أصـــــیح بل فریـــج إبصوت حیهم
او عله إلسلبو عگلي إبوسط حیهم
إلموته إسمــــعو لاچن یخی حیهم
فلا سمعـــــــــــو ولا ردو علیه
إبو عارف نیسي
عـــشرتي اویاک چانت ورد ونخال
إبرمح هجرک دلیلي إنطعن ونخال
شغـــــــــربل بلربع یا ناس ونخال
إذا حتــــــــه إلاُخو خاین بخیـــه
عادل خلف إلساري
عـســل یـل تـنـشد إلـخوان مرهم
او شریهم لو یطب إحشای مرهم
أریـد أوصیک یا خی دوم مرهم
إخوتـــــک لا تظل إبلا تچیـــه
من کلمات الشاعر الادیب ابوعارف النیسی
أگل للأهل گلبي إنعجــــد حل وین
نزل یا گاع ضعن إلولف حل وین
إشکثرربنه خلق یاناس حل وین
مثل رسمــــــــه أبد ما مر علیه
من کلمات عادل خلف الساری
الحشمه للتقی الشامخ
ابحکمه وزهد عنوانه
ایفزع لوحشمیته ابضیج
لوطبیت دیوانه
یابیرغ شرف یالماطوتک ریح
یاهیبة مضیفه وصوت فنجانه
من وگفت علی الکرار
من فکرالذبیح العله بنیانه
من نهج الشهید الثار
یاحادی الرکب یالصرت سفانه
خجل والرکض وی العار
رغبته یحرق التوحید بالسانه
وک مات الجهل واحنه ابحصاد الخیر
غیمک مو وکت نگاط نیسانه
اذا وکته گصیر وتاه
کلمن بدل العنبور بدنانه
وجرعنه الوکت بالجاهلیه اهموم
وفرقنه الجهل من سادت اعوانه
ولمتنه الرساله وخاوت البلدان
لجل الدین نصعد عالمنایه ابوجه عدوانه
وصگرنه التاه چفه اسنین
رفض ذل الملوک وعاد لخوانهالشاعرعبدالحسین الباوی
يا علی حبک کنز کلش ثمين وليحبک بلذهب ماظن قنع
وليضدک مده يتعله چثير ومن تشوف اهناک عل هامه وگع
وليدور حبک ابکل الزمان اشمايحبک ااکثر اشويه شبع
انته الاول من يگول انته الاخير تيهه احسابه وله الاخر رجع
انته سيف الله عايدت النفاق ومن تهد عل کافر الوحده انصرع
من تحل بابک اله الخالق طريق باب خيبر شاف بابک ونشلع
انته ويه الحق صرت ولحق معاک انته صوت الحق ييحدر ونسمع
انته مو انسان حتمن انته نور ومنهو غيرک يا علی ابکعبه انوضع
انته حيرت العقول ابمستواک و کل عگل بهواک يا حيدر خضع
عدنان العبادی
کلمات ابو عارف النیسیعلیـــــک احشای گدالهم بهندای
و ذبحنی افراگک الیکتل بهندای
اصیح ابصوت ماتسمع بهندای
رجه وبحه وونین و مهضمیه
چنت ورده و انا ال ویــــاک کلما
و علی وسفه تدیرک غیض کلما
صرت مدمن علیــک انوب کلما
تصیح التفت حسبــــــالی علیه
الو مجروح اجی ابعینی و داوی
جرحک و احترگ لجلک وداوی
داوک کل وکت رابــــــح وداوی
ابخساره وبس انا الطگات بیه
تهودل و الزرار انفتـــــــــگ شی بان
انثنـــه وشعرات راسی اسود شی بان
تخوصر شبر خصره احشای شی بان
ابنـــــار ابحین عینـــــــه اشرت لیه
انگطع من سم جفه الخلان بتل
دلیــــل و گلبی صار الحزن بتل
ابلضه افراگ الاحبـه انوب بتل
الالم چانون احس مشتعل بیه
اصبــر جف المــــــدامع دمــــه کتان
علی الی روض ریجــــه ابطعم کتان
علیک ابصوت صحت ارجوک کتان
الهجــــر مر لا تشب النــــــــار بیه
من کلمات الشاعر الادیب رمضان العگیلی
یبحر إلمایجف مایک ولاشف
أعاین بإلورد مثلک و لاشف
