رساله من الخ العزیز علیرضا الحزباوی کوت سید صالح
تفت گلبی تره یا ریم منتل
تفت واخشی الخصرینگطع منتل
اردوفک وارد اسیلک یغرّ منتل
اشحچاک تبدی لی التحیه؟
مله فاضل السکرانی
اجابه حجی عباس الحزباوی
یدعج و الوهب حسن ونتل
جیدک صدگ ما تشجیک ونتل
یونّ و الشوگ بیه اشفعل ونتل
حنین اشصلبف اگلیبک علیه؟
***
ارجف خوف اظل و اختلس ویباس
من اصد لیک اثبت ابیا عزم ویباس
یدعج لا تظن الچبد ویباس
اشتعل کل الحشی من گطعت بیه
مله فاضل السکرانی
اجابه حجی عباس حزباوی
یبو ازار و تراچی ذهب لا باس
هواک الخافجنی و للعگل لا باس
انچانک عزّمت علهجر لا باس
الدهر یوم علیه و یوم لیه
هله وکل الهــله بیــــکم یهالای
یعتبار الزلم انتـــم یهــالای
بیکم استسر بلحی یهــــالای
انتم زهــــرٍة ایام العــــــلیه
(عبدالواحد حداد غبیشــــــــاوی)
وشا الواشي حبيبي و شتمنه
گضي و حصل امراده و شتمنه
اسبّ الخان بيه وشتمنه
واگولن لو يحط ذنبي بديه
الشاعر المرحوم طعان الكعبي العامري
***
اتنام الناس يا صاحب و انا حي
ليلي ولا بطل وني و انا حي
اخوتي المسمعو صوتي واناحي
جفوني يوم خان الدهر بيه
الشاعر المرحوم طعان الكعبي العامري
***
یابو انخیله اعله المتن مایلها
یلوجنتک تسطع تشع مایلها
الگال حبــک للمحب مایلها
هذا غشیم من الهوی ما یخبر
الشاعر عبد مهیوب السیلاوی
***
نٌویت الخوتـــک یا زین خیره
ولگیتک بین کل الربــع خیره
العگل لالل ملــک وکثیر خیره
العگل عند الملک غیره وحمیه
(الشاعر عبود ابوعلی السلامی)
خلها الروح تفنه ابشوگ خلها
علیٌه اشما تگول الناس خلها
انه اختلیت روحی ابیوم خلها
خلیلی من جفه وابعد علیـــــه
(الشاعر حبیب حمید العموری)
***
یا طیر اخبر خلیلی ابحال خِلّه
خبیر ایصیر بالمظلوم خَلّه
گلّه اخلاف عینه اصبحت خَلّه
ابعینی من البچی و عظم المصاب
الشـاعر عـادل الســکرانــــی
****
سکنت ابحی لابو عنده ولأم بیه
اعله مودک و الگلب لجلک ولم بیه
ابهواک اسنین أطش عمری و الم بیه
و أتانیک اشوکت تعطف علیه
الشاعر الحاج رحمه زرگانی
***
ترکتچ ما علیه بهون یرضای
حرام الینغصب من غیر یرضای
بیوم الیر ظعنّه و راح یرضای
اعیونی اسودّت الدنیه علیه
الشاعر مجید کاظم حزباوی
*****
الابیات استخرجت من موقع دیره هلی
*******
نشکر من الخ العزیز علیرضا الحزباوی حول المشارکه الجمیله
