مهدی الدلفی قصیده جنه البیت
امن اذكرنچ ييمه ادنيا بيه اتضيج
و من همي القصيده ادموم ابچيهه
يل درسچ محنه و رقه و الاحساس
يل امحيره القصيده امنين ابديهه
يل كلچ شعر و احتار قلمي اوياچ
يا صوره الاحطهه ابدمعه يمحيهه
الاوزان اتراجف لو جبت طرواچ
اتقصر خايفه و ربچ يعابيهه
و احديثه القريحه و اطرب الها ابشوگ
ابسهر ليلچ احلفچ گومي خطبيهه
يمه انتي القضيه الحيريتي اجيال
ياكعبة خشوع ابكل معاليهه
طفل انا و افز الريحتچ لهفان
ييمه ابشم ثيابچ روحي سكتيهه
خجل حتي الخجل من مستحات البيچ
لئن العفه انتي ابكل معانيهه
فگ حلگه القلم و الحسبه بيه اتدور
القصيده ابلا وضوﺀ اشلون احچيهه
اذا الجنه تحت رجليهه الله ايگول
اذن كون ابدي كله ابمدح رجليهه
تيتمت ابرحيلچ نعم ادري ابهاي
انكسر واهس خيالي اعليچ ضل يصرخ
و تيتم شعري يمه و حزنت الابيات
و تهدم بيت شوگي و رأساً اتملخ
امعلم عل مصايب رابيات اوياي
و الي بدلت حرج كل يوم كون اكشخ
علاقتنه قويه اجروح كثره اوياي
مو زحمه الاخو اليتبره من الاخ
مشيتي و بيه هيچ امرادف الطعنات
و لو لاحن جبل من عدهن اتفشخ
و شيعت الصبر و الامل مات اويا
و غدت آهات بعدچ بلگلب ترضخ
امد چف خاطري و المستحه ابيمناي
لئن غيضچ رمح وسط الگلب يشچخ
🔹كلمات مهدي الدلفي🔹
