الشاعر المرحوم يابر السالم الوهبي
ابوذيات في حق الامام الحسين (ع)
شبه صعصع صرخ بيها و ناده
غضب و اشقه الارض سيفه و ناده
الوحي وصل نزل بيده و ناده
اختار الله و رضا ابسهم المنيه
************************
تسعر نار البگلبي و حاده
عله اهل الضعن من گوض و حاده
وگف وگفه ابواليمه وحاده
دون الدين و اختار المنيه
*************************
وحگ الي تعبده الناس منشف
ودمه دمعي البيابي انسجم منشف
اجت زينب تصيح ابصوت منشف
وگع جسم الغريب ابيا نويه
*****************************
محمد شرف القدره بساطه
وكل شده علي عنده بساطه
مثل زينب و شمر يضرب بساطه
عجب والله عجب يهل الحميه
***************************
بس آنه عليه الهضم بسط
حمس گلبي تراهو ابنار بسط
مثل سكنه و يطگه الشمر بسط
و شتايم فوگ طگها ابن دعيه
*****************************
عليه الهظم يمحمد ترادار
و لا خله علي منزل ترادار
هذا احسين و العسكر ترادار
عليه اشلون و انه اشلون بيه
***********************************
عليه الهضم يمحمد تعاله
و اظن مكتوب من ربي تعاله
هذا احسين شد و ركب تعاله
تراهواوحيد بارض الغاضريه
****************************
عليه الهظم يمحمد تراكه
و لاخله من اخوانك تراكه
تمنيت انه اعيوني تراكه
و تكفني من اليسر يصعب عليه
*****************************
عليه الهظم يمحمد تلافه
و ترضا ايروح كل عزك تلافه
اترفرف عمر راياته تلافه
علي امكم يبو صالح شل قضيه
***********************
اشراك الدهر انه من نصبها
و دمعتي تحرگ الوجنه من نصبها
اخيامه ابواليمه من نصبها
دريت انسبي ابارض الغاضريه
************************
ابوذيات اجتماعيات
اليطب الكون لا يندم و لا راد
ايجد و لايحط مدرك و لا راد
يگضي مطلب العنده و لاراد
اسمه ايشيع يوم الموزميه
*****************************
اليطب الكون لا يندم و لاهم
و يصبر لو صبر گوته و لاهم
يگضي مطلب العنده و لاهم
عزو يفتخر بعد المنيه
************************
اليطب الكون لا يندم و لاچان
و يحسب لا ضره عنده و لاچان
يگضي مطلب العنده و لاچن
هلاكه و لا يعيش ابمهضميه
**********************
عرب يل تريد الزلم موحوش
ويفرهون الگلب لوچان موحوش
الراد الاسم بالمنوات موحوش
الاسم بالسيف موش ابمهضميه
*************************
حلات الرجل كل معروف ودله
و كلامه بي ذوق و ملح و دله
عدوه ما يبوگه بوگ و دله
يگله احذر اجيت انه ابسريه
************************
ابوذيات في الفراق والهجران
ركايب سرت و الحادي بعدهم
و جفوني لاتظن تغمض بعدهم
يگلبي لا تبطل الهم بعدهم
و ضل محزن لما ايعودون ليه
****************************
ركايب سرت و الحادي ذبلها
و من الفرگه شحم گلبي ذبلها
تعال و شوف دلالي ذبلها
هرشه من زفير الصار بيه
***************************
ركايب سرت و الحادي حملهن
ابحزن و اعضاي فرگاهم حملهن
المصايب هل علي مرت حملهن
محد بس اسير الغاضريه
*********************
ركايب سرت و الحادي بره الهن
ابحزن و اعضاي فرگاهم بره الهن
اجروحي لا تظن يحصل بره الهن
امخزنه و نار فرگاهم سريه
**************************
ركايب سرت و الحادي هم الهن
