احیود الخلســـــــــــــو ابحدهم حسافات
غدرها الدهــــــــــــر وافناها حسافات
ابجفاهم بل اسه عمـــــری حسافات
ابعجل واظهر مشیـــــب الضیم بیه
چن صوت الحزن یدوی حسافات
ابدلیــــلی والعمر بل هم حسافات
فنه حگی وهــــدر تعبی حسافات
الدهر یوم الولانی وغـــــــدر بیه
شاکر حجی اسوادی الباوی
سیــفک من غضبت ابموت باسل
رگاب انته التضل بل حرب باسل
شوصفک بل عــدل عباس باسل
آیه اتو صفک بـــــــل حق شفیه
من ودع عضیـــــدا حسین ماگال
ترد لولا همی اعیـــــــلک ماگال
احسین امنل سیوف اعدا ماگال
الکسر ظهرا چفـوف التسد فیه
مهدی حیاوی
ریته انشل جنــــح غدرک وسبگاک
او بجیتک مو فرح ضلت وسبگاک
بلیویــــــــده انه اغلبنک وسبگاک
وانته اعله الغبــــــــــر سابج علیه
الذنب ذنبـــــــــک تنافینه وانه ابرای
وانته اعله الیرف واگف وانه ابرای
ابرتک تبقز اجفـــــونی وانه ابرای
تشل جـــــرحک علیش اگطعت بیه
حسن امیری
کسف شمس الفرح دهری وسافای
علی واذیاب هل حــــاطت وسافای
ما تنفع خفت بیتـــــــــــی وسافای
البنیته ابعـــــــــــــز یهدمونه علیه
الاسه ساعه اقطس ابحره سعافای
وجرحه اتغمگ ابگلبــــی سعافای
نخله ابلا ثمــــــــــر چنی سعافای
یبس من جـــــور وکتی العمل بیه
شاکر حجی اسوادی الباوی
ارید اصعد جبــــل حمرین شضو
وهلی فوق العدول احمول شضو
خرب کیف الرفاگه ابیوم شضو
عسل مطلــــوب ولیطلب ایهاب
الشاعر المرحوم منان الشبیب زبیدی
عبیط الدمـــــــــــع بفراگه یریته
یریت الجفــــــن هم یوگع یریته
ابچف عمری حبل حتفی یریته
حکمـــــت الروح شنقن للمنیه
بشیر الصرخی
الک یاما نگلت الجــــــــــــــــدم وسریت
و ابحبــــــــــــــک چتفتنی ابقید وسریت
ارحمنی ارجوک ناری اسعرت وسریت
ابغیابک یل گطعت الوصـــــــــــــــل بیه
عباس صگوری
اود لشفاک اصـــد اشلون یفتن
ابفرگتی وبل گلـب ویعات یفتن
عسه البینی لبینک صار یفتن
ابسقر مأواه چی نـــاره سریه
داخل الصالح الهلیچی
دلیــلی إعتقد من یـــــــــدواک کلما
صحی وهوه النقی بهـــــواک کلما
الیه امن العتــــــــب ویــــاک کلما
یعثره الله النـــــــــکرخله وخویه
الوکــــت ویای ما ینصف ویرعه
وصعب ذل کأسه اشربنه ویرعه
الچان اوی الغنــم سارح ویرعه
یشد رایة و شهم صــــــایرعلیه
عیســـــــی الشرهانی
گضیت العمــــــر هلبت بعد هلبت
تجی وباجی ابتوت الگلــب هلبت
سهر لیل انتظاری اعلیک هلبات
ابحظن عینی العماهه اجفاک لیه
سری اعلل یــود ما یوم خفته
ولا یوصــل الاذن الغیر خفته
علی زین الطبایع وزن خفته
اخف من الظلال اعلل وطیه
فرید علاو الحزباوی
الدوم یتباهه ابهویته اوما گرب صوب الخیانه
یعله عداهل المعـــــــالی اوینجعل حته ابزمانه
نار تلهب عزمه یبگه اوبل صدر ینعد مکانه
و الخایف یمه ایذب روحه
قاسم النیسی
یصاحب لو تصــاحب زین لولا
تصاحب وبصحبته شوف لولا
بعض منهم یسوا ألبعض لولا
وصل فزاع یجــــدم عل سریه
یاسر العنافجه
یا الاه الکون یا ربی یمنبیک
الخاف ایلوذ من ذنبه یمنبیک
ابجـــاه البیت المشید یمنبیک
اصـــومن هشهر دون الخطیه
