مصطفي الدلفي
التليته و حيرت گومي شبهتل
علي و صم خوفهم صبح شبهتل
ابوگفتي ابصوتي و ابحچيي شبهتل
يعاين ظن علي ابهيئت نبيه
من عگب الكفل خدري لون هل
عمر كله الجسم حگه لون هل
استره الدمع من ستري لون هل
اخت عباس احير الگوم بيه
التنفس عطره لو مسگوم دامه
بگاله و علم عالي احسين دامه
بل طف من جره اعله الارض دمه
سگه شجرت الثوره و زهت هيه
ابحبل ودكم مديم العمر ياريت
يخوتي و من ونيني الناس ياريت
سقاني الهوا امن الحب كاس ياريت
سقاكم خاطر اتحسون بيه
مو عيب الرجل ثوبه تهازل
عيب العن درب مجده تهازل
الخير كون چلماته تهازل
مضيف ابفهم و اتظل درس هيه
وي گلبي ابجفه الخلان ويلم
تخف ناره و جفاهم داي ويلم
مهو اوياهم عتابي العتب ويلم
ابگلب ماحمل فرگه اطلگت بيه
وگع گلبك اببير الهجر دله
و لجل لا يبقه وحده علي دله
يخل شايف عثگ بي ثمر دله
ابفرگتك مثله هبطت راس بيه
ابجمعكم يهلي هم مذكور چنتم
منسي و لو جبر وياي چنتم
طحني البعد و انذريت چنتم
ممت ماضل وصل يندفن بيه
العلم لو عن سواجیه ملك ري
لئن بل خلگ من دونه ملك ري
اذا مو عالم و تملك ملك ري
اشتنفع شجره و ابلا ثمر هيه
الشهم خفت حموله و ثگل منهم
البعض و نحلت منهم موش منهم
هما امن الجهل و الجهل منهم
امن اعاشرهم جهلهم يمس بيه
مصطفي الدلفي
