هیثم حزباوی
ما اخـــمل بود وصلک بلحظه
وجمالک یلرشا ایغثنی بلحظه
اموتــن میـت الف مره بلحظه
الو لحــــظة وداعک تمر بیه
ابــــهواک اطشرت وهلی لمونی
وعلیک اشگد اعز ناسی لمونی
یظالم هاک لوتــــــــگدر لمونی
ودشوف اشلون شلتک جبل بیه
هیثم مجید الحزباوی
هادی ابو ایاد اشراق
اشوکت نلگاچ وانولچ یراحه
ویشفه الگلب بلملگه یراحه
علی کیـفچ وامهلیلی یراحه
ابطحنچ هاذ ماضل حیل بیه
منـــــک ما رجیت انوال لامال
ولا ریـــدک تعدل الحمل لامال
الخوتی اویاک چا بطلت لامال
الواشی وطعنت الشمات بیه
یگلبی راح البضیجــــــک یهدلک
ویصبرلک علی امصابک یهدلک
اجه دور الـذی ابحقــــــده یهدلک
حیلک و الدمــع ما بین الاجناب
یلی بوصلک علی شحیت شبلاک
احس چانون یوم الهجر شبلاک
تحـــزم هاک اخذ ویاک شبلاک
اموتـن و انته هیل اترابی الیه
احیه ابوصل من ولفی یمنله
اشتظن گلبی الغدر بینه یمنله
الوکت بـطران والعگلی یمنله
وانه البیدی صفه هم موش لیه
هادی ابو ایاد اشراق
حسین حیدری ابونواس
اوگف ابطگهن وبیــــن یومی لو صـار الزماط
للوفی وللزین دایـــــــــم اعتنی ابرجلی الرباط
عیب من الموت اهابن لو احس عندی انحباط
بلملگه امحــــــــــــزم تلگانی
حسین ابونواس حیدری
حمد العطیوی ابویابر الحمیداوی
عــــــــــاگه او عبـــریتــــــه او علمیتــــه اوفای
علمته الرمی بسهــــــام واسهامه انبتن بحشای
یهل گاعد تعدی الروی هم حسب احساب الجای
من تضخن یاهو ایطب بیه
من کلمات الشاعر الکبیر حمدالعطیوی الحمیداوی رحمه الله
سالم الساری
طعنی و ینشد امن الناس بلصار
اشتبه لاکن دلیلی ایگول بلصار
شایل هاکثـــــــر طعنات بلصار
ابعدد جیش الــکفر بلغاضریه
کلمات الشاعر الادیب سالم الساری
دارمی دارمیات جدا جمیلا
سلامٌ علیکم و حیَّّ ألله جمیعَ ألشعراءِ ونتمنی إلمزیدَ مِن إلمشارکاتِ .
هلگد حلا حط بیک یامحله طاریک
لوتمشی انته اویاک هم مااخلیک
هلگد حلا حط بیـــک جلت قدرته
خلانی احب اثنین بس انته وانته
هلگد حلا حط بیــــــک رب السماوات
لو تلمس انته المات حی یرجع المات
هلگد حلا حط بیک رب العباده
من بوست الشفتین طالب اعاده
هلگد حلا حط بیک رب العطوفا
مستحیه متواریک حته المشوفا
من کلمات الشاعر نسیم النبگانی
هلگد حلا حط بیک رب الخلایق
خلانی انجیت ب اول دقایـــــق
رحیم المنهل
هلگد حلاحط بیک رب الجلاله
خله اتغزل بیک حتی الغزاله
قاسم ابومیلاد النیسی
هلگد حلا حط بیک رب البــــــریه
نزل گـــمر عل گاع باالناصـــریه
ابونسیم_الفلاحیه
هلگد حلا حط بیک ربی یا ستار
مگدر اعوفک یوم صدگنی محتار
من کلمات استاد الطرفی مدیر موقع ادبنا
هلگد حلا حط بیک ربک إشکره
دلّـیـني بإلعاداک صدگــني فگره
هلگد حــلا حــط بــیک رب إلنبین
بس شفتک إنجنیت إبخزرت العین
هلگد حــلا حـط بـیک رب إلقلم ونون
بس شافتک عینای صرت آنه مجنون
عادل خلف الساری
هلگد حلا حط بیک ربنه الخلقنه
لو کلهه مثلک هیچ چا ما تعبنه
هلگد حلا حط بیــــــک رب السماوات
لولحظه منی اتغیب اشعر لک الهات
ماجد الدسمی
هلگد حلا حط بیک یا شیخ الاوطان
