هلی یل صـــــطرو العایل بیدهم
او صلاطین الدهر تحلف بیدهم
اشما لح الخصـــم ماظن بیدهم
هلی بسیـــــــوفهم گصو رگاب
هادی الغزلاوی
وحگ دورگ هلی اونخـــلا وشطه
انحس وکتی اشــــاخذ منی وشطه
الاسه ابگلبی یشط لاحض وشطه
اتســــع وشلال مــــــــایرهم علیه
ابو ماهر العتقی
اسف شح مالگـــت روحی ولمها
اعتقـــد ولهل سبـــب زاید ولمها
تطش حفنت صبـــــر بیه ولمها
اشملمها البین طشرها من ادیه
من بلبــــول یـــــوده وبیه یدلای
الیگول بمجـــد چنه وچان یدلای
عساچر امس چود اتصیر یدلای
و ترد عیلات وکتی اخلاف ادیه
الشاعر عادل الصخراوی
هلی عوج المناســـف من دللهم
درب الکــــرم سابج من دللهم
اکروم الناس تشرب من دللهم
هلی کندس علی اخشوم العدا
منان شبیب الزبیدی
حســــرتي اعليك يمعـــــدل بعدما
تنعـــــــــد والنظـــــر مابي بعدما
اوعدت ان ما اجي البيـتك بعدما
امر والشــــوگ جرني ابلاوعيه
مصطفی کثیر
احب دورگ هلـــی اوشطه ونخلا
وحــــب غربیـــل برکتـــنه ونخلا
العزه ابچف مجـــد گومی ونخلا
اسف ولعوز شدلی اچفوف ادیه
ابو ماهر العتقی
احبـــابی الی علیه الشین بدوه
جفونی واگطعو والطیــب بدوه
شجاهم مای حبنه ابعجل بدوه
اظن غشهم سراب اللمـــع میه
مرتضی النیسی
الچفه احمول مو شایل وجدما
اتراجف بلوغه یجــدم وجدما
جفن المجــــــد مامره وجدما
ابجبینه المخجلت من الردیه
احمد جاسم الهلیچی
ترضــــــرض گلبـــــی من خلیت بیهم
یولفی حــــن علی فدیـــــــــــوم بیهم
طریج الی مشیـــــــــته ورحت بیهم
یردک صـــــــوبی لو ممــــنوع جیه
خنت اویای گلـــی اعلیـــــش ولم
ومن غیری الوصــالک گلب ولم
وحگ من طر جبل فرگـاک ولم
جمعنه انمــــــوت ماننطم سویه
ابو سجاد السلامی
ابد ماصـــــار ودک یــــــود کلما
الناری التطفه بس لو گلت کلما
انا کلما گلـــــت انســـــاک کلما
نسیتک گلت زاد الشـــــوگ بیه
مصطفی کثیر
من ضیــــم العلی شلت الحــــــزن عل راس
او علاگت حـــــــــــــزن من امشی شایلهه
احاچی الناس واضحک وانه کلی اهموم
او ما اذکر ابــــــــــــــــد خشنت خاطرهه
کلمات الادیبه الدویرجاویه
ماحنــــت ظهر بلزیــج اهلــــنه ابســـــاعت اطلابه
رمضان العگیلی ایگول اسمــــــعک بیـــت اعتابه
هلی اعلی الیار حن النوگ حنو
من دم الخصـــیم اچفـــوف حنو
هلی مایوم ظهر ابضیـــــج حنو
هلی سیف الابد ما والف اگراب
یلخصم ذول اهلی والعباس سیف الماهوه اگرابه
من ینسل بالک تدناله
الابوذیه :رمضان العگیلی
الهوسه:حسین العگیلی
شجالک یا عضیدی او عَلی خیلاک
تصول او حتّی ارمی اتگـول خیلاک
بعت ابن الرحِمِ واشــــریت خیلاک
سفیـــــه او کــل کتر حــافـــر هبیه
رحیم المنهل
اشبگه منها سریت اهلی ولسرای
اوجیـــاد الچنــت اشدنها ولسرای
ابیــوت العزطفه ضیــها ولسرای
ذاک الچــان ضــاوی ابکـــل ثنیه