ابو سجاد سلامات
هاک أرگبتی اذبح هاک الچفوف
عندک سیــــف لو أنطیک سچین
گطعنی وصــــل هاذ آنه مجنون
تذبحنی و أصیحن فدوه لحسین
نسیم الناصری
حبیــــبی الفرگتک دوه وشلها
تعال او خیط اجروحی وشلها
شتریـــــد الخلگ منی وشلها
احن واشتاگ الک حد المنیه
قاسم النیسی
بشر ماون ونیـــــنی اعلیک حتم
الغرگ من علی هم اجفاک حتم
اشوفک لو أصد للغیـــــــر حتم
نعایـــــــن بل مشوفه اتلوح لیه
یناهی شـــــــوگک ابعگلی یسودن
وحس سهم النوه ابضلعی یسودن
لیـــالی اصبای من دونک یسودن
ایامی ولا کشف وکتـــــــــی علیه
فرید علاو الحزباوی
چلمت العگال حـلوه البیها لهل العـز وسام
الراید اینول العمالی ایصیر صارم لل عمام
والیرید القمه کلها ابعگله یطبع هل کــلام
عـل هـامه ایـضل تـاج اعضـیدی
قاسم النیسی
شهر رب الکریم اضاف ینضاف
تقوا من جمیــــع اذنوب ینضاف
البید الکون واجب کون ینضاف
ابرمضانه او رحمتــه القاط میه
ناصر فرطوسی
رشه المارام درتمـــــــــا ورمضان
هوه اوبحشای هیج انه ورمضان
ابفـــــرح شعبان ودعته ورمضان
یهل وضما یحل ویجـــــــــــور بیه
ابو ماهر العتقی
سیف الدهر طر گلبـــی الف طور
وجرونتی ابغبن صدگ الف طور
شفت صیام من یوصل الف طور
تضل محتاراً بس تفطـــــر اذیه
شاکر حجی اسوادی الباوی
تفرهد کل فرحـــــــــــــنه ونسبینه
اومظن ضلت یصـــاحب ونسبینه
حچینـاها الحقیـــــــــقه ونسبینه
امن اهلنــا البسطو بهل القضیه
مصطفی الهلیچی
ارضابک شــــــهد وشفافک مندر
او جـــــــــمالک قادر العالم مندر
او حیاتک خزرت اعیونک مندر
الحواری اویل مها ایطیحن سویه
حبیـــــــبی ریحت اجناغک من الفال
او صدت ناظـــــرک اخطر من الفال
چنت اقوه ابزمن وصلک من الفال
ابقیـــــــــــــابک جارت النمله علیه
ابو خلیل الشحیتاوی
الو هدمــــــــــی العلی گومی یبسلو
ولا چف الخصـــــــــــم ملگه یبسلو
رطب حبر العهـــــــــد مدری یبسلو
واشوفه اویه اجنبی ایبسبس علیه
فرحان صیهود الشریفی
اهنا یلما شفت بالــــــــــزلم خیلاک
انطر دخل تجدم اعلا الخیل خیلاک
ابوکتها انه اخوک اویــاک خیلاک
اویاک اویاک ویـــــــــن اترید بیه
سعید نایف دغاغله
نص اللیـــل الوی اعلیک لویم
قتیل وما حضرت انساک لویم
صبر الی صــبرته اعتقد لویم
گضه وچا صبخت کل الوطیه
احمد جاسم الهلیچی
بسچاچینچ یدنیه الگلب بلحی
صلف ما نام طولا لیــل بلحی
وحیــد الی یضل مفرود بلحی
ذلیل ایصیـر من دون الخویه
مرتضی نیسی
صحت یلحادی وین اترید لاون
ابهلی الطیبین چی لانوح لاون
یسلیــــــــــنی بعدهم بعد لاون
انتظر ودیـــــارهم ضلت خلیه
علی ناجی مرمضی
صحتی ابلحظ المــوادع یواشای
وشلال المای من عینـی یواشای
عساک اببحت المفـارج یواشای
توش واترید هجــره ایعم علیه
سقیم الحــــــــــال یل تنشد منصحای
الخبیـــث اشلون انصحنَه منصحای
اشمصیح اعلیه ما یخجل منصحای
ولا ذرَة حیـــــا ابـــــــــــذاته الغبیه
رحیم المنهل
هل الـــــــــدمع من الدم یجفنی
الترید الروح مـو وکته یجفنی
لو را دا لد هر بلهــــم یجفنی
اعتـزم بلله ویمیل الفرج لیه
مهدی حیاوی