علیل اولا دوا إلعلتي ولاشف
إشفای إنته یهل مبعد علیه
***
گصگص إلدلال بیدک حشه لي
هاک بإلحب وإلموده حشه لي
من تسولف بإلخیانه حشه لي
ما أخونک یا حبیبي للممات
من کلمات عادل خلف الساری
مرگ ریم العلیه اعیون کشاف
اخذ عگلی ولعد سرای کشاف
السمع بیه ابد میصیر کشاف
حسنــه اشلون یشبه لثــریه
من کلمات داعیکم رحیم المنهل الحمیداوی
الک ربده ابوسط گلبی ولک دچ
وتگل لشایل الخنجر ولــــک دچ
اجیتک شایل اهمومی،ولک دچ
شیــــبی و زوِّدت همّی علیـــه
کلمات ابو عارف النیسی
یورد إلما ذبل ورگک ولاعود
لا مسچ إلوصل طیبک ولاعود
حـــبک مـــا أرد مـــنه ولاعود
أودک دوم حـــــــد یوم إلمنیه
من کلمات عادل خلف الساری - یهدیه الی ابنه العزیز بنیامین
سبحانه إلزیـنک یا ترف وسام
یمن حبک شرف للروح وسام
أشرب کاس حنظل حبي وسام
وگول إبصحتک یل خنت بیه
من کلمات الشاعر الادیب عادل خلف الساری
اعتنت ریم الفلی او یعزف حیلها
نشید او شیــــــــدت گلبی حیلها
شبت عل هــــــوا و چفی حیلها
اوقدت تنثر ورد جوری علیه
اعتنت ریم الفلا وجتنی بحلها
اواضنن یا خلگ موتی بحلها
احبها چی طلــــع حلی بحلها
واحبها چی ربیع اصبای هیه
غزاله و جذبت افـــکاری بلبها
اوخلت مهجتی اتــــعالی بلبها
اتکض ارویحتی اوترعا بلبها
اونواظرها ابنبل یرمن علیه
من کلمات الشاعر الادیب عبدالزهراابو خلیل الشحیتاوی
الگلب عندک امانه ونتبـــــــــاهی
وعله اعیونک حواسی و نتباهی
ادورابهــــــــای عینی و نتباهی
لگیتــک یل چنت غایب علیه
گلبی ناحل من غیابک ونبی
وما احب غیرک یخلی ونبی
ال ما نبی دایـــم یبینه ونبی
ماشی عنی وبس ترکلی اذکریات
روحی من یوم المفــــــارگ هایمه
ها گربهه الموت بعــــــدک هایمه
ها یمه ادموعی امسحتهن هایمه
اجروح بیه و بل صبر متکفنات
من کلمات عدنان العبادی
سلامٌ علیکم و حیَّّ ألله جمیعَ ألشعراءِ ونتمنی إلمزیدَ مِن إلمشارکاتِ .
یجنه إلــماذبل وردک و نخلاک
ذلول إلحب برک یمک ونخلاک
شغربل بیک یا خـلي ونخلاک
مو کلک ذهب صـــــافي إلیه
عادل خلف الساری
نزار قبانی
قولي احبك
بگو دوستت دارم
كي تزيد وسامتي
که زیبارویی من افزون گردد
فبغير حبك لا أكون جميلا
زیرا که بدون عشق تو زیبا نخواهم بود
قولي احبك كي تصير أصابعي
بگو دوستت دارم تا انگشتانم
ذهب و تصبح جبهتي قنديلا
طلا و پیشانیم بلور گردد
ألان قوليها ولا تترددي بعض الهوى
حالا این را بگو و تردید مکن زیرا که بعضی از عشقها
لا يقبل التأجيلا
تاخیر نمی پذیرد
سأغير التقويم لو أحببتني
اگر مرا دوست بداری تقویم را تغییر خواهم دادد
أمحو فصول أو أضيف فصولا
و فصولی به سال اضافه یا از آن کم می کنم
وسينتهي العصر القديم على يدي
و عصر قدیم به دست من پایان خواهد پذیرفت
وأقيم عاصمة النساء بديلا
و به جای آن پایتخت زنان را بنیان خواهم نهاد
ملك أنا لو تصبحين حبيبتي
اگر مرا دوست بداری من پادشاه خواهم بود
أغزو الشموس مراكب و خيولا
