس لجـــلک ایمیل

و حـــــس روحـــی اطلـــعت من ودعیتک

ادفــنـــت جـــثـــــمان روحی ابغیر تغسیل

او شلت جسمی او عفت روحی او اجیتک

عزیز ابوعبیر ابن ابراهیم البریهی

مجاهد العمرانی ومضه جمیله

مــــدری الـــوکت یفتـــر ابعکس ویای

مدری انا او یا وکتی ابعکس گمت افتر

امد ایدی اعلا جرحی و ارد اخیط بیـه

احســــــن دای جــرحی ایخیط المیبر

مجاهد العمرانی

ومضه جمیله من قاسم النیسی

انته جــــسمک ساکن ابمهجر اکید

لاکن الــــــــــــدلال یمی ابهل گرب

و انه گلبی اویاک ودیته اعله مود

لافـــــــرد لحظه اتصور بل غرب

قاسم ابو میلاد النیسی

سلمان ابومیثاق الحمیداوی

هــــمــزین ابحجاب الحلـــــوه تطلــــع دوم

نعمـــــــــــه امنل الاه و نـــــــــزلت اعلینه

شمس عدنه ابسمانه وهیه شمس الگیض

لـــــــو تـــــطلع دلـــــع چـــا غیر تشوینه

سلمان ابو میثاق الحمیداوی

دارمیات جمیلات

لیـــــله ارد ابات اویاک و بحظنی اخلیک

بوس و غرام و شوگ و شبع حظن بیک

نسیم الناصری

لیـله ارد ابات اویاک و بحظنی ادفیک

و شبع غرام و شوگ و لصبح اخلیک

عبدالزهرا ابو حسن المرداسی

لیــــله ارد ابـــــات اویاک نومنی یمک

بوس و سمر عل کیف کل لحظه اشمک

عادل خلف الساری

لیـــله ارد ابات اویک سویلی چاره

و التف علیک ابشوگ شبه الجگاره

رحیم المنهل ابوجساس الحمیداوی

 

حسن الحیدری

یـــوسف یعتــذر منشاف لون البیک

ضل حتـه الجمالک یسجد الشیطان

فتت مره اعله شارع جننیت الناس

تــدری من وراک اتطلگت نسوان

حسن الحیدری

حسین ابونواس الحیدری

عسل شفتـــک و الخدود امحمرات

و خضر چن لون الخضار اعیونک

وین اضمک خایف امنمک وبوک

اثنینهم عمیــــان و ایحسدونک

انطینی من اشفک بوسه راح اموت

جبت کل عمری انتظر منــک لطف

لـــــو بــخیل اعلل شفایف ما ارید

صیر من ابـــعید و اگطفلی گطف

من کلمات الشاعر حسین ابونواس الحیدری

 

مهدی الساری

صگر التعبت اعلیه او ربیته بلروح

ینگل ملح شو گام ویحط بلجروح

مهدی الساری

حسین حیدری

الجدم یسحگ خطوتی ابکثر مشتاگ

الـــــــغرامه چــذب واحد مثلی یهوا

حبیبی اتــــــــزاعلت ویـــاه فـدیوم

گلت راح احـــب غیـــرا وطلع هوا

حسین الحیدری

قاسم ابومیلاد النیسی

لا تضحک دخیــل استر علا الناس

حبیبی اجبـــــال ذابت من بسمتک

امس غابت شمسنه اوظلم الکون

اذن طــــــر الفجر لمن رسمتک

امـــس غابت شمسنه اوظلم الکون

حسبنه اعلا الــخلگ طاحت مصیبه

لـــــمن مـا نظرنه اعلا السبب زین

اثاری انته افرشت طرف الگصیبه

حبیبی اشـگد جمیل امدوخ الکون

اکـیــد انتـه القصر والکل صرایف

اذن حــتی العسل من قرب اعلیک

دنت نفسه او لزگ فوگ الشفایف

من کلمات الشاعر الادیب الاستاد قاسم ابومیلاد النیسی

 