تسگینه گهوه اسنین لاکن بالحزان
هلگد حلا حط بیک مایک حیاتی
کارون اسولف بیک حتی ابصلاتی
بدر النصاری - مدونه فلاحیتی
هلگد حلا حط بیــــــــــــــــــــــک یا بعد اهنه
یاحــــــــــــــــــــــــلو یتحداک انت احلی منه
هلگد حلا حــــــــــــط بیک خالی عله کیفک
نخـــــــلک یضل نیشان ومحـــــــلی صیفک
هلگد حلا حــــــــط بیـــــــک لاله وتلالی
عونه الیعیش احذاک جـــــــسر الهلالی
هلگد حلا حـــــــط بیک ذللت الاعزاز
ما یعله عال اعلیک یا ارض الاهواز
صاحب کعبی - مدینة تبریز
دارمیات جمیلات - حسین حیدری
جای ابصلافت عین اتگلی رایح
تلگه الگلب ویاک بس آنه طایح
موبیدی اهلی اتریـــــــد تبعدنی عنک
وتدری الجرا و الصار مو منی منک
چم مــــــــرا الک ودیت اهلی و عمامی
رفضوا هلک فد نوب شوگی و غرامی
مو انتــــــــه ما خلیت عدهم کراما
شفت الیحب مستور حبا و غراما
هیچ آنه طبعی اشلون قابل اعدله
طبـــــع البدن یهوای محد یبدله
ارجوک لو ما بیک ضمنی ابسکوتک
و اتعاطف ویلنــاس حته اعله موتک
اشـــــــــگد تعب تعبیت ویامن ایفید
کله انکرت والدور بس انته الوحید
آنه امنموتن عیب انکر هوا اهوای
النخله کلهه اتموت لو تفگد المای
منو علیه النــــــــــاس ماهمنی منهم
بس من علی منیت صرت انته کلهم
اشگد حسن ربی انطاک یمکن نسانه
ولو تطلع انتـــه انسان اعظم خیانه
من کلمات حسین ابو نواس حیدری
ومضات - ابوعبیرالبریهی
یبعفور المحــــــــــاسن شوصف البیک
اشما وصفــــــــــک کان لامانی حاچی
الگمر واخته الشمس من باوعن لیک
انــــــزلن صارن بذاناتـــــک تراچی
یغطــــــــریف الحــــسن یلکلک ابداع
یــــحــــوریت بحـــــــر والوجنــه لاله
شفت کلشی ابحیاتی او ماشفت هیچ
ابوسط حنیــــورک المــــای ایتلاله
عزیز ابوعبیر البریهی
هیثم مجید حزباوی
انتـــــــی کل اوزان شــــــعری البیچ نـــــظمیت القـــــوافی وصـــــرت شاعر
انتـــــی نیتــــــچ صافیه مثـــــــــل الزلال ودغــــــش مامـــــن کلهـــــه ظاهر
انتی یا دیرت محنه العاشگچ من الطفوله وحاضر ابحدچ اموت وما اسافر
لو یصیر الیل یمی اتصورچ وتغشمر آنه اویاچ
اگومن وبخیالچ ما انامن ربع لیلی و ابقه ساهر
انتـــــی احــــــــله امنــــل شعـــــر والشعـــر منــــچ اخـــذ صـــوره وصـــار زاهر
عایش ابصفنت خیالچ عمری کله واحس حیل ارتاح لو طرواچ سیر علا الخاطر
یا لحن عزف الکمان وصوت داخــــل یا غنیت فصحه حلوه اللحنچ کاظم الساهر
ارد اجیلچ واغفه یم فیّ الگصایب حته لو زرعو عله ادروبچ خناجر
حیل احبچ یا بعد کل الاحبهم وابقه حـــــــد الموت احبچ خاف قاصر
هیثم مجید حزباوی
فرق بین الرفاگه کلمات نسیم الناصری
فــــــرق بین الرفــــــــاگه امن السمه للگاع موکلمن صــــدیق ایصیر تچایه
یصح مثل المرادی ایــهد عله الــــــکرار و ایصح الریـــــاحی ایصیر دمایه
و یصح منهم یماشی اجدامک ابکل صوب ولازبده ابکلامه و یملک احچایه
مثل شوک الصحــــــــــاری و ثوبه جنس السیف لا ینفع ثـمر لا ینفع افیایه