و خورشید را مرکب و اسبان خود قرار خواهم داد
لا تخجلي مني فهذه فرصتي
از من شرم مکن زیرا که این فرصت من است
لأكون بين العاشقين رسولا
که رسول عاشقان باشم
منقول من مدونه آدونیس
و حگ الصوبو عینه و جفنه
یوم الکون لل صاحب وجفنه
لون الـــــدهر نشفنه و جفنه
نضل ارسوم و نحامی الثنیه
چـــــف الهم یصاحب گام یملای
اوقده دمع البیابی اشطوط یملای
امس چان الیقــــــور البید یملای
صبح مطروح حمله اعلی الوطیه
قدت حالی ترانی ابحال صفصاف
اوعودی من هوان الدهر صفصاف
فرد مره علیه اجنــــــاح صفصاف
بلاوی امنل سمــــــا طاحت علیه
من کلمات الشاعر الادیب عبدالزهرا ابوخلیل الشحیتاوی
من صوب النزل شع نور یمطور
سینا البی شمسکم زهت یمطور
علی سلمه الدمع دم دوم یمطور
جره امن اطرور گلبی و عمل بیه
من کلمات الشاعر الکبیر الاستاد ملافاضل السکرانی (حفظه الله)
مانسیتک یاحبیب الروح صدگ مانسیتک
مانستک ونته بس انته الهویتک مانسیتک
انته دمعت الم بعیونی الحزینه ومابچیتک
ونته سر الشوق مدفون ابدلیلی وماحچیتک
ونته دایم تجرح ابروحی الحزینه وچی احبک ضحکیتک
انته رب وادی العلاقه گتلی احچی وکلمیتک
گلت سمعن گلت طاعن گلت امرک ماجفیتک
انته روحی ونته عمری ونته کل عزت حیاتی الضیعتک
شو انته اترکتنی اشما ادور اعلیک اکثر مالگیتک
مانسیتک یا حبیب الگلب صدگ مانسیتکالشاعر عدنان العبادی....الکوره
عندی لک چم هوسه من قبل الاخ علیرضا الحمیداوی عبرالرساله اجن
لی فی مدح عمامی بنی طرف وایضا رد جوابی اله داعیک احمد طرفی ان
ینال یعجبکم انشا الله*
احمد طرفی**
فرق بین الیگلک انه عد عیناک او متبره امن اخوته و ساکن اخیّمه*
او فرق بین التشوفه صاحب الکلفات ابن ماید نسل عدنان اخوشمّه*
طیب و مرجله وغیره وحمیه اهناک معروفه ابکرم اسمه*
(والناس اتعرفه احمــــیـداوی)
فأاجاب علیرضا حمیداوی**
الفخر الکم سلاله طی طرف احیود اهلک من ظهور احیود*
اخصن بلذکر ارجال حی سبهان نسل کهلان اهل علیه وفخر محمود*
اسمکم بلکرم والطیب متعله والکم رایه بیضه وماترید اشهود*
(تمتاز اباسم الطرفاوی)
احمد طرفی**
احبن گعدت الدیوان واحب الدله والفنیان*
واتنومس بهالی الزود منهم خیبر العلوان*
اهل شمه اهالی الزود والهم بلکرم عنوان*
(عنوان العز واهل النیبه)
علیرضا حمیداوی**
محروسه ارض اهلی، بلشجعان محمیه*
تحیه من عمامی احمید الی اسباع الخفاجیه*
اخص اهل الکرم والخیر بنی طرف الافاعیه*
(ابیوم الشــــد زامط بیـــها)
فأجاب احمد طرفی**
کفو یَهــل الشّیم والجود واهل المرجله حیاک*
شبل خیبر نسل ماید کل احــــمید تتنخاک*
بسم علیه وزلم ســـبهان کل الگوم عد عیناک*
(بس تأمــــــر واحد تلگانه)
وشکرا**
لما اشفافک دوا العلتی منعته
طبیبی ابیا سبب منی منــعته
جواد العقـــل هایملک منعته
یگلی ارخی رسن لاتعت بیه
عرفتک من نظرتـــــــک منتهاوی
العشگ و سرای عمری منتهاوی
الوکت لو من علیـــــــه منتهاوی
الگلب بس انته منتک عار لیه
اخبـــــــــرک ما صنع گلبی لمشفاک
