اجمل دارمی عید الفطر
ارسل احد الاصدقاء (الشاعر عقیل النیسی ) دارمی جمیل بمناسبت ترحیب عید الله الاکبر
عید الاسلام والمسلمین عید السعید الفطر
المبارک من کلمات احمدجاسم الهلیچی
و طلب الجواب لمساجله اجمل دارمی
لهذا المناسبه المیمونه :
باچر یجینی العــــیــد جـــاوب یخلی
عیدیتی شنهی ارجوک من هسه گلی
احمد جاسم الهلیچی
کل الگلب والروح فـدوه او حلالک
من هسه مو بل عید عیدک امبارک
عقیل ابو مسلم نیسی
باچر یجینه العید و آنه اعلا حالی
وینک شهر رمضان ون و بچالی
سالم الساری
عیدیه آنــــه انطیک مو هسه یلحگ
بوسه ابترافه و شوگ عشفه تلصگ
مصطفی هلیچی
یل بشرت بل عیــــــــــد قبل الیعیدون
عیدیتی الک بوسات کل ساعه ملیون
عیدالله و امعیدین و االفرصـه فرصه
خلینی ابوس اشفاک و آخذلی گرصه
عیدیه منی اترید و انتـه امنهلهه
عیدیتک الدلال و اهروشه کلهه
رحیم ابوجساس المنهل
بس مرنی یوم العید سکت الیکرهون
عیدیتــــک الدلال و اثنیــــن العیون
صادق ابوسامر الساری
لوابگه کلی اجروح تدری اشاغنی
عیدیتــــک الدلال و اعیونی ذنـی
قاسم ابومیلاد النیسی
العیدیه وردة یــاس و امباوس اخدود
اوشبگت ولف ولهان حدگطع الزنود
عزیز ابراهیم البریهی (ابوعبیر)
عیدیه بوسه اعطیک و اخذلی بوسه
ولومانــعت بل باب واعچلهه هوسه
فرحان صیهود الشریفی
باچر یجینی العیـــــــد و اتخیب الآمال
واردود ایرد وایروح وآنه اعله هلحال
توفیق النصاری
باچر یجینه العید وانزور الاعزاز
عیدیه ادز بوسات گد نخل الاهواز
بدر النصاری مدونه فلاحیتی
عیدیتک ابهل عید حضنه او یبوسات
لو ترضه تالی اللیل هم نبگه و نبات
مصطفی آل کثیر مدینه الحر
اطلب یغالی وگول شنهی الیفیدک
ونژیبه قبل العید و انسلمه بیدک
طعمه ابوولید الساری
اعیونک نهر کارون طولک عجایب
اوبیّن اهلال العیــــــد بین الحواجب
باچر یجیـــــک العیـد وافرح یخلی
عیدیتک البـوسات من کرخة اهلی
باچــــر یجیـــک العید بدیار اهلنه
اوبمضاعف الهوسات کثف شملنه
عیدیتک الدلال و ابتــــوته کلهن
ومضاعف الطیبات انته امنهلهن
باچر یجیـــک العید و اهتم یشاعر
برض الکرم والخیر زید المشاعر
گمره او هدس هوسات وامعطر البید
مدریها جنه الیوم مدری الصبح عید
عبدالزهرا ابوخلیل الشحیتاوی
عیدتی الـــــــک بلعید بوسه الوجنتک
ورسم الک بلشوگ بسمه اعله شفتک
عادل خالدی
عیــــدیتــــی هــــذا العــــام بس للیتیمه
وعیدیتک ادعی اتکون صحتک مدیمه
ابومصعب
تمم شهر رمضان واعیونی بلباب
لبسن اثیـــاب العید ویتانن احباب
دگو علیـــه البـــــاب عیدیه رادو
طفله وطفل حلوین بلبوسه عادو
منـــک اجتنی اخبار عیدیه راید
والله ابتلیت اشلون ماتجی اتعاید
عیـــدیه الک ضمیت وسطت دلیلی
اتشافی الشباب الصاح منک یویلی
جاسم سلامی
انعاید ابیا عیـــــــد وحنه انغزینه
دم یبچی عدنه العید کله من ادینه
نسیم النبگانی
العید اجانه العید بس گلی شنطیک
اترید الگلب یهوای لوعینی افدیک
جلیل شجیرات
یاعیـــــــــــد الفرح متگلی المن جای
مویومک سنــــــــــه فدساعه وایفوت
احنه اویل حزن عشرت سمچ والمای
تتم ارواحنــــــــه و نستقبـــل الموت
علی العموری
عیـــدیه منی اترید یا اغله الحباب
گلبی و شتلته العام یم عتبت الباب
عیدیت المدلول شــــوگ و محنه
وگلبی یحضنک ریت هیچ ایتمنه
بیت و عتاب و هات عیدیتک انته
ما انطی غیرک هیچ خلیها صنته
هله ابشهر الفطـــر منــــــهل ویلبی
عیــــــــد اتسمّــــــه للمـــسلم ویلبی