و شفت مخلص یبات ابنــــعش گلب الموت حته ایفر صدیقه ویوصل الغایه
وشفت یــــوفی الوعد بچفوفه خنجـــــر موت واسماعیل حـدره ایلبی للآیه
الصداقه انطیــــــک و آخـذ وفه وتضحیات و ابعسر الزمـان اچفوف وفایه
مثل شجرت التین و مسحـــــــت الفلاح اذا یبست التینـه اشیـــکسر ابمایه
و اشما عالی مضیفـک و الدلال اتفـــور و الموگد یحیّی ابگهوته او چایه
اذا مـــالک صدیق او ما الک خـــــوّان مثل گبّت غریب امضیـــــع الرایه
من کلمات الشاعر الادیب نسیم الناصری
قصیدة دکانی باگت حزن کلمات ابومیثاق الحمیداوی
دکانی باگت حزن اسود او قصنه فحم
بس ما ابایع ترح کلشی الابیعه فرح
او میزانی عیر جرح بس ما اصیرن الم
صرت للیشتری مرهم یداوی الجرح
او بصطت ظیم او محن و بباب نیبه اگعدت
بس ظیم ما بایعت حرجت هدم العرس
او مخبز قهر فتّحت عیینه کله قهر و الاخبزه
عیشه قهر بس انطی خبزت هنه لل رایح او للیجی
او مطعم ونین افتحت طباخی ینعی او اون
بس قدمت للگصد ماکول طبخه الضحک
او حطیت معرض کتب من ساسه حد السماء
بس عل جرایم حچه لاکن بعت عل شراء دیوان قیس او عشگ
او اسست حفلت بچی وادریس بیها یون
انا ابچی بس بلگلب او بسّمت لاکن چذب بس صفّگت لل اجو
او صایق مئاتم صرت و الذهب لونه محن
لاکن صقت لل اجو یشرون خانم عقد
او گمت اشتغل بل صور او کامرتی لمعت شجن
لاکن اذا صورت صورت محنه اظهرت
او دیرت العاب افتحت والعابها بس هجر
لاکن البیها لعب علمته لعب الوصل
او فتحتلی مگبراء والموته وگفوا سراء
و احیّهم انا ترا او دفنونی و انا عدل
او سویتلی محکمه و القاضی شاکی طلع
او جلادها المتهم و المجرم آنه اطلعت و اعدام صار الحکم
او صنعیتلی مشنقاء و احبالها من صخر او جلادی گلبه صخر
صممت انهی العمر و ابچفی انفذ الامر
خفت الی گلبه صخر بعدامی یتاذه
من کلمات سلمان ابو میثاق الحمیداوی
حسین ابو نواس الحیدری
مکسور خاطر صرت من غیبتک ونحیل
وگلبی الشجی بلحزن ناح او بچه ونحیل
حبــــــل الموده ارتخه بعد الجفه ونحیل
یلی فدیتک عمـــر شنهی السبب ماتلی
حچیک سلب مهجتی ومنک ترا ماتلی
ذنبی نطیتک گلب وامس العصر ماتلی
بهواک روحـی وانا خفنه نظل ونحیل
تعال اسمع ابـاب الگلب و انحل
وجسمی من غیابک باد و انحل
حبل الوصل عجده ابلیل و انحل
ابظلمه و تاهت الحـــرثه علیه
مثلک یقـــــوس القزح لولـیفی ظهری حنا
المنـــــــــه ابد ما شفت رقـــــه اتسمه حنا
من دمــــع عینی الیـهل خـضبت ثوبی حنا
ولل ما وفه ابصحبته روحـی عجب ماتسل
شنهی السبب وشجرا نفسی ابانس ماتسل
عگبک کتلنی القهرو اگلیبی احس ماتسل
حیـــن الرحــت بلسلف صار الملاطم حنا
حیــن الرحــــت صـار اللطم حنه
ابسلفنه و صار دمـــع العین حنه
الظهر شبهک یقوس القزح حنه
عمــــود الفقــــــر للی گطع بیه
حسین ابو نواس الحیدری
شیخ اچویل
ابدماشیل ظعنی و احـــــــط یمحای
ذل واصبــــــح شبیه المیت یمحای
عسی الیترک اخوته الدهر یمحای
رسومه ولابـــــگت فوگ الوطیه
کلمات شیخ اچویل ابوحمزه
شیخ اچویل
عربنـــــه لیش ما تلبس عگلهه
ذلت و الهضم تـــارس عگلهه
