ایوب العمرانی

العبر من بحر حزني موسويه
حضر و الگلبی جايب موسويه
حسبت الكل سويه موسويه
الشفت عدهم وفه و توفي الخويه

تضن نارك دفتني بلوايتني
واحس حین اخزرتنی بلوايتني
الگلب ینطر محبتک بلوایتنی
تصل بل وصل لا تبخل علیه
ایوب العمراني

ایوب العمرانی

اود گربت احبابي ودراهم
الدهر یا حیف عني
ودراهم
ابذهب لو ادري ترجع ودراهم
ملك قارون اقدملهم بديه
ايوب العمراني

ایوب العمرانی

اشبگه بروحي لیال اجفاک منین
حبیبی و لا تلوم العگل منین
ردت گربک رفضت الگطع منین
گطع وصلک وصل ینگطع بیه

ذِبَل، سَل، ذَل، نِحَل عودي وعودك
زهىٰ؛ ولا تنكر وتخلف وعودك
حسبتك عود أعزّ ناسي وعودك
حبيبي وطعت غيري وخنت بِيهّ

ابکثر گل الاسه ابظهری ورمشاک
یولفی ولل ممات امشی ورمشاک
ابجبینک گوص مو حاجب ورمشاک
سهم یرمی و صدودک حتف لیه

حبیبی الاصلی منا وصلامنی
جفه و گص سیف هجرا وصلامنی
یطارش خبر شوگی وصلامنی
الهله و بلچن هله ایوصون بیه

کونت الثکله روحی وانتهالك
و بدائك يوم يخلص وانتهالك
ابهلاكي اهلكت اهلك وانتهالك
هلي و چلمت صلح ما تصح ليه

اشرحن قصتي الجراید والدواوین
امرضت و ادوای ماصح والدواوین
امنطب چنت المجالس والدواوین
الصدر ینهض یقدم الصدر لیهَ

یصاحب عار خلتک منتخلهم
ابشده و لو عفتهم منتخلهم
لون کل خله صدگ منتخلهم
تخلک غیرهم مالک تچیه

ایوب العمراني