کلولو فی زجــــاج ابضی شرفنا
وبحسـام العز علی الدنیا شرفنا
لون تدری ابضفاف الذل شرفنا
اگلوب اسباع متحـــزمه ابمنیه
النصـــر رایـــد نهر من دم یسل کون
و زلم صلبه ابضنک لازم یسل کون
الشهم لو وصــل موعدها یسل کون
ســـــــیفه وصــاح حی اعله المنیه
ماجد عنافجه
یصاحب لو تصــاحب زین لولا
تصاحب وبصحبته شوف لولا
بعض منهم یسوا ألبعض لولا
وصل فزاع یجــــدم عل سریه
یاسر العنافجه
التحـــــچی الحگ یخی گو طرت مامن
ولا ویــــــه فلیــــــح الگیــــــــت مأمن
العجب طگنی اعلا واوی الزور مأمن
ویگـــــول اســــــــــــباع شوگلت علیه
یاسر الشیخ کریم العنافجه
المضــــــایف والشیـوخ اکثرت عدنه
اوبل ماتم فرحنـــــــــه وصار عدنه
العلیه تحسب شریف السلف عدنه
اشمالا اویا لیــهل یــــرکض سویه
یاسر الشیخ کریم العنافجه
تحفظ لا تخرب السگف ودار
چثیر اگحوم هذا الوکت ودار
الو تملک من الیاقوت ودار
تظل مطلوب وتدور الحذیه
شنان عنافجه
دمع ماضل بعد بلعیـــن وشلیت
علا رکبت ضعنها بلیـل وشلیت
لزمــت دروبهم اومیت وشلیت
علیهــــم لیــــــش ما ردو علیه
یاسر الشیخ کریم العنافجه
ارید اسچب دمع عینی وشلهه
وعلی الی طلعو ابهیمه وشلهه
چم اید الدهر طگهه وشلــــهه
وقبلهه اشعمل ویه الکسرویه
لصاحب وچبنـــــه ابنار ولحگ
ولمنـــــــچر اطرده جزم ولحگ
روحه من یحطها ابگطن ولحگ
لازم کون اشربه اسموم حیه
اشکثر حلوه المنازل چــیلهنه
وعلی الوزان زاید چیلــــهنه
عتبـــی اعله الیالی چیلــــهنه
ابغفل وضعونهم اخفت علیه
یهل تنشـــد علی اهلی وصلهم
من العدوان ماواحــــد وصلهم
افاعی وکل وکت تنفخ وصلهم
شبـــــه نشّاب یوم الموزمیه
اعاین بلـــــنزل ماشــوف منهم
وعلی العدوان ارید ایزید منهم
اطگ العــدو خله ایگول منهم
ولا اجـــــــفی وخلی العار لیه
هلی شیالت الگمگم ودلــــه
ترا العنوان هاونهم ودلــه
هلی یا نخل المسگم ودلــه
ثمر للزین ولـــذاته وفیه
ارید ابنــــــی دیار اهلی وعلها
وخلی الشـــامت ابحیره وعلها
الریاسه اترید مو غافل وعلها
رجل وهـــــام یوم الموزمیه
شوف الدهر طشرنه وفینــــه
وچنـه ابروض گعدتنه وفینه
علی التحشوم طرینه وفینــه
شبکنه ارماحنه بلموزمیــــــه
ابیوم الکــــــــون شدینه رکبنه
وسوانی العالیه الصعبه رکبنه
اسود وبل وغا نعگــــــل رکبنه
الموت اهون من العیشه الردیه
الک مرســـــــــول انا ودیت لازم
ویدی اعله الگرص خلـــــیت لازم
الگصدنی ابشر اریده ایفوت لازم
ارد شره علیـــــه بلمـــــــــوزمیه
الشاعر شنان لطیف عنافجه
ابــلیل اضعـــون خــلانه حـدووین
وانــه گلبی ابجفا احبابه حدووین
المسیرارجوک یل حادی حدووین
رجـــوع الهم بـــعد لـو های هیه
یاسر ابن المرحوم شیخ کریم العنافجه
نسو طبــــرات اهلنا من دمنهم
اونسو خیل الاصایل من دمنهم
بعدها اجیال ماضی من دمنهم
اوبگه اصباب رمز الکل قضیه
من کلمات الشاعر الادیب یاسر شیخ کریم العنافجه
اشوی هونک یهل تحدی یملهم
اعزاز و لا تظن گلبی یملــــــهم
اشما طال البـــــــعد بعده یملهم
الگلب وینوح نوحه ابلاوعیــه
من کلمات الشاعر الادیب یاسر ابن المرحوم شیخ کریم العنافجه