العدو نـوخ اضعونه و عگلهه
ابارضنه ویندعی راعی الثنیه
من کلمات شیخ اچویل ابوحمزه
جلیل شجیراوی
ابطفوف الخیــم مغضب من طلع باس
ایتراعد دمـه اببـــــارح من طلع باس
الحسین ابن الصمیـده من طلع باس
اچفـــــــوفه و قبل اعیـونه الشفیه
جلیل الشجیراوی
تریاگ الرویضی العموری
ابـــاتـــن بـلصجیـــــع ابـــلیل وجفا
انترس ماعون صبری وفاض وجفا
علی قصتی القرنــــطس طــار وجفا
فلا طـــاب الشـــــــراب ونـــوم لیه
من کلمات المرحوم تریاگ الرویضی
هیثم مجید الحزباوی
ابدمع عینی رویتک من ردت مای
ولاقصرت عنــــــک ساعت العوز
الخساره اتگول حنظل للیخسرون
لچن شوف الفرق وی فرحة الفوز
المو طبعه حــلو لتقیسه وی زین
موکلشی المدهرب یـــنحسب لوز
البصلصح ینوکل ولناس تشریه
بس شوف الفرق وی لذت الموز
هیثم مجید الحزباوی
قصیده ونت الحره کلمات مجاهد العمرانی
لَما تبــــــــــــــکینَ یا دُرتُ حیــــــــــــدره
وانتِ بنتُ مــــــــــــن زلزل ارکان خیبره
وما یاذی الحسیــــــــــــــــنِ الا مدامعکِ
فسیبقی بعد السیف لسانک سیف الناطقِ
گلب طفل الحسیـــــــــــن امنل عطش بی نار
حظنتـــــــه العقیـــــــــــله وخــــــفتت جمره
ماونت ابــــــــــصوت او نـــــــدبت العباس
ونت بل دلیـــــــــل و کتمت العبـــــــــــــره
حتی اتشوف کاروک الرضیــــــــــع اینوح
بل حسبه التــــــــهده وحسبــــــــه التجره
انفطر صبر السما من عطش طفل احسین
زینب لایمتــــــــه و خــــــــــیطت صبره
وسجـــــــــدت لل اله و تشکی من الدای
وسمعت صــــــــوت یابت فاطمه الزهره
لمن تبـــچین زینب لو یصیــــــــر المای
تحت الگاع اسحبـــــــــه الجدمچ ابخزرا
ابـــــاب الخیـــــمه وگفت شافت العباس
کل الـــــــــــکون بیــــــده ابیمنته ایفره
ویلم الجـــــیش بلیسره لـــــون ایصول
من ایخزره ابخزرته ابکل نوا ایطشره
وصـــــاح ارود زینب خویه لا تبچین
ترا احسیــــن ابونینچ ینکسر ظهره
اگص راس النـــهر من اول الینبوع
والم اجروفه کلهه واسحگ ابصدره
عطشانه یه زینب هس اجیب اویای
نـــــــــهر العلگمی وما خلی بی گطره
کلمات مجاهد العمرانی
طیف سکران من کلمات مجاهد عمرانی
مربیه الشعــــــر طیــــــف ابخلگ سکران
صب کاس القـــــــــوافی وگلی منه اشرب
او قدملی القلم بــــــــــسم العقیله ایصیح
اوگلی اوصف الحـره او دمعـه راساً صب
اشلون اگــــدر اوصفچ یبـت داحی الباب
قلمی اینـــــــوح و اعلیچ الورگ ینحب
کتبت ام الخــــــــــــدر تل القصید انهار
وشوف النـــــــــــار بخیم الشعر تلهب
عطشانه اکتبت شفت الحسیـــن اختاظ
مسلوبه اکتبت شفت الگمر ضهضهب
فزیت ابـــــرعب شفت القوافی احذای
وحده احسیـــن تصرخ وحده یا زینب
کلمات الشاعر مجاهد العمرانی
هوسات الی صاحب العصر و الزمان عج
بچینه امنل بیابی ادموم وین الوعد وین الثار
یقیناً انته هسه اهنا وحگ طاها النبی المختار
دلزم رایت العـــــــــــــباس بیدک و الزم البتار
یلمهدی و خل ناخذ ثاره
دنهض یا عزیز الروح و اصرخ صرخت العباس
