مریض آنه او غرامک سبب مرضای 

 

ابغیرک لــــــو اعیش ابقصر مرضای  

 

تمر اگبـــــال عینی او احس مرضای 

 

گمر مــــــــــدری الشمس مرت علیه  

 

ملا قاسم المایود 



نوع مطلب : ملا محمد المایود، ابوذيه - عتاب - هات - ميمر،
label :

 

ذیــــل الگعده یــم البــاب کل الخلـــگ تندله  

 

و امچان الصدر معروف تتعارک علیه مله 

 

لچنهم فقره ما یـــــدرون کلمن یحب یتعله 

 

مثل الحـــر کـــون ایجـــل روحه  

 

 

 

الرجل مو بل مچان ایصیر زین و یعله عتباره 

 

یصح راس ایتبدل ذیــــــل لو واحـــد خبل زاره 

 

و یصح ذیل ایتبدل راس حتی ایضل یشع شاره 

 

لو مره العگال اتزوره 

  

 

 

معسر و العسر چتال جرحه ایحیر اعلاجه 

 

لچن سر و دفنته ابیر ما مره اطلبت حاجه 

 

اذکر عودی لچه العوز گام و حرج اسراجه  

 

وما لات انطینی اعلی السانه 

 

  

 

معسر و العسر چتـــال جـــرحـــه اهوای یاذینی  

 

لچن من عودی اخذت ادروس گال العز یسلینی  

 

لویت السانی بالک یــــــوم تلفظ چلمة انطینی  

 

لو روحی اتروح اتحداهه 

 

 

قاسم ابو میلاد النیسی  

 



نوع مطلب : الشاعر قاسم نيسي (ابوميلاد)، الهوسات،
label :

 

ذیــــل الگعده یــم البــاب کل الخلـــگ تندله  

 

و امچان الصدر معروف تتعارک علیه مله 

 

لچنهم فقره ما یـــــدرون کلمن یحب یتعله 

 

مثل الحـــر کـــون ایجـــل روحه  

 

 

 

الرجل مو بل مچان ایصیر زین و یعله عتباره 

 

یصح راس ایتبدل ذیــــــل لو واحـــد خبل زاره 

 

و یصح ذیل ایتبدل راس حتی ایضل یشع شاره 

 

لو مره العگال اتزوره 

  

 

 

معسر و العسر چتال جرحه ایحیر اعلاجه 

 

لچن سر و دفنته ابیر ما مره اطلبت حاجه 

 

اذکر عودی لچه العوز گام و حرج اسراجه  

 

وما لات انطینی اعلی السانه 

 

  

 

معسر و العسر چتـــال جـــرحـــه اهوای یاذینی  

 

لچن من عودی اخذت ادروس گال العز یسلینی  

 

لویت السانی بالک یــــــوم تلفظ چلمة انطینی  

 

لو روحی اتروح اتحداهه 

 

 

قاسم ابو میلاد النیسی  

 



نوع مطلب : الشاعر قاسم نيسي (ابوميلاد)، الهوسات،
label :

 

بحــــر صبری ابجفا الخلان شوجاف 

 

ودلیلی اصبح لدی الحسرات شوجاف 

 

الیگلی اوگف یجیــک الخیر شوجاف 

 

ابوسط سوره و کواسی اتـــــهد علیه 

 

قاسم ابومیلاد النیسی  



نوع مطلب : الشاعر قاسم نيسي (ابوميلاد)، ابوذيه - عتاب - هات - ميمر،
label :

 

اضل لاوین اسدد لــــک و عدلاک 

 

الخطا و لحظات ما یثبت وعدلاک 

 

گصبـــــه اشما احطنک و عدلاک 

 

المثل گایل قضیتـــــــک ذیچ هیه 

 

قاسم ابو میلاد النیسی 

 



نوع مطلب : الشاعر قاسم نيسي (ابوميلاد)، ابوذيه - عتاب - هات - ميمر،
label :

  

الفته البس یفخــــــر بنشطه وزوره



شــــــبه العایش بغـــــــــابه وزوره



مریض اغدي امن ادش بیته وزوره



الســــفیه زیـــــــارته تحط مرض بیه







المرحوم ملا فاضل السکرانی



نوع مطلب : الشاعر ملا فاضل السکرانی،
label :

 

یلی طبعک لیـــــل لتعادی الصباح  

اتذوب مثل اشمعه لو طلعت شمس  

النـــــار من شالت خم طفاهه مای  

وانــــــذبح بلباچرومات الامس 

 

