صفنت غريب ابلد موحــــــــــــش جفنهه السهر
 
مبحوح صوت الـــــــــــدمع من تكح عينه خجل

 ستر النجـــــــــــوم انهتك من طاح خيط الفجر

 ولم وجهه غيظ الصبــــــح واعلل مسيه زعل
 
 صوت البــــــــــلابل شجي وناي وحده انكسر

 ابراس الشجر خضرت شيبه وشلعهه الامل
 
 عين الصخــــــــر دمعت حسرا علماي المطر

 من نشف ريـــــج الارض دمع النواظر همل
 
 سرب الحمام اختــــــرش من گمزاه الصگر

 وانه عكس انتـــــــظر شهگه واگمز الاجل

 وينه اليـــداوي الجرح ويضمده گبل الفجر

 بات اعله شفت الملح ينـــــزف وعوده ذبل

 اعله اجروف رمشي ضمت حين الرحت دمعتي

وحلگ السواجي يبس والريـــــح کضه الكسل

 مابين ذلتي شبــــــــــــــر اوگع واهد الرسن

 بليل تاه الضوا وضم راســــــــــه جوا الجبل

 اشما عاين ابنص نهر غركان اشوفه الحچي

 بين الصدگ والچـــــــــــذب لا اكثر ولا اقل
 
 لا تضرم ابعفتي نـــــــــــارك اكلهه الحطب

بردن صحت مانفع من جدمي راسي اشتعل

 ليش اعله جثتي ذنب حطيت حين الرحت

ظنيت بيك وخبت ثاري انتـــــه كلك فشل

 يلما چواك الغدر لازم يجيــــــــك القضا

التـــمساح كلش سهل لوما يضما الوحل

کلمات الشاعر المبدع حسین ابونواس الحیدری