فگد وعیـــــــه و یرد روحا لمشفاک
اعله بختک یا خشف مرا لمشفاک
دخل ارشف عسل شفتــــک بدیه
اصیح ابصوت وی قلبی جدایل
عفتنی و لا تحـــــل یمی جدایل
کافی ارجوک ماریــــدن جدایل
لما اشفافک دوا العلتی الخفیه
من کلمات الشاعر الادیب نسیم النبگانی
إلزین ما یگطع بخیه مر أخا
حبل وصله حیل شده ما رخا
های دره بإلفضایل إمورخه
خلهه ترچیه بذانک یا فلان
یا زمان إلعیب بینه یا زمان
من کلمات الشاعر الادیب عادل خلف الساری
ریمـــــــــــه او فاتنه العالم حلتها
او جــــــدایلها السبب قتلی حلتها
نبت و سمعت قالت حلتــــــــــها
صدفتی اویاک وحدی ابهل مسیه
ابو خلیل الشحیتاوی
وحگ الیخرج المیت من الحای
البیابی یاخلگ راحن من الحای
ابسب ناس المجدشحومن الحای
او هجرهم کل جمر یمطر علیه
من کلمات الشاعر الادیب عبدالزهرا ابوخلیل الشحیتاوی
علی ادروب الجفوا عینای ربان
وسوالفهم مرض بحشای ربان
صفت روحی سفینه ابغیر ربان
ویخور الروی ضل ابکیفه بیه
من کلمات الشاعر الادیب رمضان العگیلی
.jpg)
سلامٌ علیکم اُحیی جمیع الشعراء ألذین یشارکون ویساهمون
بأشعارٍجمیلةٍ وأن شاء الله لا تکون هبة دون إستمرارٍ و دوامٍ والله ولي
التوفیق :
وحـگ إلنـبي و أصـحابه و زهراء (س)
إلحقد للدین سم صدگ و زهراء
عگــلک بإلعـــلم طــوره و زهراء
تــحط جدمـک عـله إتراب إلثریه
«صلّ أللهُ علی محمّدٍ و آلهِ وصحبهِ إلمنتجبین»
إلگلب إبحب محمّد وآلـه یا خل فاطمه
لو یمیل إلغیر ودهـم گبر أحــفر فاطمه
إلهادي ألمختار أکّد بضعه مني فاطمه (س)
زهرا هیه ، ضوه إعیوني بإلحیات
من کلمات الشاعرالادیب عادل خلف الساری
اذكريني...
اذركرينى عندما يأتى المساء
اذركرينى... كلما لاح القمر
ساهراً ليلى وحيداً
فى متاهات الضجر
اتركى بعض ذكرى
فى حكيات السمر
اذكرينى يا حنينى
فى صدى الناى الحزين
فى رؤى طيفٍ عَبرُ
بجنون الريِح فى ليل الشتاء
بالندى يلثم اوراق الشجر
اذكرينى كلما ناحت حمامات الربى
و تهادت فوق شيا كك الوردى
حبات المطر
كلما و فرف عصفور وحيد
وتناءى فى المدى نجم بعيد
خلفَ اطراف السماء
فوق اهداب السحر
فأنا روحٌ تسامت فى هواك
فوق كل الكلمات
فوق احلام البشر
السيد محمد حسن الشبرى
منقول من حلم کارون
قد قال الشاعر توفیق النصاري الکعبي مباراة لهذا البیت الفارسي
نیش خویشان ازنیش عقرب بدتراست
پس بزن عقرب که نیشت بهتراست
طبگ عمري ترسته من گرصتل
مآسي وگلبي بي هم من گرصتل
گرصة الاحباب اکلّف من گرصتل
عگارب والعگارب سهل لیّه
من کلمات الشاعر الادیب توفیق النصاری - مدینه الفلاحیه
امسودن الهج اباسمک ورتل
یمن حزوا الک صبرک ورتل
خذونی امشبگ او یرو ورتل
شفت صبرک ینازع علوطیه
کلمات الشاعر عبدالحسین الصالحی
اعتنه خشف الفلا اوجانی بحیله
امظمرو الجـــــــــعد رادم بحیله
دفعنی او فلش اضلوعی بحیله
اوکتلنی ابخال خده الیشع ضیه
من کلمات الشاعر الادیب عبدالزهرا ابو خلیل الشحیتاوی
الخوه مو لرکبه حـدهه اگواش لو لذت سبح