ایتمشه اویل هوا اوعگلی یماشه
ایتیفل بلشعـــــــر وایحس یماشه
عسی حظی ابکبــر حظچ یماشه
وانا من عزلف نــــــــــوم الهنیه
رحیم المنهل
الک یاما الک ودیـــــــــــت ود آخ
مثل ود انخل بللیــــــــــــف ود آخ
الذی امنلحب سکر معذور ود آخ
اکید اهـــــــــواک بی فاتک خطیه
نمه یحشــــــــای هم ودک وکمون
ابگلبی او بیک بس گلبی وکمون
المثل لقمان صـــرت انته وکمون
آنه اوبل غدن اخلـــــــص خطیه
ابو ماهر العتقی
کض چبــــدی یناهی ابشغب وفره
وخل خدک یجس الگلـــــــب وفره
اذا تبعد حبیبـــــــــــی الچفن وفره
الحبیب الصار من شوگک ضحیه
ابو خلیل الشحیتاوی
الدمع تیزاب عگبــــــــک هدمنی
او شذا اجناغک الساحر هدمنی
ابفرد خـــــزره الا واحظ هدمنی
او غرامک شد جحیــم النار بیه
ابو خلیل الشحیتاوی
تظن تفتک فریست شات منفاک
اسد لو انتفــی امن الاهل منفاک
کاس الراح راح السکر منفاک
حمیـــــه ابفاک لو فاک الحمیه
ملا محمد المایود
یطارش بلمشی انخــــاک بسهم
لئن احملت منلهجــــــــر بسهم
دصل گلهم یگول الجفه بشهم
کافی امنلبعــــد حل مرض بیه
علی العموری
یواشی من فــرس قیها ترجل
واخبــــرک ماتذل تعله ترجل
اذا محشوم من جیلک ترجل
الیجی ایهینک ولالک قابلیه
ناجی مشلوش مرمضی
الشخص لاتبــــــدگ الکبرة وسنه
اوگالو بل بحـــــــــر کوسی وسنه
اشمرید اتعب علی الدارس وسنه
اشموصفه ایضیـــــع الوصف بیه
علی الموات الحمیداوی
صلات العشـــــــــگ دلالی یصلهه
الک لو مهجتی هجـــــرک یصلهه
یناهی ارویحتی شوگک یوصلهه
و ربک للگبـــــــــر و یعف علیه
مغبـــــــر ما صحه امنلهم ترسمای
عالی وهبط بمحبـــــتک ترسمای
من کثر الدمــــــع جفنی ترسمای
الصحاری وفرعن شجرات اذیه
احمد جاسم الهلیچی
الجفونی اوما یمـــــر بیه وکتما
اضیج اشلون اضم حبهم وکتما
الجفن غیم مطـــر شوفی وکتما
ابنحیبه ایصیـــح شیردهم علیه
احبـــــــابی الیطحن ابعگلی هملهم
اوجدمی اعلا الحسچ حافی هملهم
اهملونی او گلبـــی ما یقبل هملهم
او بعدهم حط صریخ اجنـــون بیه
قاسم النیسی
تل ون تل قهــر تل هضم تل هم
علی من نایبات الدهـــر تل هم
شداوی گلت گالو صبر تل هم
لهمته وتل مصــایب ذب علیه
ملا فاضل السکرانی
یدنیه ابراحتج جــولی وصولی
ابد ما غیــــر اطباعی وصولی
اهتمامی ابعزم خلیته وصولی
الحد المشنقه ابحـــب القضیه
بشیر الصرخی
یکدش من صــــــــــریم العار ربعای
او دعینی امن الملامه ایذوب ربعای
صحت یــــــــوم انکتو وبایی ربعای
انه اغلامــــک یبــــوی انگضت بیه
یـــــــــدنیه ابدفترچ بنصاف گلبای
طفح چیل القهر والصــــــبر گلبای
عجیـــــبه او ما وگف للیوم گلبای
او حزن باچر وامس مجموع بیه
ترکی الامیری
اعیـــونی اشگد لجل فرگاک یمن
دمه او گلبی ابذچر طرواک یمن
الو ما یــــــــــمک انا ارتاح یمن
یجینی الخیــــــر وابره امنل اذیه
قاسم النیسی
یحلوه ارجوچ چتف ابچتف دحچی
معای وبیت من العشـــــگ دحچی
یـــــــواشی انوب بلله گوم دحچی
الاحبهه اعلا الــــــزند نامت هنیه
اسماعیل علی الموات
الوکت ظیم او قهر روحی سفاها
او کفو بلعیــــــــن ما ندت سفاها