ناخذ ثار ابوک احسین ناخذ ثـــــار ابو النوماس
ملینه الصـــــــبر مولای ابصدرنا ذاگت الانفاس
اظهر یلمهدی و هد بینه
اعلن لل حـــرب مولای بینه وهد علی الکفار
تصح بینه رجال الویل تمشی ابنهج ابوالاحرار
لان انحس بعدنا الــیوم ابصدرنا نابت البسمار
ثار الزهرا انطالب بیه
کلمات رحیم المنهل ابوجساس
جلیل الشجیراوی
کقمه ابــــطیف راســـل شفته عباس
غضب عل خصم زینب شفته عباس
عله العلگمی او یبست شفته عباس
دنــــــگ لنــــهر ما ضــــــاگ میه
جلیل شجیرات
هوسات فی حق قائد معسکر کربلا قمرالعشیره ابو الفضل العباس
گعدو اکبارات امیه و صارت الهم مشوره
فارس ابگوم الحسین ابلقب سبع الگنطره
ایقدم الشط ایتحلف لختـــــه مثل الحیدره
من شال الخیبر لل هادی
عمر ابن سعد ایتلفت لل گمــــــــــر یطلب جبیل
شاف زلمه ابگومه مامن ینتخی ایلاگی الکفیل
لحظه لن مـــــــارد تحزم باچر اصیاح الدخیل
یوصلک من طبرت سیفی
یمارد منـــــــــک الحضار گله ابهای مدیونه
چیه باچر ترد عبـــــاس جثه ابظهر میمونه
بس ابهای ارید اوصیک لتحط عین بعیونه
چیه ملک الموت ابخزراته
جـــفن ماطبگله مـــــــارد سهر لیله او ماقفه
طلع صوب الگمــــر مارد ونطه للعسکر گفه
شعره موخاطی الی گله او عمر زین اموصفه
چیه سهون حط عین ابعینه
زمخ عل مارد العباس کظ الخوف رجلینه
چبیرک ما عرف یوصیک لتحط عینک ابعینه
من لحت ابظهر عشمای تدری اشطلبت اسکینه
عباس المارد گص راسه
گله فلتات اللسان الخلن ایــــزامط عمر
اوگتله عد عیناک باچر آنه چتال الگمر
بعد ما خلا یکمل شافـــــــو المارد حمر
من دم الطایح من راسه
اربعتکم گعدو یمی ابصوت تنخــــه ام البنین
ابوگفه یم احسین احلل تعبی کل های السنین
بیضو وجهی ابهای اریدن یم امیر المومنین
و الزهره اتبشر وفیتی
اربعتکم هـــــــــــــدو اریدن مثله هدت الاربعه
او جیبو ابشاره الحسین انفتحت النه المشرعه
گطعو اصفـــوف القیاده ابشکل گمطه الگطعه
عباس الزینب بصیاره
نظر نظریت اربعتکم کله لعیـــــــون الاخو
اومایوافی ابوعده اسئل للی خاله امنل بدو
احسین اریدنه ابوفاکم کونک ایسولف لبو
هدتک من هدو راوهه
باچر اصوات الحرایب بذنی بطف لودوه
ابرخصه من احسین کلکم طلعو لعداکم سوه
اوصیه لازمه الی عندی اللیله وای راعی اللوه
لو دمک لو مای اسکینه
بره امنل خیم عبــــاس غاب الوحده بظلمه
کتبهه اعلا العبــــاس وصیت ام البنین امه
ویعاین المهره اشلون باچر کونک ایظلمه
من کثر الهده ایشل حاله
صار الصبح و العباس صاح الیکض جدامی
اگله اسیف الف مرات منی الهل حرب ضامی
او زینب صاحت العبـاس ثلث تیام بصیامی
بس افطر من مای الشاطی
جاسم ابن اغلامعلی الحمیداوی
حسین ابو نواس الحیدری ×× ابوذیه == ابوذیات == هات
سهم قدرچ یدنیــــــا و المصایب
دلیلی و غبش للهم و المصایب
صفه للشین وکتی و المصایب
و انه الطبعی وفه ما حن علیه
کت من الجـــــفن دمعی و الک سال
دمه وجسمی نحل بلهم و الک سال
غیری من نشد عنــک و الک سال
یـــــروح الروح لیش اگطعت بیه
اهملت عینی علیـک ابدمع ماعن
