شیخ عبدالصمد بن الشیخ عبدالرحیم مال الله الاسدی
الشاعر المرحوم شیخ عبدالصمد ماله
ابوذیه:
اقراء اجمل الابوذیات من اشعار المرحوم شیخ عبدالصمد الاسدی الاهوازی من مدینه المحمره فی المزید:
و قال من الابوذیه:
میّه وي عقیق احمر شفتها****ارشفتهه و علل دلالی شفتها
خطت و ارخت ذوابیها شفتها****گفت وبلیلهن غابت علیه
******علیّ غابت ابلیل الشعر و خفت****و کل ساعه بگیت اشتعل و خفت
اظنهه اتحاذر النمام و خفت****نهدهه الچنت اجلبنه بدیه
******
بدیه ابنار احط روحی و ملها****ابسببب باتت ابرجواهه و ملها
ملیکت حسن من یعرب و ملها****مثیل ابجنه الفردوس هیه
******
اعیونی الدمع من کوّن ودرها****بعد شیفید جوهرها و درها
حلف عباس بلزهرا ودرها****المای ایوصله لخته الزچیه
******
بنی سد عیب ینشد حنّه حنّه ****او دفنه حسین و هله حنّه حنّه
او سوینه اعلی گبره حنّه حنّه****او عبلنه بلواچی الغاضریه
******
و حگ المیم ح و المیم و الدال****اسمکم هادی اعلی الخیر و الدال
الال انتم و علینه وجب و الدال****رسول الله النبی سید البریه
******
اشتظن بعد اترک الحسبات ولهه**** بعد اللی علیهه الروح ولهه
اشبهت ریم الفلات ابجید ولهه**** نواظر یرمن اسهام المنیه
******
المنیه من نواظرها تراها**** و علی الهظم من صدت تراها
یناهی لو بدت لیله تراها**** ابضیه خدها اتخجل شمس المضیه
******
المضیه من سنا خدهه سناها**** البدر لو کملت ایامه سناها
البرد ذاک البرد یاخی سناها**** الشهد من ریجهه ماخوذ میه
******
بدیت الدارنه الدارک بدینه**** دین و کل نفل یوفی بدینه
لون ارواحنه تحصل بدینه**** الکل صاحب نودیهه هدیه
******
عدیت الدارنه الدارک عدینه**** تعد اوجودنه اوجودک عدینه
تعادی ابت الیعادینه عدینه**** عدوک مانعده جید نیه
******
وفیت الدارنه الدارک وفینه**** توافی اعهودنه اعهودک وفینه
لون تسئل کدام احنه وفینه**** الأبا والمرجله بلموزمیه
******
وحگ من مات من عدکم و حیکم**** نزلکم سمی اعلی الاعزل وحیکم
مرحا یا اسد بیکم وحیکم**** امحمرتنا تصیح ابصوت هیه
******
اجیتو بعد ما متنه حسینیه**** ولیالی الفرح یا صافی حسینیه
انا و کل اهل المحمره حسینیه**** بیکم یا رجال الاریحیه
******
و لو ان لحمي طیباً شویته**** لیرجع ضیفی شاکراً حین یصدره
******
اهون ما یذمنی الدهر و شوای**** ابسبب بذلی حلال اجثیر وشوای
الو لحمي حلو گصیت و شوای**** الضيفي ومنته ضيفي علیه
******
مانی ابحال دعج العین غیرای****انه احمل من اُبات الضیم غیرای
انه مانی فقیر الفگر غیرای****انه بضیج ابو اچفوف السخیه
******حنه دوم للخایف حملنه****و نوایب بالدهر کثرا حملنه
یا ناهی هم اعلیک یمر حملنه****ابد ما یضل مرمی اعلی الوطیه
******
ابجبینک یزهی النادی و نارک****و عسنک بالفرح دومک و نارک
النعیم ابجنتک یدعج و نارک****ما تحرگ خویک یا شفیه
******
اهمومی جبل یذبل ابد ما شيلهه****و دراعتي بيده الولف ما شيلهه
يهل الوفه للمكرمه ما شيلهه ****حتى نتلاگه تعتذر و اتعذر
******
یابو انخیله اعله المتن مایلنه****اسنین خیل امربطه مایلنه
اشحد الدهر یخسه ایعدل مایلنه****المایل هله اتحمله اشمایکثر
******
سمسم السمسم یا سعد مشمشهه****ما غسل ایده من العجن مشمشهه
للمسعد الخوخ و العنب مشمشهه****و انا نصیبی اعلی الشفلح یفتر