و العرف قیمت الخوه قـــــــزر ابعینه الملح
لحم رگبه ایصیر لازم لو وصل وکت الذبح
ما یعزل لحمه امنعظامه
من کلمات الشاعر الادیب الدکتور مهند الطایی
سلامٌ مِن الرحمنِ لِمَن هو الکاشفُ والمکملُ لمعجزةِ إلبیانِ أی المعلّم
یومُک سعیدٌ ومبارکٌ وسعیُک الجبارُ في مسیرةِ التربیةِ والتعلیمِ
مشکورٌ و أللهُ یَجزیکَ عنّا خیرَ جزاءٍ لاشکَّ ولَکَ ما یَلي
إنطیني آلامک أجمعـهن مع ألمای
اوعیني إدموم هم تبچي مع ألمای
أگوم أحني إلظــهر لجلک معلمای
لأن منک یـــشع نــــور إلـــهدایه
من کلمات الشاعر الادیب عادل خلف الساری
هوسات بمناسبه زفاف الاخ مسلم ابن المرحوم شیخ داود الحمیداوی
فی مدینه ملاثانی فی یوم الخمیس ۲۸من نیسان عام ۲۰۱۱ المیلادی
یوم ۲۴ من جمادی الاول عام ۱۴۳۲ الهجری القمری
لچنی العسر و انجبریت احوفن مستحی اببختی
و تلثمت ابتوالی اللیــــل و طاللت بسلف طلتی
شفت شیله اعلی حایط ناس بس اتذکریت اختی
غطیت الشیله ابچفیتی
سید حکیم الشبری
لچنی العسر و انجبریت احوفن مستحی امنل ناس
طبیت اعلی بیت ایـــــــــواد بس اوداعت العباس
حسیت المـــــــایه اترید اتذب الشیله من الراس
صحتله اب بختچ خلیه
صاحت منهو هذا ابلیل دش بیتی ویحلفنی
سبحان الله مات اسنین ابنی و انت مثل ابنی
ردیت ابوجه عرگان یا یمـــــه العسر لچنی
خلانی اطفر های الطوفه
حسن ابوفلاح الزهیری
شمـــــه اهلچ ابیوم الضیج کلهم بلمعاره احیود
و داود ابعــــــــــــزم سلمان رد الملاثانی اردود
میت صگد صار اسنین بس محد یحس مفگود
السل خلف سل شاهدنا
میت صگد های اسنین داود و رحل منـــــــــهان
بس رده ابوگفته اردود لهله و من وگف سلمان
الـــدلال اتحزمت من طاح حیهم هوس الفنیان
بلملعب داود ابروحه
حسن ابوفلاح الزهیری
احفظ شرف عز اعضاک و اوگف ب اول السربه
و بالک زورک اتگصه ابمجالس لو شفت غربه
تدری اهل الاصول اتگول العنده ابخوته طربه
ایضل متاخر ما نهوا
عامرالسعداوی
علی یا دنیه صولی ابزود العبی اشلون ماردتی
و اسمعچ هات من ستار علتــــه اتشابه العلتی
صولی یا دنیــــا علیه و العبی
و گلبی ابنیران غدرچ و العبی
اظل افخر بل امــاجد و العبی
حیث لبسنهن خواتی الماجدات
اضل افخر لحد الموت ابعبایت ستر خدر اختی
لبسته و لاگت علهامه
رمضان العگیلی
تعال اتـــگرب الحضنی لاتبعـــــــد یبن عمی
و خل نتحد عل الکلفات یل دمک نفس دمی
لا تفگة شماته اترید فتنها اعلا الاهل یرمی
و اتضیع خوت ماضینه
حمید العیدانی
حـــاتم بل کرم معروف و ابدا ما یرید اشهود
لچن حاتم بـــــذل بل مال ما گالو بذله ازنود
بس ابکربلا العباس دگ حد الکرم و الجود
شال الشط لخته ابچفینه
الو تسمع اصایل خیل تسهل وسطه الحومه
حتما عل الظهر خیال عدهه اتزامط ابیومه
طبع خیل الاصایل هاذ بس الترهب اعلومه
تسهل بل ملعب جدامه
مد روحک جسر لعضاک و الهم خله مشتاگه
و ایضا خل حنینک کون یشبه حنت النــاگه
الصگرمهمایرید ایصیر لو ماعنده سبــاگه
حته الخطافه اتشل حاله