و جفوني لاتظن يبطل هم الهن
يدهر الشوم ايامك هم الهن
حد و ترجع الغياب ليه
********************
روحي اشمرد اصبرها سلوها
احباب الگوطرو عني سلوها
روح اسئل من السلو سلوها
لوضلت محزنه دوم هيه
************************
ابوذيات في الغزل
نجوم اليل يمدلل شهادن
و ليالينه الهجر يدرن شهادن
تگلي اگرب و ليمك شهادن
شبه ناقوس لاتخفي عليه
***
من اعيونه نبل يرمي و زانه
انهيم بيته الهوا قاسي وزانه
كثير اشكر من احسانه و زانه
وفي و لايوم خان الوعد بيه
***
وفي و مامن ولف مثله تراهن
و ليالي الوصل من هجره تراهن
الواشي گال خلينه تراهن
غلبت انه الولف ما خان بيه
***
ماخان الولف بيه و لا غاب
و لايسمع حچي الواشي و لاغاب
اشكثر اعيوب حطوله و لا غاب
بيهن ما اعتنا و يطر عليه
***
عليه اشكثر يوداته و مانه
ابشرها بين حچي الماضي و مانه
حط الخطر جدامي و مانه
گلتله ارضا الخطر خله عليه
***
عليه الخطر خله و لتهام
ونام ابرغد كل ليله و لتهام
انگول الوالده مايابت ولتهام
شهيد هواك متمن ذنب ليه
***
شهيد الهوي يسكن جناها
و لاسيه عليه اظل جناها
يوم اسعيد لوگالو جناها
يابر ابن سالم ذيچ هيه
***
من اجنيها يصاحب ولهواني
انوب ارتاح من همي ولهواني
كلامه و طول جيده و لهواني
صافي اوياي يمشي جيد نيه
***
يناهي نور وجناتك شباها
البدروالنار البگلبي شباها
اگرب و انظر العلتي شباها
ابعينك لاتظل اتلوم بيه
*******************
الهات
لاتغرك هلدنيه و توم الك
ولاتفرح ابنوگك يابت توم الك
چم صاحب شفت گبلك تو الك
غط اببحرها و غرگته الهاويات
***
لاتغرك هلدنيه البلمكر معروفه
ولاتجازي ابرده الما يوفي الك معروفه
يحفر ابير الصاحبه و معروفه
عليه انهدم و ما تنفعه المنقضات
***
لاتغرك هلدنيه و هاتمن
لاتسوي زين و ابزينك هاتمن
الجابلك بلوزن كيلو هاتمن
و اعمل الخيرات بيهن اتحصل الغانمات
***
لا تغرك هلدنيه البلمكر غداره
ما ترد ابسيف لو گفت و غداره
چم چرخ شفنه الدهر غداره
اتبات ابسرور و تصبح اعيونك هاملات
***
يا حبيبي اعليك روحي هاتلي
الزعل وخره و الرضا هاتلي
المايوافي ابوعده يصدي هاتلي
ابزمانه ما يحصل الغانمات
****************
الموال
فضلك يا علي حتي العدو صدّقه
ومن مثلك سيدي خاتم يميته صدّقه
فاز كلمن شيعي و انت صرت صدّقه
اليضدك ياعلي الجهنم طاح وهوه
و العباده ابغير حبك بس تعب راحت هوه
ما حب انه الثلاثه بس الك گلبي هوه
و بالولايه معتقد و بالنبي و بنته صدقه
***
فضلك عل ملي ثابت و لك شاع
و ابساق الرش نورك و لك شاع
نجح كلمن صديق الكم و لك شاع
يموت و لا يشوف الزمهريه
******
موال في مناسبه رجوع الاسري ۱۳۶۷ شمسي
من حين عني جفو ما نمت ليلي و حي
انوحن و ون ونت المگروص عگرب وحي
اي وحگ الي عليه جبريل نزل وحي
من صاح المبشر احباب گلبك لفو افرح يصح
طاب جرح الگلب و كل مرض مني يصح
چنت احسب و عد يوم الوصل بيهم يصح
و اركض لهم حافي و اگولن مرحبا ابجيتكم و حي
***
و حگ الطافت العالم و حايت
اسهرت ما نمت ليلي و حايت
ابيوم اگبلو گمت الهم و حايت
حافي اركض و قدملهم تحيه
****
تمت الكتابه بواسطه رحيم المنهل
ديوان الحميد