ومضات جمیلات من کلمات نسیم النبگانی

حــــالف ما اعایــد لو تــمر اسنین

و بقه الدهر صایـم بس اضل انطر

لمن مــا یجینی العاشگته الروح

و یگلی ابرضاب اشفای گوم افطر

گالولی الخـــلگ باچریجیــــک العید

گلتــــهلم اعیـــــد لاکــــن ابشرطین

بوسه من الشفایف شرط الاول هاذ

و شبگ خصر ولفی و اقفل چفین

من کلمات الشاعر نسیم النبگانی

 

عیدکم مبارک و ایامکم سعیده

 

بــــــــعد یومین یسطــــــع نور الهلال

اویملی ابـــــــــلادنه العیـــــد ابفرحته

گلت خل اسبــــــــــگ آنه العید جدام

الحبیبی الحاب احط بسمه اعلاشفته

ومضه جمیله من نسیم النبگانی

طعم ریجک یقارن سلسبیل الله

و الحبک اکیداً  تکثر اجروحا

مثل ازبد خدک و شفایف تین

ماشایف بشر یتریگ ابروحا

 نسیم النبگانی

قاسم النیسی

یل عینـــــک شمس والحاجب اهلال

 اوعسل ینگط عقیق اشفافک اجنون!

لون لحظه ابحـــلم تهجرنی واتروح

 اگص راس الفرح وابچیـلک اعیون!

قاسم ابومیلاد النیسی

مهدی احمد الساری

ریت انـــگلب لهوای چرچف مخده

حتی ابمنامه ایصیر خدی اعله خده

مهدی احمد الساری

مهدی احمد الساری

مرت ایام اهوای ایدی اعله خدی

کلمن ولیفه اویاه بس انه وحدی

 

مهدی احمد الساری

ومضه من سلمان فی حق امام علی سلام الله علیه

علی و نعم بسمک یا سراج الدین

یا آیت جمال او صوره بشعاری

نار اعله الیضدک وانامن والاک

بردن یعنی بسمک تنگلب ناری

سلمان ابو میثاق الحمیداوی

 

دارمی جمیل من نسیم النبگانی

مکیاجک انته امنین یا احله انسان

تین و عسل و عناب و شویه رمان

نسیم ابوحازم النبگانی

 

مکیــــــاجک إنته إمنین یمنوّر إلکون

یوسف وخوته إبشوگ یمک یسجدون

مکیاجک إنته إمنین عطرک علی فاح

شهــد او مسچ بل زیج و الصدر تفاح 

عادل خلف الساری

 

شمس الاحواز

فتحت اجمل اوراقی

لگیت عمری الباقی

لگیت اسمی یضم اسمک

و احبک داخل اعماقی

من کلمات الادیبه شمس الاحواز

 

ومضه جمیله من شمس الاحواز

الدنیا عشرة عمر عاشرنا بیهه اصحاب

احباب چانو امس و الیوم  ماکو احباب

غربــه صفت دنیتی ومـــحد یدگ الباب

مدری المحبه انطفت مدری الزمن دولاب!

من کلمات الادیبه شمس الاحواز

ومضه من شمس الاحواز

یاعصفور الگلب شمتانی ما ترجع

لونسیت الرجعه وگصیت جنحانک

وانه الما جربت یوم انســــــــــاک

 وانت بکل سهوله اتواری نسیانک...

من کلمات الادیبه شمس الاحواز

عبدالطیف ابوالحسن

فمن یغتـــــــــــر ب الدنیـا فانی        لبست بـها و افنیت الثیـابــا

و زرعت بروضها ورداْ وشوکا       وشربت بکاسها شهداْوصابا

فلم ارا غیر حــــکم الله حکمــا         و لم ارا غیر بـــاب الله بابا

عبدالطیف ابوالحسن

 

من اجمل ابیات الشعر العربی المتنبی

 

إذا رايـــت نيوب الليــث بارزة فلا تظنـــن ان الليــث يبتســم
If you  can see the lion's teeth, do not think that the lion is smiling
الخيل والليل والبيداء تعرفني والسيف والرمح والقرطاس والقلم
The horses, the night and the desert know me, along with the sword, the spear, the paper and the pen

أبو الطيّب المتنبي

شمس الاحواز

محتاجک تجی واطیب اجروحــی

محتاجک تمر واتشوفنی ابیاحال

محتاجک تجی وافدیلک ابروحی

محتاجک تعال وغیر الاحـــــــوال!

