حسین ابونواس حیدری == ابوذیه سنابل

تبسم ثــــــــغرک وبین سنابل

سمه وخضر دمع عینی سنابل

ابغیاک  ما ذگت راحـــه سنابل

العمر من تم خلص لوعه واذیه

من کلمات الشاعر الادیب حسین ابو نواس الحیدری

جلیل الشجیراوی

روحـــی من سراب البـــعض یارت

البیابی من حـــزنهه ادمــــوم یارت

اللفظ و انتفض فمه ابچــــذب یارت

انلدق بلســــــــــانه من الرگط حیه

جلیل شجیرات

حسین ابو نواس الحیدری

تروط الـــگاع من اهلی یخفون

الجدم و اسرار علعاذل یخفون

معاذ الله هلی امنـــحد یخفون

نشامه او بیهه مشتده الصعاب

حسین ابونواس الحیدری

هادی الضبی

غیرک منــــهو السمع لونته

دلیلی و بلحنان اترف لونته

تاخذهن یـــریم اسمع لونته

تروح اروح وعیونی سویه

 

وره ظعنک یخلی العین تمطر

دمه و بلگلب من ارحلت تمطر

العگل بجفاک ثق یا ریم تمطر

شهگ یرجع لمن ترجع علیه

 هادی الضبی

عباس العبادی

ادور اعلا السعاده اسنین بسمات

هیه او سلب منــی الدهر بسمات

گبل چان الفـرح موجود بسمات

او بـــداله التــرح چیم قهر بیه

 عباس العبادی 

جلیل الشجیراوی == ابوذیه ابوذیات

جــــواد الجــــود اچبشنه وعنبی

حـرت محد سعی ابحملی وعنبی

الحــــویته ثـمر بستانی وعنبی

اشحنت سلتی او خذوهه الاجنبیه

اتل الخــــــــصم عل حگی جرعته

ابعناده او عیب کاس الذل جرعته

الرجل مو بل حچی اتبین جرعته

تغربلهه الــــــــــزلم بل موزمیه

  جلیل الشجیراوی 

عزیز ابو عبیر البریهی

هــــلی یا مهـــد الحضـاره ولبدو

او عن خصمهم عیب ردو ولبدو

بلمــــــــــکارم همه عملو ولبدو

و لمدحـــهم اهلی رب الکائنات

هلی اخیــول ابطریق المجد عنو

هلی الخــــل ماحچو بشین عنو

الــو عنی ابعـــدو لحظات عنو

علیه و یملی وجهی الاکتثاب

منی یـــــا بنـــات الـــدهر یوزن

لان جوری ابوزن حمرین یوزن

اذا فضن مئــــاسی العلی یوزن

البشر لا بل حصا الفوگ الوطیه

نیـــران الــــدهر روحـــی کونها

و لا خـــــنسا او دلم ونن کونها

اله ابگلبی الحزن اسری کونها

خــــلـــف والـــــولد سما اذیه

مئــــاسیه الـــدهر صوبی وشاهن

او حبـــاریه الصبر طارن وشاهن

ابسمای او صفن اکبیـدی وشاهن

او خذن حسون حظی او زرن بیه

زحف جیش المئاسی الشرس وجبل

علی و الهم یــــعادل بــحـــر وجبل

کشــــر سنه العذول او نـــار وجبل

گلب مــــن انــــــــگلب خلی علیه

ابسبب جوری اصبحت صحتی وخیما

ولا مئوی ابصحــــــاری الحظ وخیما

الخصم حـــــن او بچه الحالی وخیما

حـــــن او لا یمـــــــد چف عون لیه

یـــــازمه ابفلیق اهمومچ منیتی

گربت گمت احس ساعت منیتی

یلاهی یمتــــــــه تتحقق منیتی

اذا ســــــدت شرایینی الـرزیه

علی احبابی الدهر جیش وداهم

القـعر بحر الجفه المظلم وداهم

لحــــد گطع النفس ثابت وداهم

ابفوادی او ضل ذچرهم ونس لیه

عزیز ابو عبیر البریهی

رساله من الاخ العزیز حمید صیاحی

تـــظن من التــــفرق منجهلنه

وکت منشـوف عونه منجهلنه

نخلصه ابـذل عمرنه منجهلنه

لان الاخ یــهد بس اعله خیه

علی ابو انتصار المطرودی

عید الغدیرالف مبــــــــــــــــــــــــــــــــروک عــــلی شیعه علی ابن ابیطالب ع