سیست لل خوه مرمر و حیطت حایط وفه
و عنزت گم گم مظیفی ابگهوه تنگط معرفه
شربت خطاری منها صاح ممنون و کفه
و ابهای اتعنز عنوانی
مرمر سیس الوجدان و حایط لل شرف علّی
و عزت نفس کل مصباح لازم عندک اتخلّی
هوس لو شفت عیال عمــــر الباقی ایولّی
و الموت ابعز اتعناله
قاسم ابو میلاد النیسی
الوفی و صاحب عقل یا خوی لهو الدهر ما یلهیه
ابسبب میمرجمیل اهوای قاسم نیسی الک حاچیه
کلمن ذکی ابلهو الدهر مایلهه
ویعدل یخی لهل الشرف مایلهه
ابوکت العطش یصبح عذب مایلهه
او وکت الحرب یسگی الخصم دم احمر
هذا اللی یریح البال و تگدر حارص اتخلیه
و اتامنه البیت او مفتاحه
نسیم النبگانی
وارجو التسامح من جمیع الشعرا الذی کانووساهمو فی هذا الفرح و ما
حصلت علی جمیع اشعارهم و هوساتهم الجمیلات
رحیم المنهل - دیوان ملاثانی
مقطوعه فی حق الامام علی (ع) استجابتأ لطب الدکتور الغزی علی
نشرها فی دیوان ملاثانی. اسال الله ان یمد فی عمره کما اتمنا ان تنال
رضاکم
ذهب صافی
علی ما تنوصف والیوصفک چــــــــــــــذاب
علـــــــــــــی نفس الرسول اتوصفت والباب
علی بحــــــر الکرامه المایعــــــرف احدود
علی یعنی الشجـــــــــاعه ومرجله وخنیاب
امنین ابدی ابعلی بالـــــــــکعبه مولد چان
وابیت الــــــــــرسول وحضنه شب وشاب
بعل بنت الـــرسول ووالــــــــــد السبطین
وقالـــــع باب خیبـــــــــــر ماتهزه اطناب
بچای ابصلاته وبالحــــــــــــرب ضحاک
وبالصد یکرحیــــــــــدر ما هوه ولاغاب
مرحب جنــــــدله وبارز عمربــــــن ود
واتعله اعلــــــه صدره الماعلته ارگاب
ذهب صافی یحیــــــدرخصک الرحمن
وباقی الناس کلهه انخلقت امن اتراب
الشاعرعبدالحسین الباوی
سلام وتحیة خاصة لأخي رحیم ألمنهل صاحب ألفضل ألتام علی ؛
وأیضاً اُحیی ألاخ ألشاعر توفیق ألنصار و بلنهایة اُقدم ما یلي تعلیقاً علی
بیته إلبدیع وألله ولي التوفیق .
آنه أحبن چلمت إلـحگ لو علی
إمنل گطع و إلغیظ یاخـل لوعلي
لا تذمني صـــوت نوحي لوعلي
حیث ما ضلت مـــوده او لاحنین
یا گـلب بسک بــــعد من إلونین
عادل خلف الساری
إلیال هجرک سود ظلمه مالمات
و إبرخص بــعت إلموده مالمات
زهگت روحي او تنشد مالمات؟
لفلفاني إلــــموت خلي من جفاک
یا سماک إشکثر عالي یا سماک
من کلمات الشاعر الادیب عادل خلف الساری
من خــــــده ولفی اتمکنت بستانی
ومنه ازدهر وردی وعمر بستانی
اعلیــــــــه احشم یاترف بستانی
من الشفایف بوسه راید یشــگر
من کلمات الشاعر عبدالحسین الباوی
الگطع والغیـــــــــــــظ صایر هسفن
وکثرت ابحچي الأهـــــــالي هسفن
سارن ابمــــــــاي التخلف هسفن
وفتني الماخاف من فوت الاوان
یا زمان العیـــــب بینه یازمان
توفیق النصاری
الصبر مصبـــــــــاح لب الشهم یهدای
در فوگ الثنـــــــــــــایه بنظم یهدای
الکظم غیظه و بذل یا صاح یهدای
جسر تتعلگ بثوبه الحمیــــــــــه
من کلمات الشاعر محمد عامر الزویدات
منقول من مدونه کارونیات