یلی تملک مال لتظن انته عود  

اعله من الفقره بفلوسک تحس  

 

الماملک غیره وحمیه اهوالفقیر 

مو فقیر الماملــــک جیـــبه الفلس 

  

خله راســــک ینشحن بس افتهام  

وخلهه بت اشراف الک عزت النفس  

وخل اخــــو ویاک یوگفلک عضید 

 

مایطیــــر اجــــناح طیر المنهلس  

الشجره من وحدهه ماتکشخ خضار  

ایمرهه مای وتکشخ اباخضر لبس  

الیل وجهه ایظیج مندون النجوم  

مثل ظیجت خلگ گلب المنحبس  

لاتظن وحدک تشیل اثگل حمول  

وجدمک اتطلعه الی بلهم منرکس  

النهار ابلا شـــــمس ماینطی نور  

قصدی یعنی الرحه تحتاز الضرس  

اتعلم افنــــون العلـــــم لتضل فقیر  

وخل ســـوالف فهم راسک ینترس  

تدری مایکمل عگل دون افتهام  

دون عریس ابد مایکمل عرس 

 

 

 

 صادق ابو عماد الدبی 



نوع مطلب : قصائد اجتماعيه،
label :

 

اجرحت گلبــی حبیبی ولمیته 

 

ابجفاک وچفنی بیدی ولمیته  

حــرت بعضای عدله ولمیته  

علیـــک وانت مامیت علیه 

 

 

مهدی الناصری 



نوع مطلب : ابوذيه - عتاب - هات - ميمر،
label :

2015/2/8 ::کتبت بقلم : ومضـــــه شـــعر

 

مثل طعم العســــل بالریــــج لذت لمت الخوه  

 

والدنیه بلا خــــوان صـــــدّگ لحظه ماتسوه  

 

امرورتهم مظن تنعاب مثل امرورت الگهوه  

بالریج المر ایحلیهه 

 

 

احمد حیاوی 



نوع مطلب : الهوسات،
label :

 

انه البـــــاد حیـــــلی ورگد ونحل  

جسمی وگمت اون اعلیک ونحل  

القاضی اشوگ خل انروح ونحل  

قضیــــتی ویـــاک لاتبـــعد علیه 

 

کریم الناصری 



نوع مطلب : ابوذيه - عتاب - هات - ميمر،
label :

 

یصاحب جدح نظرک یانبلهم  

ابهیـــــمه وتم دلیلی یانبلهم  

احو یا نــــــارکبری یانبلهم  

النبل اشوامن الفرگه علیه 

 

 

عبود الحاج سلطان الزرگانی 



نوع مطلب : عبود الحاج سلطان الزرگانی، ابوذيه - عتاب - هات - ميمر،
label :

 

حــبک یا خشــــــف طوبه لعبای  

وریجــک بالگلـــــب لازم لعبای  

شوگک راســـــــخ ابچبدی لعبای   

ودلیلی انته او وصالک عیدالیه 

 

 

مراحی اویل ســمربالحب ولعبای 

 

او هواهن چم سقر شوگه ولعبای  

اشیلهن بلسم اجــــروحی ولعبای  

اســـعدهن قادرت روحی المنیه 

 

 

الشاعر ابو خلیل شحیتات 



نوع مطلب : الشاعر عبدالزهرا ابوخلیل الشحیتاوی، ابوذيه - عتاب - هات - ميمر،
label :

2015/2/8 ::کتبت بقلم : ومضـــــه شـــعر

 

مر الشــــــوق عگلی یارمنه  

اهضرم والمیــــــاور یارمنه  

طحت من شم هواهن یارمن  

اهمس مالگیت اصواب بیه 

 

 

صغیر الســــــن توه کمــل بدراک 

 

الیشوفه ایطیح طول العمر بدراک 

 

بــــدر عدنه یلاهی مثــــــل بدراک  

دخذ بــــدرک بــــدرنه اشتعل ظیه 

 

 

کاظم تمیمی 



نوع مطلب : ابوذيه - عتاب - هات - ميمر،
label :

 

الدهر بیه ابــــرگد ظیمه ویرحیل  

 

البشر محتوم اله ایسافر ویرحیل  

الجگاره ابناری اعملهه ویرحیل  

علیهه ابهم شــــبابی المر علیه 

 

 

جلیل شجیرات 



نوع مطلب : ابوذيه - عتاب - هات - ميمر،
label :