ومضه جمیله من کلمات الاستاد قاسم النیسی

گبل چان المضیف ایحیی بل ضیف

او من کثـــــر الکرم ما راید الباب

لچن یا حـــــــیف صبح کلا بیبان

طبعها امغفلا او ما عدهه میذاب

قاسم ابو میلاد النیسی

عزیز ابو عبیر البریهی -- عتاب جمیل اهوای

اشمعــز خیل العروبه وسطبلهم

وحب احـدی ابظعنهم وسطبلهم

اطب دیـــوان عزهم وسطبلهم

حچیـهم مرهم ایطیب الصواب

هلی ابصحف ال الاه انذکر بلهم

هلی الخلو خصمهم عاش بلهم

هلی المـاهم شجرو بریح بلهم

جبـــل یبقون متهـزا الصعاب

هلی ماهم صریم او حسچ بلیاس

و لا قبلت ابیـــوم اتـعیش بلیاس

هلی نـار العذاب اضرمت بلیاس

مجـدها اودنس احدود الاطیاب

هـــلی یــلکتبو الفـــــرقان ولمو

هلی الجرحو خصمهم حیل ولمو

هلی التشـــهد لهــا الاعــدا ولمو

هلی البلمگه متـــــردها الطواب

هلی الهــــاونها دگ ابـــهیم ودو

هلی ارکوب الوذن و العیس ودو

هلی اسهام الفــــواد الخصم ودو

بهن نار او اسی او سم او عذاب

عزیز ابو عبیر البریهی

ومضات جمیله من کلمات عزیز ابو عبیر البریهی

من هجـرک یخل چن دمعی شلال

و تغیـر لونا دمعی او صار اسود

کحــــل ظنیت لاچن ما طلع هیچ

اثاری العین الک ذابت علی الخد

احس حبــــک بحـــر و بجــرفه میناء

و حــــس روحی سفینه اوگلبی مرسا

حچت عینی او یعینک و غرمت بیک

او عمت عینـــه الیگول العین خرسا

احــس گلبی اصلف بــــس لجـــلک ایمیل

و حـــــس روحـــی اطلـــعت من ودعیتک

ادفــنـــت جـــثـــــمان روحی ابغیر تغسیل

او شلت جسمی او عفت روحی او اجیتک

عزیز ابوعبیر ابن ابراهیم البریهی

قاسم النیسی ×× عتاب

غـــوجک لو یصیر اصیاح عنه

ابعزم و اعله الـکلایف دوم عنه

خل اسمک تـــگول الناس عنه

ثلث تنـــعام گضــای الصــعاب

قاسم ابو میلاد النیسی

قاسم النیسی ×× هات

گلبی مــــن الظیـــم مـــامن منجلا

او همــــا ضل مکتـوم دایم منجلا

فـوگ ذنی اعضیدی جایب منجلا

یحصد اهروش الگلب یم الوشات

قاسم ابومیلاد النیسی

مجاهد العمرانی ومضه جمیله

مــــدری الـــوکت یفتـــر ابعکس ویای

مدری انا او یا وکتی ابعکس گمت افتر

امد ایدی اعلا جرحی و ارد اخیط بیـه

احســــــن دای جــرحی ایخیط المیبر

مجاهد العمرانی

ومضه جمیله من قاسم النیسی

انته جــــسمک ساکن ابمهجر اکید

لاکن الــــــــــــدلال یمی ابهل گرب

و انه گلبی اویاک ودیته اعله مود

لافـــــــرد لحظه اتصور بل غرب

قاسم ابو میلاد النیسی

علی عموری

یاذینی زمـانی اشـکثر ویهین

بیه و ما یـهود الگلب ویهین

ما مره حچیت ابحچی ویهین

و لا مـــره اقبلت یاذون بیه

علی عموری

جلیل الشجیراوی

لــــــــولا اسمـــــع ابطــرواک یومن

علی شــــــوم الیـــــــال ابظیم یومن

ازعلت و ازعجت منی السبب یومن

الــــــــواشی او بابک اتغلگه علیه

جلیل شجیرات

عادل خلف الساری

وحگ عید إلفـطـر یـحباب وأضحی

مسه گلبي إبهواکمـــ یدگ وأضحی

إبجاه إلقـدَّم إبنه او طـاف وأضحی

إلآهي زید خـــــــــــیر أهل إلحمیه

عادل ابو بنیامین الساری

رحیم المنهل

 