سلام وتحیة خاصة للأخ ألعزیز إبن إلدورق وارجو إلسماحة من إلشاعر
إلأخ توفیق نصاري لتفاعلي ببیته وجناس مفردة هسه لف ولکم مایلي
إلخوه چانت صدگ عدنه هسه لف
إبنیـه وحده چنه نمشي هسه ألف
إلجــهل و إلحــقد حــرگن هسلف
بــعد ما ضل بسـلف خــــیر او أمان
یا زمــــان أرحـــم إبــحـالي یا زمان
عادل خلف الساری
فتحت اجمل اوراقی
لگیت عمری الباقی
لگیت اسمی یضم اسمک
و احبک داخل اعماقی
من کلمات الادیبه شمس الاحواز
چنه جد جد من نسـولف هسلف
وحده چانت کلمـه عدنه هسلف
اشتبش فتنه ومشــاکل هسلف
والعدل ماظل یخوتي العدل مات
یاحمد شجر الهظیمه یمّره
ولاتذیع اسرار اخیّک یمّره
بالثگل نخل السفاهه یمّره
یاحمد تعرف عثوگه امغبّرات
حوک عمري إعلیش گطعک بسّله
والوصل من صاح صّیـــــح بسّله
لاتظن چبــــــدي صدودک بسّله
اتوذر إب إصلیت گطعک مات مات
من کلمات الشاعر توفیق النصاری
ارکایب من سرن بعضـــــای ونحن
جفونی و راس گلبی انصدع ونحن
ضلعی و بس بگیت انتحب و نحن
علــــه الضلت منازلـــهم خلیــــه
من کلمات الشاعر الاستاد الکبیر اغلامعلی الحمیداوی
قســــــــــم بل نــــزل القران بصـــام
جبت روحی الحضرتک نــــذربصام
الگلب تدری اشکثر بصمات بصام
الــــک و انته ابنظرتبــــخل علیه
من کلمات الشاعر الادیب قاسم ابومیلاد النیسی
هات جمیل فی حق ابوالفضل العباس (ع)
مایـــون الثـــــــــــکل مثلی مایون
اوبیه ظعن الضیم مهتــــــم مایون
وین عمی ووین جـــــوده ومایون
عل رمح راسه وچفوفه امگطعات
من کلمات الشاعر ماجد الدسمی
تدری بیه اشــــگد احبک لوردت تعرف بعد
گلبی من یوم العفتنی عافنی ابابــــــک گعد
های خلیهه اعله بالک لوردت تنسه الوعد
میت یم بابک تلگانی...
شمس الاحواز
بینی وبینـــک مسافه والدرب ماهـــــو جریب
لچن لـــتفکر نسیتـــک لوشفت غیرک حبیب
لاوحگ عیناک صدگ جرح هجرک ما یطیب
او رسمک ابعینی مکانه وماقبل لحظه تغیب
هو صـح کلشی تغیـر و امر دنیـــانه عجیب
والشریته ابکل حیاتک عافک الوحدک غریب
وهو صح الغنــه گایل العشگ قسمه و نصیب
بس دگلی اشلون ترهم بشر ویعاشرله ذیب
الدلیل الویـــل صاح والدمع من جفنی طاح
والصگرمهضوم یشکی ایلوع من کسرالجناح
وگام حتی الطفل یصرخ یاحسافه الماضی راح
والی مــــــتهزه العواصف هزته الیوم الریاح
من کلمات الشاعر الادیب علی ابوشروق الطرفی
انته کل ابیـــــــات شعری ونته هات
ابد ما خـــــــاویت غیرک ونته هات
لا تظن عشرتنه خلصت و نته هات
توهه مبتدیــه و نهایتـــهه الممات
×××××××××××××××××
گلبی من طاح ابغرامـــــــک مالفه
ولا تظن روحی اویه غیرک مالفه
جرحی ما ضمده ابغیــابک مالفه
اجروح گلبی من جفاک امخزنات
نشکر الاخ العزیز حاتم الساری علی هذا الرساله الجمیله
حزن گلبي إتلول مــــــــحد یانسه
یا رجال إشیل هـــــــــــمي یانسه
ریـت حوت أسکن وجاور یونسه
حیث ذاک إلچنت أحبه بیــه خان
یا زمان إرحم إبــــحالي یا زمان
من کلمات الشاعر عادل خلف الساری