الواجــــب کـــــون ما یحـمل ویلبی
الگلب گصدی الگلب من غیراذیه
هلی وبـــطیب من فطرو گللهم
عـــــدهم و البــــــو گهوه گللهم
حادی الظعن بس یوصل گللهم
هلی مبروک الکم عید الطیاب
ابطرت الفجــر اول فطر عیدنه
ویوم الشرف ربی ابفرج عیدنه
احنـه السنه دون المحب عیدنه
کل النحبهم وهوه ضل لا مامر
رایـــح انتـــه گلبی لاقل بارکه
ابعیده گله الروح عندک بارکه
ریت ربنه ایکت علینه بارکه
و نجتمع کلنه و نعید اذکریات
میمر عله المطلوب چملتک ایلوگ
من حیث اریدک حیل یااحله مخلوگ
عبدالله ابوسجاد السلامی
کل وکتی اظل محتار لوجانی العید
ما ادری زین اهوای عیدیه شیرید
حسین ابو نواس الحیدری
لو مرنه عید الخیر ثق آنه فایز
اتلگه خدک شوگ ملگه العیایز
نسیم الناصری
مادام الک نشتـــــاگ مانگدر انصوم
اشنتسحر احنه افراگ لونفطر اهموم
عبدالسلام زرگانی
باچـــــر یجینه العید واحبابی غیاب
چا
شنهی معنی العید بغیاب الاحباب
علی الخرازی
مجبل علینه العیــــــد وبعاد الحباب
ما هل علی یاریت واحبابی غیاب
عدنان العتیقی
باچر یجیک العید باچر اشوفک
متاکد
انه اهواک مابیه اعوفک
باچریجیک العید وهدیلک الروح
ابتسم
استر زین ماریــدک اتنوح
یوسف
ابوماهر العتیقی
مامر علیه العیــــد طیلت حیاتی
بعد الجفانی وراح ناطر مماتی
ابوسعد
المیاحی
اطلب اشما حبیت عیدیتک اتکون
امچترلک الدلال وی یوز العیون
سید ابراهیم الغرابی
********
اخذت تلک الدارمیات من
دیوان غیرتنه لصاحبه سعید الهلیچی:
فاجاب ترکی الضبی:
عیدیـــــــــة الخلان بوسة شفایف
بس آنه بیه اجروح تلچمنی خایف
فاجاب جواد العتابی:
شوفة خلیل الروح تنعد بلف عید
عیدیه شنهو اترید من عید البعید
وقال حبیب مزرعه:
العایش ابیین اعضاء وگومه وعمامه
عیدیـــــــــه ما انطیــــه انطی الیتامه
وقال رمضان الناصری:
خو آنـــــــــه من اهوای عیدیه مارید
بس شوفته اویه الناس صبحیت العید
فاجاب نزار عوده:
میت سنه وللیوم مانـعرف العید
عیدیه تطلب جای من میت اترید
فاجاب ایوب الزرگانی:
لو تدری شرد انطیک شنهی الإفاده
العیدیه بس بل عید عدنه احنه عاده
فاجاب سید حکیم الشبری:
عیدیه شنهی اترید بس گلی شترید
عید انته وآنه اهدیک عیدیه للعید
فاجاب امین الزرگانی:
عیدیــــــه ما انطیک یبـــــــن الاهوازی
عید انته شهدی العید حته ادری اجازی
وقال محمد الجاسم الهلیچی:
لاپسه لامشبوش لاعندی هوسه
عیدیتی الک بلعید یا ولفی بوسه
وقال نسیم الناصری:
لو تم شهر رمضان والعید اجه وعاد
اتصور البـــــــــوسات گد هادی آباد
فاجاب لفته فریسات:
آنه ابحزن وابنـــــــوح تلگانی بلعید
بس اعتقد انطیک کلشی انته الترید
وقال محمد الباوی:
محتار انه اشئنطیک عیدیه وتروح
بس الم بس اهموم بس عندی اجروح
وقال سعید الکاظم الهلیچی:
راح اطلع الدلال محبس اسوی
ابعید الفطر یهوای بیدک اخلی
*******
قالو اجانه العيد بس ماشفت عيد
وشلون اعيد العيد ولبي وفه ابعيد
مهدی عطشانی
امحسب آنه احساب لوعید اجانی
عیدیتک اهیه الروح وابعث تهانی
ناصر جاسم الحزباوی
یتیم ایجدی عید و گلبه مکسور
نطیته افلوس گلی الوالد اغله
نسیم الناصری
اهلا ابجــــيت العيد فرح وهنه ايدوم
افرش الروح اسماط وأذبحله الهموم
مهدي عطشاني
عید الله و الاحباب واجب یمرون
مانقبـــل احنه العید بس بتلیفون
رحیم المنهل الحمیداوی
واجب علی یا خوی بلعید امربیک
یا بو کلام الزیـــن بعیونی اخلیک
عادل خالدی