فرق بیــن البذل جـوده من البن

مضیفه و یعزل الزبــده من البن

هلی موصوف بیدرهم من البن

اگهــوتم کل عسل عند الشفیه

رحیم ابو جساس المنهل الحمیداوی

رساله من سماحه الشیخ جلال ابن عزیز ابن ازغیرون الزرگانی

وجدت اشعار جمیله فی کتاب لالی اللالی وهی کما فی ما

یلی :

الامام علی(ع) :

 یخاطبنی القبیح بکل قبح فاکره ان اکون له مجیبا

یزید سفاهه و ازید حلما کعــود زاده الاحراق طیبا

احمد شوقی :

 الناس صنفان موتی فی حیاتهم و آخرون بطن الارض

احیاء

الحلاج :

 القاه فی الیم مکتوفا فقال له ایاک ایاک ان تبتل بلماء

عنتره:

ان الافاعی وان لانت ملامسها عند التقلب فی انیابها

العطب

الخلیل ابن احمد:

 یقولون لی دار الاحبته قد دنت وانت کئیب؟ان ذا لعجیب

فقلت وما تغنی الدیار و قربها ان لم یکن بین القلوب

قریب

المتنبی :

و من نکد الدنیاعلی الحر ان یری عدوله ما من صداقته بد

المعری:

والنجم تستصغر الابصار رویته والذنب للطرف لا للنجم

فی الصغر

المتنبی :

 و السلاح کل الناس تحمله و لیس کل ذوات المخلب

السبع

مجنون لیلی :

 وقد یجمع الله الشتیتن بعدما یظنان کل الظن ان لا تلاقیا

قاسم النیسی ×× ابوذیه

اسیــوف الدهر وسط اچلای بردان

اومن دون الخلگ بل صیف بردان

لچـن گمت او عجدت اردان بردان

و لاخلیــت شـــامت صـــــد علیه

قاسم ابو میلاد النیسی

عبدالزهرا ابوخلیل الشحیتاوی

هلی الطیبیـــن اودنــــهم و حبهم

و علی الهامات ابوسنهم و حبهم

عـــرب معروف گمگمهم و حبهم

یفیض ابجـــود دایــــــم عذب میه

تــولانی الوکت کل ساع خیلاک

و لا فزعت تشــد الحیل خیلاک

لون قیمت ذهب وکنوز خیلاک

رماد ایصیر من دون الحمیه

یصاح امشی ابطریج احسین ولحر

وفر تصبح علیــــک النــــار ولحر

العاش ابــــذل شبــع لوعات ولحر

ابکرامه ایعیش مــوش ابمهظمیه

غزانی الشوگ وسحبنی لشفتاک

وروحــی یامها اشتاگت لشفتاک

حبـــــــک یا ولف بیه لشفتاک

وملانی ابنــــار برکانه السریه

من کلمات الشاعر عبدالزهرا ابوخلیل الشحیتاوی

قصیده اغنیه

الناس اهل العگل توصفهم اجناس

شي منــهم ذهب شی منهم انحاس

حــــاول مـــن تماشی

ابعگل موحاشی ماشی

اومایعله الصرح لوماتدگ ساس(۱)

الصگر یبگه صگر والبومه بومه

اوفرق بین الــــکدایش والعزومه

دوم ابعگلک اختار

اختـارالعنده عتبار

اوفک عین البصیره اوخلهامقیاس(۲)

الشین ابکل صنف ماینوصف زین

 ولا زین ایتـوصف بل عگل شین

کلمن عنـــده ذاته

اویتسما ابصفاته

اوظنه اهل العقیده اتصبح ارجاس(۳)

کلمات قاسم ابومیلاد النیسی

ایوب الحمیداوی

منـــک ما تبره اشلــــون شفتک

لان گالو دوای ارضــــاب شفتک

احله من الحواری اهوای شفتک

شبیهک ما یــصح فوگ الوطیه

هلی لـــضیــــف یتـــبـــسم یمرهم

اوحالی ابحلگ کل صاحب یمرهم

الحــــایف لاتظن لحظــــه یمرهم

یـــاهــــو الحاف بحــــدود الثریه

ایوب ابو امیر الحمیداوی

جلیل الشجیراوی

المراجل مــو کبارت جثث لوسن

شهم یل ما یمره ابحــرب لوسن

یفوز ابحگه شخص الثار لوسن

ابرگاب الخصم سیفه ابعنجلیه

الیثـــــور ابعنجلیه او سیــــفه ینحـــد بــرگاب

یـــرگه العبیه اعله حگه اینوله من شد انگاب

خاتل اومارمش عینه صگر مایخطی اصواب

یا بومه اتمر خر اعلیهه

جلیل الشجیراوی

 