صباح مزرعه
شصبر ولصبــر غثنی لیاحد
شحشم ولدهر سیـــفه لیاحد
شعاین ما شفت فارغ لیاحد
شــعاتب ولوکت ذاتــه ردیه
علی العاید البدوی
طفل من جــور وکتـی نحــس شبیت
ومثل خیــط الشمــــع بل نــار شبیت
انا اشهمنی من اعیش ابچول شبیت
اذا راحـــــت گلـــب مــا تصــــح لیه
ملا فاضل السکرانی
عـوف الغبــر برگبــــتی خطیته
اسمه ابخط حمر گبلک خطیته
لزمت اتفگه بس عمدن خطیته
رحت بطـــراگ راویــته المنیه
فرج البعبادی
شفت زمزیر گوما ابحبــل ینعت
او شفت راعی قنم بسباع ینعت
شفت واحد طریـــح الدای ینعت
دوا اوحــکام تشـــکی امنل اذیه
سرتیب الباوی
العدل یمعش من الدنیه معاشای
المیت هم خذه الگبـره معا شی
یراعی الکـرم لا تگطع معاشی
چهبت غیـــرکم تکلـــــف علیه
ایفیر البحیر اسلامی
الدهـــر چمـــدوب اســامحله وعدله
السبـــب ما ینفض ایــویـده وعدله
البشـــرمکتـــوب من ربــه وعدله
الدهـر یخسه الصبـر واجب علیه
اوداعه البریهی
غصـــن البان شال المـای بیده
مسح وجه الیضوی ابلیل بیده
تبرید جسمی ما ضل حیل بیده
ابلحظه امن انتبه واشر علیه
ابو سجاد سلامی
اخو الیختلف طبعاً اویای برای
ما عده او احســبه اویای برای
الما یسبــح ابمـای اسهل برای
تریده ایفــوی بحـــر الموزمیه
ابو ماهر العتگی
عزف نشد الحســن ولگلب خیرن
وبیــــنه ولهبــه لبــشـــرت خیرن
گلت خلقه ابجــمال اتکون خیرن
من الف خلعت حریر امن الهبیه
عادل خالدی
اخو الما بی الک عـونه وهده
ازمامه امنل رسن کصه وهده
علی مامن صعب یکلف وهده
عثم حیث اخوتی صارو علیه
ابو ماهر العتگی
اخوی انتــه ولی هیــبه ولی شان
بیک اصــعدیبل شــامخ ولی شان
ما همنی العدو ابجیشه ولی شان
ابو جودک کل صعب یسهل علیه
سلمان ابو صبری اسلامی
اخوتی من حلـــو وضعی شفتهم صارو اخوانی
اترکونی ابیوم دهری اویای خان او حیل اذّانی
اخوتی من حلو وضعـــی خوانی
اترکونی ابیوم من دهری خوانی
شنــوحن من الم وفگـــی خوانی
نحیــل ابقیــت من هظــــم العلیه
شنوحن گال العموری نحیـــل ابقیت هسه آنی
من خوتی الکلهم طماعه
الابوذیه:علی العموری
الهوسه:محسن ابو عباس مزرعه
هلی اعلی الیار حن انــوگ حنو
و من دم الخصیم اسیـــوف حنو
هلی ما یوم ظهــر ابضیــج حنو
هلی سیف الابد ماوالف اگراب
رمضان العگیلی
انمــرت مهجــــتی تدری شمرهه
مـرهه البلخفه اجعـــوده شمرهه
بعد شخصک دیار اهلی شمرهه
ادهـــر لعدای واهلی اگطعــو بیه
رمضان العگیلی
هرش گلبی زمانی اسموم حطبی
التوه والحـزن من کل کتر حطبی
اخـــوی ابنار حقده شعل حطبی
چیــــــــمنی اودوه انیــــران بیه
رمضان العگیلی
شل اعضای هجــــرک ودلیــــــلی
انسگم ولحــال شـــــاهد ودلیـــــلی
ودی ارتـــــــاح ونســــه ودلیـــــلی
انامه ابلا فکـــــــــــــــــر وبلا اذیه
عیســــــــی الشرهانی