2014/12/26 ::کتبت بقلم : ومضـــــه شـــعر

 

اعوفن کلمـــن ابطیبه یحط من  

ولیــالی افراگ خلانی یحطمن  

رحت واحتـــار دلالی یحط من 

 

ابمکانک یل ترکت اجنون بیه  

 

 

المرحوم طاهر سلامی 



نوع مطلب : ابوذيه - عتاب - هات - ميمر،
label :

2014/12/26 ::کتبت بقلم : ومضـــــه شـــعر

  اوداع الاحباب 

یا بوسة ســــــــفر بوداع الحباب  

مثل طعم العســــــل عند المُحبین  

ویاعشگ الشلب لبرودت الگاع  

یمیل اویه الهـــوا ویتوسد ابطین  

ویا دلـــة تفوّح البــــل کـــرم هیل  

تسگی اضیوفهه ابکاس الفناجین  

ویا زفـــت عرس وبهور الشواگ  

حاضنهه الگصــب حضنت مُحبین   

ویا نســــــمة هوا وتلاعب ازلوف  

ویفوح امنل زلف عطر الریاحین  

ویا زخــــت مطـــــر بلیال الفراگ  

تبچـــی اعله المشه ابکل الدرابین  

ویالهفت ولف عد شــوف الاحباب  

یکسر السد عبرتة الضامهه سنین  

ویا مهره ابدویه اتســـابگ الریح  

تدبــــچ عل ارض مثل المجــــانین  

ویاصارم عرب گص چف الوغاد  

تشهدله ابفعل ســـــــوح المیادین  

ویا خبــــز الضحـــا لهل البساتین  

ویا صــــوت الربــابه ونغمة العود  

عذب یــروی العطش الکل مطربین  

ویا شمس الصبح من تذبــــح اللیل  

تگص راس الظلام ابسیف من طین  

ویا نـــای الحماس ابســـــاحة الوید  

غنــــوها العـــــرب اباحله التلاحین  

ویتســــیورة گمــــر بلیال الاوصال  

مثل بردی الحضــن مای الگواهین  

ویاصـول الچعاب الماخطه اصواب  

لاچی وبلعــــــــب حـــــاز العناوین  

ویافارس حلمــــنه المانســــــیناک   

غمگ للعظم جــــــــرح السچاچین  

وننتظرک تجــــــی ابلهفت احباب  

تفک قیـــــد الاسر عن المساچین  

تـدری انته وبعد ما حاجه ننخاک  

ولا حــــاجه الشرح کل المضامین  

چـــــم ثار البگه وینتظرک اتعود  

تر بســــــمة سلفنه الغابة اسنین 

 

 

 

المرحوم ایوب خنافر 

 

  



نوع مطلب : قصائد اجتماعيه،
label :

 

زینب نادت العباس یحید البل حرب ضرغام   

گوم اجدم یبن حیـــدر وارفع رایت الاسلام  

گل الها یخـــویه الیوم کل اهل الکفر تندام  

واجیوش الباطل افنیها 

  

 

اجیوش الذل انا افنیها والباطل یرد مهزوم  

انا ابن البطل حیــدر حید البل حرب معلوم  

زینب خویه عدعیناچ انا ابکربلا الملزوم  

عباس السقا ایسمونی 

 

 

عباس السقه انا اتسمه اومن حیـــــدر خذت زودی  

حید الی طبـــــرمرحـــــب ضرغام الفخـــــر عودی 

 

اصیرن درگه لجل الدین واحامی ابعز علا احدودی 

 

او لل باری اتعنه ابچفینی 

 

 

اتعنه الخالق المعبود بچفوفی وسهم عینی  

اقدمهن واصیح اشوگ انا الی خلص دینی 

 

ضحیت ابمعالی الروح لحسین ولجل دینی  

او هل ییتک حر ویه اعضیدی 

 

 

اجیتک ویه اخوی احسین حــر اوبل عهد وافی  

ذخر حیدر علی الکرار امشی اعلا الجمر حافی  

العلی واجب عملته الیوم والطف شاهد انصافی 

 

ولسکینه الشط یبته ابجودی 

 

 

قام ابومیلاد النیسی 



نوع مطلب : الشاعر قاسم نيسي (ابوميلاد)، الهوسات،
label :

2014/12/11 ::کتبت بقلم : ومضـــــه شـــعر

 

یحادی النوگ بلله اعلیک ونهان  

اخیّی وارد اسمعه الحــرم ونهان 

 

