الغیره حرمه و لاذت ابچف الکفیل اوطلگت الدنیه اویه امه ابمولده

و المرایل من بعد حامی الدخیــل اسنین بفیای الچفــــوف امشرقده

حکمه ندری ابمولد العبــــــــاس اکیدا اوخلو تاریخ الولاده انجدده

افضل انزهره مامن لل امیـــــــــــــــر بس خطب ام البنین الماجده

یدری تنجب ولد لعیون الحسیــــــــن و المرایل بسمه تبقه امقیده

او یدری زینب تمشی بحماته ابدلال اومایمسه الظیم بجیوش العده

اویدری کعبة خوه یبنی اعله الفرات اونفس ذیچ الکعبه تبقه امشیده

صار عباس اوحیه ارسوم الظنون بی رسم ماخاب ضنوة حیــــــدره

حیه الفقار گالو بطفوف ابهل سبب مذکور سبع الگنطـــــــــــــــــره

هیمه چانت کربله ابذاک الــــــــزمان لچن منطبراته صبحت مگبره

الروای ینقل عل گمر فدشی عجیب خیبـــــــــــر الکرار عشط کرره

ابخیبر الباب انقلع بید الامیـــــــــــر اوخله فرسان الخصیم امطبره

یوم شال النهـــــــــــــر بلیود الکفیل خله من حیدر عله شط تذکره

چان یحسدروس چن حسد الزروع ضل سوال و مادرینه اشصبره

وحی عل عبــــــــاس ماینزل محال لچن من احسین طارش خبره

احنه ب امر الباری اگلک یل کفیل نبقه مذبوحین کون اعله الثره

حته دین الله بینه ایکظ مسیر اوجیل من جیل ابمصیبـــــه انذکره

ابعیده سابع ضلت اجیوش الخصیم روح گل عباس اضنن مادره

من سمع عباس حس احسین صاح یا گمر هاشم یراعی المرجله

وصل حداعمارنه اوراد الجلیل حب یرانه انضل ضحایه ابکربله

انته یا عباس وفیت العهـــــــود او وگفتک عنزت راس ام العله

انته سویت الی موصایر اکید اگبالک الاجســـــــاد عدله امجبله

مـــــارد العدهم درع یحمی الخصیم اگبال نعل المهر دنگ قبله

انته واجهت ابحرب حربین اشوف بس خلل مابیک لاح اومشکله

العطش اکبرحرب یالک بطفوف اوحرب وی سبعین الف وتجابله

انته تاریخ اعله بدک سجلیت اومثل قــــــــــــــران المجید انرتله

اوزینب الحــــــــورا عگبک ماتضیع لئن یا عباس امهه امکمله

اوین ما تمشی یضل راســـــک رفیج الهه و بیالک تضل امشیله

من کلمات الاستاد الشاعر جاسم ابن اغلامعلی الحمیـــــــــداوی