من رعـد عبـــاس بطف مـــوت نگطـــله السمه
وحارت الگوم ابفــزعته یشبه الحـــامی الحمه
امگطعه اچفوفه وسمعهه زینب اتصیح ضمه
شال الشط کله و رواها
معجــزه العباس ســـیفه و موقف البی مر عجیب
مارهم مـــرهم الطـــگــتــه امحیـــر اطب وطبیب
اعله العطش زینب نخته گلهه مای امنین اجیب
الشط برگبهم سدیته
میثم الساری
من مر الضعن ریجـــی ویامر
وتمرمر گلبی من خلی ویامر
عبدی وضل علی ینهه ویامر
وابسوگ العبیـــد ایسوم بیه
میثم الساری
اذا ســالوک وین اهواک شترید
عفتـنی وترد هسه اترید شترید
نسیـــتک لا ترد لو ترد شترید
تـــــرد المـــن بعـــد لا ترد لیه
میثم الساری
وحگ الی ابعصـــاته النیـــل جسما
علی مر وطحــــت من شفت جسما
تعال وجیس نبض الگلب جس ما
یــــدگ نتاگ مـــــن المـــــر علیه
میثم الساری
اذا مــن الربیــــت اویـــاه شرجای
لعد من الغـــریب النحس شرجای
دفعت مردی کون ابریح شرجای
عســـــا لارد حبیــــبی الخان بیه
میثم الساری
وحگ الما شــرب بلطــــف قدح ما
الوطیس ابسیف ابوفاضل قدح ما
اســـد وغتاض والشاطی قدح ما
لجل زینب تطــــب وتضوگ میه
سالم الساری
انحلت من جوعها او عجزت وظمهه
او علیـهه امغــــــرر ادفنهه وظمهه
لون اشــرح هظم روحـــی وظمهه
الک چا ما تظــــل اعلــــه الوطیه
زکی الساری
من حلیـــــت علدنیـــــه حلویای
الحـزن و العسل مامره حلویای
تدهـور حالی من حالی حلویای
امن ادیه صــــار کل الصار بیه
میثم الساری
الرجــــــــل من الاشرار ابتعد چفه
وبدی مای الوفه اعله الربع چفه
اذا یخله ابــــــــــــــد موعیب چفه
المهم متروسه عینه ونفسه ابیه
اغازل ذکریاتک والدمــــــــــع سکران
یطوطح فوگ خدی الیـــــال یگضیهه
الورد من شم قمیصک صـــــاح یالله
شسمهه الریحه های امنین شاریهه
میثم الساری
الأخو ایغندب اذه اعضیده گبلا
هاذه الطبـــــــــع ما عدنه گبلا
اخوک و زورت افیـایک گبلا
خشمک ینضرب عیــنه هلیه
میثم الساری
البدر یمته یشـــگ غیمه ویهلی
فص العیــــن شح شوفه ویهلی
صدیجی الأکل من زادی ویهلی
شبع طشــــر سفرتی ونکت بیه
میثم الساری
الدمع بجفاک جف لا تظن بلکت
وهمی ابعـــــــدد ماینقاس بلکت
نخیت البــاری بهل البیت بلکت
یرجعک والأمانی اتعـــــود الیه
رحیم عوده الساری
وجه صافی وعله خــده شحشم
دنت نفسی اطلبت شمه شحشم
شفازع شـــــهد شتنخه شحشم
وشظایه اشفافه شچاهن بدیه
میثم الساری
وحگ المنکســـــر بلطف ضلعله
عله المخلوگ اخو زینب ضلعله
نزع چفین ابو الغیره ضل اعله
العقیله الهـــدمت سور ال امیه
سالم الساری
إلصاحب دوم عل صاحب یسلکون
او دمع من دم یهــل لجله یسلکون
إلعوا ذل ما تفـــــــــــرقهم یسلکون
طریق إلخــــوه لحــــــــــدود إلمنیه
عادل خلف الساری
اریـــــدک کون یمی ونتحرکون
ابغیابک ریت میت ونتحرکون
اشدهاکم وین رایح ونتحرکون
ابنــــــگل اول جدم تدنه المنیه
کلمات الشاعر المبدع سالم الساری
طعنی و ینشد امن الناس بلصار
اشتبه لاکن دلیلی ایگول بلصار
شایل هاکثـــــــر طعنات بلصار
ابعدد جیش الــکفر بلغاضریه
کلمات الشاعر الادیب سالم الساری