اخت عباس چیف انشـــتم ونهان  

وروح اعلی الهزل قصبن علیه 

 

 

محسن داغری 



نوع مطلب : ابوذيه - عتاب - هات - ميمر،
label :

 

اسیوف تحصد روس چانت خیل چانت واصهیل 

 

الفــــزعه فزعت شوم چانت غیره اقل منل قلیل 

 

ناس فگدت کل شــــرفها اذیاب ما تعرف دخیل  

عطش چـــــان ومای مامن وانهر من دم یسیل  

وعین تربی اعلا الفـــرات اترید عباس الکفیل  

احرار حنت عل شـــــهاده حنت الناگه الفصیل  

وچن کتاب الله مــرمی وطاح من ظهر الرحیل  

وراس مذبوح ابقســــاوه وعلرمح رایح یشیل  

الصبر یحکم چان غادی والصـــبر جدا جزیل  

صلت الواجب فریضه اگعـــود صلت کل نحیل 

 

امطوگه اطفال الدلاله طوگ اسمه اشگد ثجیل  

وچان امام شوگ وسفه امچتف ابظهرالهزیل 

 

زینب اشافت یلاهی اتگول شافت بس جمیل 

 

 

یبست الورده اعلا شاطی ماشفات  

وحصره للیوم ابصــــدرنا ماشفات  

ما رایــــــت الی جمیــــلا ما شفات  

غیر نصرالدین وی فضح الطغات  

 

 

انت یا حوراء حره وانت مدرسه الصبر 

وشفرت سیف صبرچ حزت ارگاب الکفر 

انتی موبل شام گبرچ انتی ابگلب الگمر 

والکافل ماینسه اوعوده 

 

 

رحیم ابو جساس المنهل 

 

 



نوع مطلب : المهندس رحیم المنهل، ابوذيه - عتاب - هات - ميمر،
label :

 

ملکة عفه 

یا کعبت وفا وبیچ المحنه اتطوف  

شمس الله انتی یمه ونزلت اببیتی  

امنکتبلچ قصیده الزوم اشد احرام 

 

واحبـــــچ یا حبیـــــبه ایکون تلبیتی 

 

مدری اشگد تعبتی اشگد سهرتی الیال  

ولا ادری ابربای اشکثـــــر عاینتی 

 

منتی ابعازت الحج والطواف البیت  

ابکل طلگت ولاده اعتـــــقد حجیتی  

واظن تدرین چم نجمه ابعبات الیل  

یامــــــــا من افز انجــــــوم عدیتی  

یندهنی النسیم ابلهفه افز اوکات  

واحط چنت الرضاعه والبرد حیتی  

قصدنه اردود نسمع صوتچ اتلولین  

چنت اعلم ابنیـــــــــته ویعلم ابنیتی  

ابچلماتچ دفو اتبخیـــــن حظن الیل  

وحتی البــــدر ســــلهم حین لولیتی  

واحذاچ القصیده اتنام طول ابطول  

 

وبین احروف اسـمچ تغفه ابوذیتی  

حظنچ جامعه ومدرستی چان البیت  

وبحظانچ ربیـــــــــت وخذت تربیتی  

ابدمی ابلحمی احسن حب علی الکرار 

 

ومن درچ الزاچی ارضـــــت شیعیتی  

واذکر ســــولفیتی ابیوم مسنه العوز 

 

وانا ادری ابوکتهه ابنــــــار شبیتی 

 

شح یمه الغموس و والدک حسران  

لجل وجبت عشاکم بعت ترچیتی  

یا مملکت عفه الاسسیتی اشعوب  

ومن عزت انفاسچ خذت شعبیتی  

صح طاف العمــــر واتعده الثلاثین  

ولوبان البیاض ابراســـی والحیتی  

ولو نفرض اشیب واطب بل تسعین  

ولوردت المشی اتوســــــل ابعوچیتی  

بعدهی اتعن علی نومت احضانچ حیل 

 

وبعدنی اشتاگ لصـــــــــبای ویهالیتی  

واخاف اتشح علی ریحت اثیابچ یوم  

خازن ریحت اثیابچ وســـــــــط ریتی 

 

ولو ماحچی الوادم چان فوگ الراس  

 

الف عصابت امــــــــــی ابدال چفیتی  

 

 

سید ابراهیم الغرابی 

 

 



نوع مطلب : قصائد اجتماعيه،
label :

2014/10/24 ::کتبت بقلم : ومضـــــه شـــعر

 