من کلمات الادیبه شمس الاحواز

رساله من مدونه سادات الغرابات

عصفور العمر علّمته توه ایطیــــــر

لیش اترده لی و جنحانه مشبــوگه

صح انت حلو بس لا تظل مغــــرور

اکو احله من الشکر، وتذوبه خاشوگه؟؟

نشکرالاخ العزیز سید جلال الغرابی علی هذه المشارکه الجمیله 

دارمی

شفتک اجیت الیـــــــوم والدمعه طاحت

 ومن رحت عنی ابعید چن روحی راحت

من کلمات الادیبه شمس الاحواز

 

من شفتک آنه الحین شایف جمیع الخیر

بس انته وسط احشای ما احب ابد غیر

من کلمات رحیم المنهل

 

لاتظن لحظه انساک و اشلون اعوفک؟

ساکن ابوسط الروح کل ساعه اطوفک؟

ما اقبل ابـــفرگاک یا زین الوصاف؟

گلبی ابغیابک دوم هم وحزن شاف؟

من کلمات الشاعر الادیب ماجد ابن المرحوم عبدالله المیاحی

 

دارمی جمیل من شمس الاحواز

 

بس الک اکتب اغزل بس الک احمـــــل غرام

بس الک اکتب احبک و ما احب غیرک حرام

من کلمات الشاعره الادیبه شمس الاحواز

بمناسبه عید الحب

دارمی جمیل من الدویرجاویه

 

گلبی یون اعلیک ون الحمــــــــامه

 لایرضه لحظه ایهید ولا لیله نامـه

     من کلمات الدویرجاویه الادیبه   

جننی صوت اهوای ساحـــــر کلامه

خلانی اون اعلیه مثــــــــل الحمامه

من کلمات رحیم المنهل

ومضه جمیله من سلمان ابومیثاق

انا عشگی اویک چن قیس اوهواء

یعنی حاضر افدی عمری الخاطرک

انته چن اهلال عید الله اب کسـوف

و انه صایم عمری کله اتنطــــرک

من کلمات سلمان ابو میثاق الحمیداوی

درامی جمیل

 

لیل الشتا البجفــاک مانمته کله

 و لومیت اتلاگیه گلبی اشتگله

من کلمات الدویرجاویه

لیل الشتا البجفاچ سهرانه عینی

گاعد و افـــــکربیچ یمته تجینی

    رحیم المنهل  

هم حزن هم افراگ هم دمعه بجفاک

 کل هذا وتظن بی هم گلبی ینساک

من کلمات الدویرجاویه

زاد الحزن بجفاچ دم تبچی عینی

شبه ام ولد غرگان ضاعت سنینی

    رحیم المنهل  

من الصبح کل یوم اتمنا اشوفک

 کل ظنک انا انساک واگدراعوفک

من کلمات الدویرجاویه

ادری العهد توفین ما هذا ظنی

بس الهجر کتال بعدچ کتلنی

    رحیم المنهل  

من کلمات الدویرجاویه

فراقـــــــکی نار وقلــــبی مــــــــن ورق

فهل یبقی الورق بجانب النار ولا یحترق؟

انت الـــــدوا انت الهـــــــوا وانت المــا’

 التی یطفی نیـــــــران قلبی المحتـرق.

من کلمات الشاعره الادیبه الدویرجاویه

 

ومضه جمیله

شفت ناس الابد ما تملک احساس

اولجل اکل الحرام اتسن الضروس

یترکون الیموت ایضل عله الگاع

اویشیلون العدل چه یملک افلوس

  من کلمات صادق ال نیسی  

رساله من الاخ العزیز علیرضا الحمیداوی مدیر مدونه قبیله آل حمید

احبـــــک یا ظلوم فآنت عندی

مکان الروح من جسد الجبـان

و لو انی اقول مکان روحـــی

لخفت علیک بادرة الطعــــان

  عنتره بن شداد العبسی    

ومضه جمیله من کلمات الشاعر نسیم النبگانی

لوشفت سهـــــــــران لیـــلی و ما انام

لاتظن ولهــــــــــان یا خایـــــن علیک

بیک واید باوعت مــــــامن وفــــــــاء

اجفون عینی اتزاعلن کله من ادیــــک

    من کلمات الشاعر الادیب نسیم النبگانی   

ومضه جمیله

کثرما باتن ادیه ابین ادیــــک

اتبدلن بصمات ادیه ابصمتک

دیربالک لاتلامس چف غریب

حتی لوعمیان اوجد لمستـک

من کلمات الشاعر الادیب نسیم النبگانی

 

