عین علی حیاة الشاعر سلمان سعدون الحمیداوی
قصیده الورده
جـــدحه چن لمعه ابظلام رفعت اعــلام اسلام یمتــــه فی شهر الحرام
عیــن مسجونه ابقیاس تملک ادموع الحماس کسرت استار النعاس
ورده فی عصــر الحصر عاندت راعی القصـــر مشمت بزمول النصر
الـــورده گامت عل الظلم حــــره قط ما تنهظم هاذا هم حسبــــوا جرم
سارت الحـــد القـــدر ورده و سطاها البــدر صـــدگ کلها ابـــلا مکر
ورده ما تعرف رکـــوع هم اصول و هم فروع الا فی وکـــت الخشوع
ورده غشه الاتحـاد و الدعوها اهلل بلاد ابیـض اراواها وطوها سواد
ورده وصلت فدمــــکان بـــرا من کل الزمان ابعمــــرا ما سامـع اذان
هل مکان ابلا ضواء والضعن نورا اندواء گمرشع بیمینا مرفوع الوا
الورده ناحت بل خفه وابعطشها امچتفه الورده مارادت شرب رادت وفه
ورده حاطوهه الالوف الورده ذبحنا اسیوف طاحت اعله ارض الطفوف
الورده ذبحـوها اللئام یمته فی شهر الحـــرام ذوله هم عـــــدهم مرام
الـورده حـــزو راسها او گبل محد جاسها لان هل مره وگع عباسها
الورده رادت شخص زین حشمت بس یاهه شین فلیهذا الورده صاحت
یا حسین
الورده لا ما تندفن الـورده لتظن تنسجن او لا یغیر ریحها ریح العفن
الورده ضلت خالده ابعزم رغماً عل عدا واهلی سموها یثوره الماجده
من کلمات شاعر الورده سلمان ابو میثاق الحمیداوی
البعد مگیول يا خلي وراهم
و آنه اعليك متعود وراهم
هلك لو شالو انحمل وراهم
ابحرلو دوا لو صوب المنيه
روحي اعله الوجـــه بلهم چفنها
الماسي اوطبگ شوگصن چفنها
يتيما ومعسرا اوضايـــع چفنها
بديار الغرب و ايْتــــــه المنيه
بچـــــــــيت اعليك و اعليه بكلماء
يحبني اوصرت عل سادي بكلماء
الگلب ياريت يتحـــــــــول بكلماء
اوتشوف ابعينـــك اشسويت بيه
الیفگد بل زلم خوان امنگلک لا تظن یرتاح
دلیلی اب بیت ابونییم عمد خیمت شعر میاح
الچنت بوجودهم مرتاح ماهم
افگدتهم بل زلم یا حیف ماهم
ادیــــه امشددات و بعد ماهم
عگبـــــــهم بینت خله علیه
امچتف ماله مدت اید و یظل یسفج الراح ابراح
و الخلـــــه اتبین بعیونــــــه
لا تغتر لون صايرلك اجناح
خليلك ربع من تشهگ ايفرحون
ترا الطير اشكثر ما يعله يا مغرور
ابعين الناس اكثر يصبح ازغيرون
كل لحظه الوكت سيفه يحدا
عليه او موگد ال شده يحدا
اركظت ثاگب الچ گاصد يحدا
لچن مايچ سراب اندار ليه
هلي عل اليار كل والد يحنون
وهلي ظهر اليضد بلصد يحنون
هلي ابدم ال يعاديهم يحنون
اسيوف و لا تظن حگهم جفا
هلي يا جود ما يوشل من الماي
وهلي بوصالهم ماضل من الماي
هلي ايجلون ما شربو من الماي
هلي ال نالو عذب جود العلا
بچت دم عینی یل تحسب بکتما
اوبجایه العمر متصمم بکتما
اعجزت ویاک سر گلبی بکتما
لان بجفونی رسمک بان ضیه
الدنیه صوبی ابکره صدگ لافته
و لل حرب ویای نصبت لافته
بس علمها ابعجل گامت لافته
حین شافت خیل عزمی امسرجات
یم جودک یلاهی الجود ماجود
و مثل جودک مضنن جود ماجود
لان جودک بحر و الغیر ماجود
البحر و الجود لا ماهن سویه
ال چانو خیل لل کلفه یعنون
اوولامنباس الیضدهم یعنون
ضعنهم سار و اعلیه یعنون
امنشوف ادیارهم ضلت خلیه
انا عشگی اویک چن قیس اوهواء
یعنی حاضر افدی عمری الخاطرک
انته چن اهلال عید الله اب خسوف
و انه صایم عمری کله اتنطــــرک
ابدین الله علی العالم علینه
و لامنت شخص تعبر علینه
لان بل کون حشمنه علینه
داحی الباب حمای الحمیه
انا عالی او یمی هابــــــــــــط یاعلی
او صرت فشگه اوکل سلاحک یاعلی
انا بل شــــــــــــــدات اصیحن یاعلی
و انته حشم کل شیاطین الـــــکرات
