هیثم مجید الحزباوی

 

ابکوابس لیل هجــــرک یخل قصریت

 

وعسی سیفک ابلب احشای قصریت

 

لو لا ســـــــــامح الله ویاک قصریت

 

دعف مو هیچ تگطــــــــــع ولک بیه

 

 

 

 

هیثم مجید الحزباوی

 

هیثم مجید الحزباوی

 

سکونی ابحر شمس تموز ولفی

 

الک یلعانقتنی و صـــــرت ولفی

 

یلدعج دست گلبی ورحت ولفی

 

هواک ولیش لیش اگطعت بیه

 

 

 

 

هیثم مجید الحزباوی

 

ناصر جاسم الحزباوی

 

اسمعت زینب تصیح ابصوت بسمای

 

وتطالبنی ابگلــب عطشــــان بسمای

 

مایصعــــب لــــون اطلـــــــــب بسمای

 

اجیبـــــه البت علـــــی حامــی الحمیه

 

 

 

 

ناصر جاسم الحزباوی

هیثم مجید حزباوی == جناس مایعینی

 

الجدم بجفاک یدعـــــــــج مایعینی

 انحلت وبنـــــــار بعدک مایعینی

چنت من تظمه اشربک مایعینی

 شجالک وفگستهه وخنت بیه

هیثم مجید حزباوی

هیثم مجید حزباوی

اعرفک گد غلاتک ودری شنهوالبیک

وبس یرهم ابئیــــــــدی اعتقد تعدیلک

لئن اتعیش بیــــــه وبیـه کلشی البیک

ولیجـــــــــری علی هـم انتـه یجریلک

مثل ناعــوراعوفک من اضوگک مای

بس ارجـــع علیـــــک اردود ودلیلـک

 لو تعثر اگبـــــالی وتهوا فوگ الگاع

گبــــــــــل لطیــــــــح دلالی الیتچیلک

 خایف ولک خدک تدنه نفسه اعلیک

ویبــــــــــوسک ابخدک لون یربیلک

 اذا عندک حــــزن احزن مثل یعگوب

 اوعله الخـــنسه ازود ابونی ورثیلک

 وذا عندک فـــــرح انگلب کلی افراح

 اومثل داخــــــل حسن بطوار اغنیلک

 من گد ما فدیتــک بیـــــه ماضل حیل

ابهلی وروحــی بعد شتریدنی افدیلک

 بعیونی حـــلم کل لیــله اشوفک لون

وحس ابغیــر عالــم روحی وحچیلک

 عن شوگی ولهفتی وحسبت البطران

وغنیلک اغـــــانی اشواگ  وهدیلک

 جدمک طاح مره وگوه شلتک فوگ

من اطیــــــــــح کلک منهو لیشیلک

 الشاعر هیثم مجید الحزباوی

هوسات من کلمات هیثم الحزباوی

گمت احشی ابنهار الصیف وصرت للوکت مرجوحه

امغمض چـــــنت الـــــوح الطیرهسه الیمل مالوحه

صارت ماصخـــــــــــه العیشه بعد ماظلت املوحه

والمایـــــسوا ایشیل اذراعه

علیـــــــــــــــهل بطل ملامک و الغبر اترک هوا

المایعرف الصگر شنهی استطمع ابلحمه وشوا

گوم الیفهمون راقی ابحد مجــــــــــد رفرف لوا 

خاوی ابعز لو ردت اتخاوی

اخـــــاوی الگدهه کون اگدود وابدن غبر ماخاوی

ایتحنبط ادری بس یمی ویغش من عویت الواوی

عمی امبین امنبعیـــــــــــد لیسه الدگل خستاوی

ومو کلشی التلمع ذهبایه

 

ابذیــــــــــل المجلس اگعد دوم موذله وفخر ادری

الزین الما علی منـــــــگود موبس یلبس البدری

الغبر بومه ابصدر دیوان لوحلگ جنح صگری

یخرک من طگت چلماتی

هیثم مجید الحزباوی

هیثم حزباوی

اعانی ابهم یـــــــوکتی ولعناکب

معینی و ام تنـــــعلک ولعناکب

السلاحف بیت عدهن ولعناکب

ونه اببر والعسر محتاط بیه

هیثم مجید حزباوی

هیثم حزباوی

ما اخـــمل بود وصلک بلحظه

وجمالک یلرشا ایغثنی بلحظه

اموتــن میـت الف مره بلحظه

الو لحــــظة وداعک تمر بیه

ابــــهواک اطشرت وهلی لمونی

وعلیک اشگد اعز ناسی لمونی

یظالم هاک لوتــــــــگدر لمونی

ودشوف اشلون شلتک جبل بیه

هیثم مجید الحزباوی

هیثم مجید حزباوی

 

انتـــــــی کل اوزان شــــــعری البیچ نـــــظمیت القـــــوافی وصـــــرت شاعر

انتـــــی نیتــــــچ صافیه مثـــــــــل الزلال ودغــــــش مامـــــن کلهـــــه ظاهر

انتی یا دیرت محنه العاشگچ من الطفوله وحاضر ابحدچ اموت وما اسافر

لو یصیر الیل یمی اتصورچ وتغشمر آنه اویاچ

اگومن وبخیالچ ما انامن ربع لیلی و ابقه ساهر

انتـــــی احــــــــله امنــــل شعـــــر والشعـــر منــــچ اخـــذ صـــوره وصـــار زاهر

عایش ابصفنت خیالچ عمری کله واحس حیل ارتاح لو طرواچ سیر علا الخاطر

یا لحن عزف الکمان وصوت داخــــل یا غنیت فصحه حلوه اللحنچ کاظم الساهر

ارد اجیلچ واغفه یم فیّ الگصایب حته لو زرعو عله ادروبچ خناجر

حیل احبچ یا بعد کل الاحبهم  وابقه حـــــــد الموت احبچ خاف قاصر

 هیثم مجید حزباوی

هیثم مجید الحزباوی

ابدمع عینی رویتک من ردت مای

ولاقصرت عنــــــک ساعت العوز

الخساره اتگول حنظل للیخسرون

لچن شوف الفرق وی فرحة الفوز

المو طبعه حــلو لتقیسه وی زین

موکلشی المدهرب یـــنحسب لوز

البصلصح ینوکل ولناس تشریه

بس شوف الفرق وی لذت الموز

 هیثم مجید الحزباوی

 

هیثـــــــــــــــــم حزباوی

ایـــــــــهون اعلیک دلالی تعله

ابنوا و خل ینکسر گلبک تعله

یظالم روی من دمـــــعی تعله

علیک اشلون خنت الوعد بیه

ابمشیته الریم غث روحی ویلها

اویه غیره الگلب مایسله ویلها

دمّــــــر چبــــدتی شوگه ویلها

لظه وضاگ الفضی وحط مرض بیه

حبیبی اویای صایر ولمرایه

زلال وما تبـــــــدل ولمرایه

گبل صوب المرایه ولمرایه

عمت من نور خده اللمع ضیه

هیثم مجید الحزباوی