ذله البچی او من اضحک سفاها
واذا ســــــاکت تلـــوم الناس بیه
ترکی الامیری
اهدمت حیلی یدهــــری لا لیمته
املایم وبکه صــــــابر لا لیمته
الحزیــن اقصد الفاجد لا لیمته
ابلحن ثکله ابتوالی الهندسیه
ابو ماهر العتقی
وجه صافی وعله خــده شحشم
دنت نفسی اطلبت شمه شحشم
شفازع شـــــهد شتنخه شحشم
وشظایه اشفافه شچاهن بدیه
میثم الساری
نهلت ابيوم حــــادی الظعن لاتب
خليلی ولا دليــــــــــلی کفر لاتب
دخيـــــل الله يحادی اقترب لاتب
تعد چيه تســـــــد باب الأمل بيه
ترفن ليش يعيـــــــونی شرفچن
العمه لو ظعن محبوبی شرفچن
کافی الدمــــع وحترمن شرفچن
الغـــــــزاچن لويحن ماخان بيه
تســــل تهمل تمل تنتظر وشتل
تفت گلبی الصبر لاوين وشتل
الو اکرب صـبخ ياصاح وشتل
گصب أستر من اليگصون بيه
ال إلی ولمو إلی يــــرحون فدوه
الصحيب الماترکنی اوحيد فدوه
ألو ظهـــــر النشامه انحان فدوا
اســــــــتهم تلگا لعد اهل الحميه
محمد لویمی
علی من نشد یا صـــــــاح منسال
اوغده جسمی علا الخوان منسل
دمعــــــی یشـــــبه اشلال منسال
کلف وفـراگهم یصـــــــعب علیه
صباح مزرعه
ســـواجی التســـگی الخوه کراهه
کثــــــــر بیهه الخرب محد کراهه
من ارید احچی علی تطلع کراهه
امن ارید اسکت عتبهه ایرد علیه
الشاعر الادیب اغلامعلی الحمیداوی
اریــد اکتب دعا امنظم شفلهه
در ابیض عقیق احمر شفلهه
المحبه عجدت ابریسم شفلهه
عجدَت ابدلیـــــلی اوعم علیه
ملا محمد المایود
النـــــــــواظر دمعــــــن من بدن یفلان
اصـــــــــــورک من چنت ویای یفلان
طگ صبری وصرخت وشفت یفلان
اطیــــــــــــور وطاح عشهن علوطیه
احمد جاسم الهلیچی
أتدري إذیـــــاب هجــــــــــرک علی شعون
أسی و تـــــدری إلمئاسی اعلیـــک شعون
إلضــلع و إلنـــــــــــــاظر إبملگاک شعون
طفه بجفــــــــــــــــاک عود ارجوک الیه
عیســــــــــی الشرهانی
الذی اگبال الخصم راسه معلا
ذلیـــل و یانس الطاغی معلا
اذا یــــــوم النعم رهمت معلا
انه ارهم مع الما عدهم حمیه
اسف جفن النشامه انشوف هسل
دمه و جسم الأمس مهیوب هسل
حرت منمن اگول الصـوچ هسل
عفن ســـــــاسه رفع راسه علیه
داخل صالح الهلیچی
الشاعر نسیم الناصری
جاسم عامری (ابومحمد)
ابد ما دنگـــــت مـــــــــره وناصیت
جبل وکت الضنک عزمی وناصیت
الخصم طخت لعد جــدمی وناصیت
المجـــــــــد نال الاسم والصیت بیه
قاسم النیسی
خــدک من نبات او ورد جورای
اومن تگرب اکید اتزیح جورای
الو مره ابحیاتی اتکون جورای
زمان اصــــــبای کله ایعودالیه
ابو خلیل شحیتات
حبیبی ارشفت من شفته عسلمای
الحیات و ما یرد وسـفه عسلمای
اعریضی الالَم احـوالی عسلمای
ابدلیـــــله ولا بره الیــوم المنیه
رحیم المنهل
ما دریـــــــــتک وانت ریتک دارلی
ما دریـــــــــتک وانت ریتک دارلی
ما دریـــــــــتک وانت ریتک دارلی
ما دریتک وانت ریتک درالکائنات
عارف خمیسی
اهیم امنل اسه المـــــرنی بیاهیم
واهمن بیچ یا روحــــــی بیاهیم
احبابی الچنت آنه ازمط بیاهیم
جفو عنی ابوکت معسورا ادیه
حسین حیدری
ترف بعیــــــونک الفتر منزر