کل الصار بیه انحصل مندای

 

کل الصار بیه انحصل مندای

 

کل الصار بیه انحصل مندای

 

وکل المــــر علی جانبه ادیه

 

 

مصطفی سجیرات

 



نوع مطلب : ابوذيه - عتاب - هات - ميمر،
label :

 

ابات الیــــل عیـــنی چنبیهه

 

اسفهه وایهال تلعب چنبیهه

 

های ادیــار اهلنه الچنبیهه

 

تهدم ســـاسه وامست خلیه

 

 

عبود الحاج سلطان الزرگانی

 



نوع مطلب : عبود الحاج سلطان الزرگانی، ابوذيه - عتاب - هات - ميمر،
label :

 

ادخیل الخضر من شرهن وذرهن

 

دعن گلبی ابصــوارمهن وذرهن

 

حجــــــر ما قلم اعیونه وذرهن

 

ســــــــود بیهن احتوف المنیه

 

 

ملا محمد المایودی



نوع مطلب : ابوذيه - عتاب - هات - ميمر،
label :

2014/10/24 ::کتبت بقلم : ومضـــــه شـــعر

 

عله بالی الگطـــــع مایوم خطار

 

او خط الحمر مذمت الربع خطار

 

اذا یجـــبل علی لل بیـــــت خطار

 

اتگول ابنی اســـــــیر اوردعلیه

 

 

سرتیب باوی

 



نوع مطلب : ابوذيه - عتاب - هات - ميمر،
label :

2014/10/24 ::کتبت بقلم : ومضـــــه شـــعر

 

اشبگه بروحی لیـال اجفاک منین

 

حبیـــــــبی ولا تلوم العگــل منین

 

ردت گربک رفضت الگطع منین

 

گطع وصـــــلک وصــــل ینگطع

 

 

ایوب عمرانی

 



نوع مطلب : ابوذيه - عتاب - هات - ميمر،
label :

2014/10/24 ::کتبت بقلم : ومضـــــه شـــعر

 

بابو العباس انه ابرایک وبشراک

 

مشیت او واچب ابخیرک وبشراک

 

من خشمی اطلعت روحی وبشراک

 

باچــــــــر عگبـــــا تخطفنی المنیه

 

 

حسن الامیری

 

 



نوع مطلب : حسن امیری، ابوذيه - عتاب - هات - ميمر،
label :

 

وحـــــق الی گلــــب عصاه حایه

 

ابجیتک های گلبی اشکثر حایه

 

انه الممنــون واگضی الف حایه

 

ابقــــــرضک ما یبین التعب بیه

 

 

المرحوم راضی الموات الحمیداوی

 



نوع مطلب : الشاعر علي الموات الحميداوي(قرية الحنيري)، ابوذيه - عتاب - هات - ميمر،
label :

2014/10/24 ::کتبت بقلم : ومضـــــه شـــعر

 

الوکت سیف الهجــــر بچلای حده

 

حبیــــــبی ارجع لوین اجفاک حده

 

ابغیابک صبح جسمی اتگول حده

 

اشما اذکرنک وصــــــل ینهدم بیه

 

 

یونس التمیمی

 



نوع مطلب : ابوذيه - عتاب - هات - ميمر،
label :

2014/10/24 ::کتبت بقلم : ومضـــــه شـــعر

 

بـــدء یظغط علی دهـــــری ویعصار

 

ابدلیلی وکل عضو بجسمی ویعصار

 

ابجیـــــلی وجیل اجـــــدادی ویعصار

 

الضمت ما صــــــار مثل الصار بیه

 

 

عبود السلامی

 



نوع مطلب : ابوذيه - عتاب - هات - ميمر،
label :

 

التیم جرحی الهوی ابصدری وناشوق

 

الک یل بس حـــــزن شــــایل وناشوق

 

ابکثـــــر ما گمت اون ونحب وناشوق

 

احس شــــجرت دمــــع فـــــرعت بیه

 

 

رمضان العگیلی

 



نوع مطلب : الشاعر رمضان العگیلی، ابوذيه - عتاب - هات - ميمر،
label :

ديـــــــــــــــوان ملاثـــــــــانــی
الاهـــــــــــــــــــواز عاصـــــــــــــمة الثقــــــــــافه و الادب
حول المدونه



موضوعات

آپلود نامحدود عکس و فایل

آپلود عکس


تماس با ما

استخاره با قرآن
استخاره با قرآن