علی العموری

ابـــــهدو یا زمان اویای موجر

ولک چانون تحت الظلع موجر

تبین الـــزلم یـوم الکون موجر

عتهه ابیـــــوم توجد عنجلیه

وحــگ الالف ثــم المیــــم ولام

الیـــــــه الدهر بس احزان ولام

العاف اخوانه صدگ خصرولام

یظل محفوظ حــگه ابکل نویه

من کلمات علی العموری مدینه شیبان

 

رساله من الاخ العزیز علیرضا الحمیداوی مدونه تمدن العرب

لا تـعجب یصـــــاحب من صفنه

لئن ما شوف صاحب من صفنه

من امنـــــان اشمایل من صفنه

اومن المن ربــع ربــع الوجیه

مهدی السکرانی

نسیم الناصری

چم جرح ابـــجفه الخـــــلان شاریت

یگلبی و عگب ذاک الطیب شاریت

ابعجاج اضعــونهم حشمت شاریت

حــــــدوا و خبارهم ضاعت علیه

من کلمات الشاعر نسیم الناصری

حمد العطیوی ابو یابر

ابكل قيمه اشتري الصاحب وسعراي

و احـــط گلبي ابقضا لجله وسعراي

 اريــــدنلي عــــدو فـــاهم وسعراي

و لا جــــــاهل صحيب او بي اذيه

من کلمات الشاعر المرحوم حمد العطیوی ابو یابر الحمیداوی

جلیل الشجیراوی

حــــمام الدوح من وچر و چنه

ونینه ایشــابه الــــونی و چنه

اهنا یـــل چنتو یحبابی و چنه

انفردنه اتگول ما چنه سویه

جلیل الشجیراوی

 

 

توفیق النصاری

مثــــــــل گلبي مظنـن گلب ينهام

الغيري لــــوسدی اليا علي ينهام

عوی ابخلفي ایتعلی واسد ينهام

امامي وکل مفر مــــــاشوف ليه

الشاعر توفيق النصاري من الفلاحیه

رساله من الاخ شیخ جلال ابن عزیز ابن شیخ ازغیر

یاصاح صاحب خویی البضیج الک یوفای

یـــعبـــر وراک البحـــر امـا ابسفـن یوفای

ویصیر الک سور من حـر الشمس یوفای

والصاحــــب الـــزین لیهمک زغر سنــه

کلمـــا تندبـــه حـــضـر سیفه الــک سنه

بالــک من البـــد وفا او بس مبتسم سنه

بس یضحک اویاک ما یگطع خطر یوفای

خویی الـــــزین مو من کبر سنه

تعرفه اوسیفه الک بلضیج سنه

من البد وفا او بس مبتسم سنه

تحفض من صحبته ابکل قضیه

حاج رحمه المحمد الزرگانی

یامــــن تدور الربع خـــــاوی الیـــــجـــد یاهله

خاوی الاصــــیل الــــذی بیــــــن الخلگ یاهله

تمتـــاز بی کل وکـــت لـــو مــــن اصل یاهله

اوزیــــن الـــــزلم ینــــعرف بلموزمه شاربه

کل ما تنـــدبــــه حضر بیــــده لـــزم شاربه

او کاس الوفه امنل زغر صدگ تره شاربه

ما تنــــــدم ابخــوته لــــو سنه سن یاهله

اعتقــــد زیـن الزلم بلمــوز شربه

ورضاعه من ثدایه امجـــاد شربه

للصــــاحب یمین اویـــرف شربه

او بذل جود ابوجوده ابکل قضیه

وهب ابو نسیم الزرگانی

عادل خلف الساری

یا ثریه إلمثل وجهک یاسهیل

ریــــم یا واد إنته گلي یاسهل

ریجک ایفوِّح یخلي یاس هل

و إلیشمه ینتعش طول إلحیات

بــــــحــر میت ودادي اویاک مالح

او عله وصلک یریم إشلون مالح

ســـهم هجـرک تظن بلگلب مالح

لاح او شـامتي یضحــــک علیه

عادل خلف الساری