تصوب ضیغم المجـــبل منزر
اریجک فاح من زیجک منزر
ازرار الزیــــج نار اتهیج بیه
ملا فاضل السکرانی
ما تهتهم عرفتــــــــــک لوعانی
ابغرامک یل مرامــــک لوعانی
ابجفاک اغمضت ماظن لوعانی
الذت النوم لیــــــــــل المر علیه
حسین حیدری
یغصــــن البان حلــــو الطــــول یغزال
مغــــــزل ودی الک بس شوگ یغزال
تحت حجبک ومیض الوجن یغزی ال
دجه او گلبــــی ابرجه اوصالک تهیه
جلیل شجیرات
جفنی ما غمض سهـــران حیلاک
و شارع بل دلیـــل اهموم حیلاک
یجی البطران ینشد لیش حیلاک
رکد مایـــــدری ونـــــت نای بیه
مهدی عطشانی
اشوکت گلبـــک یناهی ایرید یدراک
محبتی و فکر عگلی اشلون یدراک
ناحل من غـــــــــرامک کئن یدراک
ولبحلـــــی اتصـــــارچ ذیـــــچ هیه
احمد جاسم الهلیچی
لیـــــلی اعتقد صایر علی ظهرای
سبب بزقت جبینک حنت ظهرای
حلــــو ایگول کلمن شاف ظهرای
ونه ابشـــــوگک احس یاتون بیه
مهدی حیاوی
یل گطعیت بت احشـــــای منتل
غـرامک لیش بیه اتخون منتل
یناهی اشفت منی احساب منتل
الاعرفک یاهو المغیرک علیه
احمد جاسم الهلیچی
گلت کلشـــــــی ولامن شی الوله
او دلیلی الیحن بلحب شی الوله
الذی احمــــوله ثجیله شی الوله
بعیده احبــاب روحه الگطع فیه
ابو ماهر العتقی
لیــــــــلی اعتــــقد ونهاری بکتلی
انــــوح اعلیک وبنــــوحی بکتلی
الخلگ شنهی سبب تدری بکتلی
غرامک یل تشــــح وصلک علیه
مهدی حیاوی
انه الحلیـت کیدک لیش شدیت
ادیه او علی بلهجــران شدیت
کل ساعه ابهواک اتمر شدیت
نزاع اتمــر ولا مریــــــت بیه
ابوماهر العتقی
جفانی الچان مو هجتی بلمسه
الجبینه کل صباح اهیه بلسمه
گلت یرجع علی حیلی بلسمه
لمسته و صار دلالـــی ابلظی
مهدی حیاوی
اکید الملته احبــــــابه یمل کون
منــــهم حیـــث مارقه یمل کون
عمریا امل بیک احلم یمل کون
ونستی او رجع البســــمه علیه
ابو ماهر العتقی
یحبابی رمشت عیــــن لو عنی تجفون
موبس دمع وادموم حتی ابچی العیون
قاسم النیسی
اببحرشوگه سفیـــنه ابغیــــــرسفان
صـــــــرت وعلی روج اجفاه سفان
اله امن الذهب تومی اهوای سیفان
یلمـــعن عل هــــــوا وطعنــــــن بیه
عادل خالدی
علّ وگلبــــــی ناهی الناس شعلو
ابو شهم ما کفــو وابنـــــار شعلو
یخل تحت النگاب البــدر شع لو
الوجه واهلک سعو یخفون ضیه
جلیل شجیرات
خل غوجک عله الجیــمات ینزف
او خل جــرح الیضدک دوم ینزف
الشهم للحومه زفت عرس ینزف
او هلاهـــل عرسه صوت البندقیه
جلیل شجیرات
شاچخ علصــــدر یهوای یبلاک
بلیت الخلگ والله ابهای یبلاک
انشدک فی خلاف الزیج یبلاک
یفــــوّح ریـــــح مو مشموم لیه
رحیم المنهل
یضعن العلم لا تســـــــری وکتنه
الجهل نـــــزلنه لســـــافل وکتنه
صمأ بکمــــــأ اوعمیــــأ وکتنه
سلام الله اعله عصر الجاهلیه
جلیل شجیرات
ابجفه المحبوب بگلیـبی علل ما
تصح وابلهفه عطشانه عل الما
یعمی ارجوک سولفلی علا الما
یصح بلحــــــور واببیتک تهیه
رحیم المنهل
الضبی من حب حنان الگلب درعا
گلتله او ثوبه من الزیـــــــج درعا
طلقت اســــهام ودّی اوجعل درعا
الغــــرور او خاب گوس الامل بیه
جلیل شجیرات