بچت مثلی یخل و احشای ماعن
عجـز منی الصبر بجفاک ماعن
همی اشما اذکــــــرک زاد بیه
مته الیــــــــال الفرح تلفن وراکان
المصایب هدمن حیــــــلی وراکان
لذت بلطگنی و اعضیدی وراکان
ردفلی ابحـــین گتله الحگ علیه
تحچی عن یا ورث حبک ورثا
تتن گلبی و یوم هجرک ورثا
عمری عیب النوح فاده ورثا
کان سلوا الضل عیونی الباکیات
لا تظن فد یــــــوم یدعج منکمل
انته روحی اشلون اگطع منکمل
اسنین بیت الحبنه نبنی منکمل
بیه فرشنه اگلوبنه لل عنده ذات
ما چنت ادری ابغرامک بیهجر
یلگطعت احبال وصلک بیهجر
شوفتک صدگنی صارت بیهجر
و لو احظنک تنغفرلک سیئات
لیل افراگـک اکشر منتجله
یخل لیش الیجلک منتجله
لا تنـــــــغر علیه منتجله
جلاله و هیچ تتکبرعلیه
کلمات احسین ابو نواس حیدری
جلیل الشجیراوی
لامنی اطلعت شینـــــــــــات لابد
هم ینــــــصح زمانی اویای لابد
اسدغابه لـــذه امن الخوف لابد
ایتراجف و الحصینی ایرید حیه
جلیل شجیرات
قصیده اغنیه من کلمات قاسم النیسی
حبیبی اشصارعنــــدک ماتحاچینی
احــــس الروح تطلع من تجافینی
حبیبی اعطف علیه
اوضوی الدنیا لیه
والک مرجوحه یمدلل شرایینی
انا ابشانک صفیت اجروح بجروح
وارید امحبَتک لو رگبتی اتروح
حبیبی الدنیا کلها
هیه اوکـل اهلها
فدوه افدیها لوبل حب تشاقینی
لوتحچی الجبل من حچیک ایذوب
یا أجــــــمل بشر یا اغلا محبوب
الشمس من وجهک اتغار
اومنــــــک کل هل أنوار
أذن حگه العگل لجلک یعادینی
کلمات قاسم ابومیلادالنیسی
عادل ابو بنیامین الساری
إکـحـیــله إروح یاصاحب بیادای
غـــارت و رِسَــن باگــي بـیادای
إلک یهوای مــن عـندک بیادای
إلـــــــــــــوع إلیل ما تنشد علیّه
عادل خلف الساری
حسین ابو نواس الحیدری ×× ابوذیه == ابوذیات
المصایب لایـــمت گلبی ولاشات
عگلی لارکد بـــــــعدک ولاشات
الغدر لا ذیب ظل یعرف ولاشات
خبطهه وشرب صــافیه سویه
یحــــــادی العیس هونلی والفراگ
ابحداکم صرت الف رویه والفراگ
یموت امنـــــل قهر گلبی والفراگ
لئن بل مشو یوجـــــــــد خل الیه
العلی صـارت یهل عالم شتلهه
العـگل بعد النوا صدگو شتلهه
الاودهم شیب البراسی شتلهه
او ثمر محصولهم بس الاذیه
کلمات حسین ابو نواس الحیدری
نسیم الناصری ××× دارمی
حبله ابشهرهه الروح ما بیه تنسه
یلمجفی عنهه اشلون بیک اتنسه
کلمات نسیم الناصری
هیثـــــــــــــــــم حزباوی
ایـــــــــهون اعلیک دلالی تعله
ابنوا و خل ینکسر گلبک تعله
یظالم روی من دمـــــعی تعله
علیک اشلون خنت الوعد بیه
ابمشیته الریم غث روحی ویلها
اویه غیره الگلب مایسله ویلها
دمّــــــر چبــــدتی شوگه ویلها
لظه وضاگ الفضی وحط مرض بیه
حبیبی اویای صایر ولمرایه
زلال وما تبـــــــدل ولمرایه
گبل صوب المرایه ولمرایه
عمت من نور خده اللمع ضیه
هیثم مجید الحزباوی
رساله من الاخ الغالی عبدالساده ابو ایوب المرداسی
یصاحب کله ضیم ابضیم فاتل
عمر و حبال احل ما یوم فاتل
العدو ما فت دلیلی الاخو فاتل
دلیل ابچف سلامه و قدر بیه
شیخ جمال الچاسب حزباوی
اشکر الاخ الغالی ابو ایوب المرداسی علی هذه الرساله