ومضه حسینی من کلمات نسیم النبگانی

لو شفت للیوم مواج الفــــــرات

موامر عادی و حگ طاها النبی

آنه اخبرک ماسبب هذا الصراع

صولت العباس حطت خوفه بی

من کلمات الشاعر نسیم النبگانی

 

ومضه جميله من كلمات الشاعر قاسم النيسي

لا تظن  لمن تجافيني او تروح

انا  من  عيني  الك  اهمل  دمع

بس اگلك و اعتقد لوگلت اروح

انا اذوبن و احترگ مثل الشمع

     من كلمات الشاعر الاديب قاسم النيسي  

دارمي حلو

 دارمی حلو 

احنه ابزمان الضیج خوتنه خوه

و رغما علی العاداک نحچیه گوه

   فاضل الموات الحمیداوی    

 

ومضه حلوه من سلمان الحميداوي

لا  تغتر  لون  صايرلك  اجناح

خليلك ربع من تشهگ ايفرحون

ترا الطير اشكثر ما يعله يا مغرور

ابعين الناس اكثر يصبح ازغيرون

سلمان الحميداوي (ابو ميثاق)

دارمی لروئیت هلال العید

یل بل گلب موجود دایم و احس ابعید

اصعد عل سطح ناخیک خلینه نعلن عید

رحیم المنهل

عیدکم امبارک و ایامکم سعیده

کل عام و انتم بخیر

 

بقدر الکد تکتسب المعالي ومن طلب العلى سهر الیالي

کل عام و انتم بخیر

رساله من اخ العزیز هادی المرداسی

 

یتشابهن بل ذوق ملحک و ملحی

بس انه فوق الزاد و انته اعلی جرحی

شکرا جزیلا

دارميات في حق امام المهدي عجل اله فرجه

حي الامل يا ناس حي بينه طيفه**و نتريه مهدي ايعود و ابايده سيفه

سيف العدل بركان لويزعل ايثور**يطفي الظلم بلنارويخلف النور

نورالمجد ميزان كلهه التشوفه ** و اهلاله درب ايمان مسعد يطوفه

ماضل صبر مولاي كافي الملامه ** جرح اخدود الناس دمع اليتامه

نهني و نبارك لكم العيد السعيد ميلاد  ولي العصر و الزمان اباصالح المهدي

الشاعر سعيد كوتي ذاهب

الماخذ : منتدي ادبنا

رساله من اخ العزیز جعفر اولی من مدینه الگصبه (اروند کنار)

ذبحنا الشوگ یا غالی واحس الروح محتاره

تمنیت الگلب یمک وتطفا ابشوفتک ناره

جعفر اولی --الگصبه

دارمي بهوي المحبوب

 

عندي بهوى المحبوب خمسة من الشهود

وَن سِگُم رعشة و نوح دمعة على الخدود

ملا فاضل السكراني

قصه و دارمي

كانت احد البنات تحب احد الرجال و هو كان فلاح و كل يوم البنيه تذهب الي الشاطي تجيب الما و تكون مدت قليله تنظر الي هذا الرجل في نحو الاخر من الشاطي و تسلم عليه و يسلم عليه و يتكلمون واحد مع الاخر. في يوم من الايام كان احد اقربا هذه البنت ينظر اليه و البنت ليس تقدر تتكلم مع حبها و عندما غرفت الما في خفا نظرت الي الفلاح و قالت لهو :

حبني اعلي مجرا الماي سرعا ارد گومن

و استشرع انته ابهاي من تلگه مومن

 

مهدی عطشانی مدینه الحمیدیه :

عد یا مومن اتریـــــــــدین استشرع انوب

بوسه اعله مجری المای ماتشفه الگلوب